在職全職

收藏本版
發帖
返回列表
跳至頁

首頁
12

尾頁
   2
teacha


大宅

積分: 1225


1#
發表於 15-7-5 23:46 |只看該作者
純呻，長篇。

其實我好感激我奶奶肯幫我湊仔，夜晚係佢氹囝囝瞓，雖然囝囝而家三個月自己戒咗夜奶，但都要成日拍心口氹返佢瞓，所以成日覺得自己好衰，對佢有虧欠咁，所以日頭我一定會自己湊，連街都唔會落。

而且由我生咗到而家，我奶奶都好盡力照顧我，就算要出街都會煮埋飯俾我食先走。

咁嘅奶奶仲有咩可以怨？

但始終大家湊仔理念會有唔同，加上佢又好強勢，我根本無say, 老公仲要實撐佢阿媽，搞到我成日都屈住屈住，又谷住度氣覺得好唔開心，無人可以講。

例如佢覺得俾bb睇電視無問題，但我地屋企部電視有成40吋，距離沙發只得米半，我覺得太近對bb對眼唔好，我今日用手擋住bb對眼唔俾佢睇，奶奶仲教bb撥開我隻手，我同bb講：第時近視點算？我奶奶就代阿b講：我唔會近視嘅。唉。。。

仲有就係佢會一路抱住阿b一路食飯(順便睇埋電視)，啲汁跌落啲衫同包被度都算，佢係會用隻手接住啲食完嘅骨同渣，然後再掂阿b，但我唔會出聲，覺得無影響阿b健康都會忍，只係每次都唔想佢抱，叫佢食完先到我食，但佢點都唔肯，頭先仲夾硬抱走咗我個仔！！！唉。。。

今日令我最唔開心嘅係佢話唔好俾阿b咁早瞓，話尋晚十點幾瞓到第二朝五點起身就唔瞓，要玩到朝早七點先瞓，所以今晚要十一點幾先俾佢瞓，但我覺得bb十點幾瞓係最好，唔想佢咁夜瞓！不過我唔敢出聲，因為氹佢瞓嗰個又唔係我，我邊有資格出聲？

我平時日頭湊阿b都會盡量氹阿b瞓多啲，但佢成日又大聲講嘢又好大聲聽歌，然後見阿b唔瞓就問：阿b做咩唔瞓？ROAR!!!

有時阿b喊緊，佢就叫我食飯，話啲飯凍哂，但佢又食緊我點食？ -_-#

仲有好多瑣碎嘅磨擦，無傷大雅就算。我老公隔日先返屋企，返到嚟都係瞓，有時抱下阿b好似幫咗我好大忙咁。有時同佢講，佢會話：我阿媽都算係咁啦！又話係我要求高，成家人都好難滿足我。

因為第一胎又餵人奶，所以坐月嗰時好辛苦，身體又唔好，日日都喊，佢地成日叫我要笑，我奶奶仲話因為我成日喊身體又點會好。阿b一滿月就被老公家姐個女傳染搞到要入醫院，我唔開心又被佢地話。

我子宮頸驗到有細胞變異，啲朋友叫我樂觀啲， 好似有咩問題都係因為我心情差搞到咁。可能聽我呻得多都覺得我煩，我覺得無人明白我，唔想屈住屈住，唯有打上嚟呻下。

啲人話做得媽媽就要堅強啲保護子女，但我覺得自己好無能，樣樣都想做好但自己身體又負荷唔到，搞到自己成日唔開心，解決唔到就想放棄，坐月嗰時有諗過自殺。遲下返埋工都唔知點算。。。


唉，呻完，多謝睇哂嘅jm...
私人傳訊

bonnieonlyone


大宅

積分: 3501


34#
發表於 15-7-7 10:45 |只看該作者
每日媽媽 發表於 15-7-6 18:26
如果你唔想佢抱住bb食飯，咁就唯有你食快d，然後抱番bb; 不過要同你99講想佢食得舒服d。

你99平時係咪冇乜 ...
"你99平時係咪冇乜娛樂? 所以有孫抱就會想個孫跟佢多d，而且我諗呢個係佢第一個孫是嗎? 呢樣嘢唔難理解，因為佢d仔女已經長大晒，而且有自己家庭，唔會再好似bb咁要跟佢，所以呢樣都係佢嘅精神寄托"

你講既exactly係我99.....冇娛樂, 電視唔睇街唔去冇朋友. 所以佢好恨好恨抱孫, 恨到發燒, 未結婚就已經催我生俾佢湊. 因為佢悶, 所以想有b寄托. 坦白講, 我明我理解, 但我實在睇唔過眼佢過時既湊孫方法,好似仲停留向佢向鄉下果時咁! 所以我有都唔想俾佢湊, 點解係都要搵我個仔解悶? JM們我真係唔明, 我係唔係好衰? 我真係唔想俾我個恨孫恨到發燒但唔衛生既99湊!! 佢都唔係鍾意小朋友, 佢純粹係為湊而湊!! 搞到我由想生變到宜家抗拒生B!!!
私人傳訊

teacha


大宅

積分: 1225


33#
發表於 15-7-7 06:18 |只看該作者

引用：Quote:原帖由 teacha 於 15-07-06 發表我奶

原帖由 每日媽媽 於 15-07-06 發表
如果夜晚你自己湊番應付到嗎? 可以的話，自己湊番會好d，因為你日間已出門返工，夜晚自湊就可以有多d親子時 ...
唉，我而家仲未返工都叫可以對住阿b耐啲，我就係擔心緊返咗工，驚自己太攰湊唔到阿b瞓, 阿b而家已經識認床認人咁，日頭小睡放我呢邊bb床瞓幾個字就醒，拍下心口都唔瞓，我好驚第時佢唔肯同我瞓，加上我老公又覺得唔同阿b瞓仲舒服自在，到時驚同返阿b瞓佢會無覺好瞓，我地關係又更加差唔知點。
私人傳訊

teacha


大宅

積分: 1225


32#
發表於 15-7-7 06:10 |只看該作者

引用：非常明白，我都極度不願意強勢奶奶話晒事。

原帖由 pokey 於 15-07-06 發表
非常明白，我都極度不願意強勢奶奶話晒事。你而家日對夜對就更加會睇到眼火爆，遲啲返工no eye see，會好少 ...
尋晚我講完睇電視影響專注力第時唔肯睇書，佢有即刻抱返阿b向住自己，話唔好睇電視。

私人傳訊

teacha


大宅

積分: 1225


31#
發表於 15-7-7 06:05 |只看該作者

引用：生完係會多嘢唸嘅，不過自己要放鬆d，可以

原帖由 hoganbaby 於 15-07-06 發表
生完係會多嘢唸嘅，不過自己要放鬆d，可以同老公講下，同朋友呻下，冇擺係心裡面，人人都有情緒唔好嘅時候 ...
放心啦！其實我係生完嗰一個月成日喊同諗唔開，而家好返好多，只係覺得身邊人都唔明白自己，好多朋友都未結婚，所以先打上嚟求正能量！
私人傳訊

teacha


大宅

積分: 1225


30#
發表於 15-7-7 06:03 |只看該作者

引用：Quote:jlam 發表於 15-7-6 13:28 仲有，成

原帖由 ccgirlcc 於 15-07-07 發表
每個人性格唔同，如果我見到會笑到肚子痛，我bb都係三個月，我盡量都想練到佢冇所謂，係邊訓邊個照顧都ok. ...
我老爺都有食煙，佢會出口食，但有時會食完就\"控\"埋阿b度同佢講嘢，我都聞到成陣煙味，不過我都選擇隻眼開隻眼閉。
私人傳訊

teacha


大宅

積分: 1225


29#
發表於 15-7-7 05:59 |只看該作者

引用：我呀，上當年，呀女幾個月大，有一日，我突

原帖由 jlam 於 15-07-06 發表
我呀，上當年，呀女幾個月大，有一日，我突然間早放工，見到我奶奶，對腳打開少少，就咁放我女響佢大肶，然 ...
嘩，咁真係好恐怖，我有時見佢抱住阿b玩電話，俾阿b望住個mon我都已經有啲頂唔順了。
私人傳訊

ccgirlcc


男爵府

積分: 9847


28#
發表於 15-7-7 05:57 |只看該作者
jlam 發表於 15-7-6 13:28
仲有，成塊「叉燒」，連汁，跌落我女塊面好似做facial咁。
每個人性格唔同，如果我見到會笑到肚子痛，我bb都係三個月，我盡量都想練到佢冇所謂，係邊訓邊個照顧都ok.
睇電視我都比但唔好較到咁光，去奶奶度之前叫佢地唔好食煙，我姑仔成日係屋企食煙，我話一係唔帶bb去，佢地都乖乖清潔先，
私人傳訊

teacha


大宅

積分: 1225


27#
發表於 15-7-7 05:55 |只看該作者

引用：Quote:原帖由 teacha 於 15-07-06 發表我有

原帖由 每日媽媽 於 15-07-06 發表
如果你唔想佢抱住bb食飯，咁就唯有你食快d，然後抱番bb; 不過要同你99講想佢食得舒服d。

你99平時係咪冇乜 ...
我有講唔想佢食得咁辛苦，但佢話唔辛苦。佢平時好多娛樂，加上唔係佢第一個孫，不過另外兩個孫唔係一齊住，佢應該係覺得抱住食唔係一個問題，因為平時佢都係咁樣抱住另外兩個孫食。
私人傳訊

hoganbaby


公爵府

積分: 27460


26#
發表於 15-7-6 21:09 |只看該作者

回覆：teacha 的帖子

生完係會多嘢唸嘅，不過自己要放鬆d，可以同老公講下，同朋友呻下，冇擺係心裡面，人人都有情緒唔好嘅時候，但千萬冇有輕生嘅念頭
私人傳訊

rainm


大宅

積分: 1894


25#
發表於 15-7-6 20:18 |只看該作者
我都係奶奶幫我湊，加上我地仲要一齊住！
我隻佬係咩都唔理！同佢講完等於冇講，
我奶奶既衛生意識好差！
所以好多時我會跟手整返乾淨！
有時直接同奶奶講！
私人傳訊

小fatfat


別墅

積分: 648


24#
發表於 15-7-6 20:00 |只看該作者

回覆：jlam 的帖子

咁緊要
好危險姐
私人傳訊

小fatfat


別墅

積分: 648


23#
發表於 15-7-6 19:56 |只看該作者

回覆：teacha 的帖子

我情況同你差吾多
唯一好既就係個老企我呢邊
同埋我99雖然會黑面都係我地面前都算乾淨
當然我地返左工就吾知啦

你搵多d睇電視對小朋吾好既俾你老公睇
由你老公出口
同埋真係吾好喊
好傷眼

你要放開d放鬆d
你盡量自己湊
返工之後幾攰都好
放工返去自己湊返

如真係好辛苦就盡力而為啦
自身體都緊要
捱壞左或者有咩事
個小朋友點算
私人傳訊

每日媽媽


男爵府

積分: 7368

BK Milk勳章


22#
發表於 15-7-6 18:34 |只看該作者

引用：Quote:原帖由 beauty_shanshan 於 15-07-06

原帖由 teacha 於 15-07-06 發表
我奶奶初生頭嗰一個星期都係同bb同床瞓，嚇到我都瞓得唔好，最後買個分隔床俾佢就無事，上一輩會覺得自己好 ...
如果夜晚你自己湊番應付到嗎? 可以的話，自己湊番會好d，因為你日間已出門返工，夜晚自湊就可以有多d親子時間。
私人傳訊

每日媽媽


男爵府

積分: 7368

BK Milk勳章


21#
發表於 15-7-6 18:26 |只看該作者

引用：Quote:原帖由 每日媽媽 於 15-07-06 發表放

原帖由 teacha 於 15-07-06 發表
我有同佢講話放低阿b，唔洗單手食飯咁辛苦，但佢一嘢就喺我手上抱走咗阿b。
如果你唔想佢抱住bb食飯，咁就唯有你食快d，然後抱番bb; 不過要同你99講想佢食得舒服d。

你99平時係咪冇乜娛樂? 所以有孫抱就會想個孫跟佢多d，而且我諗呢個係佢第一個孫是嗎? 呢樣嘢唔難理解，因為佢d仔女已經長大晒，而且有自己家庭，唔會再好似bb咁要跟佢，所以呢樣都係佢嘅精神寄托，其實到我哋老咗都可能同佢一樣。

都係嗰句 ~ 放鬆d ~

間中買下d你99鍾意食嘅嘢俾佢，咁就乜都易話為好多㗎喇!
私人傳訊

pokey


大宅

積分: 4758


20#
發表於 15-7-6 18:23 |只看該作者

回覆：係咪俾奶奶湊就唔可以有要求 T.T

非常明白，我都極度不願意強勢奶奶話晒事。你而家日對夜對就更加會睇到眼火爆，遲啲返工no eye see，會好少少。啲危險野，同影響發育（eg電視）就要叫你老公同佢講（你搵啲科學文章畀老公睇），其他污糟嗰啲就算了。
私人傳訊

teacha


大宅

積分: 1225


19#
發表於 15-7-6 17:52 |只看該作者

引用：回覆 teacha 的帖子其實買個high chair比bb

原帖由 Heiheic 於 15-07-06 發表
回覆 teacha 的帖子

其實買個high chair比bb, 食飯果時坐住咪得lor~
我有high chair呀，但bb有時會扭計，咁佢就會抱起阿b，阿b就會乖乖地，睇電視或者瞓下咁。


其實我自己都知道係好小事，只係好多積埋積埋覺得再唔呻下自己又會喊，同大家講完就會睇開啲。thank you!!!

你都唔好自責喇，無人奶唔代表唔係好媽媽！
私人傳訊

beauty_shanshan


大宅

積分: 2976


18#
發表於 15-7-6 17:50 |只看該作者
teacha 發表於 15-7-6 17:41
我奶奶初生頭嗰一個星期都係同bb同床瞓，嚇到我都瞓得唔好，最後買個分隔床俾佢就無事，上一輩會覺得自己好 ...
係啦,
我成日都提佢地:
< 意外既野一次都嫌多 !! >

反而其他唔影響性命既,
就隻眼開隻眼閉算了.
始終個B 都要人地湊,
自己盡量配合啦.
私人傳訊

teacha


大宅

積分: 1225


17#
發表於 15-7-6 17:41 |只看該作者

引用：唉, 你奶奶對你都算好了,不過我都明白, 又

原帖由 beauty_shanshan 於 15-07-06 發表
唉, 你奶奶對你都算好了,
不過我都明白, 又唔可以話佢,
忍下忍下就會唔開心.
我奶奶初生頭嗰一個星期都係同bb同床瞓，嚇到我都瞓得唔好，最後買個分隔床俾佢就無事，上一輩會覺得自己好醒瞓同以前有經驗都係咁瞓所以成日都同bb同床瞓。
私人傳訊

beauty_shanshan


大宅

積分: 2976


16#
發表於 15-7-6 15:40 |只看該作者
唉, 你奶奶對你都算好了,
不過我都明白, 又唔可以話佢,
忍下忍下就會唔開心.

我自己個B 俾阿媽同奶奶湊, 我要返工.
佢地平時D 野只要唔影響到BB安全, 我都已經唔出聲了.

但係好似我阿媽咁, 佢自己出左名勁懶訓,
日頭幫我湊B 都可以湊到成日同B 一齊訓,
一齊訓唔緊要, 但係佢要同阿B 一齊訓沙發先激死.
佢話阿B 訓埋邊, 佢訓開邊喎.
我阿B又識反身, 佢自己又懶訓,
一陣我阿B 反左身, 佢自己訓訓下驚跌所以迫埋D,
咁我阿B 未焗鬼死 ?!
我知道左之後真係嬲到爆炸, 叫佢唔好咁訓佢都仲要駁咀話無事.
我唔係唔俾佢訓, 我只係要求佢訓個陣訓返阿B 落BB 床姐.

所以你奶奶已經好好了, 你睇開D 啦.
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy