吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 養和剖腹產分享

懷孕前後今日: 13|主題: 330369

收藏本版

發帖

返回列表

跳至頁

查看: 10885 | 回覆: 47

養和剖腹產分享 [複製鏈接]

12 3

jpink

別墅

積分: 710

1^#

發表於 15-8-7 10:16 |只看該作者 |正序瀏覽 |打印

本帖最後由 jpink 於 15-8-18 07:59 編輯

之前喺哩度找到其他媽媽嘅剖腹產分享，覺得好有用，同埋可以知道大概流程，所以而家都想將我嘅過程同大家分享。

原本定好左日子養和剖腹產，但係bb急住要出世，前一日臨訓前bb好活躍郁黎郁去，但有幾下好似頭仔向下轉咁，我坐左起身一陣，訓返低準備訓聽到個肚'卜'一聲，大約十零秒後開始流羊水。

羊水好快流好多，我一邊打比醫生，緊急去養和，醫生問我考唔考慮自己生，我怕痛，都係選擇剖腹。

老公車我去到養和，直接入去同門口嘅人講，佢地推輪椅出黎，推我上去產科做登記，由一入去嗰一刻開始，所有醫護人員都非常好同埋令我唔太緊張，亦覺得佢地好專業。

姑娘先幫我做一系列檢查，醫生好快亦返到醫院。其實當時除左好多羊水流出黎之外，都係輕微陣痛。做好檢查就即刻做手術前準備，換衫，剃毛。老公當時都喺檢查室陪我。
準備好後，推我去見麻醉科醫生，醫生解釋非常詳細，詳細到麻醉後嗰啲症狀同醫生講嘅一模一樣。

推入產房後，先吊營養針同喺背脊打麻醉針，麻醉針都唔多痛，因為係先打少少麻醉左先再加量，所以冇乜特別痛，係半身麻醉。老公就入黎陪產，醫生開始檢查麻醉好未，姑娘叫老公捉住我隻手，又同我傾下計，醫生亦同時動刀，之前睇剖腹產嘅帖話大約十分鐘就拿左bb出黎，嗰一刻嘅真實時間，我簡直覺得十分鐘唔洗bb就拿左出黎，感覺好唔真實，但真係好感動。然後姑娘拎bb清潔，抱過黎一齊影相（醫生仲做緊手術清理胎盤），跟住老公同姑娘送bb上房。我就喺產房繼續處理，哩一刻個人開始震（麻醉針副作用，幾個鐘就會散）醫生話我胎盤痴好實，幫我做埋刮宮，全程計埋連聯針大約再加大半個鐘左右。
搞掂之後推出產房觀察等上房，當時麻醉藥未過，勁震，但唔驚，因為麻醉科醫生解釋過係會咁。上到房姑娘都睇左我幾次，同埋有推我個肚，哩幾下都幾痛，但唔耐，姑娘話係幫助子宮收縮，因為如果子宮唔收縮會流多啲血。
到左四個鐘麻醉藥散左都幾痛下，我一直有吊針，針裏面有止痛成分，醫生話如果太痛仲可以打針，不過我都尚算忍到痛。
全個過程我覺得佢地處理非常好，可以算係愉快嘅旅程。

第二頁有拎野去醫院嘅提醒。

點評

kakabee

發表於 15-8-16 06:16

jayk_1030

發表於 15-8-7 10:28

0 0 0

私人傳訊

kakabee

子爵府

積分: 12830

親子王國15週年勳章

48^#

發表於 15-8-20 23:22 |只看該作者

引用：回覆+kakabee+的帖子我有請陪月，佢教我好

原帖由 jpink 於 15-08-20 發表
回覆 kakabee 的帖子

我有請陪月，佢教我好多野，非常好！始終年代唔同，阿媽同奶奶啲方法唔同，又唔會記 ...

陪月一定請，但未諗要點安排，同埋唔知夾唔夾得嚟

私人傳訊

jpink

別墅

積分: 710

47^#

發表於 15-8-20 23:04 |只看該作者

回覆 kakabee 的帖子

我有請陪月，佢教我好多野，非常好！始終年代唔同，阿媽同奶奶啲方法唔同，又唔會記得。陪月有經驗，又不斷進修，產後月子餐同照顧bb都有需要。

私人傳訊

jpink

別墅

積分: 710

46^#

發表於 15-8-20 22:53 |只看該作者

回覆 GreenT 的帖子

包括左你講嗰啲。但我醫生冇收緊急費，只是養和收。

私人傳訊

SK921

男爵府

積分: 8832

45^#

發表於 15-8-18 10:52 |只看該作者

jpink 發表於 15-8-7 10:16
之前喺哩度找到其他媽媽嘅剖腹產分享，覺得好有用，同埋可以知道大概流程，所以而家都想將我嘅過程同大家分 ...

請問你用邊位兒科醫生? thanks

私人傳訊

GreenT

複式洋房

積分: 427

44^#

發表於 15-8-18 10:21 |只看該作者

jpink 發表於 15-8-18 08:01
回覆 jayk_1030 的帖子

埋單加六千，因為衝產房。出院埋單八萬唔洗，六人房，五日五夜。

請問"八萬唔洗" 係咪以下費用? 仲有無其他雜費? 另外醫生會收緊急費嗎?? thx
package 24800 + 緊急6000 + 醫生費 + 麻醉師費 + 產婦&BB醫生巡房

私人傳訊

kakabee

子爵府

積分: 12830

親子王國15週年勳章

43^#

發表於 15-8-18 08:18 |只看該作者

引用：回覆+kakabee+的帖子其實都係睇自己決定，

原帖由 jpink 於 15-08-18 發表
回覆 kakabee 的帖子

其實都係睇自己決定，唔洗理人講乜。順產嘅朋友聽到開刀，個個都話唔好，話復原慢， ...

開刀唔知要幾耐先復原到

都仲未安排產後坐月果D，媽咪同99又文化各方面都好唔同，如果要日日同埋一齊一定有問題，雖然佢哋自己生過，但應該好多嘢都已經唔記得或者唔同咗。請陪月又唔知好唔好，仲要安排上有D麻煩，又只可以下午至晚飯時間。產後應該好快就要工作，雖然可以唔使返去公司做嘢.......

私人傳訊

jpink

別墅

積分: 710

42^#

發表於 15-8-18 08:01 |只看該作者

本帖最後由 jpink 於 15-8-18 08:04 編輯

回覆 jayk_1030 的帖子

埋單加六千，因為衝產房。出院埋單八萬唔洗，六人房，五日五夜。

私人傳訊

jpink

別墅

積分: 710

41^#

發表於 15-8-18 07:54 |只看該作者

回覆 kakabee 的帖子

其實都係睇自己決定，唔洗理人講乜。順產嘅朋友聽到開刀，個個都話唔好，話復原慢，咁佢地亦未試過開刀喎。開刀嘅朋友就話開刀好，唔洗受十級痛，最多慢慢復完，而佢地亦冇試過順產。我自己就乜都冇聽入耳，只係唔想受十級痛去生bb, 所以由頭到尾都冇諗住順產。尊重自己決定！
我開刀嘅經驗係覺得非常可接受嘅痛，而第四日已唔需要食止痛藥，傷口亦係手術後第一張膠布有血積啫，啲朋友話好睇醫生手勢。