crystal5142000 發表於 15-7-16 14:56
多謝大家既留言，我由今日開始會疏遠佢。我原本想個仔識多個朋友，所以我平時教佢share既，咁我諗住大家樓 ...
crystal5142000 發表於 15-7-16 14:56
多謝大家既留言，我由今日開始會疏遠佢。我原本想個仔識多個朋友，所以我平時教佢share既，咁我諗住大家樓上樓下，多個朋友無壞。平時佢地都係打機，睇卡通，玩uno, 我都算。點知禽日佢肥仔來完我屋企玩wii, 之後請我仔去佢家睇卡通，我以為係睇卡通，咁咪叫阿仔玩1個鍾就回家。
點知今日阿仔突然同我講，佢地禽日係睇咸片，我呆左，問人地阿媽唔鬧咩？肥仔同學話:唔開聲，媽咪唔知架。
我阿仔平時好乖好純，好聽我話，我宜家好唔開心，我教阿仔唔著衫個d片唔係細路仔睇，要18歲先睇得，以後你唔好再去肥仔同學屋企了。我唔會比。我今次會企硬，疏遠佢。
babymaggieleung 發表於 15-7-16 14:45
樓主，我同你有陪樣情況，住同層有個女仔有次見我冇閂木門就拍我鐵閘話想同我女玩，咁我地剛訓醒，諗住食埋野出去一陣先返，初時都諗住俾細女識強多個朋友，因為家姐長期病患，行動不便陪唔到佢玩，咁叫佢4點先黎，我地就食午餐，食食吓個女仔黎拍左兩次門，問我出街未，之後我地出完街4點返黎，入門口都冇兩分鐘佢就黎接按鐘，咁就俾佢地喺走廊玩左陣，但我女同佢玩過一次就性情大變，因為正席測驗，唔俾玩就發脾氣掟野，以前從來唔會，咁我就唔想個女再同佢玩，因為個女仔平日成日都自己去第2座搵同學玩，考試測驗都如是，咁我覺得唔係咁適合就唔想個女同佢交往(唔係話我女好矜貴，只係正常揀朋友），同埋我大女要人看顧，我細女得7歲，我都唔放心佢一個人外面玩，但玩過之後佢成日隨時黎按門鐘，或者見我冇閂大門就拍鐵，話想同我細女出去玩，每5分鐘就黎按門鐘，按到你應門為止，於是有日我拆左門鐘既銅片，但佢居然門鐘冇聲都喺5分鐘內按左20次鐘(冇銅片屋內都會聽到門鐘嗒嗒聲），最後我頂唔順，成日咁樣好有心理壓力，有日喺大堂遇到佢爸爸，同佢爸爸講左佢就少左黎，但仍然會不定時黎拍鐵閘，所以你都要同佢父母講，唔可能日日幫佢揍仔，影響你日常生活
發表於 
睇咸片! 小朋友學壞唔駛3日，呢D咁嘅損友，唔識無損失，你以後都唔好俾個仔同佢玩啦~ 
情況同我一樣，不過佢同學係間唔中星期五或六至日黎渡假，如果放長假就住耐d，除左第一次佢媽咪打電話直接問我之外，其餘次數都係返到屋企先知佢仔黎左，佢媽咪係完全唔會預早問下我得唔得閒架喎，响我屋企嘅時間又唔會揾下個仔
返回列表
