夫婦情感

收藏本版
發帖
返回列表
跳至頁

首頁
123

尾頁
   0
lala_ly


大宅

積分: 4128


1#
發表於 15-7-20 15:48 |只看該作者
今個禮拜六，我同C6一齊返外家了解情況。先知原來係我爸爸趁我阿媽行開幾日，去咗個2奶嗰邊。
咁我阿媽當然一返黎就係咁哦佢，我爸最後頂唔順，終於忍唔住講咗出黎，自己係去睇仔....
我阿爸話“如果你接受唔到就離婚，我會淨身出戶，唔會同你爭任何嘢。”
我問阿爸你想點，佢話自己就係想去睇仔，唔係唔返呢個家。
意思即係佢兩邊都放唔低，兩邊都唔捨得，所以幾十年都無法選擇。
我阿爸一年360日都會喺我屋企，只有最多10日會去搵佢哋。

個2奶從18歲跟到我阿爸42歲。我爸講佢係一個賢良淑德，好抵得諗嘅女人！好吃到苦之類（同我阿媽同型）
個仔都8歲了，一年先見自己老豆一次（因為個2奶喺大陸陸豐），個2奶就做下散工湊大個仔，我阿爸每個月就唔係俾好多生活費佢哋，但係2009年我爸幫佢喺陸豐起咗樓。
講到情深處，佢就喊！話自己鬱鬱寡歡唔係因為自己有病（我爸爸上年切咗個腎），係因為個仔發燒感冒都無得去睇佢。
然後我阿媽就話放手，俾我爸走....我阿爸就眼濕濕咁話好，去執行李.....我就大喊叫佢唔好走。
我真係唔想自己阿爸咁可憐，而且我真係唔捨得，見唔到一個人嘅時候，就會好擔心佢過得好唔好！
然後我老公就叫佢冷靜d，唔好走，我阿媽都無繼續叫佢走，就咁大家就冷靜咗落黎。

尋日，我偷偷地攞咗個2奶電話，真係好想打俾佢！發洩下！！！！！
我唔會鬧佢，但係由我十幾歲到宜家，我今年28，十幾年二十年，佢不斷對我哋屋企造成傷害！
以前細個，唔可以做咩！如果到今時今日都唔咗d嘢，顯得自己好似傻婆咁！

請問各位JM，你哋會點！？
私人傳訊

ChinoB


侯爵府

積分: 20138


43#
發表於 15-7-21 22:33 |只看該作者

回覆：爸爸再次向阿媽提出離婚（下）

我會俾佢走囉。我爸走嗰時我都未夠17，但我無留佢。個心都唔喺到，留個人嚟做乜？

不過如果佢哋兩個離婚，再同上面嗰個結婚，咁上面嗰個同個仔就可以申請落嚟，到時又會演變其他問題。
愈嚟愈冇記性
私人傳訊

Lovelovebear


珍珠宮

積分: 31483


42#
發表於 15-7-21 21:44 |只看該作者

回覆：爸爸再次向阿媽提出離婚（下）

我記得樓主個頭像呀… 我覺得無論做你阿媽定你奶奶都好可憐… (俾家用99果單我唔再講啦…) 因為你只圍住自己中心轉, 明明媽媽都放生自己放生阿爸, 你又唔中意, 究竟你有冇同你媽傾過架? 你喊完你爸唔走, 跟住你就返屋企, 娘家只剩低你爸同你媽, 有冇諗過佢地感受?

你而家攞左個二奶電話又可以點? 打去鬧佢你條氣順d? 問題就可以解決了嗎？如果媽媽真心想放手, 俾你爸走啦… 好好地同父母傾下仲好啦…
私人傳訊

ivycwl


伯爵府

積分: 19947


41#
發表於 15-7-21 21:26 |只看該作者

回覆：爸爸再次向阿媽提出離婚（下）

完全唔明樓主你喊咩.你都28歲啦.
成熟啦
你父母想點咪點.

私人傳訊

BOYUBABY


男爵府

積分: 5997


40#
發表於 15-7-21 21:12 |只看該作者

回覆：lala_ly 的帖子

本帖最後由 BOYUBABY 於 15-8-14 02:32 編輯

…
私人傳訊

Bobo113


子爵府

積分: 11316


39#
發表於 15-7-21 20:36 |只看該作者

回覆：爸爸再次向阿媽提出離婚（下）

每個都要自已付責自己所作的一切和決定
私人傳訊

囡囡888


子爵府

積分: 11839


38#
發表於 15-7-21 15:21 |只看該作者

回覆：lala_ly 的帖子

個二奶又真係唔好彩跟著你老頭，無名無份又無錢，仲要自己照顧個仔。
私人傳訊

triplebaby


大宅

積分: 2921


37#
發表於 15-7-21 12:23 |只看該作者

引用：係呢刻，你重講得出你爸可憐我覺得有你呢個

原帖由 金魚婆 於 15-07-20 發表
係呢刻，你重講得出你爸可憐

我覺得有你呢個女，你媽咪更可憐
不能同意更多。。你老豆有咩咁慘，傻的嗎？！仲有麻鷹唔管管雞仔。。況且隻麻鷹都唔到你管，要管都係你媽啦
私人傳訊

ivytam11


大宅

積分: 1193


36#
發表於 15-7-21 12:08 |只看該作者

回覆：爸爸再次向阿媽提出離婚（下）

其實你媽係咪真係想佢走? 定係一時晦氣說話? 同你媽心平氣和時傾清楚先。。。
而家你媽先係最大victim，你都28歲，結埋婚，應該識得係一個比較中立的立場去睇。。。
個人意見，你阿爸話可淨身出戶，咁首先轉晒d錢出黎先，對你同你阿媽都係一個保障，點知大陸人幾時突然發den要錢又要人?
咁最好的結果當然就是你阿爸突然回頭是岸，但米已成炊，仔都8歲，在情在理都好難要完全決絕，可以的話用一畢錢解決都好，但你阿爸係唔捨得個仔，仲提出離婚，講埋淨身出戶，可以話走就走，坦白講，佢根本唔介意離開呢個家。。。
呢個死結都幾無解下，唯一就係睇你阿媽想點，想離就離，唔離都預左佢會多左時間去2奶到，(都講左出黎，唔怕你)，想要多個錢傍身的話，就係你做女可以幫忙的時候，要趁早同阿爸講清楚，轉名轉錢趁早做，遲左就預左俾左2奶架啦，不求錢的話，咪放過佢等如放過自己囉，搵d世藝識下人返下教會仲好。。。。都已經去到咁既地步
私人傳訊

TiffChan


子爵府

積分: 14972


35#
發表於 15-7-21 00:37 |只看該作者
可能果個moment.你唔捨得，但係自私咗，因你唔捨得個老豆而留下個負心漢要阿媽去繼續去面對。延續你媽媽的痛苦，於心何忍。放過你媽媽啦。
私人傳訊

sweetieyuki


侯爵府

積分: 22284


34#
發表於 15-7-21 00:10 |只看該作者

回覆：爸爸再次向阿媽提出離婚（下）

我會問清楚我阿媽想點，如果我阿媽心底裡唔想分，我會為咗個屋企做任何事，以前細個就話唔識，而家咁大個，我會出手，倒轉發生喺自己身上，你又想唔想人幫你？
包括搵個女人，亦唔會比我老豆走，佢鬱鬱不歡就梗架啦，同阿媽有事咪修補囉，結咗婚就無權再揀，如果個個都要搵個更好嘅，咁使乜有婚姻制度？佢少見個二奶無長期相處就梗係乜都好，女人個個都一樣，一段關係相處得耐一樣有好多嘢有磨擦，佢搞得婚外情，小三肯做人小三就預咗，重要生個仔嚟做乜？唔好諗住用個二奶仔做籌碼，唔係你阿媽害個二奶仔無完整家庭，係佢老豆老母任性，明知不可為而為之。
私人傳訊

kent121333


大宅

積分: 1758


33#
發表於 15-7-21 00:08 |只看該作者

回覆：爸爸再次向阿媽提出離婚（下）

你老豆真係不知所謂，幾十歲仲整件出來，希望佢長命百歲，養得大個仔。問清楚你媽先，如果佢真係可以放低的話，由你老豆走啦，佢個心唔喺度，你媽都唔好受。
私人傳訊

Carolinealee


伯爵府

積分: 17930


32#
發表於 15-7-20 23:26 |只看該作者

回覆：爸爸再次向阿媽提出離婚（下）

老豆要走，點解你要留？你都已經係成人！
私人傳訊

spikenard


水晶宮

積分: 72070


31#
發表於 15-7-20 23:19 |只看該作者
點解你覺得責任只係去晒二奶度? 這個女人浪費20幾年的青春亦同時拆磨你媽媽20幾年,夠LA,咩都夠LA,唔值得再浪費餘下的光陰去做審判官,人在做,天在看。讓天幫你善後吧,你也過應是你該得的幸福日子。

放下執念,和媽媽過一個比沒有他更幸福的日子吧,以前你細,沒法子,現在你成家立室,不用再擔心你,水過無痕,若冇人特登挑起D沙,水不會濁的。

背叛的行為不會有任何的痛的感覺, 痛來自於自己執著放不下的執念。
私人傳訊

birdy09


翡翠宮

積分: 86809

牛年勳章 2018父親節勳章 2018母親節勳章 2018復活節勳章 15週年勳章 親子王國15週年勳章 親子王國15週年勳章 熱血勳章 玩具勳章 畀面勳章 好媽媽勳章 醒目開學勳章 環保接龍勳章 大廚勳章 親子達人勳章 遊學勳章 BK猜猜猜慶中秋 冬日勳章 春季勳章 炎夏勳章 秋日勳章 BK Milk勳章 hashtag旅遊勳章 hashtag影視迷勳章 DHA勳章 育兒性格勳章 認識瑞士牛牛第一回 認識瑞士牛牛第二回 認識瑞士牛牛第三回 認識瑞士牛牛第四回 最關心BB問題熱投勳章 美好大世界2017勳章 開心吸收勳章 瞓得好勳章


30#
發表於 15-7-20 23:02 |只看該作者

回覆：爸爸再次向阿媽提出離婚（下）

你阿媽要放手，你留個咁嘅人喺阿媽身邊做乜 你會令到你阿媽仲辛苦

兩公婆嘅嘢，幾時到第三者話事，你完全無喺你阿媽個角度諗。叫你媽咪立晒衰老豆嘅嘢，然後伸佢出門口啦。

一個搵小三嘅男人有幾可憐呀 攞嚟賤就有佢份 你醒下啦
私人傳訊

tansyneko


琥珀宮

積分: 152982


29#
發表於 15-7-20 21:32 |只看該作者

回覆：爸爸再次向阿媽提出離婚（下）

老豆係老豆，無論點都係老豆，就算登報紙斷絕關係，都斷唔到你哋身上流住同一脈血，上一輩的嘢留返佢哋自己決定啦，你打去鬧二奶，只會將你老豆推向二奶度， 問清楚你媽係咪真想離婚，定只係意氣說話，無論佢咩決定你都支持你媽的決定就夠了，老公係佢既，佢自己揀
私人傳訊

tszyitsang


別墅

積分: 733


28#
發表於 15-7-20 21:22 |只看該作者

回覆：爸爸再次向阿媽提出離婚（下）

點解唔放你爸爸走 佢辛苦時你媽咪仲辛苦
你爸爸既然咁想同個二奶仔生活做番爸爸既責任咪比佢盡囉
私人傳訊

kvc711


大宅

積分: 1627


27#
發表於 15-7-20 21:14 |只看該作者

回覆：爸爸再次向阿媽提出離婚（下）

比條生路給你媽媽，十多年了，咩都夠啦
私人傳訊

Ladymama123


大宅

積分: 3590


26#
發表於 15-7-20 21:08 |只看該作者

回覆：爸爸再次向阿媽提出離婚（下）

你地大曬，依加有個細既仔又想走去關心，都咁大個人有咩好唔捨得，放手等人人都好過啦 好行夾唔送
私人傳訊

anan3388


大宅

積分: 4418


25#
發表於 15-7-20 20:53 |只看該作者
樓主，傷害你和你媽媽咁多年的，是你阿爸。
你唔好再美化佢，為佢找藉口。
佢依家眼中係佢仔緊要，掛心佢個仔。
雖然咁多日佢在你哋家，
但人在，心在唔在?
你要尊重你媽。
當日唔好一時衝動，係好事。
但靜落嚟後，你媽的意願要擺先。
你已有自己家庭，你媽呢？
為咗你要留你爸，你媽仲要咁折磨?
佢哋就算離婚，你都仲係佢個囡。
但佢緊唔緊你，係你爸選擇。
夾硬來大家都痛苦，又為乜。
好好地冷靜下來
私人傳訊


首頁
123

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見