姑娘見我好似等得好輕鬆咁，於是問我加唔加藥，會快d，不過會痛d,我話加，因為穿水太耐太多了，驚最尾要開刀，落藥冇幾耐開始黎料
預計唔到咁痛，姑娘見我咁乖就問我要唔要俾老公入黎做下按摩，我話要呀，勞役下佢都好丫，老公咁就入左黎北九裡面，大痛痛到人都癲左，想痾又唔俾痾果陣，終於有醫生黎睇我，佢話有d進展了，有五度，果時好似係六七點，我心唸可唔可以再加藥，快d痛完快d生，但姑娘話唔得了，我加得太多，痛到入心入肺，仲要勁密，分半鐘一次陣痛，同老公講兩句又痛過，果時我係度唸會唔會死
痛左三個鐘，去到十點幾左右，醫生又走黎幫我check, 佢話我停滯不前同埋bb唔係面向我patpat，因為只要一駁機我阿b就會出腳踢果舊野，我之前同左姑娘講，但佢話阿b會自己搵啱位轉身先出黎，佢地而家先信，醫生話順產應該生唔到，我bb有七磅幾，佢話而家可以開刀，有麻師有手術室，淨係等我簽紙，我即刻簽，只要唔使再痛，而又對阿b好我即刻咩都肯，到我入得手術房已經係半個鐘後既事了，廣華做野極慢，又話即刻安排到，但我已經經歷n次陣痛，推到入去手術室已經係一分鐘痛一次，個醫生又要同你解釋勁多野，我已經痛死了
是但答佢，咩都話係同明白，個老麻師好唔掂，落左第四針先落中尾龍骨最後兩截果個位，等左兩分鐘左右，終於一d痛都冇，下半身完全郁唔到，十幾廿分鐘後聽到bb喊聲，23:33，我唸我永遠都會記得呢個時間
佢磅完之後拎黎俾我望下，好感動，呢十個月終於都見到佢了，不過聯針果時見到個麻師玩電話，超無奈，不過都生左了，恰左一陣觀察完就推得去東九，老公同屋企人全部係出面等我，我同阿b一齊出黎
果時已經係兩點了，安頓晒野就可以真正休息下了～待續
發表於 
好好休息
尋日換片發現臍帶甩左了，多謝bb送俾我地既第一份禮物
返回列表
