| http://hk.apple.nextmedia.com/enews/realtime/20150610/53837069 | |||
今日吳綺莉再次現身見傳媒時，明顯比昨日更為緊張，不停按手機搜尋地圖，受訪時又不住抓臉頰。問及昨日吳綺莉主動向傳媒透露女兒鎅手，而且不止一次，還透露女兒情緒波動有求醫，上述種種會否更添卓林壓力？她就說:「我諗我可能講錯嘢。」
吳綺莉續道:「唔係大唔大壓力……依家年代唔同咗，等如紋身，依家就興紋身。要大家慢慢去協調。」會否多抽時間照顧卓林？吳說:「其實有，不嬲都有。我不嬲都唔係唔關心佢，我只可以話唔好意思，搞到大家。」
接著吳綺莉再重複謂:「依家年代唔同咗，大家睇嘢唔一樣，我只可以咁講。」那可有跟學校交代卓林自殘一事？她連聲說:「有有有，同學校有傾偈，每個小朋友有每個小朋友嘅問題，溝通好緊要，同學校溝通好緊要。我真係好趕，因為一點要去做嘢，(去邊？)我都唔知，所以我Google緊。」又不斷說:「唔好意思。」
有記者表示昨日見吳綺莉左手手腕疑有傷痕，吳綺莉一臉疑惑，不住抓面，反問:「有咩？邊度？」之後即檢查一下，呆了呆，即收起手，合十，說:「唔係呀，真係冇。唔該晒，我要開車。」不過該「傷痕」應是紅色水彩畫十字架而已。 
 吳綺莉左手手腕疑有的「傷痕」，應是紅色水彩畫十字架而已。 |  |  |
 |
| |||||||||||
噚日忽然自爆15歲女兒卓林疑是仿效同學咁鎅手，而且傷痕多逾三十條吳綺莉，今日繼續開工，大批傳媒繼續守候。
下午一時左右，吳綺莉買完餸，駕車返抵大埔寓所，身穿背心同戴超，未有落車，只著工人出嚟攞餸。期間吳綺莉都有調低車窗，接受傳媒訪問。期間吳綺莉似乎十分緊張，不停篤手機，又頻頻撫面頰。吳綺莉表示趕著出去開工，又密密按手機Google map導航搵地點。
吳綺莉謂今天卓林留在家中，未有外出。問到卓林情況？吳綺莉說:「阿女情況OK。(有冇睇醫生？)冇呀。」期間又密密按電話。
問吳綺莉可有代女兒向學校請假？她說:「冇，因為差唔多放暑假。」之後又不斷向記者說「唔好意思」，並指女兒今天亦不用上學，亦不打算外出。「我要自己出去做嘢。(你今日唔係同卓林見心理醫生？)唔係唔係。」
吳綺莉昨日表示女兒疑是受朋輩影響而鎅手，今日再問吳綺莉，她就說:「我諗你下次問佢。你知我不嬲唔鍾意講人哋嘢。」再問吳綺莉昨日自爆女兒鎅手，會否對卓林構成更大壓力？她歎了口氣:「我諗我可能講錯嘢。」
發表於 
返回列表
