吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 你地坐月坐得好唔好??

大仔大女媽媽會今日: 0|主題: 177861

收藏本版

發帖

返回列表

跳至頁

查看: 2556 | 回覆: 29

[2008年] 你地坐月坐得好唔好?? [複製鏈接]

叉燒媽

王國長老

積分: 38614

2018復活節勳章好媽媽勳章畀面勳章 wyeth冷知識勳章爸B勳章王國長老 2011至尊種植勳章環保接龍勳章大廚勳章親子達人勳章 BK猜猜猜慶中秋 BK Milk勳章 15週年勳章親子王國15週年勳章

1^#

發表於 08-7-1 13:47 |只看該作者 |正序瀏覽 |打印

我坐左2/3月......做哂所有坐月既禁忌.........
用水喉水洗手, 吹風扇, 落街周圍走, 著背心...
食麥當勞, 飲凍野, 食涼野....
惡露未清又乜補品都未有落肚........
你地呢???

0 0 0

執仔之手與仔偕老

私人傳訊

忌廉妹

大宅

積分: 2957

30^#

發表於 08-7-9 14:18 |只看該作者

原文章由 叉燒媽 於 08-7-1 13:47 發表
我坐左2/3月......做哂所有坐月既禁忌.........
用水喉水洗手, 吹風扇, 落街周圍走, 著背心...
食麥當勞, 飲凍野, 食涼野....
惡露未清又乜補品都未有落肚........
你地呢??? ...

叉燒媽,
我同你一樣呀,做哂坐月既禁忌囉~haha!
D外國人個個都係咁架啦~邊忌得咁多,
依家時代唔同架啦~你估仲係幾廿年前咩~
係唔係?我地呢班係潮媽黎,唔會避忌咁多架啦!
我每日唔出街都唔安樂既,你叫我點頂~HAHA!!

私人傳訊

minichong

禁止訪問

積分: 4035

29^#

發表於 08-7-9 13:24 |只看該作者

提示: 作者被禁止或刪除內容自動屏蔽

私人傳訊

chanpcdaisy

別墅

積分: 771

28^#

發表於 08-7-8 17:02 |只看該作者

唔好唔開心, 我坐月都好易喊, 亦希望比最好bb而全人奶, 真係好辛苦, 妳老公仲未識諒解妳, 之後大家calm d應該要傾下, 有左個bb應該為屋企添多d快樂, 既然已滿月, 妳同多d自己屋企人or朋友(or一齊會開心d的人)一齊, 等妳可以轉移一下視線, 唔使個世界得老公... 相信遲d妳老公總會明白的, 始終老公的支持係最重要...

大家都要加油, 當媽媽可真偉大...同辛苦!

原文章由 queeniechan2004 於 08-7-7 19:30 發表
我終於都坐完月, 身體都算做好得七七八八, 不過回想起最初兩星期, 真係好辛苦, 自己傷口又痛, 又要忍痛坐係度餵人奶, 老公又成日質疑我夠唔夠奶, 成日話BB會唔會唔夠飽, 佢唔唸下我幾辛苦, 都係為左俾BB食到多D人奶, ...

私人傳訊

chanpcdaisy

別墅

積分: 771

27^#

發表於 08-7-8 16:54 |只看該作者

好明白妳的感受, 我與6299同住, 好唔慣, 坐月如坐監, 我99仲要唔識煮, 依家要煮埋比佢食..都想快d坐完月...我99又係勁多親戚朋友上門睇bb...
有時覺得自己只係一個餵奶及換片機器, 因為bb一要食同換片就會交比我, 搞掂之後就可以’出廠’(即比bb 99抱)…因為日頭佢要對住bb多d...

大家都要努力...

原文章由銀杏於 08-7-7 12:36 發表
真係好多謝denisechow和PINK2007的開解和鼓勵！

其實過了三個星期，情況已好轉，一來身體情況已好轉，二來已經少了人來我家，加上湊囡已沒有最初那樣手忙腳亂了，而現在已放棄了喂人奶，沒再被人日日叫喝魚湯而又真的冇奶上，好似沒 ...

私人傳訊

denisechow

大宅

積分: 1216

26^#

發表於 08-7-8 12:37 |只看該作者

唔好亂諗野啦... 叫你老公睇下你呢篇野... 等佢都明白下你諗緊咩

原文章由 queeniechan2004 於 08-7-7 19:30 發表
我終於都坐完月, 身體都算做好得七七八八, 不過回想起最初兩星期, 真係好辛苦, 自己傷口又痛, 又要忍痛坐係度餵人奶, 老公又成日質疑我夠唔夠奶, 成日話BB會唔會唔夠飽, 佢唔唸下我幾辛苦, 都係為左俾BB食到多D人奶, ...

私人傳訊

wwsugar

大宅

積分: 1049

25^#

發表於 08-7-7 21:07 |只看該作者

銀杏，
我拿拿林買咗個餵奶枕，舒服晒﹗
queenie，
好有同感呀，最初2星期真係非人生活...重要部位
傷口痛，痔瘡又痛，乳頭又比bb食損咗次次餵都超痛...但係都堅持人奶落去...
d人又貪得意係都要來探，又唔肯等bb滿月先來，我都冇得瞓，又要為見客人晨早煲好多薑水洗頭同榨奶...就係為咗招呼人的時候，可以影相同唔洗埋身餵奶...d人來一次我要做好耐準備呀...
你老公好似仲未適應到佢的角色咁...你要加油...做媽媽係好辛苦但係會有好多同路人支持的一樣工作...所有媽咪都會明白你...好多男人呢方面都唔識做...最緊要有其他人支持到你...

私人傳訊

mommyisa

大宅

積分: 1720

24^#

發表於 08-7-7 20:35 |只看該作者

坐咗3個星期月，基本上都ok，不過最初傷口痛同唔想咁多人探BB，成日叫老公推人，但99嗰邊始終推唔甩，但我同老公講one time only叫晒啲人一日嚟晒唔好煩我咁多。出院嗰日超熱，我阿媽仲唔俾我開冷氣又叫我著條厚長衭怕入風，但我已經熱到大汗疊細汗，發晒炆，後尾連我阿媽都頂唔順咁熱先至俾我涼冷氣。坐月期間唔掂生水真係好難，抱BB，冲奶之前，洗奶樽，就算去完厠所洗手都要洗手唔通吓吓用薑水? 頂多都係用熱水。我個頭真係忍咗12朝先至洗算係最叻啦 !

[ 本文章最後由 mommyisa 於 08-7-7 22:32 編輯 ]

私人傳訊

queeniechan2004

大宅

積分: 2044

23^#

發表於 08-7-7 19:30 |只看該作者

我終於都坐完月, 身體都算做好得七七八八, 不過回想起最初兩星期, 真係好辛苦, 自己傷口又痛, 又要忍痛坐係度餵人奶, 老公又成日質疑我夠唔夠奶, 成日話BB會唔會唔夠飽, 佢唔唸下我幾辛苦, 都係為左俾BB食到多D人奶, 我夠想餐餐餵奶粉食到佢飽一飽唔洗煩啦, 但理智話我知我要堅持, 而當時又成日有人黎屋企探我, 我覺得好煩, 原本阿B訓左我就要訓下, 點知搞到我成日都冇得訓, D人又貪得意成日要黎睇BB, 好彩有個陪月照顧我一日三餐, 如果唔係我唸我真係會痴線, 宜家滿左月, BB夜晚訓耐左, 佢食人奶都叻左, 快左, 不過要面對既就係BB開始大, 又怕佢會發燒, 皮膚又有時敏感生粒粒, 我真係覺得壓力好大, 老公又成日嫌我做得唔好咁, 其實我都係第一次做媽媽, 當然好多野都未熟未習慣啦, 我係佢媽咪, 唔通我自己會唔緊張咩? 我D壓力可以話全部都係由我老公果度黎, 我好唔開心呀, 做左媽咪應該好開心好自豪, 應該更加愛呢個家, 但佢不段咁打擊我, 我覺得好失敗呀, 開始對呢個家庭失去動力喇, 係呢個家搵唔到成功感與快樂, 咁我要家庭做乜? 一D鼓勵一D支持都冇, 只有批評, 仲成日話我乜都唔掂乜都唔識, 我自問好盡心盡力去照顧BB, 照顧老公, 但得唔到認同, 我真係覺得好辛苦呀, 我生左個咁得意既BB出黎, 點解我老公會咁對待自己家庭呢? 呢個家俾佢搞到一D都唔開心, 只有嘈吵與質疑, 佢令到我唔想再聽佢講野, 另一半一D都唔會欣賞自己, 真係好痛苦, 咁耐以來, 只有出院果日讚過我, 讚我咁叻生左個BB, 果刻我真係好大動力想照顧好呢個家, 對人生好滿足, 但佢宜家搞到我一見到BB就想放棄, 一見到個屋企都好想放棄, 見到我老公更加想逃離............我成日自己係度喊, 所以有時我會對BB講, 媽咪宜家照顧你, 你第時要照顧番媽咪, 鍚番媽咪, 咁我就會安心D架喇, 起碼BB唔會覺得我乜都唔掂, 我有BB就夠架喇

[ 本文章最後由 queeniechan2004 於 08-7-7 20:42 編輯 ]

私人傳訊

denisechow

大宅

積分: 1216

22^#

發表於 08-7-7 19:18 |只看該作者

查實用咩沖涼..生水/薑水. 都無咩所謂. 我上胎冬天流流反而無用薑水. 因為得個工人. 自己同屋企人又無咩經驗. 今次又反而有用薑水. 因為有經驗. 而且又工人又陪月.
只要做既野係令自己無壓力. 舒舒服服已經好足夠啦 ~ RELAX

私人傳訊

PINK2007

子爵府

積分: 14151

21^#

發表於 08-7-7 17:02 |只看該作者

銀杏 :
得知妳依家好好多就安心刺 !

初時看到妳的文章真係好大感受,不過妳都比我o叻,可以自已湊bb,同埋真係唔好勉強自已餵人奶

之前湊阿囡我真係日日喊架 ! (經常意識奶奶把bb跌落地下)

至於妳話有勇氣生多個,其實我都無刻意追架,可能呢d係緣份啦 !
不過呢胎各方面都好好多就真

同埋妳奶奶係咪同妳住得近呢 ?? 晚上妳自已湊 ?? 我始終覺得晚晚自已湊會好d,唔使擔心bb唔跟妳,不過如果妳奶奶住得遠就真係幾辛苦,妳真係要考慮清楚

pinkpink

原文章由銀杏於 08-7-7 12:36 發表
真係好多謝denisechow和PINK2007的開解和鼓勵！

其實過了三個星期，情況已好轉，一來身體情況已好轉，二來已經少了人來我家，加上湊囡已沒有最初那樣手忙腳亂了，而現在已放棄了喂人奶，沒再被人日日叫喝魚湯而又真的冇奶上，好似沒 ...

私人傳訊

銀杏

別墅

積分: 531

20^#

發表於 08-7-7 12:45 |只看該作者

之前冇人同我講唔用得生水，而且生完那天已經給兩個護士捉了去教我怎樣用水喉水洗傷口，我由醫院回家第一天已經日日用花灑沖涼，如果次次都用薑水真的很辛苦。

我覺得唔夠休息係好大問題，我現在隻手因為掃風掃得多而痛，可能姿勢唔正確。你喂人奶時有沒有用喂奶枕幫助承托BB?可能會有幫助！

原文章由 wwsugar 於 08-7-7 01:27 發表
我自己阿媽照顧我同幫手睇bb，叫做食得好d，但我要餵人奶，真係冇得瞓，唔夠休息，抱b抱到手筋痛，次次瞓醒手指硬晒﹗

我成個月都只用薑水抹下同淋下(一兩次失手用咗生水)，結果因為咁，沖得唔夠以前徹底乾淨，天氣又熱又多汗，仲有d薑水 ...

私人傳訊

銀杏

別墅

積分: 531

19^#

發表於 08-7-7 12:36 |只看該作者

真係好多謝denisechow和PINK2007的開解和鼓勵！

其實過了三個星期，情況已好轉，一來身體情況已好轉，二來已經少了人來我家，加上湊囡已沒有最初那樣手忙腳亂了，而現在已放棄了喂人奶，沒再被人日日叫喝魚湯而又真的冇奶上，好似沒盡母職。但係見自己阿媽那樣辛苦，覺得自己有點不孝，但我知如果將來我有幸做外婆，我都會一樣咁做，對個女同個孫付出。

新手媽媽壓力真的很大，經此一役，真的好難再有勇氣生第二個，所以覺得像denisechow和PINK2007決定生第二胎的媽媽真的很偉大！

我都想做全職媽媽，但我老公唔想，想比我99湊個囡，我為了此事已經唔開心了很多個月，在懷孕其間，都覺得，個囡在個肚裡，可以二十四小時陪著個她，但生了她出來，就得和其他人分了（怪怪的想法），到時放工回家，個囡都差不多要瞓，唔對得幾多個鐘，個囡都唔知認唔認得阿媽，到時又沒有人教個囡，很對不起她。

有邊個阿媽唔想給仔女最好的，而最好的東西就是母愛，但現實是很多時都要compromise，事情雖然未必如你最想的進行，但未必不是最好，希望坐完月，可以過回一些正常生活，起碼可以落街散步，不用屈在家，不似現在坐在電腦前都比人叫你去瞓覺，一切都會看開些！

坐月可能對產婦的身體好，但對產婦的精神健康就做成太大壓力了！

原文章由 PINK2007 於 08-7-6 22:16 發表
銀杏 :

Hello ! 我真係好明白妳依家心情係點,因為我上一胎都係o甘,因為我已經有左經驗,呢胎我已憧得處理,所以今胎食得睡得,同時現在有印姐幫手

最主要打後日子會邊個湊妳bb先 ?? 妳會是full time 媽 ??? 我想妳現 ...

私人傳訊

wwsugar

大宅

積分: 1049

18^#

發表於 08-7-7 01:27 |只看該作者

好難坐個好月

我自己阿媽照顧我同幫手睇bb，叫做食得好d，但我要餵人奶，真係冇得瞓，唔夠休息，抱b抱到手筋痛，次次瞓醒手指硬晒﹗

我成個月都只用薑水抹下同淋下(一兩次失手用咗生水)，結果因為咁，沖得唔夠以前徹底乾淨，天氣又熱又多汗，仲有d薑水唔知係唔係隔夜有少少變壞，就乳房感染，又痕又痛仲累到阿b個口生瘡﹗

我一過30日用花灑沖涼乳房感染即刻好咗好多。不過手指仲係關節痛，都唔知係咪因為生水架...

私人傳訊

PINK2007

子爵府

積分: 14151

17^#

發表於 08-7-6 22:16 |只看該作者

銀杏 :

Hello ! 我真係好明白妳依家心情係點,因為我上一胎都係o甘,因為我已經有左經驗,呢胎我已憧得處理,所以今胎食得睡得,同時現在有印姐幫手

最主要打後日子會邊個湊妳bb先 ?? 妳會是full time 媽 ??? 我想妳現階段很需要妳媽媽的幫助(妳還幸福,我的媽媽已不在了),

同時在坐月期間妳真要好好休息, 如果經濟許可我提意妳請個工人幫手,另外跟妳老公反影,妳現在需要休息,叫66,99遲一d上來,我相信問題很快解決,我相信妳現在真係有輕微產房後抑鬱,有什麼事情記住和家人,朋友傾訴

pinkpink

原文章由銀杏於 08-7-6 11:29 發表
坐月的日子一定畢生難忘，因為肯定是人生其中一段最辛苦和低落的日子。頭十多天身體極度不適，自己已經得半條人命，又要湊囡，但係又唔識湊，又喂唔到人奶，壓力好大，夜晚睡得一兩小時又要忍痛起身喂奶和換片，有時囡囡又 ...

私人傳訊

denisechow

大宅

積分: 1216

16^#

發表於 08-7-6 17:58 |只看該作者

hi 銀杏

你既情況同我上一胎既feeling 好相近. 係外圍環境影響居多.
會成日都覺得身邊既人對你有好多要求. 例如. 要點樣沖涼 / 食D 咩/ 幾時食 / 點揍BB / 總之好多要求. 同埋成日一屋都係人. 想係廳餵下奶都唔方便.
查實只要你開心見誠同佢地講. 又或者係叫你先生同62/99講. 表明因為想多D 休息. 同埋方便D. 咁就可以解決到個問題.
多D 同先生傾下. 呻下...都可以令你心情好D

加油 ~

原文章由銀杏於 08-7-6 11:29 發表
坐月的日子一定畢生難忘，因為肯定是人生其中一段最辛苦和低落的日子。頭十多天身體極度不適，自己已經得半條人命，又要湊囡，但係又唔識湊，又喂唔到人奶，壓力好大，夜晚睡得一兩小時又要忍痛起身喂奶和換片，有時囡囡又 ...

私人傳訊

銀杏

別墅

積分: 531

15^#

發表於 08-7-6 11:29 |只看該作者

坐月的日子一定畢生難忘，因為肯定是人生其中一段最辛苦和低落的日子。頭十多天身體極度不適，自己已經得半條人命，又要湊囡，但係又唔識湊，又喂唔到人奶，壓力好大，夜晚睡得一兩小時又要忍痛起身喂奶和換片，有時囡囡又不知為甚麼哭，搞到精神崩潰。

「日頭」62和99在我家，很不慣（因為以前過慣二人世界，和他們又不熟絡），又搞到間屋鬼咁嘈，夜晚湊囡已冇得瞓，連「日頭」都瞓唔到。頭幾天日日都是吃外賣燒味，吃到我發火不吃。初時我阿媽見我99整天在我家，不便插手太多，後來都抵不住日日來煮飯給我（仲煮埋比我99)吃。(真係對唔住阿媽)

現在才明白為甚麼會有產後抑鬱，除了賀爾蒙外，環境因素影响也很大！

現在雖然情況已有改善，但以後的日子真的不知怎過.......　

現在只希望身體快些復原，自己可以處理和控制翻一切。

私人傳訊

tigerl

大宅

積分: 2920

14^#

發表於 08-7-3 21:42 |只看該作者

我都覺得好難講點為之坐好月!
我初頭都有用薑水沖涼洗頭, 但沖左一個禮拜之後,覺得太煩喇, 要老公煲成幾煲熱水先夠沖, 仲要等d水暖,沖完d薑又慶到死, 開左冷氣都標汗!所以後尾都用花灑沖!
響屋企就開室溫冷氣, 但其實都好想開窗, 因為有fd話開得多冷氣可能對氣管唔好,不過呢排成日落雨, 再唔係就好似呢兩日咁熱到爆!
生水又點會唔掂丫, 淨係沖奶前, change片後,都要洗啦, 反而仲洗得多過以前! 仲要洗奶樽呢, 唔通下下都要老公同阿媽洗0羊!
至於飲食方面, 叫做飲過下雞酒, 食過幾次鹿茸, 一般湯水果d囉, 薑醋就冇點食, 因為唔多鍾意食!我都有食街外野,同都有出街架!
另外, d人成日話坐月要多d休息, 但其實我地埋身餵人奶咪仲冇覺好訓, 有時個零鐘已經要食一次啦,我6月1日生完之後, 到依家都未試過訓多過3粒鐘, 就算我係人奶+奶粉, 餵奶粉都係3-4個鐘一餐, 但佢係嘆奶精, 一餐奶分兩次食成9個字!

所以我覺得除非真係好多人幫, 或者有請陪月, 就會好d, 如果係自己阿媽, 你見佢又煮,又洗, 做咁多野咁辛苦, 自己就好自然想幫下手!真係唔想就咁攤響度!
所以真係冇計, 好難跟足d所謂坐月規條!

[ 本文章最後由 tigerl 於 08-7-3 21:59 編輯 ]

私人傳訊

蜜棗

子爵府

積分: 11426

睛靈勳章畀面勳章 BK Milk勳章

13^#

發表於 08-7-3 16:58 |只看該作者

回覆 #4 祖兒豬的文章

一樣呀..我又係日日喊.又係pk99同埋亞b要照燈,我生完第二日醫院已經沖涼.坦白講唔沖涼真係週身唔舒服.亞b仲要日日入院.我如果自己個身心都唔舒服的話.邊有心機好好照顧BB.我99佢迫我要用GINER沖身.沖咗一次我真係週身唔舒服.第二日已經洗頭用生水沖涼.我99緊係口黑面黑(但我有好好聲氣同佢解釋,不過我覺得佢係想管我多過關心我,因為佢係一個超傳統嘅老而不)
試吓咁諗,呢個係人生交叉點.就係選擇自己有個好身體,但bb就得唔倒非常好嘅照顧.定係揀bb先,先到自己
大家都係偉大媽媽.情願先照顧bb所有,先輪到自己.將來就算風濕都值.
我個99坐月時,真係冇掂生水.但老嚟就算冇風濕.佢又要切子宮(cancer)又要割大頸疱.有時我會諗你坐月坐得好,咁又點,你係要有病就冇得避,我亞媽生完我,佢個pk99要佢洗地.但佢身體仲健康過我99
我99佢仲要聲聲大大,話自己坐月時因為冇掂生水,係62幚佢兩個仔沖涼.所以宜家係唔識幚初生bb沖涼喎.要怪就怪我62喎.
我直頭喺佢面前話佢乜你咁削.
我都係自己一手一腳幚bb沖涼.講真做得媽咪就遇咗會辛苦.我願意一手一腳包辦bb嘅事
大家加油.各位偉大媽咪.

爆愛車縫作