件事係咁既, 我一直同老公租樓同居 (唐五樓, 無電梯, 260尺交緊$10000租),
見咁上下年紀, 我唔想做高齡產婦, 我父母有長期病, 我想佢地可以睇住我結婚生仔,
所以就同老公商量結婚, 我地手頭上都有少少錢足夠結婚, 當然首期就唔夠俾啦
老公同6299講話想結婚, 咁62就主動提出俾首期, 律師費, 裝修費我地買樓
(我知道個刻, 真係好開心架, 我無諗過6299會主動提出, 對我地咁好
我亦都好開心咁同左我媽講, 等佢唔洗擔心我捱貴租)
(當然, 我地係會之後還返錢俾6299,同埋, 都知道唔應該拎佢地D養老金)
我只係唔開心, 我地無要求, 一直諗住繼續自己租樓住,
你既然主動提出, 點解最後要反口呢????
反口都唔緊要, 你唔好諗住為我地好, 幫我地諗我地可以點囉
但依一刻, 我好慶幸無拎到6299既錢買樓, 亦都好感謝佢地反口
老公: 我地諗住出年結婚, 唔會大搞, 搞lunch自助餐
62: 你地有錢架啦
老公: 有呀, 我地有儲錢
62: 咁住呢, 你地有錢架啦
老公: 繼續租住先啦, 咁貴, 無能力買, 申請唔到公屋
62: 其實, 首期, 裝修, 律師費等等, 都有預到俾你既, 你地自己去睇樓啦, 鐘意買邊都得, 最緊要係你地自己供得掂
隔左一星期
99: 睇樓睇成點呀
老公: 無呀, 好細都好貴, 唔抵囉
62: 我朋友話鰂魚涌有個單位, 又平又大
老公: 唔鐘意鰂魚涌, 老婆返娘家唔方便
又隔左一星期
99: 睇成點呀
老公: 都係未睇到岩心水呀
62: 講明先, 層樓要有99名架, 依家層樓, 無99名, 99好無保障, 至於你老婆, 你地自己傾啦, 最好無你老婆名啦
老公: 好, 我地傾好左, 無我老婆名, 佢無所謂, 佢都幫手一齊供樓
之後每星期老公返去食飯, 都會問下睇樓睇成點
又隔左兩星期
99: 有無睇岩呀
老公: 有呀, 有個單位, 我地都幾鐘意, 不過2百幾尺350萬貴左D囉, 再睇下先囉
62: 不如你地問下業主, 賣唔賣你地住緊個度啦
老公: 唔啦, 唐樓唔方便
又隔左大約半年
62: 不如, 你地唔好買樓囉, 一來, 依家貴, 會跌架, 二來, 如果我有嘜事唔係度, 你地供唔掂, 無人幫到你地手
老公: ………..
62: (1) 你地申請公屋 (2) 你地搬返黎, 我地同大伯搬出去租樓住, 唔洗好大我地都夠既 (3) 你地繼續租樓住, 唔好租咁大, 平少少囉 (4)
俾錢大伯買, 佢人工高D
之後老公同我講
老公: 62話唔好買喎, 咁你諗住點呀
我: 我一定唔會咁不孝要佢地出去租樓住囉, 可以點, 咪繼續租樓囉, 係唔知點同我媽講啫 (當時已經好唔開心架啦, 好失望架啦, 但始終覺得, D錢係佢地既, 唔俾都無所謂啦)
老公: 睇定D先啦, 佢地都一時一樣既
如是者, 我地就繼續處理結婚既事, 亦都繼續租樓, 轉眼間, 又到左食團年飯既時候
99: 你申請公屋啦
我: 入息過左, 申請唔到呀
99: 點會呀, 申請公屋啦
62: 我個朋友既邊個邊個都申請到啦
老公: 真係申請唔到呢
我: ……(強忍淚水)
老公: 我地食飽啦, 走先啦
落到樓下, 我都一直無出聲, 強忍淚水
老公: 你想點呀
我: …….
老公: 唔好唔出聲啦
我:…….
老公: 點呀
我: 唔想出聲
返到屋企, 已經忍唔住喊
老公: 你想我點啫, 係咪要買樓, 我同佢地講囉, 我去鬧佢地囉
我: 唔係呀, 只係唔開心啫
老公: 我無用囉, 俾唔到個屋企你
我: 我唔係貪佢地D嘜呀, 我都無要求, 係佢地主動話俾首期, 叫我地去睇樓, 我地開開心心去睇樓, 幻想下點裝修, 唔敢轉工, 依家一下話唔俾, 真係好唔開心, 覺得被騙, 佢地唔俾錢, 我地咪繼續租囉, 點解仲要係咁叫我申請公屋, 申請到, 都唔洗捱貴租啦
老公: 都係我無用 (跟住又喊埋一份, 我地一齊喊, 怪自己無用)
之後個幾日, 我都係心情好down, 亦都唔會再提買樓, 唔會再睇TBB安樂窩
而之後每次見到6299, 我都會笑笑口咁叫佢地, 只係每次佢地見到我, 仍然會叫我申請公屋, 我只係答佢地申請唔到, 就無再出聲啦
其實搞結婚期間, 6299都俾左好多難題我, 不過好彩,
最後都順利結婚, 6299, 我父母都好開心
發表於 
返回列表
