婆媳關係 今日: 0 | 主題: 27782

積分: 22985

2025勳章蛇年勳章最關心BB問題熱投勳章畀面勳章

1^#

發表於 08-7-5 01:28 |只看該作者 |正序瀏覽 |打印

事緣係因為我個b發燒~

前2日, 我工人打電話比我話我知bb發燒, 咁0岩我99去左我屋企, 我就叫佢幫手帶bb去睇e生, 叫左佢先打電話去某診所book左睇下重有冇得睇先, 叫埋佢打的去同埋返啦, 因為我住得村屋, so等的士係比較麻煩, 多數都要call既, 我咪諗住再打返去叫99等我call埋的士先出去睇e生囉, 點知工人話我知佢已經帶左bb出去, 重有係咩bb物品都冇帶, 我99重要係手抱我b出去, 我問工人你做咩唔跟住去, 佢話我99冇叫佢, 跟住我已經火都黎埋, 即刻打電話比我99叫佢等埋工人先去睇e生, 佢就死都話"唔使咁麻煩啦" 講左2-3次, 我即時嬲到爆, 即call c6鬧佢話佢阿媽一個人帶bb去睇e生, 唔帶埋工人, 99比佢仔話完先好地地等埋工人去....

今日bb重未好返, 我請左半日假返去, c6話我知99都想入去睇bb, 咁我就直接同佢講, 我放假返入去湊b, 我唔想99都入去費事爭湊b啦, 同埋我唔想見到佢, 跟住c6今晚返黎就同我講, 99話: "如果xxx(連名帶姓講我個名)講一句話唔鍾意我入去佢屋企既話, 咁我以後都唔會黎, 如果唔係因為個孫仔, 我都唔會入去佢屋企" 我覺得我99講依番說話黎大我, c6又話我生完仔後個人變晒, c6話佢問番99既情況同我講返比佢知既係唔一樣, 我覺得c6偏幫佢阿媽, 因為我問:

1) 出去睇e生前or返屋企之後係咪應該打電話通知聲我呀? c6話冇可能咁樣要求佢阿媽咁做
2) 99話工人手腳慢, 帶埋佢出去睇醫生都幫唔到手我同c6講係想工人幫手拎下野, 開下車門擔下遮都好, 實在唔放心比99一個人帶b出去, 但c6話99話工人冇幫過手
3) 我話都唔使咁急咁趕去睇e生, 去到工人話要等成半個鐘 c6話99話去到有人睇緊, 下一個到bb唔通叫人出黎咩, c6覺得工人講大話佢阿媽唔會講大話
4) 我安排好晒d食奶時間, 99同我改晒, 要跟佢果套 c6就一句聲都冇講過

我非常之想即刻打電話比99大返佢叫佢以後都咪入去我屋企

0 0 0

私人傳訊

CheukC9

男爵府

積分: 5922

好媽媽勳章

25^#

發表於 08-7-8 15:19 |只看該作者

其實件事唔係真係咁大件事，end up個b都順利睇咗醫生吖!

我覺得個問題唔係喺你or你99身上喎，你兩個都係緊張個b但係又立場唔同啫! 我反而覺得你老公有啲問題喎!!你諗吓，你話你請咗假唔想99嚟呢句係同你老公講唔係直接同你99講，咁到底你老公點同你99講架? 如果唔係佢講得唔好，你99又點會發老脾話以後唔嚟呢? 正常唔會咁講架嘛!! 再者，到你99講咗嗰番發老脾說話，你老公有乜理由又一五一十同番你講架!! 佢係咪慌死你哋冇婆媳糾紛呀?? 定佢覺得自己得閒得滯冇嘢煩呀? 就算你99係咁講佢都唔使講你知啦! 其實佢唔講你鬼知咩? 但係佢講完你聽你咪好似而家咁慶過火屎囉!!

你老公曉唔曉點樣balance你同你99之間嘅衝突架??

mouth:

重有，你老公唔應該話你生完bb變哂囉!! 喂! 大佬!! 生bb係人生大轉變，變哂係正常架喎!! 個仔係我生嘅，我唔緊張邊個緊張呀?? 有邊個阿媽係生咗仔冇改變架?

[ 本文章最後由 CheukC9 於 08-7-8 15:26 編輯 ]

私人傳訊

豬BBBB

積分: 10880

24^#

發表於 08-7-8 14:45 |只看該作者

可能生完BB會緊張BB, 我99上星期帶咗BB去睇醫生, 電話都冇通知我, 返到屋企我見到幾樽藥水先知BB去咗睇醫生, 佢話BB有幾聲咳, 但我覺得佢幫我湊B, 都應該打嚟同我呢個做人阿媽的講聲, 同埋佢帶BB係樓下睇個普通科醫生,如果99打比我,起碼我會叫佢睇隔離個醫生(有兒科文憑)OR去法國醫院睇反睇開個兒科醫生, 我諗點都好過普通科啩,所以我同佢講, 以後BB有咩事, 打嚟通知聲。

私人傳訊

積分: 22985

2025勳章蛇年勳章最關心BB問題熱投勳章畀面勳章

23^#

發表於 08-7-8 13:14 |只看該作者

回覆 #2 KATRINE 的文章

我平時都好尊重佢, 唔關BB野既事, 我一定唔會say no, 但一講到BB既問題, 我好難接受佢既意見同埋讓步囉...

私人傳訊

積分: 22985

2025勳章蛇年勳章最關心BB問題熱投勳章畀面勳章

22^#

發表於 08-7-8 13:11 |只看該作者

我BB依家差不多11個月大啦~

我都同意JOYFONG講的, 因為我家姐係護士而佢自己都有2個女, 多數有問題我都會第一時間問佢意見, 但係我99由初初BB出世到依家都唔多認同我湊B既方法(其實我係大部份follow我家姐點湊佢2個女),99永遠有自己既見解,好似BB細個易嘔奶,叫99餵BB時要分開掃下風唔好一次餵晒,佢永遠都唔聽,驚BB一離口唔再食,結果佢餵過2次都嘔奶,我先唔比佢餵,到BB厭奶期,佢就覺得BB開始想戒奶而叫我要加固體食物(果時BB先得3個幾月),不停見你一次講一次,成日講BB似我叔仔未夠3個月已經唔肯食奶,99果時就煲稀粥佢食,BB皮膚唔好,又一次過比左成4安竹庶水佢飲,唉... 果次唔係c6話比我真係唔想,而且未夠6個月已經想帶BB去飲茶食包食腸粉,聽到我都好驚,到BB食粥仔又教我要醃咸瘦肉比佢煲粥,佢話c6細果都係咁食,冇問題~ 總之我同99之間永遠都有意見分歧既...

可能係睇醫生依件事上面我做得唔好, 因為我話佢知叫佢幫忙帶BB去睇醫生冇諗過佢會即時出門口, 而我其實再打返去係想話佢知會幫佢CALL的士同埋叫定工人拎埋BB既物品去睇醫生,eg.水,尿片等,唔打返去我都唔知佢已經唔帶工人出左門口

其實我係咪生完BB之後變左好多我都唔知有冇,當然我唔覺得自己有變,但係唔係過份緊張BB我諗好難講,因為BB剛出世時皮膚唔好,容易敏感,出晒濕疹&皮膚發炎,果時我都為左BB喊左好多次,直至6個月之後情況先有好轉,所以到依家我會對BB飲食都非常小心睇得好緊,樣樣野慢慢試,唔希望再有之前既情況發生,直係好心痛0架,我唔知係咪因為樣樣都管住BB既起居飲食而令c6覺得我有問題啦,但係果BB係我既, 我覺得我緊張佢冇唔0岩囉~

我同意小小太陽講, 應該係講說話時既語氣問題..

私人傳訊

KATRINE

積分: 11902

21^#

發表於 08-7-8 12:47 |只看該作者

又一個打完Ｘ唔要和尚的ＣＡＳＥ
叫完９９幫手，倒頭又話佢的不是，又話唔想見佢唔好俾佢入來
真係聲到都以為呢個新抱好巴閉
我比較激動小小，事關我Ｅ都係俾佢新抱話成日唔開心，我見過佢對我Ｅ超無大無細，成日喂喂聲，聽到都想打巴佢
我Ｅ成日俾錢佢哋做生意，又好錫個囝，我十個肯定日後有孫都話唔俾佢見呀之類，我都唔明，個個始終都係佢Ｃ６個媽，點解小小面都唔俾，無佢點會有隻Ｃ６呢　？
我都有囝，我只望好囝不如好新抱

私人傳訊

小小太陽

大宅

積分: 2301

20^#

發表於 08-7-8 12:01 |只看該作者

樓主, 你老公話你生完之後變哂, 可能係真架, 你自己唔覺

我家姐都係,生完之後成個人都變得好神經質, 少少野都好緊張

講野語氣又倔

你同你99 都冇錯, 但我地呢一代要主動d同上一代溝通---我諗係講野問題je, 言者無心, 聽者有意

私人傳訊

debbieip

大宅

積分: 1113

19^#

發表於 08-7-8 11:44 |只看該作者

我都同意JOYFONG說的!

BB係要定時食奶的! 特別係我地依家多數BB都係食奶粉, 如果食人奶就唔同, 人奶係餓就要比佢食~(可能係咁, 好多奶奶都唔明白點解要家定時食)

其實樓主BB幾大? 如果係6個月以下, 健康院姑娘話/兒科醫生話不需要定時, 唔需要規定每3/4小時一次, 係按BB需要比佢食(當然唔係一哭就比, 係BB真係肚餓就比)!
6個月以上就要教BB一個固定的飲食時間, 亦開始引入固體食物!

其實我都同奶奶住過, 我好明白樓主緊張BB的心情, 我BB出生後我同奶奶的關係都緊張左, 大家都想BB好, 大家都有自己一套, 大家都覺得自己那一套好D....老人家, 係咁, 既然唔知邊個啱, 我當時係問健康院姑娘, 醫生及奶粉商給我護士熱線問! 我奶奶都算講埋, 問左就算佢唔同意都引住唔出聲, 但如果問左係我的方法唔啱, 我都係跟醫生的吩咐, 因為大家都係想BB好! 而且每次我都係叫老公話比奶奶聽係醫生/姑娘教的...因為如果係我講,好易大家有誤會...以為我大佢, 所以語氣上都盡量輕鬆!

其實你奶奶都唔係咁差, 只係有一D老人家的通病, E.G. 唔帶工人去睇醫生,--唔知自己今時唔同往日, 仲後生咩; 唔通知你醫生話BB點--佢一向做野都冇通知人, 佢係呀媽, 邊鬼個管佢....

其實係依件事上, 你係可以做好D, 我咁講唔係因為你唔啱, 而係因為佢係奶奶, 你唔可以改變佢, 只好改變自己....
1. 我以前叫奶奶幫忙帶BB睇醫生, 我一定係自己BOOK好時間, 如要CALL的士會自己CALL, 再告訴她資料, 我會叫佢帶工人, 如果佢話唔駛, 可以話工人係屋企冇野做, 一齊去仲好, 冇謂比佢講電話! 或者直接交代工人一定要跟去, 因為66年幾大, 如果一個唔小心整到點算?!
2. 交代工人回家打電話比我報平安, 或自己打去問BB情況!
3. BB病佢想入去睇佢其實好正常, 如果真係唔想佢來, 就話BB都係需要休息多, 食左藥都係睡覺多, 叫佢放心你地會睇緊, 不如到佢好番D先來睇佢, 又可以陪佢玩, 又或者可以煲D湯水比BB好番先飲...(當然全部都係老公講)

[ 本文章最後由 debbieip 於 08-7-8 11:47 編輯 ]

私人傳訊

joyfong

禁止訪問

積分: 1022

18^#

發表於 08-7-8 00:13 |只看該作者

提示: 作者被禁止或刪除內容自動屏蔽

私人傳訊

積分: 22985

2025勳章蛇年勳章最關心BB問題熱投勳章畀面勳章

17^#

發表於 08-7-7 17:25 |只看該作者

多謝大家回應, 其實其他媽咪都幾中肯, 可能我真係當局者迷, 依件事一直以為自己冇錯(你地唔講又真係唔知喎) 原來係第3者眼中我係唔0岩既~ 不過點都好, 其實我唔係太鍾意佢干涉我點樣湊BB, 因為BB係我湊既, 我覺得應該跟番我想要點樣湊既方法, 因為我唔係好認同佢湊BB既方法(我覺得out), 而佢平時入黎我屋企, 我都冇干預過, 只要佢同BB玩下, 錫佢就得啦, 其他野唔好理咁多, 我既要求都係好簡單唧, 已經同c6反映過, c6亦都有同99表示我既意願, 可能係佢性格問題, 因為平時都係老佛爺一樣, 佢d仔係聽晒佢話既, 咩事佢都會有佢既意見而習慣覺得人地都要聽佢講一樣, 我唔係唔尊重佢, 我知佢平時冇我見到BB咁多, 每次見到佢我都一定唔會同佢爭B, 由佢抱飽BB, 就算離開視線範圍都冇話一定要跟住佢地去, 佢平時話依樣果樣我都冇頂過咀, 由佢講, 我覺得自己都算係過得自己, 自問比晒面佢~

不過好似driedpork話, 第時咩野都係要自己親力親為, 唔好再靠人, 有咩都係自己照顧返BB最好~

另外, 問返工人點解唔幫mama手, 工人話佢唔係唔想幫手, 係佢抱住BB而幫唔到手, 都唔知邊個講真邊個講假啦~

私人傳訊

54heima

水晶宮

積分: 55644

16^#

發表於 08-7-6 00:15 |只看該作者

以前我同老公投诉99一D也时
老公会话
算喇
巨个仔养到甘大都跟左你罗
未计较甘多喇
其实谂下又系哦

私人傳訊

driedpork

禁止訪問

積分: 2182

15^#

發表於 08-7-6 00:00 |只看該作者

提示: 作者被禁止或刪除內容自動屏蔽

私人傳訊

tongyimtong

複式洋房

積分: 183

14^#

發表於 08-7-5 22:51 |只看該作者

99靠得住，豬乸會上樹。

hihofion說得好，啲99真係好奸的﹗

私人傳訊

小小太陽

大宅

積分: 2301

13^#

發表於 08-7-5 22:03 |只看該作者

你真係對你99一D RESPECT 都冇....

係你99角度, 你都幾難頂, 難服侍, 講說話又難聽

你掉轉諗如果個仔第時個老婆咁樣同你講野會點先, 完全係好心著雷劈

佢以前湊你老公果時都冇工人架啦.......咁帶個B 出去睇醫生又搭的士有咩問題?

唔REPORT 比你知 - 你真係當自己係佢老闆

外人睇都覺得你好難頂

私人傳訊

onon1022

積分: 12600

好媽媽勳章

12^#

發表於 08-7-5 21:38 |只看該作者

其實算啦...大家出發點都係為bb好...唔好唔開心...

[url=http://lilypie.com][img]

私人傳訊

BigChoi

別墅

積分: 537

11^#

發表於 08-7-5 14:11 |只看該作者

其實妳99都唔係咁差, 佢都係緊張BB, 又帶BB去睇醫生. 妳C6都話妳生完BB之後變晒, 妳自己留意下啦. 我知妳緊張BB, 可能第一個, 但有時要放鬆下.

私人傳訊

JFL

伯爵府

積分: 17193

10^#

發表於 08-7-5 13:50 |只看該作者

好同意其他mami咁講,９９唔係工人, 唔須report比你, 佢都系緊張個孫啫.雖然佢出去睇e生前or返屋企之後冇打電話通知聲你.但好似系你叫佢同亞Ｂ去睇醫生喎.佢冇等工人一齊去可能都係太緊張個孫,所以一打完電話比醫生就拿拿聲出門口囉.可能佢返黎系忘記咗同你講番醫生点講,或者佢都諗住你返梗黎屋企喇,到時同你講囉.至於你請左半日假同ＢＢ再去睇醫生, 唔想99入黎,你咪好聲好氣同佢講話唔想佢咁操勞,又要走黎走去,自己帶亞Ｂ去得嘞,咁人地又唔會話你有事就求佢,冇事又唔比佢黎,條氣都順Ｄ,老公又唔會難做.

私人傳訊

IaMMoYY

積分: 12198

9^#

發表於 08-7-5 13:39 |只看該作者

原文章由 bigbigsnake 於 08-7-5 13:17 發表
99唔係工人, 你要佢係咁report比你, 唔係因為個孫, 我係你99我都唔想理你, 因為都幾霸道...

Please don't mind, LZ is 幾霸道... Your husband seems to be a reasonable guy. Treasure your relationship with your husband and his mother. Not everyone can stand 霸道 and unreasonable people for too long.

私人傳訊

bigbigsnake

男爵府

積分: 5569

8^#

發表於 08-7-5 13:17 |只看該作者

99唔係工人, 你要佢係咁report比你, 唔係因為個孫, 我係你99我都唔想理你, 因為都幾霸道...

工人有時冇做到工人要做既...因為工人始終係打工.一定講D有利自己的說話.當工人說99不是時, 理應先聽, 不可盡信.一定要自己親眼看到, 親耳聽到至可信..

私人傳訊

IaMMoYY