吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 同媽咪嘅關係越來越差

婆媳關係今日: 0|主題: 27778

收藏本版

發帖

返回列表

跳至頁

查看: 4944 | 回覆: 31

同媽咪嘅關係越來越差 [複製鏈接]

叫我做super

大宅

積分: 1390

1^#

發表於 15-8-20 18:13 |只看該作者 |正序瀏覽 |打印

我一直好羡慕其他人同自己媽咪好closed又咁錫自己, 今日睇左另一位姊妹嘅post, 發現原來有咁多人都好似我咁，唔好意思喺人地嘅版打咁長編，所以自己開一個借BK紓發一下。

簡單講下主角阿皇太后，年近60，自從我11歲阿爸離開左屋企，媽咪自己一個養大我地3姊弟，好窮，加上我細個時又曳唔聽話識埋D壞朋友，令媽咪更加辛苦，所以我同細佬大個懂事之後都比較就媽咪，唔想佢唔開心。可能因為咁，為人比較專制，我老公笑佢係女版希特拉，仲有返緊工嘅，下年先退休，而家環境都過得去，夠食夠洗咁啦。

我自從5年幾前搞結婚開始，成日都同媽咪有磨擦，講左好多好hurt 我嘅野。。我最深刻有以下幾件事。

我結婚前住單人公屋(我自己名)嘅，咁始終得200呎左右唔夠住，準備結婚就同老公決定用間公屋去買間居屋啦，雖然兩公婆人工唔高，但果時樓價未升，好平，買左間700幾建呎只係8x萬，月供只係3千幾，點都唔會供唔起，未買時同媽咪講，佢極力反對，話好多人負資產，我地同佢解釋左我地嘅供樓能力，同埋有日後有小朋友驚唔夠住，但係佢都係不停嘈左幾個月，到最後佢同我講左句，有事唔好要我幫忙，我终於明白哂。。我回左一句我有咩事都唔會煩你，佢先無再講。。我諗住佢驚我問佢借錢我都無咁嬲嘅，後尾先知原來佢一心諗住我結婚後會同奶奶住，叫我比間屋佢住，佢住緊果間比我細佬同老婆+剛出世嘅BB住。。

我結婚出門前一晚，無準備床比我訓，比左張被叫我訓地下，但係明明屋企仲有張放滿雜物嘅上格床。。。果時係3月尾，又凍地又硬，仲要我表妹過左黎陪我，點知要同我一齊訓地下！訓得唔好第二日結婚無哂精神。

結婚隨後果幾年同媽咪關係有好轉，原因係目標轉移到我細佬，細佬結婚時已經話想買樓，媽咪叫佢地儲2年錢先，果時樓價已經開始係咁升，大女未夠一歲時，弟婦再有左BB，無辦法一定要請工人湊，細仔出世後，屋企已經迫到就快路都無得行，所以細佬決定要買樓搬出去，媽咪當然例牌極力反對啦，話樓價太貴，一味叫我弟婦辭職等公屋繼續喺度住，但係我弟婦份工明明各方面都係幾好嘅。。。就係咁媽咪因為同我弟婦相處+細佬買樓搬走嘅問題成日嘈，其實就係因為唔捨得個孫，基本上每一次返去食飯佢都鬧，我幫細佬講幾句好說話就發我脾氣，直至而家，佢地已經搬左幾年，佢仍然仲唔心息，成日都仲講緊細佬而家層樓有幾唔好！

我結婚後一年開始計劃生BB，不過身體有D問題，要做人工受孕，但係做過唔成功，我地亦負擔唔到花太多錢再做，最終到上年諗住唔生啦，政府果邊又有期，我地就抱住做埋呢次，唔得就放棄嘅心態。好幸運地成功左，我同老公當然好開心，我都預左媽咪知道左之後都無乜特別反應，尤其是我老公唔係度果間，佢總會講野激我，我同佢講打算請陪月，佢話唔洗啦，有我奶奶幫手就ok，提都無提過會幫我，我話奶奶煮野唔啱食，又唔想好似要奶奶服侍我咁，佢仲同我講佢以前生完仲要煮飯比一家人食。。。咁都唔緊要，我知佢唔幫我，我可以自己安排，但係可唔可以唔好同我講果時細佬老婆坐月果陣佢點幫佢呢？！

我而家9個月就快生，佢先問我奶奶有無㷛薑醋，我話有，佢就話咁唔洗佢㷛啦，講真，我㸃敢問你吖，一陣你話唔㷛又傷感情。。又同我講話我請左陪月咁就唔洗佢幫手啦！話本來諗住放例假就過來幫我，媽咪做政府工嘅，成日同我講有幾十日假放唔哂，如果真係有心幫我嘅，點都可以攞一至二星期假掛？其實我唔係話媽咪一定要幫我，其實都無諗住幫我點解要問我呢？㸃解要同我講我弟婦坐月時佢就乜都做到足，可唔可以諗下我感受呢？

令我最唔開心嘅就係BB到時會比奶奶湊，我話每日收工去湊返屋企，佢又話比奶奶湊過夜好，叫我一星期先湊返屋企1～2日，話咁樣太辛苦了我一定捱唔到，我話都係開頭辛苦D，大少少唔洗食夜奶就好好多，我話接受唔到BB唔認得我，佢堅持話我捱唔到，我就忍唔住講\"我先係BB媽媽\"點解我唔可以決定？佢就話\"你係媽媽就自己湊返囉！\" 呢句說話真係好hurt ，我相信大部分媽媽都好想自己照顧BB，我都一樣，只係環境唔容許咁做，有必要咁傷害我咩？果晚半夜起身喊左好耐，諗返之前嘅野，我決定到生之前都唔再同媽咪聯絡，唔想情緒太波動，仲諗過生左都唔通知佢，不過又好似太過分了。

當然仲有好多事，之前每一次見完媽咪唔開心我都同自己講媽咪以前受左苦所以而家就下佢都好應該，我而家直頭好驚見到佢，其實係唔係因為更年期所以會咁呢？我真係諗唔通究竟應該繼續忍定係爆佢一次好喇？

呻完，舒服哂！好多謝大家花時間睇完我嘅故事，其實相比起呢度嘅其他姊妹我嘅事可能真係好少事，希望大家都可以快D解決哂唔開心嘅問題啦！

0 0 0

私人傳訊

zoe@3510

子爵府

積分: 12855

畀面勳章環保接龍勳章

32^#

發表於 15-8-23 18:03 |只看該作者

我媽咪反而喺好依賴人，我在奶奶家坐月，佢話唔識點去，我坐月期間都出過幾次門去接佢去奶奶屋企。事實我媽咪先五十幾歲，而我奶奶家住港鐡沿線。唔肯學就要人就佢。

最攪笑一次，我仔一個月多啲時，佢打來話見唔到，原來佢誤會(一箱情願以為），我6299 會帶我仔坐個半鐘車，到佢樓下商場俾我仔佢睇，我62 已經七十有多，
唔明佢會認為6299+bb 會老遠搵佢。

有一期，經常七點多打 6299 家，當時我同住，解釋左好多次，果段喺晚飯時間，都仲打來。。。

私人傳訊

lovehugo1314

大宅

積分: 2001

31^#

發表於 15-8-21 23:53 |只看該作者

回覆：同媽咪嘅關係越來越差

同父母兄弟姊妹都好講緣份…唔洗強求架，做左本份就得，有時講多左仲易嗌交，有時唔岩聽就唔回應…
你大住肚要保持心境開朗，唔見住咪遲下先囉～同埋有事情要選擇性甘講…唔好下下講太白，你知你媽媽咩料子同接受情度去到邊…

私人傳訊

tungtungkow

禁止訪問

積分: 2695

30^#

發表於 15-8-21 19:26 |只看該作者

提示: 作者被禁止或刪除內容自動屏蔽

私人傳訊

c.hutchson

子爵府

積分: 12396

29^#

發表於 15-8-21 18:48 |只看該作者

回覆：叫我做super 的帖子

其實唔見咪得囉，個個月準時比足家用塞住佢把口就得，無謂比完錢仲要受呢d氣

幾時先上到車.....

私人傳訊

叫我做super

大宅

積分: 1390

28^#

發表於 15-8-21 16:42 |只看該作者

回覆：同媽咪嘅關係越來越差

當我一諗返起細個果時，根本就嬲唔落，只係想喊，個心好愛佢，但係就無辦法同佢溝通，我好掛住以前嘅媽咪

私人傳訊

oscar0305

大宅

積分: 2133

畀面勳章

27^#

發表於 15-8-21 16:35 |只看該作者

我好明白你, 我家都有個超級公主病既皇太后

私人傳訊

Mamazaki

大宅

積分: 1894

26^#

發表於 15-8-21 16:29 |只看該作者

回覆叫我做super 的帖子

好有共鳴.... 我同你一樣, 10幾歲爸爸走左

媽咪一手湊大我3兄妹, 佢都偏心我哥, 我又係曾經唔生性群過D壞朋友
後黎又係懂性後就好就佢.. 搞到佢變女皇 (連我c6都要受佢氣)
我同你唔同0既就係... 佢有幫我湊BBs
但早排同佢嘈交(並唔係為BBs既事), 中間搞到我同c6講到離婚咁制...

我姨出手相助下, 佢先改善番少少...
而家表面大家都相安無事... 但我始終心入面都有條刺, 已經計劃等BBs大少少, 我會做番ftm
但就搞到好似我打完齋唔要和尚咁....
唉, 好十五十六

私人傳訊

doralee1977

禁止訪問

積分: 1795

25^#

發表於 15-8-21 15:31 |只看該作者

提示: 作者被禁止或刪除內容自動屏蔽

私人傳訊

方方媽媽

水晶宮

積分: 74328

24^#

發表於 15-8-21 12:43 |只看該作者

好明白你,同埋好同情你.
你已經對媽媽好忍讓,比著我,早已唔睬佢啦.
唔係話叫你唔理自己阿媽,但以後,只報喜,不報憂,有咩事,你知佢會點頂你,你就就住來講,唔洗講晒全部.佢煩你,你就話"身體唔舒服,走先啦...",或者,直情話"我咁大個人,我既事我有份數架啦,我唔麻煩你就得啦".
至於你媽幫你弟弟和弟婦,唔幫你,可能係因為佢較為傳統,所以覺得做99就應份幫新抱,所以佢就幫新抱,亦期望你99幫你囉.唔好再係心裡面做比較啦,人比人,比死人架.

私人傳訊

mamamag

大宅

積分: 1516

23^#

發表於 15-8-21 12:42 |只看該作者

回覆：同媽咪嘅關係越來越差

好明顯你媽咪覺得你99好應該照顧你，因為當佢做99時，亦有照顧新抱
而你媽媽講一d好似hurt你既說話時，其實唔洗太上心，佢又無迫你一定要做，好似佢話比99湊過夜，依個係佢既睇法，佢覺得你辛苦，會頂唔順，你唔洗勞氣，到時挨過左証明比佢睇就夠，佢可能係關心你但唔識表達，怕你辛苦，亦覺得你唔明白做媽媽係幾辛苦

私人傳訊

艾菊

別墅

積分: 995

育兒性格勳章我的育兒心得勳章想生BB熱投

22^#

發表於 15-8-21 12:28 |只看該作者

你媽咪一個湊大你姐弟, 當然好冇安全感. 買樓, 結婚搬走等等對佢黎講係天大嘅事, 佢驚係好自然的. 其實, 佢對你同細佬好一致的. 都係仔+新抱應該同99住, 99應該幫新抱坐月同湊B. 就當佢思想傳統好了.

私人傳訊

wahwah15

大宅

積分: 4530

21^#

發表於 15-8-21 10:33 |只看該作者

回覆叫我做super 的帖子

加油呀~ 生個健健康康既BB~
俾多D愛佢

私人傳訊

loklok286

珍珠宮

積分: 39333

20^#

發表於 15-8-21 03:08 |只看該作者

回覆：同媽咪嘅關係越來越差

感同身受

私人傳訊

fantababy

大宅

積分: 3739

19^#

發表於 15-8-21 01:36 |只看該作者

回覆：同媽咪嘅關係越來越差

我媽都係咁架，我人生冇邊一日係唔比佢彈或者鬧架，仲周圍同人講鍾意個仔多過個女，事後又唔認。
仲有超多衰野

私人傳訊

Pangsl314

別墅

積分: 921

18^#

發表於 15-8-21 00:03 |只看該作者

回覆：同媽咪嘅關係越來越差

我絕對明白你呀，你經歷過d我全部都經歷過，由結婚到生b，每一次都吵大鑊。

我第一次有左，立即打電話比阿媽同佢講，我阿媽聽完直頭話唔係黎呀，信我啦你唔係有左，唔駛睇醫生。

我自己聽完忍不住問我老公，佢做婆婆唔應該好開心咩，點解要咁講，打沉我，自己喊左勁耐。到我有左四個月時bb冇左，自己都傷心同阿媽講bb冇左，佢答我都話唔係呀啦，你又唔信，三個月前小氣，你一d都唔醒目（佢從來冇同我講3個月前唔講得怕bb小氣），而我都只係同家人講我有左，我聽完都忍不住喊住同佢講你駛唔駛咁講野呀？自個次之後個幾年，我同阿媽d關係差都冇得再差，直至又有左大囡，關係好返少少，但又係湊囡坐月問題下再嘈過，個次差d產後抑鬱。

其實佢只得我一個女相依為命，我都唔明白？點解佢可以對我咁殘忍，一d感受都唔理我，淨佢理佢自己感受，每次講說話都傷得我好深，有時我都係想好似其他母女咁，大家有傾有講咁姐，但次次都做唔到

私人傳訊

Amelliamamapapa

複式洋房

積分: 297

17^#

發表於 15-8-20 23:55 |只看該作者

回覆：同媽咪嘅關係越來越差

以為只有自己有這樣的問題，原來同是天涯淪落人。我仲慘，結婚了，有小朋友仲同自己阿媽住（因為爸爸不在世，所有負擔照顧我媽）。媽媽年代唔同，教小朋友方法唔同，請工人又唔滿意（當人馬姐使到盡，工人作少少休息又話養了個廢物），成曰管我呢樣管我果樣，我已經是人阿媽，真的覺得佢好煩，終於忍不住同佢講，如果咁唔滿意不如搬出去同其他兄弟姊妹住，佢又唔肯又喊苦喊突話當年點辛苦養大我地，其實我的兄弟姐妹都冇人想同佢住。一起住又嗌交，唔一起住佢又好似好可憐同我很不孝。真的人都癲！而家可能做的，就是變成同屋共住，少溝通少嗌交！佢又唔滿意，同兄弟姊妹話我壞話，其實一直都是我養佢，其實兄弟姊妹根本沒有俾家用，又冇乜探佢，又要做＂嫁娘＂。再下去，我遲早有一天自己一家人搬家，等佢搵唔我地。等大家冷靜下