吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 面對著老公一家人，真係一句說話都唔可以講錯！ ...

婆媳關係今日: 0|主題: 27761

收藏本版

發帖

返回列表

跳至頁

查看: 4159 | 回覆: 32

面對著老公一家人，真係一句說話都唔可以講錯！ [複製鏈接]

sylar

洋房

積分: 195

1^#

發表於 08-7-7 00:53 |只看該作者 |正序瀏覽 |打印

大家有沒有呢個煩惱？講的無心，聽的有意，引會很多不必要的誤會，結果誤會越多，關係就越差！

我和老公拍拖時，同佢家人相處都好好，佢地都好nice, 大家都會有講有笑, 當然當時我又入門, 大家說話都會客氣d虛偽d, 我和我的家人相處真係可以有個句講個句, 就算父母有咩唔啱我都會出聲, 和我較好的朋友也是, 互相串來串去, 大家都知道我是一個怎樣的人!

點知結婚之後, 有時我真係以為自己已經成為佢地一份子, 有時說話可以坦白d, 唔需要太多虛偽, 點知就會成為佢地講是非的對象, 仲有, 老公有姐姐和妹妹, 再加上99, 全部都係女人, 一句話足夠佢地講一排...真係好變態!

曾經, 我試過對細姑仔說話語氣重左d, 叫佢做嘢快手d, 佢之後就會全家人講我駡佢又迫佢點點點, 之後佢d姐姐當然幫佢, 無人問過我成件事就點, 點解我當時會咁勞氣地講, 總之就係我唔啱!

後來佢地嬲左一排(都over半年), 全部女人好少同我講嘢, 我開始發覺佢地一家人對父母和最細的妹是超過錫或可說是過份的尊重, 真係連一句說話一個眼神都唔可以表示不敬, 有次姐夫口快快串了最細細姐一句, 呢d說話我和家人/朋友由朝串到晚好平常的話, 佢2個家姐(包括佢老婆)立即駡佢:作死! 咁樣講我個妹! 佢地係好認真咁駡, 妹夫當場瘀爆!

又一次情況差唔多, 又係呢個姐夫同62講左句:又話唔飲酒, 現在又飲咁多啤酒! 結果又比2個家姐駡: 爸爸高興喜歡飲啤酒係唔係要問過你呀! 你咁樣同爸爸講嘢!

我真係頂佢地唔順, 原來我要比結婚前更虛偽才可! 我已經盡量唔出聲, 免得一時忘形又唔知得罪左邊個!

0 0 0

私人傳訊

milky_red

水晶宮

積分: 51674

畀面勳章 BK Milk勳章

33^#

發表於 08-7-20 15:29 |只看該作者

我哋通常逢星期六都玩家庭聚會,如果c6返通宵,我一定唔過去...
試過c6出trip,成個幾月我都無去...

有啲朋友都覺得奇怪,連電話都唔打?但我同c6商量過,都覺得打過去,都係無嘢講,不如算啦...

我生完係屋企抖緊,放產假,c6放工,幫我湊下0乍,我啲姑9都係度問,唔好似為講電話我唔知,我聽到我c6都話;「佢都要抖0架!」我心諗,你駛唔駛咁唔抵得呀,又唔關你事:;pppp:
包包都係佢個仔0黎0架

[ 本文章最後由 milky_red 於 08-7-20 15:33 編輯 ]

私人傳訊

牛精仔

琥珀宮

積分: 157928

玩具勳章好媽媽勳章醒目開學勳章畀面勳章叻叻勳章 2011精緻種植勳章環保接龍勳章 BK猜猜猜慶中秋 BK Milk勳章

32^#

發表於 08-7-19 22:43 |只看該作者

原文章由 Vca 於 08-7-13 03:58 發表

係架! 點止姑奶呀? 連d姑仔衰起上來都以下犯上架!!!

我既做法就係 - 見到面時我只同老公一個傾計; 6299出到口問我野我先答; 大伯同我講野，睇吓乜內容 - 我鍾意答就答，唔鍾意答就會當聽唔到; 至於姑仔 - 無論佢同我 ...

哈哈...同我好似, 以前我只同老公一個傾計, 宜家只顧住bb...keke...少出聲為妙。

私人傳訊

十月變形記

大宅

積分: 2703

31^#

發表於 08-7-19 03:06 |只看該作者

回覆 #30 漂亮的媽咪的文章

說者無心: 同小朋友講嘢用反問(即係成日問返佢點解, 係乜嘢)係10個媽咪10個都會做, 刺激佢思維嘛!
聽者有意: 你99幾廿歲人邊識呢d嘢呀! 但係真係有心人算冇心話, 你勞氣都冇用, 盞傷心又傷身.

一句講晒, 當佢耳邊風, 時運高聽唔到.

十月變形記: http://hk.myblog.yahoo.com/bibu-fish

私人傳訊

myking

複式洋房

積分: 340

30^#

發表於 08-7-18 12:40 |只看該作者

我次次去c6屋企都好少出聲, 可免則免, 以為實無事, 點知原來姑奶一直都同6299落藥, 又話我無禮貌又高"豆", 成日唔出聲, 又話我難相處!! 最衰係c6好"石"佢屋企人, 如果我係佢面前數佢家姐或父母, c6會唔高興, 仲會覺得我少氣 !!

原文章由 piyo28 於 08-7-7 12:12 發表
始終佢地唔係你屋企人, 又點會真係當你係屋企人呀, 佢地點講話當你係親生女又好, 點都好, 咪一樣你都係外人. 佢地冇女咩, 洗咩當你係女喎, 所以話, 最好就唔好講野, 佢問你, 你咪答吓囉, 唔問, 唔好答. 呢個係明至之 ...

私人傳訊

漂亮的媽咪

民房

積分: 55

29^#

發表於 08-7-18 12:08 |只看該作者

我啊仔同我講,姑姐大肚行得很慢,我話"係咩點解會行得咁慢呀"其實我冇咩意思,跟住啊仔都唔知同奶奶講咩,奶奶話你冇大過肚咩.

原文章由 十月變形記 於 08-7-16 01:03 發表

呢d咪就係幫親不幫"你"囉.

私人傳訊

十月變形記

大宅

積分: 2703

28^#

發表於 08-7-16 01:03 |只看該作者

原文章由 sylar 於 08-7-7 00:53 發表
曾經, 我試過對細姑仔說話語氣重左d, 叫佢做嘢快手d, 佢之後就會全家人講我駡佢又迫佢點點點, 之後佢d姐姐當然幫佢, 無人問過我成件事就點, 點解我當時會咁勞氣地講, 總之就係我唔啱!

呢d咪就係幫親不幫"你"囉.

十月變形記: http://hk.myblog.yahoo.com/bibu-fish

私人傳訊

joesimage

男爵府

積分: 5015

27^#

發表於 08-7-13 04:28 |只看該作者

咁我又好彩少少~
只係6299要面d,對佢講野要假dd.....
佢地d老人家,成日張自己果套套落人地度!!!

但我有4個姑9.....so far大家關係算好囉~
我估佢地都當我係自己一家人架....
因為我好細個就入左佢地家庭~
佢地都好似睇住我大咁.....
同埋我對佢地,同對佢地d小朋友都ok架~
其實大家識做,都可以關係好好~

★louis日記

私人傳訊

Vca

男爵府

積分: 5681

26^#

發表於 08-7-13 03:58 |只看該作者

原文章由 mymelody2003 於 8/7/2008 08:46 AM 發表
有時姑奶的嘴臉仲難睇過99, 真係想佢地一餐, 總之99+姑奶真係要避得就避, 佢地對我好D咪返囝囝去佢地屋企多D, 對我差既幾個月先返一次, 真係啋佢地都傻 ...

係架! 點止姑奶呀? 連d姑仔衰起上來都以下犯上架!!!

我既做法就係 - 見到面時我只同老公一個傾計; 6299出到口問我野我先答; 大伯同我講野，睇吓乜內容 - 我鍾意答就答，唔鍾意答就會當聽唔到; 至於姑仔 - 無論佢同我講乜，我都一律當聽唔到! :;pppp:

私人傳訊

小寶貝兒

珍珠宮

積分: 30295

25^#

發表於 08-7-12 03:44 |只看該作者

原文章由 wmpl 於 08-7-12 03:02 發表
你講錯嘢俾佢話你都仲有啲啲理由,可惡嘅係你唔出聲都係錯,冇講過都屈你有講過,冇咁諗過都話你一定有咁諗過,冇做過都屈你有做過,因為佢認為你本身成個人就係錯,嫁咗俾佢個仔就係最錯,就算你聽聽話話,話頭醒尾,斟茶遞 ...

講得好!!!!

根本我地呢D新抱既存在, 就係錯!!

在佢地黎講, 我地係勾引佢地既寶貝仔/哥/弟既壞女人, 又或者只係佢地既孫/姪既阿媽!

我仲好記得岩岩同老公拍拖冇耐, 99就堅持要叫我一齊食飯, 成日話一家人一家人, 呃左我呢個無知少女, 我當時真係信架!

點知就係一句開玩笑, 99就話佢嬲足我2星期!!!

起初老公同返我講, 我都唔知自己講錯D乜, 直到佢提起, 我先記起好似有講過果句說話, 但早就忘記得一乾二淨啦! 乜99仲記住係心度?! 仲要一嬲就嬲2星期?

就係咁, 我從一個無知少女, 成長到識得玩手段, 識得講大話面不紅氣不喘!! 99, 你好野!!

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

wmpl

大宅

積分: 3000

24^#

發表於 08-7-12 03:02 |只看該作者

你講錯嘢俾佢話你都仲有啲啲理由,可惡嘅係你唔出聲都係錯,冇講過都屈你有講過,冇咁諗過都話你一定有咁諗過,冇做過都屈你有做過,因為佢認為你本身成個人就係錯,嫁咗俾佢個仔就係最錯,就算你聽聽話話,話頭醒尾,斟茶遞水做埋阿四都係千錯萬錯!!

私人傳訊

mayleung

大宅

積分: 1018

23^#

發表於 08-7-11 03:54 |只看該作者

原文章由 sylar 於 08-7-7 00:53 發表
點知結婚之後, 有時我真係以為自己已經成為佢地一份子, 有時說話可以坦白d, 唔需要太多虛偽, 點知就會成為佢地講是非的對象, 仲有, 老公有姐姐和妹妹, 再加上99, 全部都係女人, 一句話足夠佢地講一排...真係好變態!..

我的情況同你差不多,尢其在大仔(現在5歲)出世之後要99湊的時候就更慘..........真係講野又死,唔講又死那隻.
到第二個B出世一年之後,我簡直進入憂鬱時段.最後我毅然決定放棄工作湊回兩個仔.現在差不多一至二個星期才見一次,盡量只吃晚飯,其實我們住的很近的,一程小巴5分鍾就到的了,真係行路都去到大家家的.

私人傳訊

jj7723

子爵府

積分: 10907

22^#

發表於 08-7-11 00:37 |只看該作者

點會係一家人呀. 99個女就係寶, 新抱就係草.

姑奶買個橙俾佢食, 就讚口不絕. 我同樣買個橙俾佢, 就彈都一文不值.

私人傳訊

mymelody2003

男爵府

積分: 8641

21^#

發表於 08-7-8 16:46 |只看該作者

有時姑奶的嘴臉仲難睇過99, 真係想

佢地一餐, 總之99+姑奶真係要避得就避, 佢地對我好D咪返囝囝去佢地屋企多D, 對我差既幾個月先返一次, 真係啋佢地都傻

私人傳訊

hinhofion

大宅

積分: 4120

20^#

發表於 08-7-8 16:20 |只看該作者

一定要保持適當距離,仲要唔好做好人,佢地叫你做乜都照做,蝕抵會係自己,仲吃力不討好tim

私人傳訊

CheukC9

男爵府

積分: 5909

好媽媽勳章

19^#

發表於 08-7-8 14:18 |只看該作者

你太天真喇! 真係信可以當係一家人。可能我自己屋企人講嘢都會咁，所以我好耐之前就已經明白冇可能當老公家人係一家人。你估我同老公嗌交，真係可以同佢哋呻呀?? 嘥氣啦!

距離好重要。我會喺佢哋面前做返自己，因為我接受唔到自己虛偽。但係做自己唔代表我會畀佢哋見哂100%嘅我囉! 所以出到去，廢話假話唔講之餘，真話都唔一定要講。