婆媳關係今日: 0|主題: 27781

收藏本版

發帖

返回列表

跳至頁

查看: 2514 | 回覆: 59

你有壓力，我都有壓力！ [複製鏈接]

12 3

tsmun

大宅

積分: 2671

1^#

發表於 15-5-26 13:17 |只看該作者 |正序瀏覽 |打印

其實唔系好想同99計較，畢竟佢已經八十幾歲。。
志在不吐不快。。。
話說最近屋企冇工人，新工人最快要六月份先報到
我地有請part time (每日黎四個鐘)
99大部分時間要幫手湊我一歲幾既仔，日頭要餵兩餐、午睡兩個鐘
(仔仔好活躍，所以湊佢得好費神)
夜晚仔仔系同我訓，我懷孕四個月，99不聞不問之餘，仲經常比說話我聽，話我唔識湊仔，又要生咁多，佢湊仔方式同我唔同，唔順佢心既地方就會鬧 (有時我都分唔清系講定鬧，因為99把聲大又惡，語氣又唔好) 大部分既時間我都保持沉默，由佢發洩。。。
之前佢勁反對我餵母乳，都鬧左好耐 (一年停餵後先冇事)

雖然好多時候會唔開心，但我都盡量忍忍忍

唯一慶幸既系我有返工，唔洗成日對住佢...
希望新工人OK，咁就可以少D見99

0 0 1

私人傳訊

tsmun

大宅

積分: 2671

60^#

發表於 15-5-29 15:24 |只看該作者

cantbelieve 發表於 15-5-28 23:29
回覆 tsmun 的帖子

其實都明白你既辛苦！陀住b要返工夜晚仲瞓得唔好一定好難頂！

thanks! 我經歷過ftm既生活，當然知道箇中滋味，所以我結婚迄今對99系百般尊重 (對佢仲好過對自己亞媽)逢年過節、生日，應該做既我都會做，仲有安排去旅行等
不過我最近突然醒悟同心淡，覺得做咁多野其實都系白做，我系佢眼中連外人都不如。。。
所以我開始放棄，佢想點就點。。。
我99愛錫我既仔仔，主要係因為我老公系佢愛錫既孻仔，佢想見佢地多過想見我啦，今後有99既聚餐我都盡量唔出席。

私人傳訊

cantbelieve

複式洋房

積分: 181

59^#

發表於 15-5-28 23:29 |只看該作者

回覆 tsmun 的帖子

其實都明白你既辛苦！陀住b要返工夜晚仲瞓得唔好一定好難頂！
不過你想你99明白你安慰你／或者鬧少啲你，咁你又會唔會都覺得99辛苦而掉轉頭都主動同佢講下：99，辛苦你喇！咁呢？有時後生既試下自己主動行一步，或者有意想不到既效果咖！

大家都係女人！你99自己生左6個我諗佢一定明白生到第4個有幾辛苦！但係你自己有冇試過全職湊過小朋友？仲要係個歲幾啱啱識行好奇心超強無時無刻都要睇到實既歲幾b?你話佢仲要係活潑果隻？

老實講，我啱啱40歲，ftm,自己湊個仔到而家3歲自從佢歲零我已經冇煮飯差唔多餐餐出街食（因為一來我唔太識煮唔鍾意煮，二來個仔勁痴身勁活潑），我淨係一手一腳湊佢已經覺得辛苦到爆！我住得好近阿媽（佢67歲好健康）但係佢只會差唔多每日同我地食晏，好間唔中（一個月一兩次）會幫我湊半日（約4／5個鐘），但係我已經好唔好意思因為真係辛苦既

我真係想像唔到一個80幾歲既老人家點樣可以每日湊住個歲幾既bb,雖然你有請part time，但係對佢嚟講真係會好吃力囉！

我以前未生前曾經同阿媽關係搞到好差，但係自從我做左人阿媽後我先知咩叫感恩！我唔係話你唔識！但係我要自己個67歲既阿媽幫手湊阿仔半日我已經覺得超唔好意思好辛苦佢，覺得肉赤！因為我而家先知湊仔咁辛苦！我明白你陀住b因為荷爾蒙既影響係會諗得多啲，老人家講野真係會態度差啲既，但係湊仔其實真係辛苦過返工！你就當忍埋呢個月啦！

祝你新工人快快嚟珧！醒醒目目！盡快上手！到時就一天都光晒！加油！

P.S. 大肚婆想人關心，老人家都想咖！大家都係女人啫！係咪？