婆媳關係 今日: 0 | 主題: 27782

積分: 40343

好媽媽勳章醒目開學勳章陪月勳章

1^#

發表於 08-7-4 04:43 |只看該作者 |正序瀏覽 |打印

99成日要搶住抱BB, 其實我返親去佢度食飯, 已經會主動將BB比佢抱, 就算佢唔洗手又好, 食完嘢未抹咀但「嚟, 女麻女麻抱」, 即使心裡極度唔想, 我也乖乖就範, 算係咁啦掛??? 就係費事比C6鬧.

尋晚外出食飯, 回程上的士時, C6要去車尾度放BB車, 咁99入咗去後座先, 我同BB局住入去坐中間, 一入到去我要攞紗巾同BB抹口水已十分唔就手, 99已雙手插入阿B腋下(想搶嚟抱), 我初初冇為意以為佢幫手扶住, 點知突然間喝我：「放手！」嚇得我即刻縮手.

99又趁C6唔响我身邊喝我！以前都試過多次, 試過同C6講返：「你媽咪無端端喝我呀」佢就反應好大, 唔信佢阿媽係咁, 話我作嘢又勁鬧我.

結果半程車(6299落車先)99都抱住BB, 仲話「阿B鐘意睇街呀」, 抱又抱得唔穩, 架車chok下chok下我就睇住阿B又係咁chok下chok下, 好心痛！

上次返99度(62不在家), 99抱住阿B睇電視(都唔知點解要迫個BB睇電視, BB已經悶爆)將佢坐响自己膝頭邊差D跣落地, 好彩C6接得住, 我已經好唔開心.

0 0 0

私人傳訊

GTT

複式洋房

積分: 194

74^#

發表於 08-7-26 13:12 |只看該作者

原文章由 十一月 於 08-7-26 12:55 發表

good, 我之前99湊B, 而家自己湊返, 62and 69每次見到阿B時都想抱, 我心情靚與否都唔會比佢地抱, 我現在每次見到佢地我都會黑面, 黑到鑊底咁, C6無鬧我, 因為佢唔夠我講, 所以我地好少好少返去, 而C6成日好似時運高 ...

我99從來未凑過我個女,因為我唔比佢凑,我知佢好想凑ga,佢越係想凑我就專登唔比佢凑,我專登比我阿媽凑,以前我未結婚,佢我成日都想整散我地,我宜家就專登唔比佢見個孫,比佢知道嗰種痛苦...........想凑孫,你以前點對人ar!!!!:;pppp:

私人傳訊

十一月

積分: 1900

73^#

發表於 08-7-26 12:55 |只看該作者

原文章由 hinhofion 於 08-7-4 07:28 發表

我要湊呀仔返學,所以好早起身呀
要湊b又失眠好慘喔,真係精神折磨,有時真係想d 99當住c6面插自己,咁就可以借d易發圍...不過d老狐狸好精,專係c6面前做戲,攪到我地d新抱係c6面前做晒衰人
...

good, 我之前99湊B, 而家自己湊返, 62and 69每次見到阿B時都想抱, 我心情靚與否都唔會比佢地抱, 我現在每次見到佢地我都會黑面, 黑到鑊底咁, C6無鬧我, 因為佢唔夠我講, 所以我地好少好少返去, 而C6成日好似時運高睇唔到我同62and 69, 佢地而老當然有說話比我聽, 每次我都會比返說話佢地聽, 所以佢地知我唔係可以欺負O個隻

私人傳訊

boey

男爵府

積分: 8888

72^#

發表於 08-7-26 12:39 |只看該作者

原文章由 心之子 於 08-7-25 17:31 發表
我呀B係奶奶湊架, 每晚7:00返到奶奶屋企食完飯9:00到就走,7:00~9:00 呀B會訓吓教 , 7除8扣都無幾多時間同呀B相處, 我老公星期六,日都唔湊呀B返我地自己屋企 , 星期六,日叫做多D時間對住呀B. ...

點解你唔自己去湊番個bb,bb你生嫁,點解唔可以湊,你咁"內"弱只會令bb唔知邊個先係媽咪

老公唔湊咪自己湊囉

私人傳訊

積分: 40343

好媽媽勳章醒目開學勳章陪月勳章

71^#

發表於 08-7-25 18:32 |只看該作者

原文章由 心之子 於 08-7-25 17:31 發表
我呀B係奶奶湊架, 每晚7:00返到奶奶屋企食完飯9:00到就走,7:00~9:00 呀B會訓吓教 , 7除8扣都無幾多時間同呀B相處, 我老公星期六,日都唔湊呀B返我地自己屋企 , 星期六,日叫做多D時間對住呀B. ...

坐月後自己湊返bb, 曾經有段時期bb好鍾意在晚上8點食奶+訓一陣, 99竟然叫我改第二個時間比bb食奶! 只係因為佢冇得玩孫, 勁自私!

而家我bb...唉...我成日笑佢要改名"馮人根"(逢人跟), 因為佢個個都跟架...

私人傳訊

心之子

積分: 3963

70^#

發表於 08-7-25 17:31 |只看該作者

我呀B係奶奶湊架, 每晚7:00返到奶奶屋企食完飯9:00到就走,7:00~9:00 呀B會訓吓教

, 7除8扣都無幾多時間同呀B相處, 我老公星期六,日都唔湊呀B返我地自己屋企

, 星期六,日叫做多D時間對住呀B. 不過我係到都唔係重要,可有可無, 閒人一個

好似搭枱咁, 同老公講都無用, 第一時間就SAY NO, 講到口都臭埋,都唔會采你, 就算應成左你都可以反口

, 無話可說 .

私人傳訊

fungwongphie

積分: 46800

趣教勳章畀面勳章貢獻勳章大廚勳章遊學勳章冬日勳章春季勳章 BK Milk勳章 hashtag影視迷勳章月餅勳章開心吸收勳章

69^#

發表於 08-7-25 16:56 |只看該作者

回覆 #1 方麗娟的文章

But normally 個官會判BB俾媽媽 unless you have some 痛腳俾佢哋捉到 ~~

Please do not quote any information posted by fungwongphie.
不誠實使用電腦會構成罪行，切勿以身試法。
何謂不誠實使用電腦??

私人傳訊

積分: 40343

好媽媽勳章醒目開學勳章陪月勳章

68^#

發表於 08-7-25 16:34 |只看該作者

原文章由 妹妹豬媽媽 於 08-7-25 16:16 發表
都唔明點解我生BB個日,我9962要係到,仲追住我張手術床

我同你經歷一樣, 諗起都

我自己湊架, 梗係唔比6299湊啦, 都唔明佢地點湊大自己D仔女.
唉, 一句講晒: 我而家好憎C6和佢全家人!

前幾日又同C6鬧交(其實每次都係原本想講下自己感受, 換來係C6比面色我睇, 又比說話我聽, 又會話返我屋企人, 又迫我要"寛容D"忍佢屋企人...), 佢今次講到出口叫我自己走, 但唔可以帶走BB, 又話如果離婚, 佢根本唔駛同我爭BB撫養權, 因為我實輸梗...

我知道唔應該比佢"兇"到, 但真係有點擔心佢地恃住財雄勢大而搶走阿B...
好傷心

[ 本文章最後由方麗娟於 08-7-25 16:43 編輯 ]

私人傳訊

妹妹豬媽媽

男爵府

積分: 7207

虎到金來勳章醒目開學勳章環保接龍勳章畀面勳章

67^#

發表於 08-7-25 16:16 |只看該作者

原文章由 方麗娟 於 08-7-4 06:34 發表
同c6講過, 一星期見99一次已經係我極限, 再多一次都會頂唔順, 偏偏佢成日挑戰我底線同容忍度, 仲要講到自己好慘咁成日冇得見自己父母喎~ 咁鍾意見咪同返佢地一齊住囉, 我真係冇所謂, 只要唔係我同bb分開就得! 對c6越 ...

我都好明白你,自從生了BB後,我大膽了,為了BB, 99有乜問題我都出聲,以前未有BB未忍下囉! 雖然佢兩個星期先上黎睇BB一次,但次次都搞到BB好辛苦,又叫 BB睇電視,入廚房,卑膠袋佢玩~

唔明點解D男人甘鍾意見佢老豆老母,甘又結婚,我都唔想再為lee d 同c6鬧交,但生BB後次次都係甘,都唔明點解我生BB個日,我9962要係到,仲追住我張手術床,我老公都唔覺有問題,我就覺得好遺憾!

你係唔係自己湊BB? 都唔明D 99點解要整到 BB甘辛苦,口口聲聲話錫BB,又唔卑BB訓,又扮晒明白BB! 個句"嫲嫲抱"好難頂!

[ 本文章最後由妹妹豬媽媽於 08-7-25 16:19 編輯 ]

私人傳訊

心之子

積分: 3963

66^#

發表於 08-7-25 12:58 |只看該作者

我咪仲慘, 我奶奶已經1星期7日, 全日湊呀B, 自己放工先至有得睇呀B, 一日得2個鐘頭都同我搶, 尤其事呀B一

就即刻搶, 仲話我地整

佢, 而家呀B7個月大, 俾佢Train到只跟佢, 我同呀B講野無反應, 我老公驚湊唔掂呀B,到而家都就唔帶呀返我地屋企, 個仔好似唔係我生咁

私人傳訊

Tiffany1212

子爵府

積分: 11487

畀面勳章

65^#

發表於 08-7-23 23:16 |只看該作者

原文章由 方麗娟 於 08-7-19 10:31 發表

你講得好好, 好好... 多謝你o既當頭棒喝! 冇錯, 我仲乜要咁委屈自己? 又唔係我做錯! 佢地都係人嚟啫(oh, 呢個稱呼我諗响"婆媳關係"呢版度唔見到有人咁講), 又唔係小強我駛乜咁驚?

...

佢實有機會再喝你..你開着個手機錄咗佢,再比你c6聽番...比佢知佢次次一行開個老鬼就現形

私人傳訊

Tiffany1212

子爵府

積分: 11487

畀面勳章

64^#

發表於 08-7-23 23:11 |只看該作者

原文章由 大眼肥妹 於 08-7-4 10:56 發表
d男人係咁冇鬼用嫁啦, 只係一味佢老母講乜佢就信晒乜, 仲要你地去就佢, d死6只會開口埋口話驚"子欲養而親不在", 咁咪犧牲自己個老婆lor.

所以我成日同我c6講第日老咗邊個係你個伴先,唔通係你老母咩??老婆老公要對半世叫佢自己諗吓啦!!

私人傳訊

3306A

積分: 1529

63^#

發表於 08-7-23 15:12 |只看該作者

妳99咁喜歡在c6不在現塲喝妳，妳下次又試吓無人在現塲話佢囉，
[妳試吓再喝我同扮嘢，唔好後悔以後見唔到個孫呀，妳點對我我就點對妳，妳都想個孫孝順妳架]
講一次好啦，以後就要份無事在c6面前仲要對佢好啲喎。

BK已替閣下刪除簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作

私人傳訊

積分: 40343

好媽媽勳章醒目開學勳章陪月勳章

62^#

發表於 08-7-19 10:31 |只看該作者

原文章由 wmpl 於 08-7-19 09:10 發表
方麗娟~~
你改得哩個做BK名,其實大慨都知你諗乜,我諗我同好多平常女子, 樣都會非常羡慕嗰套入面方麗娟嘅際遇,但係現實世界中係有好多個方麗娟,不過要好似佢喺嗰套入面咁揾個同男主角一樣背景,性格,身份,地位,同財富 ...

你講得好好, 好好...

多謝你o既當頭棒喝! 冇錯, 我仲乜要咁委屈自己? 又唔係我做錯! 佢地都係人嚟啫(oh, 呢個稱呼我諗响"婆媳關係"呢版度唔見到有人咁講), 又唔係小強我駛乜咁驚?

有些人情緒比較敏感(=神經質啦), 可能我都係所以特別容易諗埋一邊. 不過從今以後唔可以再比自己咁落去, 為咗個小朋友頂硬上, be tough, be strong.

我以前脾氣好勁架! 亦試過發62脾氣幾次! 當然我唔係話而家要發99脾氣至係做返自己, 不過我唔可以再比人蝦. 我都知道你地咁醒, 又同99"對答如流"一定係"訓練有素"啦, 同埋你地99一定比我99更衰, 才train到你地咁tough. 我99, 如果要同佢鬥做表面功夫, 其實都可以"球來球去"o既.

至於同老公的關係...當初為乜同佢結婚...我會回想...但有點感慨係, 咁多年來隨住歲月的增長, 人生經驗的累積, 工作人事家庭環境(多咗個小朋友)的變動, 大家都變了. 都唔知到底係邊個開始變先, 只係覺得越來越夾唔到, 有d距離, 尤其小朋友出生後, 更加發覺同佢好似兩個世界o既人咁, 越來越唔明對方諗緊乜做緊乜. 我承認在生活細節上, 有好多嘢越來越唔想容忍佢, 同佢講親就發我脾氣, 鬧交收場...

不過我想講返我改呢個bk名, 其實唔係羡慕套戲個女主角, 而係當我想用自己鍾意的名做bk名時, 試咗十個八個都唔得, 咁啱當時無線播緊呢套戲咪嬲嬲地打咗呢三個中文字, 即刻得咗

私人傳訊

wmpl

積分: 3000

61^#

發表於 08-7-19 09:10 |只看該作者

方麗娟~~

你改得哩個做BK名,其實大慨都知你諗乜,我諗我同好多平常女子, 樣都會非常羡慕嗰套入面方麗娟嘅際遇,但係現實世界中係有好多個方麗娟,不過要好似佢喺嗰套入面咁揾個同男主角一樣背景,性格,身份,地位,同財富嘅人,就真係難過登天,亦過於脫離現實,唔係話你不切實際,每個人都會發吓夢調劑吓生活嘅枯燥乏味,尤其是現實係咁殘酷~~

但係現實就係現實,一個現實嘅人就係肚餓就要去揾食,急就會去揾厠所,眼訓就會想要張床,有難題就要想辦法去解決,一個人要生活就要面對每日嘅艱難同埋挑戰,真係唔係講咁易,一定唔會好似戲中人咁不食人間煙火又真係可以完全唔駛理會人哋嘅眼光做事,你睇到我哋而家有時將自己嘅事會好似講緊人哋嘅家事一樣咁輕鬆,又或者見我哋呻完就算,其實並唔係我哋有啲咩嘅過人之處或本領,更加唔係咩嘢吃得苦中苦,方為人上人嘅人,我哋好多都只係一個普通女人,同埋我哋好多都經歷過你一樣灰心失意嘅階段,亦都曾經痛苦到想過放棄,但係做人又係咪真係要咁易就認輸同放棄呢?

你當初點解會嫁俾佢,你真係一啲都諗唔起?做人呢,係冇得輸打贏要,有時痛苦嘅根源係嚟自你自己嘅執著同想像,並唔係由人哋俾你嘅,當然喺哩件事上面,我都認同你99同你老公係好過份,但係咪佢哋衰你就要企喺度俾佢哋恰呢?哩個就一定唔係,你都係唔想俾啲衰人恰先至上嚟同大家分享吓啫,咁既然你都決定咗要還擊,就唔好再顧影自憐 la,要真係認真咁實行吓我哋教你嘅方法先得,你而家就好似係一個重症嘅病人去睇醫生,講咗一大輪自己有啲咩唔妥唔舒服之後,醫生就叫你戒口,你就話唔得,因為你要交際應酬,咁叫你早睡早起,你又話返工時間唔許可,叫你抽少少時間做運動,你又話休息邊個唔想唞吓仲喺度嫌辛苦,跟住幫你打針你又話怕痛,就只好淨係開藥俾你食,但係你拎到返屋企就掉埋一,二邊完全冇咗件事,到又覺得好唔舒服嗰陣,你就又去睇醫生,但係你都係依然故我,繼續唔聽醫生吩咐,唔打針唔食藥,咁你話一個樣嘅病人除咗等奇蹟嘅出現之外,仲有冇可能好返呢?

而家個現實就係,你99啲衰格嘢就一定唔會改,最多都係收歛少少嘅啫,所幺係唔駛諗佢諗咩嘅,佢個腦淨係會諗啲衰嘢嘅啫,而你老公就靠你點樣去點化佢或者都仲有得改,而你就必須靠你自己嘅意志去改,最重要嘅就係你個BB,佢嘅將來喺一個點樣嘅環境長大都係靠你,責任係好巨大,個過程仲一定會好辛苦,不過我唔見得你而家咁樣就話放棄將來會比現在好過,同埋既然喺哩一刻你都係未放得低嘅,而你做唔做戲都都係會痛苦亦都唔會令你同你老公嘅關係有好轉,倒不如將你而家傷心失意嘅精力同時間留返嚟對付嗰啲對你唔好嘅人,反正你做咗都唔會比而家更差,點解你唔試吓呢?

我話俾你知,我以前啲脾氣勁過你好多倍,但係點解我都可以做到咁,就係因為我嘅幸福係要靠我自己去建立同維護,如果連我自己都放棄嘅話就冇人可以幫到我,冇咩假唔假,做唔做戲,只要你對你老公同你頭家係真心真意嘅就得,人哋阿媽頂盡都只係我哋99,而我哋頂盡都只係佢嘅新抱,既然佢對我不仁,我就唔駛對佢有義,唔係話要剷除佢咁誇張,只係要將老公個心拉返過嚟,同埋要俾佢知道,你做嘅嘢唔係為咗鬥氣或離間佢哋母子感情,只係想你同佢一手建立嘅家更加安穩同和諧,話俾佢知咩叫做佢自己頭家,乜嘢先至係最重要,如果永遠俾佢阿媽牽住走,最後就只會得到一個同你哋當初結婚嘅時候嘅意願完全相反嘅結果,你叫佢撫心自問,佢當初到底係為咗啲咩先同你結婚?

而家好多男人,講就天下無敵,做就無能為力,嫁咗俾佢就好似無啦啦生咗個仔咁,但係仲辛苦過湊仔多多聲,因為佢都幾乎定晒型,最慘好多仲係軟皮蛇甚至聲大夾惡,你要改變佢都真係要放好多好多嘅心機同時間落去,至於值唔值得,就睇吓你有幾愛佢la,哩啲嘢外人係幫唔到你做決定嘅,當然,如果對方係令到你嘅情緒好受困擾嘅,我就唔會叫你勉強堅持,唔好怕今日嗌交就留下明日決裂嘅火種,你只要細心諗下,就算你幾咁忍氣吞聲都係得唔到佢哋嘅尊重,而你亦都因為咁而搞到好唔開心,,咁樣忍嚟仲有啲咩嘅意思呢?要忍都要忍得高明啲,唔好中個老孤狸嘅圈套,你死忍爛忍完佢,返到屋企又同老公嘈交咁忍嚟又有咩意思?如果俾着我,反正都係要嘈,點解唔諗啲計仔做多少少嘢當面拆穿個老狐狸嘅西洋鏡啫?反而受晒佢嘅衰嘢之後仲要俾個老公話自己唔啱?你話係咪好笨實先?

至於當你唔再係佢新抱嘅時候佢會點樣迫佢個仔做啲咩?我就覺得你諗得太多,反正到時你同佢哋都全無瓜葛,佢生佢死都與你無關,而家諗咁多嚟都係嘥氣,盞令到自己更加唔開心嘅啫!

私人傳訊

積分: 40343

好媽媽勳章醒目開學勳章陪月勳章

60^#

發表於 08-7-19 06:27 |只看該作者

今日星期六了, 又要面對明晚返99度食飯的問題...已經2個sunday冇蒲頭, 聽晚點都要返去喇

每次返去之前, 心情都很忐忑. 由今個星期一開始, 知道嚟緊個sunday一定要蒲頭了, 幾乎晚晚都會在4點幾阿b食奶後訓唔返, 到天光...甚或7-8點才累極再訓返, 訓多2個鐘bb就起身了.

成日幻想可以點寸返99, 唔好再比佢恰我...結果每次見完佢都係唔開心, 激氣...佢永遠都要高高在上, 成班愚孝仔女+62都買佢怕, 又讚佢地阿媽讚到天上有地下無(都對咗咁多年啦, 駛唔駛成日讚到出口呀??成班都係擦鞋精)

呢個星期, 我都有幻想下, 再返去的話一定要硬淨, 唔可以再比佢蝦, 我要反擊! 但, 對自己真的冇信心, 怕到時有咩都唔敢宣之於口, 就算真係好想寸佢, 又唔知可以去到咩程度...over咗就好易有火藥味...得罪佢就死得.

所以上親嚟bk, 都覺得你地好叻, 四兩撥千斤

不過其實都有諗過, 如果吵一獲勁o既就有可能乘機以後不相往還, 但同時, 亦可能要同老公離婚, 因為佢媽媽會煽動d仔女離婚, 咁佢就可以搵過個啱心水的大6妹做新抱 / 有錢仔做女婿...

[ 本文章最後由方麗娟於 08-7-19 06:33 編輯 ]

私人傳訊

juicypig

積分: 30278

環保接龍勳章 hashtag影視迷勳章

59^#

發表於 08-7-16 17:10 |只看該作者

完全同意

原文章由 心滿意足 於 08-7-4 05:48 發表
你試下强硬d啦,人善比人欺呀
你先係bb媽咪,佢咁鐘意搶,叫你老公比佢抱抱啦
如你老公炸你型,你要同佢講個b係你既唔係佢阿媽架

一個人之所以快樂,不是因為她擁有得多, 而是因為她計較得少

私人傳訊

danasohkg

積分: 1221

58^#

發表於 08-7-16 00:37 |只看該作者

完全明白你....我唔好得你好多...

私人傳訊

pullip

積分: 3016

57^#

發表於 08-7-15 14:25 |只看該作者

原文章由 OneOneMa 於 08-7-15 13:54 發表
方麗娟, 唔好再因為佢屋企人同佢嘈勒, 一黎傷感情, 二黎亞b響咁的環境下成長亦唔健康。

反正佢都唔理你感受, 不如你直情唔好啋佢會唔會好過同佢正面咁嘈呢?! 你想返就同佢一齊返, 唔想返就只係講一句 "唔返", 之後 ...

我都有個超惡頂62 & 99. 一直以來關係是 : 99好煩 & 好認叻而踐踏別人; 62 是傳統男人, 事事都幫住99, ; c6呢係考順仔一名, 最怕老豆. 我同99一有衝突62就向c6訓話, c6比62丙完回家就到我倆公婆吵大鑊 ! 再見到99佢就好似鬥贏我咁, 好抵死 !
呢種關係由十多年前直至現在都係咁!

如果淨係99衰而c6好咁就忍到, 不過連枕邊人都唔幫自己會好唔開心嫁. 口口聲聲話: 『要尊重長輩, 做人新抱既咪讓吓佢囖 ! 』不過容忍都有個限度, 棺木唔係淨係比老人, 有時我都忍到想死嫁 !

pullip

私人傳訊

OneOneMa