自由講場

收藏本版
發帖
返回列表
跳至頁

首頁
12

尾頁
   1
jacobkit


子爵府

積分: 14543

HiPP勳章(1) 2018父親節勳章 Poo得好勳章 瞓得好勳章 開心吸收勳章 認識瑞士牛牛第四回 認識瑞士牛牛第一回 育兒性格勳章 我的育兒心得勳章 BK Milk勳章 畀面勳章


1#
發表於 15-8-13 23:24 |只看該作者
有點長篇，請見諒

問題主要係

1.究竟應唔應該主動捉c6返去男家食飯

2.來緊生日過節點做才合宜

新婚差不多一個月，上星期返了男家去食飯，那天我倆放假，本身c6無諗住返去，但我覺得不大好，因為我自己都知父母會掛住，我自己都會趁c6唔回家食返娘家（一星期返一，兩次），之後我send message俾奶奶話c6好掛住你地，想今晚回家食。c6睇住我send，話，拿，我無講過。

最後回到去c6，99同62都開心的。6299俾咗好多嘢食我們，當晚的湯，99又塞咗好多嘢俾我，叫我煲藥材湯俾c6，指定我煲邊種（其實事前有天突擊去我家，之後就whatapps我叫我煲d藥材湯，send埋點煲，但其實我有煲粟米蘿白之類的老火湯），99好熱心教我煮飯，62說「唔洗教，xx的媽媽會教佢」，又說你呢兩個月有無煮飯，是否食了好多公仔面。走的時候，c6有些唔耐煩，因為我地要用車仔拎嘢走（有些是c6的雜物）,c6嫌煩。之後62說，下星期返來食飯再拎。

走了之後我問c6，下星期幾時返去，c6話唔洗，我問佢點解，佢話「掛住先返，我唔喜歡固定時間，講實一星期要返一次，唔掛唔洗返」事實c6在婚前早一兩個月搬出來，只是主動返了一次，仲要係要拎嘢先返。我問佢返去是否好煩，佢話唔係，但覺得無需要。我話6299會掛住，不如返下la，c6反而問我，你好想去？我笑笑口話其實我做人ar媽都會掛住仔，如果我個仔咁無心肝，真係生女好過（事實我自己差不多每日都會返娘家兜個圈，因為離新居只是5分鐘腳程，之後就回自己家煮飯或返工）。c6當然否認無心肝，但覺得不大掛住，也沒有在無事的情況下主動打電話俾老爺奶奶

今個星期我沒有出聲，c6又真係無諗住返去，今日收到奶奶message說62來緊月尾生日，叫我們點去食飯

以前未結婚老爺生日我同c6會夾份送禮物仔，我本身諗住出去食就算，我們找數。但奶奶又說唔好，想在家食。但我又唔知點做好，之前的禮物仔，都係我建議c6，c6一向主張咩都唔洗。


老爺性格喜歡飲酒，喜歡搞小生意但成日同人唔夾，總是最後賣俾人頂手收場，但賣完之後又從新同其他人搞另一d生意。佢都認自己脾氣不好。看錢重，有問c6借錢，都有借有還，但愈借愈多，c6最後唔理佢。上次食飯向我同c6呻無錢，我當然扮睇電視，c6又扮聽唔到，c6話老爺係覺得自己係叻的，無理由發唔到達，我都好佩服佢。上次食飯又問下我媽做d咩，之前又問下我家的情況。
其實我有諗過封小小利事，因為錢好似實際d， 但是我家姐話唔好咁做，好危險。

來緊中秋，我一向買開月餅俾老爺奶奶，仲要係比較貴的款，但c6反對（其實佢年年都反對），不過因為健康原因，我諗緊不如今年買日本生果，但是我唔知洗唔洗封利是。家姐叫我千萬唔好，話俾了返唔轉頭，話俾就c6自己俾

我逢過節生日都額外俾多幾千我媽，我屋企人都係
私人傳訊

water-lily


公爵府

積分: 27613


30#
發表於 15-8-14 12:53 |只看該作者

回覆：請教有關做人心抱的智慧

最怕開左個頭，日後你唔想／唔得閒做好人時，會立即變成衰人
你老公正應該最明白男家的傳統／需要，最多提一句，佢覺得唔需要就算，冇謂做到吃力不討好！
私人傳訊

floralamlam


伯爵府

積分: 17389


29#
發表於 15-8-14 11:53 |只看該作者

引用：你已經做足本份啦

原帖由 家文 於 15-08-13 發表
你已經做足本份啦
私人傳訊

靜媽


男爵府

積分: 5754


28#
發表於 15-8-14 11:41 |只看該作者

回覆：請教有關做人心抱的智慧

我初初嫁比C6，都會熱心男家既事，不過媽咪提點我做新抱都係唔好大熱心男家既事，始終唔係一齊生活一齊長大，好多做法諗法都唔同，無謂做成不必要既誤會，所以我慢慢都無理，除非c6有野想我幫或者問我意見，否則少理為妙。

私人傳訊

dazzlelulu


子爵府

積分: 10900


27#
發表於 15-8-14 11:40 |只看該作者
smiletigger 發表於 15-8-14 09:17
你99好掂好識做，有興趣想知佢教出嚟嘅仔女(包括你c6)係点
我先生同佢脾氣唔夾, 我認為有一定程度係恃寵(佢地當然唔認)。自從大學入宿舍就C6自己搬開住, 99 上去幫執屋補倉都要顧住少爺"方便", 但明明C6 識煮又可以自己做家務(當然唔主動 唔亂到七彩唔郁果隻啦! 我地係外地開始, 因為我自己奄尖, 呢樣梗係清楚咗先)。

結婚前我知係99 叫好多次佢先應酬一次, 有時仲係蜻蜓點水式, 佢工作忙當然係主因, 但我唔會多口評。反而佢同我返屋企, 同我媽講到唔斷(有時傾工作處事等)要我提佢仲有事要做.

結咗婚, 我媽覺得媳婦要待夫家公平啲, 盡量和平氣氛, 所以我睇老公行事, 氣氛唔太差, 餐飯我會留下完成, 幫下頭尾(其實有傭人唔使點做), 但99至少覺得有機會講兩句, 尤其有其他親友係度, 佢有面子啲。

不過真正傾得嚟, 係我地有仔女後。我同老公覺得自己一代有自己生活一套, 所以一決定生就約咗四大長老"先小人後君子", 講明任何教養事會自己最終決定, 佢地有意見可以同我地傾而唔好做架兩, 第日兒女點係我地受架!......結果9962想買衫買玩具都會問咗我地先, 咁多年, 佢地係抱住"玩"孫態度。99 以前管C6讀書好嚴謹, 依家心痛啲孫"辛苦", 成日心思思煮的心愛野俾寶貝食 不過子女就知除此外, 一定係我地首肯先有得傾, 爺爺嫲嫲係"呻下架咋". 仲會報告的。
私人傳訊

jacobkit


子爵府

積分: 14543

HiPP勳章(1) 2018父親節勳章 Poo得好勳章 瞓得好勳章 開心吸收勳章 認識瑞士牛牛第四回 認識瑞士牛牛第一回 育兒性格勳章 我的育兒心得勳章 BK Milk勳章 畀面勳章


26#
發表於 15-8-14 11:34 |只看該作者

回覆：請教有關做人心抱的智慧

明白，我諗我都係少做少錯
私人傳訊

JACQUELINE107


男爵府

積分: 7883


25#
發表於 15-8-14 11:27 |只看該作者
你出發點是好, 但是為自己著想, 少做少錯, 我驚最終所有人會怪番你轉頭
私人傳訊

good_pig


寶石宮

積分: 318142

開心吸收勳章 hashtag旅遊勳章 大廚勳章 畀面勳章 BK Milk勳章


24#
發表於 15-8-14 10:25 |只看該作者

引用：男家的事,最好不要過份熱心,否則兩邊不討好

原帖由 414928 於 15-08-13 發表
男家的事,最好不要過份熱心,否則兩邊不討好。

回去食返的事,有空提一下,如果老公唔想便算了,算是盡了本份, ...
agree, 我覺得c6同佢父母既默契，唔係我地做老婆可以理解
私人傳訊

小詠


珍珠宮

積分: 48437


23#
發表於 15-8-14 10:12 |只看該作者
jacobkit 發表於 15-8-13 23:24
有點長篇，請見諒

問題主要係
妳真係好好呀, 把老公的父母當成自己父母, 做得對, 反而你老公無心肝喎, 但男人係咁
所有遇見，皆有因果
要是每個人都懂你，那你得有多平凡
私人傳訊

91405


子爵府

積分: 11178


22#
發表於 15-8-14 10:01 |只看該作者

回覆：請教有關做人心抱的智慧

總之表面要做到一視同仁
點對自己個邊d家長就點對99
我結左婚唔算耐 只有幾年
但同99關係好好
私人傳訊

sunshine135


男爵府

積分: 6413


21#
發表於 15-8-14 09:19 |只看該作者
本帖最後由 sunshine135 於 15-8-14 09:21 編輯
jacobkit 發表於 15-8-13 23:24
有點長篇，請見諒

問題主要係

我同你一樣都會做呢d 剛結婚每個新抱都覺得應該當對方父母係自己父母一樣咁孝順長輩既事..
幾年後到今日, 我覺得自己係雞仔媒人, 多事精, 男人事業心重又粗心大意, 用自己(女性)o個套想法迫個男人做d 佢平時冇做開既事, 咪即係夾硬將一個男人變做女人咁, c6 自己又唔like, 咁搞法仲開左個壞頭等 6299 仲以為自己個仔好孝順(平時個仔根本就唔so 自己父母), 到有一日你同99 唔岩時唔想做呢d 多餘野, c6 又唔會主動做, 6299 就會怪你教壞佢個仔指責個仔變左呀冇心肝呀唔洗理阿媽剩係顧老婆咁, etc., 小問題都變大問題..

其實如果你 c6 自己根本都唔想理自己父母, 佢地相處左咁多年, 當中細節只有佢地先知, 我地呢d 外人又點知? c6唔想見就唔見, 你唔好枉作好人喇..
私人傳訊

smiletigger


侯爵府

積分: 21804


20#
發表於 15-8-14 09:17 |只看該作者
dazzlelulu 發表於 15-8-14 00:13
我覺得對男女家都盡量維持公平，唔需要刻意討好，但若我每星期返屋企聚餐，咁盡量亦會去夫家一次，先生唔得 ...
你99好掂好識做，有興趣想知佢教出嚟嘅仔女(包括你c6)係点
私人傳訊

咖央


珍珠宮

積分: 41839


19#
發表於 15-8-14 08:54 |只看該作者

回覆：請教有關做人心抱的智慧

我覺得樓主係一個好純嘅心抱
私人傳訊

lokyan0901


侯爵府

積分: 23501

BK Milk勳章 hashtag影視迷勳章


18#
發表於 15-8-14 08:48 |只看該作者
基本上我覺得同男家GE人客客氣氣,你好我好,見面點下頭吹下水就夠,包括6299.
任何深入問題,有關屋企決定全部交返俾個老公自己解決,至少無位俾人入~

另外返唔返去食飯D樣野,我娘家幾時返我話事,佢屋企幾時返咪佢話事囉,
個個人對待屋企同溝通方法都唔同~
同埋講真你一做開個頭,以後你都要咁做,宜家新婚就會連2個星期返去食飯?
以後你一唔咁做一定有說話聽,你真係覺得你以後都可以個個星期返去咩?
放假都想抖下架,唔會玩喇,同埋個老公都出到聲話唔駛喇,你搞咁多做咩?

生日個度都係聽老公講,佢話點就點,你第一年要送禮就以後年年都要送,仲要有心理準備俾人話送得唔岩心水,俾CASH都係,要有心理準備俾人話少,咁送黎做咩?
只要老公話唔駛GE野我全部都唔會做,所有同男家GE生日節日飯我都只係出現,最多幫手BOOK位,俾錢呀個D全部老公負責~

講真...我都係覺得男家GE人係你老公屋企人,佢地咩格你老公最清楚,要點相處點慶祝見幾多次佢會有分數,你做咁多無著數,只會有位俾人入~
大家你好我好,客客氣氣都係相處融合GE一種~
你已經將問題複雜化帶左麻煩俾個老公,已本來個問題唔需要發生
我睇GE美日韓劇PART 2
私人傳訊

歌莉亞


伯爵府

積分: 17789


17#
發表於 15-8-14 06:29 |只看該作者

回覆：jacobkit 的帖子

初歸新抱,無論自己或奶奶也會比較緊張,我當年都好著\0重奶奶講的每句説話,如她最怕她的兒子無飯食無湯水飲等,又干預所有我地的一舉一動,但時間耐咗,就明白到不用太上心,做了基本本份,對得住天地良心便可,老人家係咁了。我由結婚那天起都不會理我老公比多少錢奶奶,因這是她的媽,正如他也不用理會我如何用錢和我给多少比我爸一樣。最重要的便是不用同住,大家可以少磨擦和客客氣氣,維持良好關係就好。
私人傳訊

Osiana


男爵府

積分: 6323


16#
發表於 15-8-14 06:26 |只看該作者
回覆 jacobkit 的帖子

我覺得你唔好介入佢地一向嘅運作模式，好心做壞事，你要尊重c6嘅做法。你鐘意返娘家，唔代表佢都咁做。 佢屋企嗰邊嘅事，等佢自己揸主意。
你千其唔好俾錢6299, 唔好開壞頭，唔好借錢比佢地。

你c6做咁多次生意都唔成功，即係佢唔係好似自己唸到咁叻，又仲未知道自己衰乜，况且，一把年齡，又無多餘錢，唔應該創業。
私人傳訊

lazywife


侯爵府

積分: 24263


15#
發表於 15-8-14 06:21 |只看該作者

回覆：請教有關做人心抱的智慧

做人隨心，做新抱都係，特別個老公同父母之間有d往史，做老婆既都係難以明白，亦難以化解，咁既情況下，要隨個老公心意去做，做得多反而突兀。

做新抱，無話要咩智慧，如果佢地只係一般老爺奶奶，永遠都係少金錢來往，家用俾足，基本禮貌做足，如果係非一般，果時就係斗長命，再有智慧都無用。
私人傳訊

MariaTsui


水晶宮

積分: 60514


14#
發表於 15-8-14 06:07 |只看該作者

回覆：請教有關做人心抱的智慧

我很欣賞樓主的做法。加油!!!

我跟你的做法有點似，我已結婚10幾年，99對我越來越好，有次老公跟99冷戰，是我出手解決，最重要是互相尊重。
私人傳訊

rayrayus


翡翠宮

積分: 84808

2025勳章 2025勳章蛇年勳章 2024年龍年勳章 2023年兔年勳章 虎到金來勳章 牛年勳章 2018復活節勳章 育兒性格勳章 趣教勳章 叻叻勳章 BK Milk勳章 hashtag影視迷勳章 15週年勳章 親子王國15週年勳章 親子王國15週年勳章


13#
發表於 15-8-14 05:42 |只看該作者

回覆：請教有關做人心抱的智慧

樓主你似乎好著緊想please 你老爺奶奶，我覺得大時大節睇老公頭，至於生日呢d咪買張卡送樣小禮物打個電話咪得，父母係佢的，佢當然知道點同佢地相處最好，老公話唔駛就無需過分熱心，隨緣啦
私人傳訊

bosch


瑪瑙宮

積分: 128515

2025中秋節勳章 母親節2025勳章 2025勳章 2025勳章蛇年勳章 2024年龍年勳章 2023年兔年勳章 虎到金來勳章 開心吸收勳章


12#
發表於 15-8-14 05:35 |只看該作者
你老公唔想成日返去的話，至多間中大家一齊返去食飯，唔一定要捉你老公返去，一定唔好實牙實齿話隔幾耐就返去一次，第日唔可以返得去咁密時，你地只會俾人埋怨。果個係你老公既父母，佢地有佢地既溝通方式。我同6299 勁friend，佢地當我係女咁，我至會主動去探佢地或叫佢地黎我屋企。

黎緊生日，你62 99 想點搞咪佢地話事，唔好將你既想法要人去接受。

俾利是一定唔好，大時大節俾少少當俾佢地買下野就好，62已經成日呻冇錢，見你不停泵水就會倚賴去你度。你同你老爺有幾熟？連你老公都扮聽唔到，你就唔好自己中個頭埋去。
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy