吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 唔知仲要點等落去~ (只係想呻下啫)

夫婦情感今日: 6|主題: 42706

收藏本版

發帖

返回列表

跳至頁

查看: 2540 | 回覆: 21

唔知仲要點等落去~ (只係想呻下啫) [複製鏈接]

lulufefe

複式洋房

積分: 161

1^#

發表於 08-6-28 13:57 |只看該作者 |正序瀏覽 |打印

五個月前因為我身體唔好, 所以辭左職做全職主婦, 初初都幾好, 日日煮定飯等老公返黎食飯飲湯, 真係好有新婚feel !

不過過左唔係好耐呢d生活, 老公就要開始趕個大project, 開始日日都要OT, 起初都可以十點幾返到, 都仲可以飲下湯, 兩個人傾下計咁! 不過又過左無耐佢就要日日都要十二點幾先返到, 唔好話湯, 連水都未飲佢就想上床瞓, 有時早少少佢就會同同事食d野先返而我就日日一個人食飯! 有時星期六,日或者公眾假期佢都要返工!

有時我都會咋下佢形, 咁佢就會攞d野返屋企做, 算係個人可以坐響我隔離陪下我咁囉! 不過就係佢攞野返屋企做同坐響我隔離, 咁就俾我見到佢同佢個同事嘅MSN對話, 咩野"我唔攰, 你知要休息多d呀!", "你有咩唔舒服呀?" 咁嘅message! 我當時無出聲問, 當然亦無向佢發火啦, 只係等佢話做完野可以休息就問佢, 同乜人MSN之類啦, 佢就話佢個女同事剛剛同男朋友分手, 咁佢就當個女同事係妹, 所以有時都會同佢傾下計安慰下佢咁! 話對佢係乜野都無, 只係同事上嘅關心! 咁我就話佢知, 做嘅無心接收嘅就唔知點諗! 一陣有咩誤會就唔好啦! 咁佢聽完就話會保持距離啦! 咁我當然聽住先啦! 其實我知佢地收工都會一齊坐的士落車站附近食野之後先去坐車返屋企! 佢就話唔係得佢兩個, 仲有其他同事! 咁我當然又係聽住先啦!! 其實我諗你做完野就會同佢食飯,而我就日日一個人孤伶伶咁一個人食晚餐!! 究竟你當我係乜?

因為自己一個留喺屋企嘅時間實在太長, 而又唔想自己一個人坐響屋企亂諗野, 所以上個月就出返黎做野, 咁好彩係同老公返隔離大廈, 咁就可以日日一齊返工, 仲可以一齊食lunch!! 因為一齊食lunch, 就識左佢唔少同事, 而且知道佢地真係成team人日日都勁OT! 雖然知道佢唔係去左邊, 但係亦知道佢d同事個個都會叫嗰個女同事做我老公"個妹"! 個女同事有乜都會搵我老公! 雖然老公佢已經一再保證佢真係無野, 而我都選擇左信佢, 但係每次一聽到佢地講嗰個女同事, 心裡面真係不是味兒!!

唔知幾時開始, 放工時一上巴士, 我d眼淚就不受控制咁係咁流落黎! 真係係咁流! 有時返到屋企, 一個人睇電視時, 明明睇緊搞笑野, d眼淚又係咁流落黎!! 我都真係唔知點解會係咁! 唔知係唔係有左d乜野情緒病~ 如果仲係日日咁等, 我都唔知我會唔會好快就痴線!!

0 0 0

私人傳訊

lulufefe

複式洋房

積分: 161

22^#

發表於 08-7-5 15:28 |只看該作者

其實我都知我老公好喜歡小朋友, 而我地都plan左係要生BB嘅! 不過唔好彩嘅係我有多囊卵巢症, 所以唔係咁易有BB! 不過我地依家都搵緊方法, 希望可以快d成功懷孕啦! 不過我想生BB唔係因為我想"cool"實個老公, 而係我都真係好喜歡小朋友!!!

其實依家我都睇開左好多! 雖然仲有個唔知醜so call "阿妹"嘅人, 好麻煩!! 不過見老公咁辛苦, 日日都趕返嚟陪我, 我都無理由再要求d乜啦!! 當然我都唔會對佢黑面啦!! 笑嘛~ 我本身都會成日笑嘅~ 而且依家好多時當佢返屋企開門時, 我都會搞搞新意去歡迎佢! 咁當然會好開心咁講"歡迎老公返到~~"咁啦, 有時知佢攰又會幫佢按吓摩咁囉!! 總之就盡量做得好d, 唔好俾佢覺得我日日都好似咁大怨氣, 等佢可以relax吓!!

將來會發生乜事真係無人可以預先知到! 不過依家做好d, 盡心去維繫大家咁感情, 就算到時有乜野, 自己都唔會後悔, 因為自己已經盡左力!! 到時嘅野, 到時先算!!!

原文章由 哈理媽媽 於 08-7-5 04:56 AM 發表
樓主,我同你既情況非常相似,我真係好明白你既感受,你吾好傷心,我地可以互相鼓勵...

我老公在公司都係勁忙,weekday 8am-1am返工, weekend & holiday 八成會返公司由起床至晚飯時o其實我晚上會等佢門,但有時他太晚(2, ...

私人傳訊

Japenese

男爵府

積分: 6946

21^#

發表於 08-7-5 09:39 |只看該作者

原文章由 哈理媽媽 於 08-7-5 04:56 發表
你要笑多d呀,你老公係公司做野已經好辛苦,如果返到屋企仲要做副導員,邊有心機返屋企呀!盡量做多d佢鍾意既野,等佢開心d,佢就鍾意你多d…

係ga，我同c6拍拖到結婚成20年，我都係一見佢就會笑，佢都係(間中攰得濟都係hi吓就算)~~~

不過用生仔來維繫，就有d保留同見仁見智...除非make sure佢係好family man，否則的話，就算愛小朋友愛太太的人，都要有空間抖氣，如果在家庭少了呢種空間，而外面又有拉力的話，情況都未必如想像般理想。

私人傳訊

Japenese

男爵府

積分: 6946

20^#

發表於 08-7-5 09:31 |只看該作者

樓主可以先欣賞你老公對你的細心同體貼~~

男人其實真係一個細路仔，無論事業幾好、學歷幾高、年紀有幾成熟，都係好like人地重視佢、比佢有英雄感。

你老公咁照顧同事，可能都係對方比到以上呢d感受佢，加上一齊做野，同聲同氣d。

男人幾好都好，都怕女人煩、多疑，所以你都係時候收手，用另外一d方式去關心同留意你老公，比佢覺得你正面。

你都可以sms佢，問候吓工作，約吓佢食飯，比老公在忙碌中都感受到有你的關心，順便醒吓佢係有老婆ge~~~個"妹"ge野就當茶餘飯後間中講吓笑吓就算，留意佢會唔會講講吓唔想提之類。

私人傳訊

哈理媽媽

大宅

積分: 2050

19^#

發表於 08-7-5 04:56 |只看該作者

樓主,我同你既情況非常相似,我真係好明白你既感受,你吾好傷心,我地可以互相鼓勵...

我老公在公司都係勁忙,weekday 8am-1am返工, weekend & holiday 八成會返公司由起床至晚飯時o其實我晚上會等佢門,但有時他太晚(2,3am),我已經睡了,所以我地好小見面o

另外,這兩年在佢公司一直有妹妹仔死煩住佢,我都有在佢公司既活動見過條八婆,好姣...激都我死死下,都吾知哭過幾多次?我都有問過老公,佢話同條姣婆無野,(但我知在佢公司,佢地D非聞傳得好勁)...

唉!講真,我吾知佢地有無野,我都吾想知...男人由朝做到晚,我跟本無得同出面D妹妹仔鬥,最重要佢比晒D$我管, 靠老公不如儲番個$

而且, 我有D friend 比左過絕世好橋我: 你快D養好身子,生返個,到時出面D八婆就無咁易埋身o

我個女一出世,我個心就已經定左好多...我老公同我D話題都多咗好多,起碼無時間諗埋d無謂野!成個人都開心d...

你要笑多d呀,你老公係公司做野已經好辛苦,如果返到屋企仲要做副導員,邊有心機返屋企呀!盡量做多d佢鍾意既野,等佢開心d,佢就鍾意你多d…如果你吾開心,可以在這裡大家分享, 互相鼓勵...

私人傳訊

lulufefe

複式洋房

積分: 161

18^#

發表於 08-7-4 21:49 |只看該作者

其實我已經報左course學野啦! 下星期開始逢星期一至三都要上堂! 上到九點半先放! 咁我就唔使成日咁早返到屋企得一個人!! 咁當然如果老公可以唔使再勁OT時, 我都會cut返少少d course嘅!

私人傳訊

FlyCatcher

男爵府

積分: 5391

17^#

發表於 08-7-4 15:10 |只看該作者

但我覺得你老公對你好好喎。佢知你想佢陪，佢就搬Ｄ嘢返屋企做陪你。有時大家都要互相體諒。其實你自己會唔會都有朋友可以陪你呢。你都見你老公及他的同事都要勁ＯＴ，為作工作啫，比佢一Ｄ自由啦。日日ＯＴ個人真係勁攰，ＧＩＶＥ　ＨＩＭ　Ａ　ＢＲＥＡＫ！

私人傳訊

IaMMoYY

子爵府

積分: 12193

16^#

發表於 08-7-4 14:35 |只看該作者

原文章由 lovebabyching 於 08-6-28 23:08 發表
仲要果個女人ｏ岩ｏ岩同男朋友分左手，你老公時不時安慰佢陪下佢，好易出事囉

Agree, 你老公時不時安慰佢陪下佢，好易出事. If your husband cares about your feeling, he should know this is hurting you and he should stop being too close with this girl.

You need to let him know very clearly.

私人傳訊

春天

複式洋房

積分: 226

15^#

發表於 08-7-4 13:16 |只看該作者

得閒多d去同c6食lunch會好開心ga！

私人傳訊

piyo28

大宅

積分: 3308

14^#

發表於 08-7-4 12:27 |只看該作者

樓主, 我諗你老公冇野的, 放心啦. 如果佢對你不忠, 都唔會睇完你email 之後就開始返黎同你食飯啦. 或者, 你可以試下take 一d 夜晚 course 讀吓囉, 咁樣時間會快過d, 讀一d你鍾意既course, 人都開心d架.

私人傳訊

Amytell

別墅

積分: 712

13^#

發表於 08-7-3 22:06 |只看該作者

我冧你應該搵返份工做,就算part time 都好,又或者學吓嘢或做義工

因為女人唔做嘢,個心就只會成日係屋企等自己個男人早d返屋企陪陪自己,又因為平時無特別寄托,又無返工,久而久之同社會脫節.........兩公婆無咗共同價值觀及話題...........

慢慢開始你又覺得老公唔多重視你及無嘢同你講,而你老公又覺得你唔會明白及體恤佢工作上嘅辛苦(日日崔佢早d返屋企)......

而這個時候正正有一位有共同話題及能諒解佢嘅紅顏知己出現的話.........

做人老婆都幾煩架又要唔可以太強又唔好太過依賴(生活同心活都只有老公)又唔可以太out(冇共同話題)又要見得吓人,最總要是給對方空間兼加上百份百信任

男人最討厭d女人婆婆媽媽,開口埋口都用個愛字來達佢,又疑心重,講來講去都唔信個老公.....成日都話人唔暸解......自己嘅想法就正確...老公嘅想去就籍口.....

久而久之個男人唔會再回應個老婆, 因為講落去都多餘,從此關係就會愈來愈惡化.....

其實你老公都已經重視咗你嘅担憂,早d返屋企同唔提女同事

咁你就要close file 唔好再轉牛角尖了,如果唔係你無啦啦真係送咗個老公同幸福俾人都未知自己衰乜就真係無姑姑了

私人傳訊

lulufefe

複式洋房

積分: 161

12^#

發表於 08-7-3 21:15 |只看該作者

我老公已經睇左封 email 啦, 不過就無講乜野, 雖然佢都keep住要OT, 但係呢一個星期都再無同同事食完野先返, 佢會六點時食少少野, 之後OT完返屋企同我一齊食或者飲d湯! 而嗰個女人嘛, 在我面前都無提過囉! 當然, 唔提啫, 但係唔喺我面前, 佢地係點我都唔會知啦!

其實見到大家嘅意見時, 我真係好想俾呢個topic我老公睇! 因為大家都講左我心裡想講嘅野!! 尤其係mary女個case!! 真係好想佢知道我所擔心同foresee到嘅問題!!

我都試過十幾廿歲, 什麼阿哥阿妹, 在我而言都已經係flirt !! 呢樣先係我最介意嘅!!

可能係我小器或者唔夠大方啦~ 人地可能真係咁天真, 咁可愛, 覺得一個已婚異性真係可以俾佢當係真阿哥咁依靠啦! 其實老公都有其他對佢好好嘅女同事, 佢地有時仲會幫佢買植物響公司擋殺tim~但係點解我對嗰幾個人無意見?! 又唔會好似對呢個女人咁大反應呢?! 我覺得老公應該諗諗! 究竟係我唔啱同麻煩呀?! 定係有其他原因呢?!

我地由拍拖到結婚, 都已經有十年, 就算佢有幾愛我, 唔多唔少一定會有d悶, 呢一點係可以理解嘅! 當然我都會學多d野, 等我知多d得閒就搞一d變化, 搞一d新意, 等佢無咁悶!! 因為我可以咁做嘅就只有呢d!

私人傳訊

mary女

大宅

積分: 2147

11^#

發表於 08-6-28 23:57 |只看該作者

hi!
其實我都好明白你的感受,因我同老公未結婚前,佢公司都有一個女仔既case好似你咁樣,個女仔係我老公嗰條team既大秘,起初我都以為無咩野,諗住個女子同我老公都只不過係談得來的同事,但後來個女仔話佢同男友分咗手,咁我老公就當佢朋友咁安慰佢,慢慢佢就依賴咗同鍾意咗我老公!

咁嗰陣時我老公都有迷亂過,因為我同佢係由細細個就開始拍拖,大家都係對方既初戀,發生呢件事時我哋已經拍咗10年拖了,所以嗰陣時對於我老公來說有女仔送到埋黎,佢都有心動過,當然呢件事最後係有個一個完滿的結局啦!如果唔係我哋現在都做唔到兩公婆啦!

但我想講既係好多時男女之間的感情唔係咁容易控制到(尤其是日久生情嗰隻),呢刻你老公promise到你,但你唔知嗰個女仔係咩心態,或者呢刻佢哋真係無野,但以後既野真係無人可以預測,所以你要比你老公知道你既諗法同擔心,讓佢代入你既位置去諗!!

當然唔好用好強硬既態度去push佢啦,如果唔係佢可能會好反感!