Baby Kingdom - 親子王國 香港 討論區 › 首頁 › 懷孕前後› 唔捨得終止懷孕 ..

懷孕前後

收藏本版
發帖
返回列表
跳至頁
唔捨得終止懷孕 .. [複製鏈接]

首頁
12345

尾頁
   3
babypopui615


複式洋房

積分: 359


1#
發表於 15-6-9 13:13 |只看該作者
BB以家已經17w6d 係12w先發現懷孕
同男朋友決定左要 所以我地就同雙方家長溝通
男方屋企經濟好差 一屋有超過7人 容納唔到我同bb ..
男方媽媽都坦言幫唔到我地照顧bb
我屋企人好極力反對 只要一決定要個bb
就要我搬出去住 連想生出泥比人領養佢地都接受唔到
所以想搬出去住 但係諗到生左出泥之後
雙方屋企都唔肯幫手照顧 要租要買bb日常生活既用品2個人既生活開資 ..
只係靠男朋友1m3既經濟收入根本生活唔到 ..
有搵過母親的決擇 但係遲遲都冇回覆 佢只係同我屋企人溝通
有搵過育嬰園 有啲要生左出泥先開始申請 有啲申請要排好耐
佢話最快都要等半年到 個半年冇人幫手可以照顧或者支撐個經濟能力
感覺好似咩方法都冇用..所以我決定終止懷孕
第2個醫生簽字同意既時候 覺得我需要做精神評估
所以琴日就入左院 傾完之後醫生覺得ok 11號簽字 15號可以做終止懷孕
同時間醫生叫我諗清楚 我發現我真係做唔到 ..
本身已經好唔捨得 個種無助既感覺 每一日都係喊 訓 食
到佢有胎動 會郁會轉身 有次佢郁到我有啲痛 只要呵一呵
將隻手放係佢郁既位置 佢都會好聽話 ..可能人地覺得我多心
但係佢比我既感覺就係咁...

大家會唔會有建議比我
令我同男朋友可以一齊番工 有一個好既經濟能力
可以解決有人照顧 唔會同個bb分開
私人傳訊

scytsin


大宅

積分: 4874


87#
發表於 15-6-15 13:24 |只看該作者

回覆：唔捨得終止懷孕 ..

17週bb已經成型，我個女17週已經同我say hi , 點忍心唔要佢？我相信平有平養，去排左育嬰院先，初生餵人奶的話最貴都係尿片，真係買唔起用住尿布先！到bb入左育嬰院自己贄搵份工，收銀又好sales 又好起碼都有1萬蚊一個月唔會供養唔起！最緊要你男朋友肯負責任！

我果個都係女，有需要我都可以free d 女仔衫比你
私人傳訊

babypopui615


複式洋房

積分: 359


86#
發表於 15-6-14 23:54 |只看該作者

回覆：唔捨得終止懷孕 ..

我想問社區保母係點申請?
大概要等幾耐先批到?
係咪係我番工期間可以照顧到個bb?
只要一批到 就係估定一個社區保去照顧?
私人傳訊

babypopui615


複式洋房

積分: 359


85#
發表於 15-6-14 21:06 |只看該作者

引用：Quote:原帖由+babypopui615+於+15-06-14+發

原帖由 hoshine 於 15-06-14 發表
所有經濟援助既申請都好視乎妳同邊個同住，以同住家人既入息同資產額黎衡量。妳同男友商量過會係妳地兩個搬 ...
如果我屋企係唔繼續同我一齊住 社署個邊會同我家人先溝通好? 我係只係同男朋友一齊住

私人傳訊

hoshine


複式洋房

積分: 420


84#
發表於 15-6-14 19:34 |只看該作者

引用：您地好啊 我睇過食物銀行同綜援 食物銀行要

原帖由 babypopui615 於 15-06-14 發表
您地好啊
我睇過食物銀行同綜援
所有經濟援助既申請都好視乎妳同邊個同住，以同住家人既入息同資產額黎衡量。妳同男友商量過會係妳地兩個搬出黎住，定係妳屋企人俾妳繼續住喺屋企，又或者妳自己一個帶住阿b搬出黎？情況好唔同！
無食物銀行，都有適合低收入人士既奶粉資助或二手傢俬，電器等等既野或者係必要時候有緊急援助基金可以幫手。請同妳負責既家庭服務中心既社工傾。
私人傳訊

carrie_1102


伯爵府

積分: 19211


83#
發表於 15-6-14 18:09 |只看該作者

回覆：唔捨得終止懷孕 ..

17週阿b已經好大喇，我15日前做左流產手術，當時已經7週，我到今日，心情都未完全平復！成日偷偷地喊！你個b有心跳架，唔好放棄佢！我第一次做媽媽時都係22歲，無野係唔得既！

私人傳訊

Cathylam_525


複式洋房

積分: 476


82#
發表於 15-6-14 17:40 |只看該作者
正常係會睇埋家人既入息,
但你只要同番社工講你既CASE
應該可以~
私人傳訊

sheepmpal


複式洋房

積分: 478


81#
發表於 15-6-14 16:13 |只看該作者

回覆：唔捨得終止懷孕 ..

你既然唔捨得就生佢出黎啦，生命黎架，BB用品可以上二手Group都平徴，有d仲免費架！平有平養啫...
私人傳訊

babypopui615


複式洋房

積分: 359


80#
發表於 15-6-14 15:43 |只看該作者
您地好啊
我睇過食物銀行同綜援

食物銀行要唔超過一萬
綜援要睇埋家庭成員 會唔會睇埋我既家人既入息?
私人傳訊

loving_mybaby


男爵府

積分: 7878


79#
發表於 15-6-13 00:38 |只看該作者

回覆：唔捨得終止懷孕 ..

我老公都搵得小，但養晒一家四口，我大女一歳半，細仔嘅六個月飲人奶，尿片每人一天限用四片，盡快教識去廁所可慳更多，衫仔玩具相信哩到好多jm可以捐贈你，買一條hipseat揹帶由初生用到兩三歳，二手嘅應該幾百蚊，養一個bb無你想像中用咁多＄，用最多＄嘅時候應該係返學，但都係三年後嘅事，生完再慢慢plan，再唔係如其他jm所講，攞綜緩都可以，加油，bb好可愛，唔好唔要，宜家我聽到我仔喊我都唔捨得，更可況要殺死他，生完後，食豬腳薑補身，唔需要什麼名貴補品，我媽個年代同我都係靠食佢，同埋生完後要食多啲嘢，我過來人經驗，一定要食好多嘢，食飯，豬肉，牛肉，家常菜就可以，唔食嘢會容易產後抑鬱，加油！
私人傳訊

kase_ng


複式洋房

積分: 118


78#
發表於 15-6-12 23:41 |只看該作者

回覆：唔捨得終止懷孕 ..

如果未結婚，單親媽咪可以揾社工幫手排特快公屋，好快有得上樓！貴有貴養,平有平養，做決定之前三思
私人傳訊

shadowmok


別墅

積分: 581


77#
發表於 15-6-12 23:19 |只看該作者

回覆：唔捨得終止懷孕 ..

一定有辦法解決，只要你好好愛你個bb就一定有路比你行。
私人傳訊

tsw1181


別墅

積分: 536


76#
發表於 15-6-12 22:17 |只看該作者

引用：BB以家已經17w6d 係12w先發現懷孕同男朋友

原帖由 babypopui615 於 15-06-09 發表
BB以家已經17w6d 係12w先發現懷孕
同男朋友決定左要 所以我地就同雙方家長溝通
男方屋企經濟好差 一屋有超 ...
其實我覺得你啲家人應該係嬲你未婚產子，到個B出在世，應該會好多人錫。不要輕易做錯決定。
私人傳訊

carinj


男爵府

積分: 5163


75#
發表於 15-6-12 21:51 |只看該作者
我想講粗口! 如果你地跟本冇能力, 搞嘢之前又唔做足措施!
生命黎架, 不如你上youtube睇下abortion 既video. BB係無姑架! 好多人揾好少錢都可以養家.

如果,有需要, 我都可以有免費物資俾到你!

當你生左出黎, 你就知BB係最寶貴!唔好唔要呀. 仲有方法!
私人傳訊

Emanuelb


男爵府

積分: 5012


74#
發表於 15-6-12 20:39 |只看該作者

引用：BB以家已經17w6d+係12w先發現懷孕同男朋友

原帖由 babypopui615 於 15-06-09 發表
BB以家已經17w6d 係12w先發現懷孕
同男朋友決定左要 所以我地就同雙方家長溝通
男方屋企經濟好差 一屋有超 ...
如果你唔放棄又唔介意， 我可free dd bb 野俾你☺️💪💪 我第一胎20wk 流產左， 都係女女。。 希望你唔好放棄。
私人傳訊

tick


別墅

積分: 553


73#
發表於 15-6-12 20:07 |只看該作者

回覆：唔捨得終止懷孕 ..

媽媽， 唔好唔要我呀!!
我會好聽話， 好孝順你架!
你比個機會我來呢個世界啦!
私人傳訊

fionlo1988


子爵府

積分: 12309


72#
發表於 15-6-12 18:34 |只看該作者

回覆：唔捨得終止懷孕 ..

天無絕人之路，辦法總比困難多，兩公婆頂硬上冇話唔得架！叫老公打多份工，慳d駛，搵平屋住住先，呢度d jm好好人架，一定有人幫你！！
私人傳訊

Cathylam_525


複式洋房

積分: 476


71#
發表於 15-6-12 17:43 |只看該作者
而家17WK 相信你好難搵到野做..
現階段..叫你男朋友搵多一份工做啦..
如果你地2個都係有心要BB既話..馬死落地行..香港唔會餓得死人架..
生左出黎比保良局..你就會MISS 左好多佢既成長..你又捨唔捨得?
好似樓上所講,搵母親的抉擇..社工幫幫手..
睇下可以比到D咩實際既野你..捱過左呢個時間,
等你生完之後.你就可以出黎搵野做.
到時你男朋友都唔使再咁辛苦..租住D細房先啦..
有能力咪再搬囉..而家你得4個月..仲有6個月時間..
比心機儲下錢...BB野有平有貴.2手網都有好多好好架..
仲有好多媽媽FREE 野出黎架..
加油呀..佢已經有心跳.人仔黎架啦..已經同你連成一線,
唔好唔要佢..係錢問題..就會有得解決,唔需要行到呢一步架~
加油!!!!!
私人傳訊

Littlecatta2013


珍珠宮

積分: 40517


70#
發表於 15-6-12 15:20 |只看該作者
回覆 babypopui615 的帖子

如果真係好想要個bb，你倆個出去番工，bb俾社區保母/育嬰園湊，可以申請減免，放工放假自己湊，
當你兩個人夾埋搵25000，扣套房租5000同湊b費2000-3000蚊(粗略估)，仲有17000洗，係要好慳，要好捱得先得，bb用品可徵二手。不如反問自己捱唔捱到，男朋友o個邊係咪有心建立家庭，係咪齊心。
私人傳訊

hoshine


複式洋房

積分: 420


69#
發表於 15-6-12 00:13 |只看該作者

回覆：唔捨得終止懷孕 ..

樓主，呢個係妳個人同男友既重大決定，希望妳深思熟慮，諗清楚自己對bb既承擔有幾高。
社工唔係萬能，社會福利署都要按規距做事，妳而家既情況仲有好多變數，相信社工唔會即時喺公屋上面幫到妳。
除左墮胎，仲有幾個可能既安排：
1）妳男友好有擔帶，佢願意同妳一齊捱，租地方慳慳地生活，的確有啲奶粉，傢俬電器等等既經濟支援可以幫妳轉介；
2）妳一個承擔，做個好勇敢既單親媽媽，我見過好多人係比佢自己想像中堅強同犀利！咁妳就要先面對家人既反對甚至趕妳出家門。
如是，妳可以請社工幫妳轉介住宿服務，母親的抉擇有宿舍俾單親準媽媽待產，但對象係再年青啲既少女，另有宿舍係可以俾妳大住肚入住，生完再俾妳湊住bb住多陣既，搬左去宿舍而妳又無人俾妳錢洗既，可以考慮申請綜援
申請綜援亦有租金津貼，妳可以自己帶住bb租私樓，或者請社工轉介光房計劃，上網查下妳會見呢個計劃主要以妳應付到既租金俾妳同其他單親媽媽家庭分租一個私人物業
3）真係覺得無能為力就俾人領養，喺香港想領養而經評估為合適既夫婦有好多，等住有b俾佢地接番屋企愛錫同埋養育佢地，呢個係逼不得已，但算係為自己行為負基本責任，唔扼殺bb生存權利既決定！
請妳諗清楚，生命對好多人黎講得黎不易！但如果妳夾硬生完咩都唔理，又唔肯放手係人領養，個b既人生會係點妳要諗清楚！這說話好狠，但出自真心。
我都相信路係人行出黎既！
P.S. 我建議妳唔好淨係靠母親的抉擇既社工，去妳住緊嗰區既家庭服務中心揾佢地既社工開個案跟進！坦白講，母親的抉擇有佢地既定既立場，唔方便喺度講。
私人傳訊


首頁
12345

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy