七月請咗個工人, 16/7上工, 返咗工兩日就同我講等錢洗, 月尾要出糧比佢。 我都無所謂, 咪比囉, 到咗30/7, 佢問可唔可以比咗錢佢先, 我見只係早一日, 話ok, 點知佢話要去中環入數, 因為嗰到滙價高d喎。 見到咁款已經覺得呢個工人唔係好搞, 過咗一個星期左右, 佢又問我借糧, 我問佢有咩困難, 啱啱先出咗糧, 佢竟然鬧我, 話d錢我遲早都要比佢架啦, 以前個僱主借五個月糧比佢都得喎。
每日比錢佢買嘢, 用剩嘅錢同單成日都唔對數, 問佢, 佢又話, 我點知呀! 找錢我無睇架喎。
除咗錢銀, 做嘢又好唔掂。出去掉完垃圾, 同bb換完片.....一係就唔洗手, 一係就喺廚房洗手, 洗晒d污糟水落bb d 煲粥料到, 話佢, 佢發惡話我成日要佢洗手, 洗到雙手好痛。
同佢講咗好多次洗碗用海綿, 佢走去用百潔布同我洗個新買嘅西施煲, 話佢, 佢又發惡, 話我從來無同佢講過。最後又要洗多幾百蚊買過。有個衣架放咗喺廁所門後面, 佢無理, 照開門, 搞到門鉸位都爛埋, 話佢知, 佢重話, 我唔覺有嘢阻住喎。
每日幫bb沖涼, bb都企咗喺盆水到, 無坐低, 咁好凍架嘛, 叫佢氹bb坐低先沖, 佢夠膽死鬧我, 話一個人幫bb沖涼好難喎, 叫我自己試下。我咪問佢, 每個weekend, 佢放咗假, 唔係我自己幫bb沖, 係邊個沖。
見佢用咗我比佢嘅買餸錢嚟買coffee同餅乾,同佢講, 我包一日三餐,但唔包零食架喎, 話佢要食呢D做早餐,咁我都算啦, 都包佢早餐架啦,點知每日都會放自己幾次break, 喺到嘆coffee同餅乾,試過叫佢出嚟幫bb換片,執嘢……..佢竟然同我講,唔得住, 我而家飲緊coffee。每日就係咁用晒我d紅糖同鮮奶嚟沖coffee。又試過好多餐,開飯嗰陣, 佢話要整其他餸食,我話咁多餸重整乜? 佢話唔鍾意食呢D,要自己整其他嘢食, 真係打工皇帝。
又試過有幾次, 我一早帶咗BB去健康院,成朝連水都無時間飲, 返到嚟,見到佢食緊早餐。叫佢幫我煎隻蛋, 佢應我,我而家食緊早餐。我諗我就嚟要煮埋飯比佢食架啦。
有一次, 我叫佢出嚟幫手做嘢,叫極都無人應, 我叫亞媽入廚房見下佢做緊乜。點知佢出嚟嘈到拆天,我問佢做乜事, 佢同我講,你亞媽入嚟見住我做嘢呀。大把人都揾老人家睇住D工人架啦,到底佢有咩唔妥。
前嗰排佢病咗, 我自己湊住BB,叫佢自己去睇醫生。我驚醫生聽唔明佢講嘢,幫佢寫咗張紙, 話比醫生知,佢咳同流鼻水, 佢返嚟鬧我,點解要咁樣同醫生講。我到而家都唔明有咩唔妥,之後佢又死都唔肯帶口罩。
佢嘅惡行愈來愈嚴重, 遲到去接小朋友放學,比我發現, 問佢做乜咁晏都唔出門口,佢重話未夠鐘。有時等小朋友放學出嚟嗰陣又瞓着咗。一出街就落earphone聽歌,聽到打極電話比佢都聽唔到, 話佢重話電話無响喎。嚟咗兩個月唔夠就用咗我幾百蚊電話card,check 佢電話記錄, 發現佢將記錄delete晒,重唔係用嚟同朋友傾計! 最近佢又成日瞓喺張床到玩電話,叫佢出嚟做嘢, 叫到入房企喺佢床邊,佢當我透明唔郁。有一次重衰到同我講,不如你炒我吖。但係日我老公喺屋企嗰陣,佢態度就會唔同晒。
前兩日, 我教佢起橙肉比BB食,佢唔肯做, 話我點解樣樣都要管住,跟住同我講, 我唔做啦。好彩我已經早有準備,請咗個工人, 但係重未嚟到。
大家認住呢個樣呀, 千其唔好請。聽聞佢哋返鄉下改過個名又會再嚟香港揾工架!
Springtime 發表於 15-9-1 06:01
請問呢段係邊度quote 出來呢？是政府嗎？
發表於 
返回列表
