吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 我唔教啦!!!

自由講場今日: 1294|主題: 1345539

收藏本版

發帖

返回列表

跳至頁

查看: 4023 | 回覆: 51

我唔教啦!!! [複製鏈接]

12 3

SiuOnOn

大宅

積分: 3507

1^#

發表於 08-7-4 21:56 |只看該作者 |正序瀏覽 |打印

我決定走了, 太失望!!! 我發覺我的熱誠破滅了, 咩叫期望, 呢度冇架, 只係為 pleasure 家長而做, 對唔住, 我做唔到囉, 我真係妥協唔到, 點解我唔可以講真話, 點解要做假像, 家長有權知道小朋友成績, 佢地有義務一起教育, 點解可剭以咁樣架, 難怪呢個世界d小朋友越黎越恐怖, 根本連d家長都唔識尊師重道, 點可以指住個老師黎鬧, 叫d小朋友點去尊重人. 我真係做到心淡, 可能我太固執, 我真係容許唔到小朋友不對的行為, 我真係覺得好的行為係要從小就要學的, 就算要我掉了飯碗我也會在所不計, 有錯就要糾正過來, 怎可以得過且過, 如果因為怕家長投訴就要退避三舍, 枉為人師表. 其實, 我都唔知點解自己咁好火, 都教七年, 唔係應該睇化架咩, 但真係唔得, 我過唔到自己個關, 我真係唔去當差, 警惡懲奸, 太浪費了吧!!!

0 0 0

私人傳訊

euniceyung

男爵府

積分: 9229

睛靈勳章

52^#

發表於 08-7-7 07:53 |只看該作者

原文章由 小manman 於 08-7-6 13:18 發表
樓主:

我都係一位幼稚園老師,所以我絕對明白你感受,我諗我同你都係一同類人,比較執著於自己的教學理念,有時換黎既係心淡........

我個人係好著重小朋友的品德發展,我發覺依架的小朋友好鍾意將責任推卸責任,佢地係 ...

完全同意!!!!

校長好緊要!!!!!!

私人傳訊

小manman

翡翠宮

積分: 85055

51^#

發表於 08-7-6 13:18 |只看該作者

樓主:

我都係一位幼稚園老師,所以我絕對明白你感受,我諗我同你都係一同類人,比較執著於自己的教學理念,有時換黎既係心淡........

我個人係好著重小朋友的品德發展,我發覺依架的小朋友好鍾意將責任推卸責任,佢地係完全無責任感,e.g)無做功課就話媽咪無提我,一係就話媽咪無幫我將功課擺落書包............我一聽到就會即時糾正佢"d功課係你既,唔係媽咪既,做功課係你的責任,唔係媽咪的責任"but其實呢d小朋友都依賴左媽咪,乜都幫佢地做哂,所以佢地根本無哂自己的責任,所以的責任都係人地度~~~

我比較好彩,我覺得我依架教緊呢間學校好適合我,而校長亦都好欣賞,會聽我地老師訴苦,如果佢認為係家長的問題,佢係唔會讓步,就算個家長話要退學,佢都唔會退縮,佢會話家長係有選擇的權利,既然我地達唔到佢的要求,咁佢去選擇另一間學校都係一個明智的決定,我亦唔會因為少左呢個學生而感到可惜~~~

如果我係你,既然呢個學校唔配合我的理念,而我又唔認同學校的辦學方針,我會選擇離開呢間學校,既然大家唔夾無謂勉強~~~

私人傳訊

ching1117

男爵府

積分: 8976

好媽媽勳章

50^#

發表於 08-7-6 12:45 |只看該作者

不知樓主是否教我小女的幼稚園呢?

因為該校今年下學期先換了班主任

繼而再換了助教

真不知學校發生什麼事

之前的班主任實在教得好好
我在這裡真是要多謝她,,祝福她

私人傳訊

小魚兒正正

男爵府

積分: 8788

49^#

發表於 08-7-5 22:37 |只看該作者

樓主....你的堅持...其實好多人巳認同左你
所以..吾開心呻下...比心機呀...
一個好老師係好難得啦...
你班內重有好多喜歡你既
小朋友呀....吾好..放棄..你自己既理念
努力....

[

私人傳訊

華比888

男爵府

積分: 9432

48^#

發表於 08-7-5 18:41 |只看該作者

樓主，作為家長我真係好高興聽到妳對教育下一代的熱誠，並不是所為學校都是這樣的，以我小朋友所讀的幼稚園為例，校方及家長們就可以做到家校合一，眼見小兒學校的小朋友都純良樸實，這些除了因為家教之外，老師悉心的教導絕對是功不可抹。所以請不要浪費了妳對幼兒教育的理想，總有需要妳的校園

私人傳訊

ruby2004

大宅

積分: 2667

47^#

發表於 08-7-5 12:51 |只看該作者

原文章由 SiuOnOn 於 08-7-4 23:37 發表

我唔介意受氣, 我在乎係個小朋友的品德修行, 但學校唔認同老師處事方式, 學校需要的是收生率, 成績和聲望, 但小朋友沒有良好的行為, 學校如何有聲望, 難道成績真的能代表一切??? ...

良禽揀木而棲

私人傳訊

建男媽咪

大宅

積分: 3472

46^#

發表於 08-7-5 12:28 |只看該作者

原文章由 SiuOnOn 於 08-7-4 21:56 發表
我決定走了, 太失望!!! 我發覺我的熱誠破滅了, 咩叫期望, 呢度冇架, 只係為 pleasure 家長而做, 對唔住, 我做唔到囉, 我真係妥協唔到, 點解我唔可以講真話, 點解要做假像, 家長有權知道小朋友成績, 佢地有義務一起 ...

請問你教小學還是幼稚園? 我很多年前教過幼稚園, 你知d小朋友咁細過, 有時真係好難控制, 所以覺得做老師真係好辛苦

私人傳訊

catcat_22

大宅

積分: 4209

畀面勳章環保接龍勳章

45^#

發表於 08-7-5 12:17 |只看該作者

冇錯, 我成日都話, 問題係D大人, 唔係D小朋友

樓主, 唔好放棄你o既理念

原文章由 tkkmama 於 08-7-5 07:28 發表
樓主我地支持你... 你要加油啊... '香港地...唔係小朋友難教...而家D家長難教'

私人傳訊

Smiile

子爵府

積分: 13634

醒目開學勳章畀面勳章貢獻勳章

44^#

發表於 08-7-5 09:38 |只看該作者

原文章由 揚莉煒媽咪 於 08-7-5 08:10 發表
都唔知點講
覺得樓主做教師滿懷熱情
得唔到家長認同..的確難受...
但我都想樓主你加油...唔好放棄......

好明白樓主的感受，自己有一番熱誠，但卻受到很多限制；點解當初妳會選擇當幼師 ? 人工高 ? 假期多 ? 我相信都不是妳的原因，主要是因為妳想當幼師，想教好一班小朋友，對嗎 ?

但很多學校，因為收生不足，為了收生，背棄良心；小朋友要教時卻因為怕家長投訴，而沒有把小朋友教好、小朋友逐漸成長，但卻沒有把品德學好。

所以我相信妳在幼稚園一定與不少老師對立 (因為她們寧願聽校長所說而保住一份工)，使妳除了面臨工作量多的同時，同事間亦有不舒服，要知道幼稚園很多時講求team work，合作不好當然難受。近來又要預備畢業禮、又要做學生的每年profolio、還有家長日等，我想你一定很辛苦，才會想放棄。

想清楚自己的路想怎樣，如仍年輕不防考慮轉行，因為當你教得不開心小朋友會感受到的。每一份工最重要有heart，不要過份勉強自己。

活在當下，何不使自己可以開心一點 ?

以心開揚待人真晴朗笑容樂在心

私人傳訊

揚莉煒媽咪

水晶宮

積分: 62360

好媽媽勳章畀面勳章

43^#

發表於 08-7-5 08:10 |只看該作者

都唔知點講
覺得樓主做教師滿懷熱情
得唔到家長認同..的確難受...

但我都想樓主你加油...唔好放棄......

私人傳訊

tkkmama

珍珠宮

積分: 35688

42^#

發表於 08-7-5 07:28 |只看該作者

樓主我地支持你... 你要加油啊... '香港地...唔係小朋友難教...而家D家長難教'<<<係某老師講架...

私人傳訊

euniceyung

男爵府

積分: 9229

睛靈勳章

41^#

發表於 08-7-5 05:00 |只看該作者

原文章由 SiuOnOn 於 08-7-5 00:04 發表

我著眼點不是受氣, 而是香港的教育政策, 家長對小朋友的過份苛護和期望.

好明白你的感受

，我都係逃兵，無做學前教育2年啦!!做呢行唔同做sales，受氣可以忍，但睇住d小朋友比大人教壞，真係好氣憤，身為老師又唔可以出句聲申張正義，依家咩都要睇market，但係講marketd人又唔識教細路，害死d小朋友都唔知道。做呢行就會好明白屈原係點死架啦!!

其實你唔駛激氣，下學期轉學校找份新工睇吓會唔會好d。唔好為個班無謂人放棄一大班可愛小朋友，可能重有校長同你志同道合呢!!!!

私人傳訊

jerma

男爵府

積分: 8179

好媽媽勳章

40^#

發表於 08-7-5 03:43 |只看該作者

原文章由 SiuOnOn 於 08-7-4 22:38 發表

我教幼稚園, 我校d家長係在大庭廣眾當住小朋友面指住老師黎鬧 : 咩叫做唔得, 我俾錢架, 我係消費者, 你都話唔到事, 我要投訴你, 我要見你校長

really? is horrible! i never said anything about the teacher in front of my son, even some time i not agree with his teacher. because i think that i sent my son to school, i need to respect and let the teacher use their way to teach him, if i not respect the teacher how can ask him to following the instruction with his teacher.

anyway, don't give up because of one.

[ 本文章最後由 jerma 於 08-7-5 03:46 編輯 ]

私人傳訊

~仔仔媽咪~

水晶宮

積分: 51912

39^#

發表於 08-7-5 00:49 |只看該作者

原文章由 SiuOnOn 於 08-7-5 00:04 發表

我著眼點不是受氣, 而是香港的教育政策, 家長對小朋友的過份苛護和期望.

有時你都要學懂放低自己尊嚴同主觀態度,多D思考下每個問題,唔止係諗件事既對與錯,而係好好分析成件事個問題係點黎同應該點解決...呢D至係實際方法!

一味認為係人地家長唔啱,一味埋怨呢個社會過份呵護小朋友,你既主觀態度只會推你埋死角架咋!人地既諗法未必係啱,但亦未必係錯哂囉!相等地,你既諗法亦唔係一定正確.

教小朋友係要活學活用,而唔係古老石山咁一套方法想法唔駛改變可以套用成世囉!

同樣地唔係個個家長都係對小朋友過份呵護同期望或者縱容...呢D只係一廂情願既諗法同結論黎,只係要黎俾人逃避現實/責任,而唔係實際地解決問題囉!咁樣諗係教吾好小朋友架!

私人傳訊

~仔仔媽咪~

水晶宮

積分: 51912

38^#

發表於 08-7-5 00:42 |只看該作者

樓主你唔好放棄呀!好似你有個熱心去教好小朋友既老師真係唔係多囉!好似我仔依家個班主任咁,我唔否認佢好有經驗,但係佢真係擺明唔肯同家長溝通囉!莫講話一齊合作點教好小朋友...次次佢打黎投訴我仔D問題時(我仔過度活躍好多問題),我想同佢傾多句,佢都趕住收線唔願講,有次我老公專登打電話問佢關於個仔D問題時,佢仲發我老公脾氣,話自己好忙無時間同我老公傾囉!結果我老公第一次鬧老師,好認真咁問個老師:"你唔得閒要趕住上堂,咁你有無同人講俾人知先(查實我老公係講番平時個班主任拒絕同我講野既態度)?"咁個班主任至收聲,態度好番有禮貌番咁同番我老公講野,我老公都話佢忙唔緊要,我地可以留個電話,等班主任落咗堂有時間時至打俾我地,咁我地都只係想了解清楚個仔响學校既情況同問題啫,都係想配合老師同埋想同老師合作一齊教好個百厭仔啫...不過呢個班主任到依家都係咁同我地家長完全絕緣...打黎俾我地,佢講完佢想講既野就立即收線,唔理我仲响度講緊野個口仲係郁緊...所以唔覺得個班主任有先尊重過我地家長同學生囉!但我亦唔否認佢真係教得班小朋友好嚴,佢唔會懶,佢好少會讚小朋友,佢呢期有讚我仔仲送番本簿仔俾我仔做奬勵,查實我係好開心好感激佢架!至少佢唔係排擠我仔呢類問題兒童嘛...

唔知你明唔明呢...你有個教育小朋友既心係好,但係始終老師同家長都係一個好重要既角色黎,响小朋友面前唔止家長要身教,老師都需要囉!

有好多時成日聽到人地話D家長點衰點唔尊重老師,又成日聽到好多人講,教仔女係父母要身教囉!但大家又有無諗過,唔係個個小朋友個target都只係睇父母架?有D小朋友原來最在意老師既表現同身教..老師係佢地偶像同榜樣黎,更勝於父母,even父母唔係D咩不負責既壞父母黎...呢樣唔係假囉!至少呢個係我以前既寫照黎!
我細個勤力讀書,唔係為咗自己亦唔係為咗討父母歡心,而係一心想討老師歡心,想得到老師一個認同,老師講每一個人生道理,我聽一次就記住又好認同,但當我遇到老師負面既一面時,例如唔尊重人或者未了解件事而冤枉左同學甚至係我....我父母離婚,我放學都會先去媽咪屋企度探我媽咪,夜晚六七點至撘車番自己屋企,有次俾個美術老師見到,第二日佢唔係私下問我呢件事,而係上上下美術堂當眾大聲審問我,我解釋咗俾佢知個原因,佢唔信囉,仲高八度用好質疑認為我响樹講大話既態度話:"哼!係咪呀~~?!!"我嗰刻真係好嬲囉!自問係一個唔搞事又好乖,乖到俾同學恰既好學生,點解老師唔去好好處理件事了解件事而去質疑一個學生既品行和誠信呢?我認為作為一個教育者唔應該咁魯莽,處理一件事咁兒戲囉!尤其佢處理緊一件佢認為係壞學生放學响街流連唔番屋企既問題...結果我嗰次真係好嬲,用番佢嗰隻寸既態度同佢講,咁你下次咪跟實D我囉!想知多D唔該問番學校修女同訓導主任囉!間學校有咩壞學生唔等於我都係,唔好屈我!跟住佢至無咗下文...亦無同我道歉.

另一次又係咁兒戲,D老師又係未了解件事又黎屈我逃學(我日日番學準時永無缺堂喎...咁至離奇),係要到我一個同我同車既同學走埋黎同老師講:"MISS,你唔好誤會啦,佢今朝七點幾番學係同我一齊撘地鐵架!我睇住佢突然標哂冷汗又暈到行唔到(我有貧血),咁佢至去咗媽咪屋企(响我學校附近)度休息咋!"跟住個老師至無出聲對我林善番,但我呢次覺得幾受傷害囉!因為呢次誤會我既老師,我不嬲都好鐘意佢好尊敬佢...我仲要嗰日係一唔見暈,朝早十點半就番到學校,無話乘機請假囉!

我知我又是長篇大論,但係我只係想講一個point,身教/以身作則並唔只係父母需要做既事,老師都一樣要有!父母可以影响到仔女,學校亦都會好影响小朋友,呢一句唔係淨係我咁講,而係我仔個訓導主任早兩個星期前親口同我講既一番說話黎!

如果老師係怕麻煩怕失敗怕俾家長話唔掂,好相信,呢位訓導主任唔會對住我呢一位無鬼用既家長面前講呢一番說話囉!

我同老師們唔會知日後我地會唔會成功(教好我仔),但佢地已經係個稱職既教育者黎!至少佢地勇於面對,而唔係逃避去做去講一D負面野囉!

對於我地一班家長,查實我地教仔既最大動力同支持,唔係老公俾亦唔係身邊朋友俾,而係學校同老師對我地既信任同尊重,對教育小朋友既積極同唔放棄既態度,至係我地家長唯一亦係最大既支持同力量.

我唔知係咪個個家長都係咁,但至少我係需要囉!

你又試諗下,人地家長唔識尊重你,但就係咪等於你唔可以以德報怨,做番小朋友既榜樣,用番正常人尊重人既態度同正面面對家長呢?若然,道理响你呢邊,你更加唔需要怕受家長既逼迫同勾難,而係用番你正面既態度去解決問題,令呢班唔識尊重老師既家長感覺羞愧!係佢地要跟你學點尊重人囉!而唔係你學番佢地咁唔尊重人同放棄教育囉!

加油啦!我地就係需要一個真心教育小朋友愛小朋友既老師!少咗你一個,我地唔掂架!

私人傳訊

Lily

別墅

積分: 751

37^#

發表於 08-7-5 00:33 |只看該作者

幼稚園是個牟利機構﹐無政府監管﹐校長最怕收生不足﹐有氣節收支唔平衡就大獲﹐到處一樣﹐不如忍辱負重﹐或者去教小學﹐相信教小學唔駛受呢D氣卦。

私人傳訊

LILY媽咪

珍珠宮

積分: 41995

36^#

發表於 08-7-5 00:20 |只看該作者

可唔可以講邊間幼稚園，同家長投訴咩，對你的執著教小朋友好感動。

原文章由 SiuOnOn 於 08-7-4 23:58 發表

上頭就係要我地淨教書, 家長唔鐘意事, 我地要隻字不提; 正所謂, 三歲定八十, 依家唔教, 等幾時? 上到小學, 小學老師都分身不暇啦, 課程比幼稚園來得更多, 要應付的課外活動更多!!! 學校要避之則吉, 學生如何成 " ...

私人傳訊

keroroee

男爵府

積分: 7228

35^#

發表於 08-7-5 00:11 |只看該作者

唔好話你間學校...

好似長毛.....多多聲咪落得如此慘情...

好希望妳能當校長, 重整呢個不良教育制度...努力, 支持妳.

現今比家長投訴如食飯, 但求無愧於心, 不用再為呢D教育制度而激氣.

原文章由 SiuOnOn 於 08-7-4 23:58 發表

上頭就係要我地淨教書, 家長唔鐘意事, 我地要隻字不提; 正所謂, 三歲定八十, 依家唔教, 等幾時? 上到小學, 小學老師都分身不暇啦, 課程比幼稚園來得更多, 要應付的課外活動更多!!! 學校要避之則吉, 學生如何成 " ...