原文章由 Cammy3007 於 08-7-11 15:08 發表 
我LEE世都唔會再參加關鍵
1X年前報名去龍母廟, 他們之前一晚冇
, 我仲以為MISS CALL, 早上自行去到碼頭, 船都開了, 都唔見人 去分店
他們只話SORRY呀, 唔成團, 叫我改參加第2日出發的三水禾花雀團, 我當時的友人唔比我發爛X
嘩!!!! 咁佢地又好過份喎!!! 唔成團至少都通知下D客丫!!
最後有冇比返全費你呀?
我果次真係一肚氣!
去到, 成團人得12個, 佢比果架車仔, 同保母車差唔多大, 但係要車晒我地全團大人, 再加上導遊, 領隊, 仲有各人既大行李(因為去8日, 所以大家都帶大喼去), 逼到死, 仲有D人要坐走道中間附屬果D椅!! 架車又殘到不得了, 幾驚佢中途冇逼力呀!! 死左都唔知咩事呀!!
行程又趕, 都算, 上到玉龍雪山, 用左2個鐘(咁上下)車程去到, 仲要搭20分鐘纜車上到去, 你同我講話15分鐘後集合? 冇野呀!
最後拗到30分鐘, 但我同老公好努力咁行, 都行唔到第一個景點.... 只係係D攤販度一來一回, 就要落山!!
上山前我問領隊, 山上會唔會好凍, 因為麗江本身溫度已經不高, 加上上左3千幾呎, 仲有當日落住雨, 我先咁問! 佢答我上個月黎果陣仲熱到要除外套呢! 我咪信佢囉!!
點知, 上到去, 凍到死, 又落大雨, 我同老公2個人由頭濕到落腳, 後尾集合後, 就見到即使有租大褸既團友都又濕又凍, 呢團仲係大部份係老人家, 除左我同老公仲有個小妹妹之外, 全部都似退休人士, 本來以為中途食完飯就立即返酒店比我地換過件衫啦!
點知佢經過左酒店, 但唔入, 而係兜大圈, 然後係酒店斜對面落車, 原來又係要買野!!!!!!
我當時已經凍到面都青埋, 好似岩岩係水度走出黎咁, 仲要坐係D強勁冷氣之下, 我好怕會冷親, 於是同領隊講話返酒店先, 佢仲黑口黑面, 叫我地坐多陣, 我老公好嬲咁同佢講, "咁係咪我老婆有事你負責?" 佢先比我地走!
好彩我認路都幾叻, 先認得出身處酒店附近, 唔係之前比佢架車兜黎兜去, 都唔知兜左去邊, 想走都走唔到!
呢次跟關鍵真係令我好失望, 我覺得即使要帶團友去買野, 至少都要顧下D團友既健康先啦! 成團人多數都係老人家, 已經上山淋雨, 落左山都唔比返酒店先! 我覺得如果買野地方係山同酒店之間, 咁冇得好講丫, 但明明就係酒店對面, 點解唔比團友返酒店先呢!!
結果第2日已經有人病左, 仲係咁嘔添呀!!!
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
發表於 
及價錢! 
(e.g.食、玩、住?)
，又唔迫人買野
返回列表
