吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 如果小朋友係學校被欺凌……(純討論)

自由講場今日: 2342|主題: 1351785

收藏本版

發帖

返回列表

跳至頁

查看: 2755 | 回覆: 89

如果小朋友係學校被欺凌……(純討論) [複製鏈接]

12 3 4 5

曈曈媽咪

男爵府

積分: 5525

1^#

發表於 15-5-28 22:42 |只看該作者 |正序瀏覽 |打印

前提:
剛在家同媽咪講起兒時係學校被同學欺凌，
家人的處理手法令我係學校被排斥，
若果換轉係我個女，我又應該點做？

當年事情，本身開初係幾個女仔針對我，同另一個女仔(下稱A)，
都係整蠱我同A,或者係散播謠言~後來發展到被掌摑
A就同左父母講，對方父母聯絡左我媽媽，
跟住一齊去備案~~
然後媽媽再個別返學校講，就係咁我被誤會係告密者~~
而A 則無出聲，跟住，我就被全級排斥

其實我媽咪的處理手法，並無問題，換轉係我都會咁做，
同學校講，報警咁，只係我的經歷話我知，可能會令情況嚴重左

我媽咪都叫我不如開post 問下，各位jm，
如果遇到咁既情況，應該點做？
教個女反擊？報警？定點呢？

0 1 0

私人傳訊

rose-mag

王國長老

積分: 174137

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

90^#

發表於 15-6-2 03:10 |只看該作者

唔好話暴力，好多言語欺凌、整蠱人行為都唔可以視而不見，
校方如果唔配合去幫小朋友（我指被欺凌及欺凌人都要幫），
有傷人情況係要正視，報警驗傷我覺得係正路，好多老師校長都會怕煩，
但正正就係咁樣，被欺凌嘅有陰影，對將來做人處世有影響，
欺凌人嘅冇得到適時紏正，行為變本加厲，有持無恐，將來會變成點？

花旗太太生活在花旗國，留意時差，你問我未必即時答到。

私人傳訊

rose-mag

王國長老

積分: 174137

89^#

發表於 15-6-2 02:55 |只看該作者

本帖最後由 rose-mag 於 15-6-1 11:06 編輯

winniecws 發表於 15-5-28 10:55
被掌摑可以報警？我兒子班𥚃有個問題兒童,他常常掌摑不同的同學，其他家長有跟班主任投訴，但班主任 ...

知唔知係咩情緒問題？校方有冇跟進同果個學生父母了解吓？
咁啱我仔女學校都有一個咁嘅學生，打人推人，但佢係自閉兒，
老師同校長都好頭痛，佢應該係要去特殊學校，但家長唔肯，
根本唔承認個仔有問題，直情話係人地問題唔關個仔事，
有小朋友被整傷，去到問晒社工同校區都唔郁得佢，大家都好無奈，
唯一辦法就係叫自己小朋友小心，俾果個男仔整傷嘅小朋友由家長帶去睇醫生驗傷，
將醫生紙交俾學校再交俾家長，必要時真係要去報警，唔排除會告家長，
當然大家都係父母唔想搞到咁，但如果對方父母唔配合真係要教自己仔女自保。

P.S. 我唔係住喺香港，唔知香港教育局會點做，我呢度如果學校搞唔掂，
校區會介入，直情有hotline同email可以報告情況。將心比己，
有個特殊需要小朋友係難教，但父母真係唔可以以此為籍口，
唔係因為避免麻煩，而係自己小朋友成日喺學校出事俾人投訴，
呢個係一個警號，佢要人幫要人教，唔係將來一係打死人一係俾人打死，
兩樣都唔想見到，小朋友用暴力一定要搵出原因對証下藥，
個個都嫌煩，幾年時間好易過，小朋友畢業以為一了百了，
其實只係將個計時炸彈延後引爆。

花旗太太生活在花旗國，留意時差，你問我未必即時答到。

私人傳訊

momo06

伯爵府

積分: 19819

2018復活節勳章王國教室勳章

88^#

發表於 15-6-2 02:25 |只看該作者

回覆：如果小朋友係學校被欺凌……(純討論)

我小學都試過被排擠，因欺凌我的是老師，小朋友都好現實，見有人蝦你大都分兩類:雪上加霜、避之則吉，只要有1、2個强势D带頭，其他人唔蝦你都唔敢接近。
離開呢個甘差的環境未必系壞事，壞人度度有，但未必再針對你。
再者，有jm可能晤認同，但我認為俾人打一定要即時還拖，晤系提倡以暴易暴，而系以彼之道還之彼身以此向施暴者表明:不要再这樣！靠家長而行政處理繼續鵪春後果肯定系最差。

私人傳訊

manmanyau

複式洋房

積分: 490

87^#

發表於 15-6-2 00:54 |只看該作者

回覆：如果小朋友係學校被欺凌……(純討論)

我係一個九十後有一個孖生妹妹讀一間中學。
想當年我就冇比人蝦因自己班同學都幾好相處最多都係杯葛人唔會郁手郁腳。
而我妹妹係肥妹仔一個，唔多出聲易信人。當年佢班有個新移民女同學(15,6歲)，算係班上大家姐鍾意同圍蝦人。我自己本身也不喜歡那位女同學，加上細妹成日比佢蝦蝦霸霸，非常討厭佢。
平時小息會行過兩間班房搵細妹，見親個位女同學大家都會眼閃閃，會串黎串去。直到我妹比佢打(連同當時所謂級花既八婆)，我妹後來講我知。
直至有日放學活動迎頭對上，又係到大大聲講呀妹壞話，忍唔住爆發嘈左幾句大打出手。之後發現我地兩姊妹唔係好蝦就冇再欺凌過我妹。(當時六點 miss都收晒工一係係辦工室)
到後黎中二，個兩個同圍欺凌人既八婆有日放學比我班男同學大大力車左幾巴警告佢(搞男同學低一級既女朋友)。至此那兩個女仔都唔敢再搞事。

私人傳訊

bosch

瑪瑙宮

積分: 128515

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

86^#

發表於 15-5-31 09:02 |只看該作者

~phyllis~ 發表於 15-5-29 09:55
其實你媽咪錯唔哂,如果佢聽完你講比人打仲可以好冷靜無可能!
我覺得咩搵老師先係無意思,老師只係打份工,你 ...

極度同意。

私人傳訊

fishes

珍珠宮

積分: 39416

2018復活節勳章

85^#

發表於 15-5-31 07:32 |只看該作者

回覆：如果小朋友係學校被欺凌……(純討論)

家長出手校方又講得出面嘅話咁嗰位同學被排擠唔出奇: 攪事嘅會仲憎，冇份嘅會覺得位同學麻煩避開最穩陣。
我諗會問自己小朋友點解人地會揀佢黎蝦，睇下佢做人處事有咩改進，亦會叫佢參加其他活動識其他人。當然亦會同校方講備案同留意下小朋友有冇又被欺負。

無論點都要教小朋友堅強面對，事情總會有過去嘅一日。如果佢真係好唔開心先轉校。

My Egg Egg Egg Egg Easter House

私人傳訊

wister

伯爵府

積分: 17096

84^#

發表於 15-5-31 06:02 |只看該作者

引用：我當年試過某幾個同學欺凌同排斥，心裏極難

原帖由 Bstar 於 15-05-29 發表
我當年試過某幾個同學欺凌同排斥，心裏極難受，諗返起原來自己都好堅強，自己去面對！因為果時父母都返工， ...

叻女

私人傳訊

cnyiris

男爵府

積分: 8238

83^#

發表於 15-5-31 03:16 |只看該作者

回覆：如果小朋友係學校被欺凌……(純討論)

毛

私人傳訊

願望石

伯爵府

積分: 17640

82^#

發表於 15-5-29 16:59 |只看該作者

本帖最後由願望石於 15-5-29 17:12 編輯

我都曾經被成班同學排擠,但由於太遲鈍既關係,直到出黎社會做左幾年野,先突然醒悟原來自己當年比成班同學排擠

回想起,當時小組做功課,冇人肯同我一組,我果時又真係唔覺有咩問題,反而好瀟灑咁同啊sir講我自己一個做得啦,我諗果時d老師都知我被排啦,就由我自己一個做:lol

其實宜家諗返都好好笑架,成班人想排你,攻擊你,傷害你,點知你一直都feel唔到,重要畢業過多幾年先自行醒悟,重唔激死果班幼稚鬼咩:lol

答返樓主: 如果去到被掌摑,真係會忍唔住追究,如果追究完比全級排, 有機會轉校,但其實轉校又唔確保會唔會遇到壞同學, 都幾難搞

不過有時人幾欺善怕惡,會唔會兇返d先冇咁易比人蝦

(ง •̀_•́)ง 漫漫長路, 加油

私人傳訊

你好嗎

侯爵府

積分: 20329

81^#

發表於 15-5-29 16:30 |只看該作者

引用：被掌摑可以報警？我兒子班&

原帖由 winniecws 於 15-05-29 發表
被掌摑可以報警？我兒子班𥚃有個問題兒童,他常常掌摑不同的同學，其他家長有跟班主任投訴，但班主任 ...

咁似我個仔果班！我個仔係被打果個，第一次老師咁答~我算。第二次又咁答我，我嚴重地同老師講，你有耐性教學生係好，但唔可以用我個仔嘅皮肉去教，如果我個仔再俾人打我一定報警。之後就無再發生。我都有親戚嘅細路有情緒病，但你越就佢佢就唔會知個底線係邊。

唔好點評我

私人傳訊

wonderlulu

珊瑚宮

積分: 118281

80^#

發表於 15-5-29 16:26 |只看該作者

lily233242 發表於 15-5-29 16:04
回覆 wonderlulu 的帖子

...學校多用軟性介入，一面轉介鼓勵被欺凌同學仔通過課外活動識其他朋友，甚至師 ...

其實效率真係睇學校收學生的背境而定, 有些學校地緣複雜, 就算老師盡力, 十個樽五個蓋, 亦力不從心。

但能家校合作, 對呢啲情況通常OUTCOME 都會好過; 輪流一面"晒冷", 多係惡性循環。

依家好多人喜歡誇誇其談"有教無類", 我認為"因材施教"更能達到較佳教育效果。

所謂融合教育, 就好似派JUNK FOOD, 人人有個包, 有人不想食就硬食, 有人根本未夠喉,

結果粉飾太平背後, 人人唯有出力爭取自己最大利益, 乜都惡咗先。

私人傳訊

susi1024169

珍珠宮

積分: 42413

好媽媽勳章

79^#

發表於 15-5-29 16:26 |只看該作者

引用：Quote:原帖由+susi1024169+於+15-05-29+發

原帖由 曈曈媽咪 於 15-05-29 發表
的確，報警同學校講，係D小朋友的口中變做報串
但乜都唔做呢，小朋友又會keep 住被人蝦，
情況真的唔係咁易 ...

我無話乜都唔做，我之前都留左言，如果我係樓主個媽，我都會忍唔住會報警，不過同時已經會搵定學校幫個女轉校

私人傳訊

qqaa

禁止訪問

積分: 4249

78^#

發表於 15-5-29 16:18 |只看該作者

引用：講埋個故事先。前面講到我要袋住把cutter

提示: 作者被禁止或刪除內容自動屏蔽

私人傳訊

曈曈媽咪

男爵府

積分: 5525

77^#

發表於 15-5-29 16:10 |只看該作者

引用：我認為有咩可幫助到被欺凌既細路？首先要講

原帖由 bodybutter 於 15-05-29 發表
我認為有咩可幫助到被欺凌既細路？

首先要講下我目前認為被欺凌對我最大既影響係乜野。

好多謝你咁有耐性回覆同分享你的經歷
的確，你問我，我都覺得當初的經歷係一個唔錯的體驗，
起碼，將來個女真的好似我細個咁，我都理解佢的感受，
亦可能好似你咁講，無咩可以做，
最要做的就係同小朋友溝通多D，支持佢~~~

私人傳訊

lily233242

侯爵府

積分: 20035

2024年龍年勳章我的育兒心得勳章有「營」勳章叻叻勳章

76^#

發表於 15-5-29 16:04 |只看該作者

回覆 wonderlulu 的帖子

...學校多用軟性介入，一面轉介鼓勵被欺凌同學仔通過課外活動識其他朋友，甚至師兄師姐領袖生，形成安全網；一面調解敎導「欺凌」一組（不要期待公開指責、記大過先），拉開其實並不想參與嘅，打散再敎導，懲處通常係再犯才下。

我覺得如果學校都用呢招好啱, 比起報警更能解決校園欺凌

私人傳訊

bodybutter

別墅

積分: 656

75^#

發表於 15-5-29 15:59 |只看該作者

我認為有咩可幫助到被欺凌既細路？

首先要講下我目前認為被欺凌對我最大既影響係乜野。

反躬自問，我係會唔習慣接受人地既好意，唔容易相信人，冇自信，唔鍾意表達自己（所以大個啲既時候係鍾意睇書同寫文章），對人性同事物的看法會偏向負面、消極、偏激，因此性格上容易陰沉，唔容易同人深交。最大鑊既係，以上既野好容易惡性循環，即係諗野越負面，就越冇朋友，越冇朋友，就越覺得自己唔掂或者人地睇你唔起，亦都越冇機會去練習放開自己……無限loop。

雖然只係被欺凌左2年，我可以講，就算用20年去 overcome 呢啲負面既影響，都解決唔晒。

咁有啲咩野可以幫到？

我認為老師出聲係唔work的。之前講到，老師出聲，同學只係乖左兩日咁大把。至於老師assign 一個或者一啲同學仔去同被欺凌者做朋友得唔得？sorry, 愚見認為都係唔得，想當年，我有個隔離鄰舍係幼稚園開始會放左學一齊玩的，我媽同佢媽係frd，我同佢讀同一間小學，同級唔同班，但佢在學校係唔敢同我玩，見到我都最好扮唔識我，免得連佢都俾人針對埋。我冇怪佢，畢竟我唔想累埋佢。你睇連真既朋友都搞到咁，老師assign既朋友又會點呢，咪最多係有人見到既時候扮下friend, 冇人見到既時候踩多你幾腳，見到呢啲，相信個細路會對人性更加失望。

而家諗返起，正在被欺凌的當時，只有家人的支持最實際。我講既支持，係講態度上，唔一定係實際上，即係唔一定同學校嘈或者其他家長嘈（不過我也不反對這樣做），而最緊要係教個細路點樣面對，教佢要對自己有自信，相信自己既能力同判斷，同佢講全世界都話佢錯既時候唔一定就係佢錯，而係人性有好多陰暗面，但唔好俾呢啲陰暗面影響自己。想當年我正正最缺乏呢樣野。

前面講到我媽媽，有乜事發生，佢第一時間覺得係我錯，只有學校話我錯，唔可以我話學校錯。佢冇出聲，冇幫我換環境都算了，但最大問題係佢冇去正視我既感受，冇開解我，只係超hea 咁叫我由佢就算。佢呢種永遠覺得係我錯既教育，我在學校抬唔起頭，佢不但幫助唔到，甚至幾乎可以講係佢有份做成。
舉個例，佢係超級慳既，買啲國貨公司硬掘掘擦膠俾我用，擦起嚟會黑色一撻嗰隻，唔肯買舊好啲。PE校服舊版係圓領，新版係POLO領，人地送左件二手既圓領，佢係將條圓領中間用鉸剪歪歪斜斜地向下剪開幾吋，由得佢散口，然後係個開口度釘一粒啪鈕，就話係polo領，叫我著返學，先生覺得件衫係爛衫嚟，就話我衣冠不整。又例如，我阿媽自己成個禮拜先洗一次頭，我洗得密d就罵我個死人頭駛乜洗咁密，side 水side 洗頭水，我返學俾先生話我個頭臭，都唔敢洗密啲，咁多樣野，加上我皮膚既問題係唔會令我睇起上嚟白滑既……有啲先生唔知情，話我個人污糟，家長日同我阿媽講，阿媽聽完返嚟就踩我：「先生都話你污糟呀，好心你乾淨啲啦！」「先生話你孤僻呀，你同啲同學傾下偈吖嘛！」

依家諗返起，點解我同阿媽感情咁疏離，就係我最需要保護既時候佢冇出手，係我需要支持或者需要有個榜樣既時候，佢仲要有意無意令我更加抬唔起頭。我而家大個了，理性上知道佢有佢既局限同埋包袱，唔應該怪佢。但過左咁多年，係人生最好既時間，幾歲，到十零廿歲以嚟到依家，我係點樣struggle, 點樣用比其他人用多幾多倍努力去self-help，相信其他人係好難想像的。

如果我既以上既個人經驗對各位有任何幫助，總算我冇白白捱過被人欺凌的日子。