在職全職 今日: 0 | 主題: 48018

積分: 117

1^#

發表於 15-6-10 23:56 |只看該作者 |正序瀏覽 |打印

話說我個女就快14M.. 我一直都係在職媽媽，生完到宜家為止都係比99湊。
其實我岩岩生完已經想自己湊，不過因為各個因素啦，所以放棄左。

本身一直都係同6299住，宜家岩岩買左樓裝修緊打算準備7月搬。
我就想順勢唔做，其實呢件事我已經考慮左好耐，亦都已經決定左6月尾會辭職。

問題就係，我做呢樣野好似完全冇人支持我

各人反應如下：

6299：下？咁後生做咩唔做呀？你識湊女咩？你個女係由我地湊大架！
唔好話我地睇死你，你會湊得掂？你煮飯都未識啦.....(下畫一千字...)

我媽咪：好地地有6299同你湊做咩唔做？如果係我有人同我湊不知幾開心呀！
你一唔做野就會同呢個社會脫左節咁，到時你就係個師奶，老公出去玩你都唔知呀！

我爸爸：(其實我阿爸好尊重我決定, 但係都問左我大概5次左右)
阿女，你諗清楚未架？

C6：哦，你咪休息幾個囉！(我：唔係休息呀，我係想唔做湊個女呀！)
佢：如果你唔做，咪變相加重左我負擔？不如你休息下先，咪湊幾個月囉！
不過湊BB好悶架！日日都係屋企，你忍唔到就出黎做返黎啦！(講到尾都係想我做野)

我其實都有同同事朋友傾下講下，不過好多佢地都未結婚未有BB，
其實佢地都好支持我，但我硬係覺得冇人支持我咁。
起碼全屋企都唔想我唔做，搞到我好似做錯事咁，做錯決定咁！

我好想問你地，你地覺得做全職媽媽有冇後悔？
同埋，其實我宜家咁堅持要辭職湊個女，你地覺得我有冇錯....

0 0 0

私人傳訊

bongbongpatty

水晶宮

積分: 72237

BK Milk勳章

57^#

發表於 15-7-3 21:37 |只看該作者

回覆：各位，可以給我一點支持嗎？

如果返工時間吾長
比我就返工

老公一个人擔起晒
慣吾慣架
每月俾幾多家用你呢
一萬包咩呢
係咪夠呢

屋企除左供車供樓
比埋6299家用
你老公比以前少好多自己用
你真係計好條數俾老公睇

每月得咁多錢佢用
問清楚ok吾ok先
要得到支持先好做

呢个問題影響都好大
反而煑飯湊b慢慢學都得
問題吾大

私人傳訊

權媽媽

積分: 325

56^#

發表於 15-6-29 18:43 |只看該作者

回覆：各位，可以給我一點支持嗎？

支持你!加油呀

私人傳訊

kayan1012

別墅

積分: 501

55^#

發表於 15-6-29 10:08 |只看該作者

回覆：各位，可以給我一點支持嗎？

想做就去做，試下先，唔得咪出番嚟做嘢囉！唔識就學…。我初初生完個陣都係咩都唔識，連同bb沖涼都唔夠膽，之後試試下我而家一個人都攪得掂喇，我係bk跟住jm d食譜煮嘢，都煮到餐飯架…加油~支持你

私人傳訊

chingyanbbb0103

積分: 1058

54^#

發表於 15-6-29 02:15 |只看該作者

回覆：各位，可以給我一點支持嗎？

有咩緊要過陪伴住子女成長？佢地老一輩思想唔同所以有咁諗法！

私人傳訊

TropyC

男爵府

積分: 8352

53^#

發表於 15-6-20 07:43 |只看該作者

回覆：各位，可以給我一點支持嗎？

因為你未試過，所以你好想。Ftm 唔易做，學你c6咁講，試下先，頂唔順先出番來做野

私人傳訊

anna59

珍珠宮

積分: 49409

52^#

發表於 15-6-14 01:17 |只看該作者

小朋友越大越使得多錢，你人工有2萬，我系你會等佢讀K2再唸呢樣野，因為香港D野越來越贵，就算轉全職都等個女上小一先啦！

私人傳訊

lamlamkaka

積分: 448

51^#

發表於 15-6-13 23:12 |只看該作者

引用：Quote:原帖由 lamlamkaka 於 15-06-11 發表

原帖由 mintam514 於 15-06-11 發表
多謝你先

剩係我老公都應付到呀，我地供樓都係6千幾，供車6千，比埋屋企人都夠。

咁都唔錯，慳d慳d可以第時生多個

私人傳訊

MicMar

積分: 1716

50^#

發表於 15-6-13 12:22 |只看該作者

回覆：各位，可以給我一點支持嗎？

其實我做咗ftm只有1星期，之前都諗咗成2年先實行呢個計劃，當初係c6想我做ftm多d，反而係我怕收入會少咗，但眼見細女比新來姐姐種壞咗，大仔又成日病，就係呢d黃金時期，我唔想十年後望返轉頭，過去的十年就係忙忙碌碌咁過咗，親子的時間就咁無咗，辛好媽咪都支持我，唯一身邊好多朋友大部都唔支持，其實佢地思想係咪扭曲咗？生出來請工人湊就得？追名校追名牌追名師學呢樣學嗰樣就係必須？無名校就揾唔到食？無浸過喊水就等於癈人？

我昨晚同個年紀大無小朋友既尚等人（曾經，不過爛船都仲有3分釘）佢既言語間好唔贊成我咁做（關你鬼事咩），佢覺得一個揾四個食，好大開支，最幣小朋友要學好多野，又要讀名校，唔係無用㗎bra bra bra.....

我真係好想爆粗閙佢，關你事咩？
識咩呀！

我地做FTM 好似犯咗法咁既？好似做錯咗事咁既？

我誓要湊到佢地好好！

私人傳訊

ckmouseckmouse

積分: 1448

49^#

發表於 15-6-13 11:36 |只看該作者

引用：Quote:原帖由 zero9661 於 15-06-12 發表我

原帖由 mintam514 於 15-06-12 發表
其實我本身份工都好彈性，平日返3日左右，星期六日就是但返一日！不過我就覺得仲唔夠，始終平時如果要返工 ...

我以前返工請鐘點放99屋企湊，唔係99湊，我覺得都縱到超壞。全屋野玩晒係唔玩玩具，因為bb鍾意玩佢地覺得bb開心就繼續，完全唔識教。 e.g. 奶奶工人教阿仔玩扭洗衣機制，玩到而家阿仔仲玩緊，完全教唔返好。矮椅反轉比阿仔坐入去玩，我心諗唔仆由自可一仆我無眼睇。史雲x清雞湯又比佢玩，我心諗食物黎架，同埋甘大盒野又重角又尖，一跌落地整到腳/眼唔會開心囉！！
總之教壞一日，教好十年。所以我而家好怕去奶奶屋企好似捉馬餾甘，因為玩慣晒，咩都搞。係自己屋企只玩玩具，唔使睇甘實，因為一定安全。

私人傳訊

ckmouseckmouse

積分: 1448

48^#

發表於 15-6-13 11:21 |只看該作者

引用：話說我個女就快14M.. 我一直都係在職媽媽，

原帖由 mintam514 於 15-06-10 發表
話說我個女就快14M.. 我一直都係在職媽媽，生完到宜家為止都係比99湊。
其實我岩岩生完已經想自己湊，不過 ...

我係阿仔17m時做ftm, 之前返工都係痴奶奶屋企開飯。而家一樣自己煮，睇下你有無心學，就算無心學都唔怕，只要自己同老公要求唔高，飽到肚就得。我老公就好體諒我照顧bb辛苦，所以有時好求其一餐佢都無怨言，仲會幫手洗碗。不過我老公初頭都唔太贊成我做ftm, 原因係佢揾錢唔太多又供樓，我地仲計劃再生多個，可能佢驚搞唔掂。但而家佢見阿仔學野快左又叻左，就話要努力揾多啲錢等我專心湊仔，仲話都ok 搞得掂呀無咩特別用多左錢。因為自己係屋企教，我自製好多教材比囝囝唔使買，自理能力全部自己教，無上playgroup, 群體生活就去公園學，約埋幾個小朋友玩

私人傳訊

zero9661

積分: 325

47^#

發表於 15-6-13 08:58 |只看該作者

回覆：mintam514 的帖子

咁就試下照自己所想去做啦，唔識的好快就會學識，有心就一定做到，如果錢不是問題的話，但要有心理準備，ftm一定辛苦過ptm, 壓力唔會少過返工，

私人傳訊

積分: 117

46^#

發表於 15-6-12 19:39 |只看該作者

引用：我同你情況差不多，好想自己湊bb,+平時6299

原帖由 zero9661 於 15-06-12 發表
我同你情況差不多，好想自己湊bb, 平時6299 湊，我成日返工，個囡都唔黏我，我本身在公司都唔錯，有條team ...

其實我本身份工都好彈性，平日返3日左右，星期六日就是但返一日！不過我就覺得仲唔夠，始終平時如果要返工嘅日子就要全日！

有時我覺得6299教嘅嘢唔係太好，因佢地用好舊一派方式黎教，我接受唔到，加上佢地又唔係自己阿爸阿媽，可以直接咁話佢，所以成日都要忍，自己又好唔開心，加上又好想自己教！

我成日諗，個女係我嘅，佢將來係個點嘅人就好睇點教，如果比6299教，就會變左佢地想教嘅性格，所以我點都堅持，想要自己湊返。

私人傳訊

積分: 117

45^#

發表於 15-6-12 19:32 |只看該作者

引用：最緊要系經濟許唔許可啦，我做女時都系乜都

原帖由 Nikkichau 於 15-06-12 發表
最緊要系經濟許唔許可啦，我做女時都系乜都唔識家務唔識煮飯唔識架，到意外有左，乜都系逼住黎，冇人幫，慢 ...

咁我都有諗住等個女大啲會做返嘢，不過同您一樣，BB咁細個唔想假手於人，而且我個女宜家14M大我覺得係學習好重要嘅階段，所以想自己教返！

私人傳訊

zero9661

積分: 325

44^#

發表於 15-6-12 18:41 |只看該作者

回覆：mintam514 的帖子

我同你情況差不多，好想自己湊bb, 平時6299 湊，我成日返工，個囡都唔黏我，我本身在公司都唔錯，有條team我管，我人工高過老公，但因為老公一份糧唔夠用，我只選擇pt job, 我覺得做part time 舒服過做ftm, 返工就當透透氣，又有d 收入, 又唔駛脱節，個囡又黏我好多，close左。其實小朋友也要返學，做ptm都足夠，我都是剛轉了一個月，第一次出新人工，我看到個數都好肉赤，少好多，我不停同自己說，最重要夠用，算吧，

私人傳訊

Nikkichau

積分: 4674

43^#

發表於 15-6-12 14:18 |只看該作者

最緊要系經濟許唔許可啦，我做女時都系乜都唔識家務唔識煮飯唔識架，到意外有左，乜都系逼住黎，冇人幫，慢慢就會自己學識，而家我老公好鐘意食我煮既野架，雖然唔系咩9大鬼，但健康簡單，家務都系做下做下就上手。不過我可以話你知，做ftm真系唔系想像中容易，而且壓力唔會俾返工小，日日煮飯家務湊仔會好悶，我b而家仲細我唔想交俾其他人住，但我之後都會想返返工，唔想一世系屋企做師奶。

私人傳訊

積分: 117

42^#

發表於 15-6-12 13:38 |只看該作者

引用：煮食好易學，放心!老公支持先最重要。有個

原帖由 IloveJJ 於 15-06-12 發表
煮食好易學，放心!老公支持先最重要。有個方法可令老公支持，就係同奶奶為湊女有意見，我老公就係唔想煩， ...

哈哈，其實我想自己湊嘅好大原因都係因為同6299唔夾，我都有成日同C6講，咁我C6都有話：唔好做啦！總之你湊掂個女，唔好煩我就得！

私人傳訊

積分: 117

41^#

發表於 15-6-12 13:35 |只看該作者

引用：Quote:原帖由+mintam514+於+15-06-12+發表

原帖由 貧窮媽媽 於 15-06-12 發表
開頭買罐雞粉，烚菜就落半匙到，咁可以蒸排骨，洗乾淨排骨，加d方便醬就蒸得，又可以煮雞翼，買支李錦記瑞 ...

我會試下架啦！
好似咩都要由頭學習咁！

私人傳訊