吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 基督家庭› 問題: 另一半非基督徒辛苦嗎?

基督家庭今日: 0|主題: 9939

收藏本版

發帖

返回列表

跳至頁

查看: 11577 | 回覆: 37

問題: 另一半非基督徒辛苦嗎? [複製鏈接]

chun719

男爵府

積分: 7269

1^#

發表於 15-8-14 11:41 |只看該作者 |正序瀏覽 |打印

朋友A 同男朋友 5年感情
正步向婚姻 , 朋友A 係近年先變成基督徙
佢同佢男朋友既價值觀開始出現問題
男友一直都無干預佢番教會出席活動.
三個月可能陪朋友A番教會一次 , 但一直未相信
朋友A覺得佢相信左神之後愈來愈好
而覺得男友企在原地。
佢地講開信仰呢個問題就會產生爭辯
所以一直都無講D咩
直到佢地諗住結婚。

朋友A 希望男友都成為教徒
諗法先會一致 , 未來既路先會行到落去。

朋友A男友覺得我唔干預你成為教徙
但你都唔應該迫我成為教徙
因為如果夾硬咁做 , 佢就已經唔係佢。
同佢覺得兩個人之間對方最重要。
但係朋友A心目中最重要係神，
並唔係佢。
於是而家亮起紅燈....
想請教下你地係點解決呢個另一半既問題。

0 0 0

私人傳訊

kit2004

水晶宮

積分: 69174

2024年龍年勳章 2023年兔年勳章虎到金來勳章 2018復活節勳章親子王國15週年勳章畀面勳章醒目開學勳章環保接龍勳章 BK Milk勳章 hashtag旅遊勳章 hashtag影視迷勳章

38^#

發表於 15-10-3 00:56 |只看該作者

心同感受

c6幾年前番左,仲洗埋禮.而我仔就同佢一齊番.(awana)我唔抗拒佢番.但c6之後有意無意叫我一齊番.但我唔鐘意.係呀仔有表演先會去.講真.我覺得感覺唔ok.悶.佢地唱歌我就一碌木企係度.on on居居.投入唔到.呀仔都係表演幾分鐘.但我就要捱幾粒鐘.未完時我真係頂唔順出去等佢地出黎.

跟住awana要成日背野先可以升級.c6又要我幫佢背.我話學校已經攪唔店,你仲要額外加d野比佢同我.講到鬧晒架.又話背少少姐,一兩句姐.ok!兩句我就同佢背下.但愈來愈長,多!我最後都唔同佢背.甘佢又升唔到級.c6又怨我啦!我米話升唔到米升唔到.甘鬼煩唔好番啦!初初又要我額外再去同呀仔參加其他教會活動.大佬!又唔近屋企.我係條街蕩幾個鐘呀!叫我上埋去.我覺得佢有少少強迫我去信.真係好討厭!你信耶穌你既事.唔好攪到我憎呢個教會.

最後呀仔因學業就冇再番.升唔到佢又唔想番.但唔番佢又冇唔開心.

之後連c6因唔得閒工作太忙都冇再番啦.依家唔會再講耶穌.

私人傳訊

沙田EE

別墅

積分: 781

我的育兒心得勳章

37^#

發表於 15-9-30 20:35 |只看該作者

回覆 Cc9~ 的帖子

Amen

私人傳訊

lcy2071

複式洋房

積分: 159

36^#

發表於 15-9-30 15:40 |只看該作者

一定勁辛苦，會有好多價值觀問題

私人傳訊

joetreemo

子爵府

積分: 14243

35^#

發表於 15-9-29 18:12 |只看該作者

chun719 發表於 15-9-29 12:47
你當我唔信好啦 , 我真係認同唔到 , 神係我老公、仔仔、親人之上。
我意思係如果你要我因為相信神而放棄身 ...

我每一日起來的祈禱都會感謝神，我今日起來，生命還有氣息。仲可以開眼見到我愛的人在我身邊。

言下之意，我信神是掌管生命的，每朝醒來都有生命氣息非必然。就算我幾愛幾緊張我的丈夫小朋友，生命可以脆弱得一秒鐘就無左。我幾愛幾緊張，擺晒佢地在我生命既number 1定超級寶座上都無用。

而且耶穌親自說：
耶穌說：「我實在告訴你們，人為我和福音撇下房屋，或是弟兄、姊妹、父母、兒女、田地，[size=13.8125px]30沒有不在今世得百倍的，就是房屋、弟兄、姊妹、母親、兒女、田地，並且要受逼迫，在來世必得永生。[size=13.8125px]31然而，有許多在前的，將要在後，在後的，將要在前。」

神不是要奪走我們的家人，我們的摯愛，而且要為我們安排最好的。

我返教會初期咁睇，與其在家中對住仔仔，但又控制唔到大家吵吵鬧鬧傷害感情，不如返教會多祈禱，同仔仔的確是少見了，但感情好左。
成日對住但感情不好既親子關係 vs 見面時間少了但感情好好的親子關係

至於家庭成員，在聖經中是不可以輕言放棄的，因為是「一家人」。
有姊妹小時候受了浸，之後離開了主，選了一個未信的丈夫，仔仔現在３歲。丈夫已經有外遇過２次。雖然是她自己選的，但姊妹們仍然為她的婚姻歇力禱告，因為是「一家人」。
姊妹當初必定覺得很愛，大家很投契，按著自己意思選擇的婚姻，不問神的意思，她可曾像到個男人會係咁？可曾像自己這幾年會以淚洗面？
將來的事沒有人會知，唯有神知。如果只著眼於現在，愛得如斯纏綿，必定不捨得放手。但如果知道，將來會哭，會傷心，會難過，可能有背叛，今日還不願放手嗎？

其實人家兩人的事，當中可能因為信仰已經吵過了好幾次。坦白講，就以因為信仰而拒絕婚前性行為，許多不信的男人也不能接受了。因此而影響了感情也不定。

私人傳訊

chun719

男爵府

積分: 7269

34^#

發表於 15-9-29 16:19 |只看該作者

yellowpepper 發表於 15-9-29 15:13
回覆 chun719 的帖子

咁即係價值觀唔同，勉強冇幸福~

咁其實教徙與非教徙既價值觀無可能一致，即係其實好多人都係到勉強緊。

私人傳訊

yellowpepper

別墅

積分: 556

33^#

發表於 15-9-29 15:13 |只看該作者

回覆 chun719 的帖子

咁即係價值觀唔同，勉強冇幸福~

私人傳訊

chun719

男爵府

積分: 7269

32^#

發表於 15-9-29 12:51 |只看該作者

BillPa2011 發表於 15-9-25 11:09
""我既諗法係，當你愛一個人 , 唔係應該包容同接受?
包容同妥協有分別，重點係你愛呢一個人，而積極解決之 ...

而家好明顯就有一個矛盾解決唔到
就係信與不信既問題。
但係其他野兩個人係100%配合...先行到婚姻呢件大事。
男朋友的確有尊重我朋友既決定
不過因為咁樣分開，當然係不歡而散。

私人傳訊

chun719

男爵府

積分: 7269

31^#

發表於 15-9-29 12:47 |只看該作者

joetreemo 發表於 15-9-17 08:00
基督徒同基督徒情侶間都會分手。

非基督徒情侶都可能因為其他問題而分手。

你當我唔信好啦 , 我真係認同唔到 , 神係我老公、仔仔、親人之上。
我意思係如果你要我因為相信神而放棄身邊同我經歷咁多野既至親，我做唔到。
其實我好想問各位教友，如果有一日你仔仔、老公唔再信神，係咪可以因為咁樣就放棄一齊經歷左咁多既佢地?
因為神係你心中既價值係比一切都重要? 然後你會同我講呢個係神既安排?
呢件事對於我黎講好恐怖。

私人傳訊

chun719

男爵府

積分: 7269

30^#

發表於 15-9-29 12:34 |只看該作者

yellowpepper 發表於 15-9-24 22:07
回覆 chun719 的帖子

其實如果個男仔咁愛個女仔，點解唔返下教會聽道理呢，反正佢有自由選擇信唔信，而神 ...

一個月有同朋友番一次 , 一年番13-14次啦 , 你覺得咁算唔算有去了解女朋友?
佢就係選擇唔信 , 而我朋友一定要自己男友係相信先行到落去。

私人傳訊

BillPa2011

複式洋房

積分: 152

29^#

發表於 15-9-25 11:09 |只看該作者

""我既諗法係，當你愛一個人 , 唔係應該包容同接受?
包容同妥協有分別，重點係你愛呢一個人，而積極解決之間既矛盾。
如果你相信神，點解唔可以等神去感化佢...唉""

咁又唔可以咁諗...有啲矛盾唔一定有得解決...
始終婚姻係大事... 係要面對另一半一世既決定....
如果始終過唔到自己... 分開係絕對合理既解決方法....

男朋友如果真係愛佢... 都應該尊重佢呢個決定

其實開分左唔等於一齊已經完結~~

私人傳訊

yellowpepper

別墅

積分: 556

28^#

發表於 15-9-24 22:07 |只看該作者

回覆 chun719 的帖子

其實如果個男仔咁愛個女仔，點解唔返下教會聽道理呢，反正佢有自由選擇信唔信，而神響女仔心目中咁有地位，了解下佢點諗都好呀～
不過信仰係冇得迫又係真ge.....

私人傳訊

dearborn

大宅

積分: 1589

27^#

發表於 15-9-24 14:27 |只看該作者

回覆：問題: 另一半非基督徒辛苦嗎

等咗10年，由男朋友變成老公，終於都信。

佢以前直頭係反對，我好少喺佢面前提宗教。

但經過不住禱告，神會密密做工。

老公仲話等小朋友大啲都要返主日學。

私人傳訊

friendfriend

大宅

積分: 4011

開心吸收勳章

26^#

發表於 15-9-21 12:15 |只看該作者

將一切交托給神，多祈禱。

我的另一半也不是基督徒，令軟弱的我曾離開主，非常後悔，如果時間在可倒流，我或許會再考慮。

祈禱吧，神會帶領！

私人傳訊

joetreemo

子爵府

積分: 14243

25^#

發表於 15-9-17 08:00 |只看該作者

回覆：問題: 另一半非基督徒辛苦嗎

基督徒同基督徒情侶間都會分手。

非基督徒情侶都可能因為其他問題而分手。

可能基督徒朋友將婚姻大事的主權交托給神決定，而最終得到的回應是「No」，而她決定順服跟隨呢！

我會咁睇，要是沒有神祝福的婚姻，就算幾愛，都可以離婚收場。如果神是一早講左唔好既，而我們按自己意志堅持，結果是應該自己負責而不該怪神。

談到信心順服的題目，而家唔係講我信唔信架可以載我上100樓或者信唔信太空人係咪真係上左太空。而家是講緊信「神」。神在大家的定義是什麼？是創造生命(即我)，掌管萬有，跨越時空(昔在今在永在)的神。祂應該是超過一切，所以將神放在第一位是應該的。在我看來，一係唔好信，信左神就要在第一位，不能放在老公，仔仔，金錢，事業之下。否則你根本沒有認定祂是神。

神掌權一切，可能要安排更好的給兩位。
基督徒朋友之後可以遇上同樣是基督徒的另一半。
非基督徒朋友會遇另一個在對的時間帶他返教會的女子。不過就唔係而家呢個，因為神要用唔同的人。

人生每個經歷，每一段感情都是使人成長的，the best is yet to come. 祝福他們，也祝福樓主。

私人傳訊

沙崙玫瑰

禁止訪問

積分: 15556

24^#

發表於 15-9-16 20:28 |只看該作者

提示: 作者被禁止或刪除內容自動屏蔽

私人傳訊

KEN5626

禁止訪問

積分: 89

23^#

發表於 15-9-16 19:12 |只看該作者

提示: 作者被禁止或刪除內容自動屏蔽

私人傳訊

KEN5626

禁止訪問

積分: 89

22^#

發表於 15-9-16 19:09 |只看該作者

提示: 作者被禁止或刪除內容自動屏蔽

私人傳訊

chun719

男爵府

積分: 7269

21^#

發表於 15-9-16 11:20 |只看該作者

update一下大家，朋友既五年感情完了。
我自己站在兩個人的中間，其實真係唔明白點解行唔到落去。
我自己係一個接觸基督教好多年，相信神既非基督教徒。
所以其實我兩方面都有d明白佢地既諗法。
但係個矛盾點我係解決唔到。

男性朋友講既唯一性，就係女友心目中既第一位係神，而唔係佢
而咁樣都唔係重點, 重點係所有做既野 , 交比神去指引，咁個價值觀問題
就會好影響兩個人。

女性朋友講既就係價值觀唔同點行落去，因為價值觀會影響生活，
對另一半過多既包容就會變左妥協，咁妥協既婚姻係唔可能持久。

我既諗法係，當你愛一個人 , 唔係應該包容同接受?
包容同妥協有分別，重點係你愛呢一個人，而積極解決之間既矛盾。
如果你相信神，點解唔可以等神去感化佢...唉