故事有點長,但我唔想見到阿爸阿媽再因為呢d事傷神同激氣……想諗一個比較好的解決方法
阿爸有一個阿哥(大伯),一個家姐(姑媽),大伯年少時欠債借我爸錢著草海外, 幾十年無回鄉無供養阿麻, 直到阿麻死前幾年先出現, 仲同我爸去公証廳宣誓係兩兄弟, 為爭產鋪路.
阿麻過身,各人現形,大伯娶左個外省女人, 開始爭地爭屋, 阿爸一路覺得兩兄弟應該同佢對分, 但大伯一心只想賣清家產攞錢.
爭產呢壇野已拖拉5年, 已發生過下列激烈事件:
1.
大伯趕走我地d租客叫埋佢老婆入去住
2.
全屋連前院裝晒cctv, 影住我阿爸番去同佢爭執, 擺上電視台(目的搞大件事, 落你面)
3.
喺全村唱衰你
4.
告你, 判佢輸左再上訴, 阿爸阿媽不斷上庭, 比錢律師,搞好多文件
5.
打你, 阿爸阿媽試過番去同佢理論打起上來, 爆缸入院,綘左好多針. 我同c6飛奔番去陪佢地喺醫院過一晚夜, 又要去公安廳落口供, 驗傷, 真係唔打死都比佢嚇死
阿爸唔想d祖屋祖地落入佢手中賤賣比人, 後來比左d錢佢當買斷祖屋祖地, 但佢收完錢當無收過, 告我地……輸左再告, 再輸, 叫埋姑媽聯名再告……
唉, 我阿媽係抗壓力好低, 負面, 悲觀o既人, 佢已經n 次話因為呢件事訓唔到, 食唔安, 仲試過衝上樓上想跳樓, 官司一有咩新進展又打來叫我睇文件, 印文件等等, 我番工又有bb要照顧, 有時幫得佢唔足佢又唔高興, 阿爸為呢件事亦洗好多錢,比錢大伯買斷資產, 比錢律師等, 都就退休啦, 搞呢d 野搞到落晒形…… 佢成世人當阿哥家姐係命根, 老婆仔女係草根, 臨老先比人撬起, 為錢反目, 可想佢幾傷心
阿爸成日想留番d 屋地比後代, 唉, 我係外嫁女佢唔會比我, 比佢個仔咩? 佢個仔都移左民, 講到明叫佢唔洗留, 換晒錢自己開開心心洗左佢, 阿爸就就話到死嗰日都唔會賣祖屋喎……兩公婆又成日嘈, 阿媽話買晒佢拎錢無眼屎乾淨盲, 阿爸就覺得阿媽錢字大過天……
人地話爛仔怕潑婦, 我阿媽都算好勁o既潑婦,都無我大伯符. 我遇到我大伯先知咩叫 “ 本死無大害”
原帖由 黑色誘惑 於 15-08-27 發表
上次佢地兩公婆打我阿爸阿媽我已經驚到震, 真係用刀仔插眼插頭, 聯左好多針
呢d咪叫本死無大害, 一個 ...
babybabyu 發表於 15-8-27 13:32
第一，係大陸爭產，你阿爸比錢兄弟，無証無據得個講字係好難受理，第二，阿媽生前有無証人証明，或立字家產 ...
而家間屋大伯已無住, 咪告我地囉, 我地要on and off 咁上庭, 去深圳律師樓搞文件, 比錢律師,一審, 二審……我舊年大住個肚都陪佢地上庭, 因為佢地無咩點受教育, 有時律師講野都唔係好明, 我就去幫下手
我地又唔係咩富豪, 為左嗰少少錢,見到自己o親兄弟為左錢喺庭上面批鬥式咁指責真係令人好upset
發表於 
返回列表
