夫婦情感 今日: 0 | 主題: 42737

積分: 5607

1^#

發表於 15-7-3 01:17 |只看該作者 |正序瀏覽 |打印

啱啱開刀生完bb, 呢排情緒麻麻，想發洩下。

生完後出院，我媽媽幫我陪月，整野我食和幫手湊bb, 而我自己就努力學習湊b.

最初幾日，c6過來娘家睇bb, 但每次佢都係齋睇，唔幫手，但又好緊張喎，經常從旁指揮我話: 唔好咁，小心d，唔係咁之類。叫佢試下抱bb又唔肯，話bb痴我，聞慣我陣味；叫佢試換尿片，又推3推4；叫佢試餵奶又話下次先! 總之佢就唔敢做，淨係識在我後面望和指揮，但自己一次實戰經驗都冇，淨係上youtube睇完人地教點餵奶換片的片就响度同我講話專家話唔可以咁。

有日忍唔住响娘家爆佢，落左佢面，佢先開始推一推旭一旭。

前幾天個胸開始脹奶，好痛，痛到喊；另外因為開刀，所以傷口又痛，有時抱b時怕整到傷口所以就力做野，搞到連個背隻的橫隔膜都痛埋，在幾種痛楚下我情緒好差，果日自己响度爆喊，仲同左自己d家姐呻話個老公幫唔到手。

因為我依家仲未沖得涼，只係用薑水抹身，我媽叫我叫返c6幫我，又著c6幫我揸油揸鬆返個背，但我覺得每次c6來娘家，佢淨係想望住個女(係齋望)，但其他野，例如洗bb污糟衫、紗巾，又係要叫好多次先旭，但其實我都唔掂得水先叫洗，佢成日返來齋望個囡訓覺冇用，我只係希望佢掙取時間，襯個囡未喊快快做好d野，唔係到亞囡喊時就有揹排搞，加上佢睇完亞囡又要搭車返屋企，我又怕佢明天有精神返工，因佢份工好用神，唔可合眼訓。

加上我要佢幫我用薑水抹身，我有d位抹不到，又唔可以蹲底身，但我覺得佢好似唔想幫我，好似我迫佢咁，其實我好傷心，因我湊左個囡成日，天氣又熱，我又唔可以沖涼，我覺得自己成日shirt味，個頭又立，叫佢幫我，但佢俾我感覺係你自己抹都得，我試過同佢解釋我有d位抹不到才叫佢幫。

之後我因背隻痛叫佢幫我搽油搽鬆d，佢又好似覺得我少少痛都頂唔到

，但我近排真係湊b湊到周身痛才咁，我覺得佢唔體諒我。

每次都要我發哂火佢先落下力做野。

有時諗覺得自己嫁錯郎咁，但巳後悔莫及。依家囡都生埋（不過生bb，我係開心嘅，我好喜歡我bb,只係覺得自己嫁錯郎）

0 0 1

私人傳訊

積分: 5607

32^#

發表於 15-7-11 23:42 |只看該作者

引用：Quote:meko2win 發表於 15-7-11 20:40 前日

原帖由 加美美 於 15-07-11 發表
15分鐘都唔願過嚟？打咩風啫，藉口。

白痴架!

佢今日都有來，我對佢冷冷淡淡架，我唔係想咁样對佢架，但我太好人，佢未變本加厲。

我剛出院時仲成日替佢著想架，成日怕佢放工仲要來娘家辛苦，每次到咁上下，11點左右，我都主動話: 算啦，夜啦，你返屋企啦，早d沖涼訓覺，唔係明天冇精神。想佢幫下手理bb時我都盡量好言相勸，係因覺得佢好唔對路，先發脾氣話佢，唔俾面佢架。

我根本唔想發脾氣，但佢真係好唔掂，我父母都有眼見。

我只想講我現在坐月係同個病人冇分別，但我當然有照顧好我bb先，佢做老豆都唔係咁做。

私人傳訊

加美美

積分: 1707

31^#

發表於 15-7-11 22:41 |只看該作者

meko2win 發表於 15-7-11 20:40
前日打風，佢6點返到屋企，我問佢會唔會過來娘家（我家行去娘家距離15分鐘路程），佢話打風怕冇車搭:unknow ...

15分鐘都唔願過嚟？打咩風啫，藉口。

私人傳訊

積分: 5607

30^#

發表於 15-7-11 20:40 |只看該作者

引用：我坐月時都係娘家坐月，老公放工返嚟咩都無

原帖由 加美美 於 15-07-11 發表
我坐月時都係娘家坐月，老公放工返嚟咩都無幫，抱b都唔敢，所以成日發佢脾氣，到搬返屋企，而家bb都8個月， ...

前日打風，佢6點返到屋企，我問佢會唔會過來娘家（我家行去娘家距離15分鐘路程），佢話打風怕冇車搭

因為佢連續兩日放工都冇上來娘家，我爸媽聽到佢呢個藉口仲嬲過我，話佢冇責任感，老婆和個囡都响娘家住，兩日都唔過來睇下，話佢行都行到返去，講埋d白痴藉口。

之後果日我完全冇聽佢電話，娘家電話也long起。。果晚佢至死返來睇囡囡，仲肯做我之前叫佢做嘅野.

條友攞埋賤，係要人地對佢形象扣哂分先曉行

私人傳訊

積分: 5607

29^#

發表於 15-7-11 20:22 |只看該作者

引用：Quote:原帖由 meko2win 於 15-07-03 發表啱

原帖由 kazakaza 於 15-07-10 發表
我都感同身受，，我老公又係指揮家，雖然佢都有幫手，但佢幫手既時候唔多，，佢覺得我有陪月幫手，夜晚自己 ...

我都feel到佢唔願同我抹身

返來淨係睇b, 不過係齋望果隻

初頭開刀，因為就力，搞到橫隔膜都痛埋

同佢講，佢幫我按時好大力咁拍我背隻幾下

。。。冇人性架。

我真係痛先講，唔係扮野，使唔使大大力拍，冇心按未算囉! 我啱啱生完bb七勞8損，周身骨痛，生仔真係好傷身架!

得我父母和家姐憐惜我

我會記住佢今日對我做嘅野

私人傳訊

Pikwu1234

積分: 1164

28^#

發表於 15-7-11 06:25 |只看該作者

回覆：生完bb，對c6都好多不滿

我5月順產後下面傷口都勁痛！我老公同你老公一樣！又係要爆下佢先識得郁一郁！但過左排佢都識自動自覺餵奶換片！加油呀！坐月心情要靚靚呀！

私人傳訊

加美美

積分: 1707

27^#

發表於 15-7-11 00:25 |只看該作者

我坐月時都係娘家坐月，老公放工返嚟咩都無幫，抱b都唔敢，所以成日發佢脾氣，到搬返屋企，而家bb都8個月，都只係識換尿片同抱下，沖涼沖奶換屎片整固體全部都唔識，我都教左成8個月教到我口都臭，根本唔想做d男人，唉，我仲無工人無4大自己湊仲要照顧埋佢個大細路，1湊2

，日日做到筋疲力盡無得休息所以成日病，病都仲唔幫我湊，

私人傳訊

kazakaza

積分: 7049

26^#

發表於 15-7-10 23:08 |只看該作者

引用：啱啱開刀生完bb, 呢排情緒麻麻，想發洩下。

原帖由 meko2win 於 15-07-03 發表
啱啱開刀生完bb, 呢排情緒麻麻，想發洩下。

生完後出院，我媽媽幫我陪月，整野我食和幫手湊bb, 而我自己 ...

我都感同身受，，我老公又係指揮家，雖然佢都有幫手，但佢幫手既時候唔多，，佢覺得我有陪月幫手，夜晚自己一個人搞就ok,佢日頭要返工所以佢大覺訓天光。。我埋身餵奶攰得濟唔覺意訓著左，佢淨係怪我唔小心，唔係佢咁岩入房睇到個b分分鐘焗死左，要我似後唔準訓係度埋身要坐係度餵。。我生b都係8月份，岩岩生完出汗出到有時停。佢唔比我沖涼，死拗左好耐佢先肯幫我抹身，但隔好多日先肯同我抹一次。。。成日得我同bb係房，佢自己收工返來係個廳睇電視，有時我入廁所抖下氣，佢就打開個廁所門話我留個b係度唔睇實。

諗起坐月，我依家仲係好嬲。

私人傳訊

aprilbaby04

公爵府

積分: 28426

熱血勳章畀面勳章

25^#

發表於 15-7-10 15:59 |只看該作者

回覆：生完bb，對c6都好多不滿

首先你自己放鬆啲!!!!我都係開刀!!!!
我坐月時情況比你更差,我喺奶奶到坐月,洗bb衫,同bb沖涼,餵人奶,洗奶樽,全部我自己一手一腳做,咩唔濕得水,唔洗得頭,我通通冇理,因為根本唔可能唔濕水,天氣咁熱,有咩理由唔沖涼?只要沖完馬上吹乾就冇問題,老公一時未接受到啫,而且平時有人服侍,而家要佢做家務,係難啲,慢慢黎啦,成日嘈傷左感情補唔返

私人傳訊

aisatsang

複式洋房

積分: 304

24^#

發表於 15-7-9 21:02 |只看該作者

男人係無女人甘快上心，女人經歷過生個十幾個鐘，所有母愛岀哂泥，但男人。真係好後知後覺，我c6初初都日日比我罵，嘈過幾次交，最後連我99佢地都罵佢先開始日日照顧bb！岩岩生完係會將所有好小事都放大！relax啲！罵完就算啦，我相信你c6都好快會識幫你架啦！

新手媽媽

私人傳訊

Bobo113

子爵府

積分: 11316

23^#

發表於 15-7-9 20:12 |只看該作者

回覆：生完bb，對c6都好多不滿

我就唔會ｅｘｐｅｃｔＤ男人可以幫到Ｄ咩手，個個都系大細路，玩Ｂ就預佢地啦，費事自己勞氣兼傷身

私人傳訊

積分: 5607

22^#

發表於 15-7-9 06:49 |只看該作者

引用：我都好擔心生完之後會點，我老公已經講到明

原帖由 JVEC 於 15-07-08 發表
我都好擔心生完之後會點，我老公已經講到明話自己粗手粗腳唔同bb沖涼，但我坐月又唔掂得水，有時我都諗，點 ...

你同老公傾下啦，叫佢幫bb沖啦，個bb佢有份。

你掂生水，第日手會痳痺架，好多案例架啦! 愛護bb, 同時愛惜自己，將來還要個健康身體去照顧bb和過世! 加油!

我老公到依家一星期見到bb3次，都仲係成日將換尿片，餵奶推落我度，連我爸媽都睇唔過眼出聲話佢，我爸媽和我只係想佢學，到時幫輕我，加上我坐月，佢地想我有時間休息。

我唔想自己個老公俾自己娘家d人話，但佢真係有問題，做得唔好。我傾又傾過，發又發過，有時諗得灰d, 覺得同佢唔會長久，咁搞好難溝通。

私人傳訊

JVEC

積分: 1618

21^#

發表於 15-7-8 22:32 |只看該作者

我都好擔心生完之後會點，我老公已經講到明話自己粗手粗腳唔同bb沖涼，但我坐月又唔掂得水，有時我都諗，點解同你生bb咁辛苦你都唔諗下我，諗諗下又喊又好負面，唉

私人傳訊

oreo20hk

積分: 1807

20^#

發表於 15-7-5 23:49 |只看該作者

回覆：生完bb，對c6都好多不滿

Btw, 我都係開刀生的，換左防水膠布已經沖涼洗頭喇，返到屋企日日沖添，無問題架，個人乾淨d 心情都好d 架！

私人傳訊

oreo20hk