婆媳關係 今日: 0 | 主題: 27770

積分: 352

1^#

發表於 15-9-29 15:10 |只看該作者 |正序瀏覽 |打印

本帖最後由 Tungbi 於 15-9-29 15:18 編輯

[color=rgba(0, 0, 0, 0.701961)]聽到呢個消息真係令我心寒發冷手震，點解嫲嫲要送晒BB仲啱著嘅衫俾人呢？啲衫有啲仲係我媽咪買同埋有啲喺朋友送俾BB，好有記念價值，點解要咁做？？係咪我哋有困難，呢個月開始一兩年內俾唔到家用嫲嫲就要咁？老公由出嚟做嘢，就算冇住喺屋企都一直俾家用嫲嫲～我哋而家有困難，冇人關心我哋情況，只係叫我哋繼續俾同請佣工一樣嘅錢俾嫲嫲。我哋都想請個工人幫輕我喺屋企家務同照顧BB嘅工作～但係真係冇辦法，所以我一直都咁辛苦一邊做嘢一邊照顧BB同屋企。

[color=rgba(0, 0, 0, 0.701961)]嫲嫲有結咗婚嘅大女，我老公(仲有個同前妻嘅6歲女)，仲有同嫲嫲一齊住公屋做生意揸車代步單身嘅細仔。我哋唔係有錢唔俾媽咪，我哋壓力好大～BB其實唔係我哋預算之內，我哋本打算結婚兩年後先要BB～但小生命嘅到臨，雖然打亂我哋好多計劃，我哋亦都知道會因為呢個新生命而冇晒自由，但係我哋唔會殺咗呢個生命～由一開始知道佢存在已經好開心，上天喺呢個時候賜比我哋嘅禮物，以後未必會送返同樣嘅禮物～～但始終一家人冇因為呢個小生命而體諒我哋(可能因為叔仔會認為有小朋友會影響到自己計劃，要前女友墮胎)
[color=rgba(0, 0, 0, 0.701961)]
老公要俾女嘅生活費，又要照顧屋企同BB嘅開支，仲有一筆佢喺識我之前就借落嘅錢，呢筆錢喺2017年就會還晒，所以喺2017年之前我哋都係好緊，老公亦都應承我只可以2017年之後先可以俾到家用我，我先可以輕鬆照顧BB唔使顧工作～所以我由大肚到生BB只休息左兩個禮拜就繼續做野，真係辛苦到而家都仲有後患～而老公其實由上年十月就開始讀MBA進修，但係自從BB出世佢都要幫手照顧就冇時間讀要暫時放棄⋯

其實呢個月除咗俾唔錢嫲嫲，連我自己媽咪都俾唔到錢，不過分別在於我媽咪問我哋究竟點解冇俾錢佢，而就算我哋無錢俾，家姐放假都會過嚟睇BB⋯見嫲嫲都有個幾禮拜冇睇BB，我咁啱又要帶埋BB出去做嘢，本來諗住拎埋之前同嫲嫲買嘅洗衣粉，順便俾嫲嫲見下BB～但係我WhatsApp留咗言亦都打個電話完全冇回覆，但係嫲嫲就同所有人講我哋唔俾佢見BB⋯而老公嘅6歲女過去年幾嘅周末同假期都會去嫲嫲度，呢個月我哋無錢俾就唔俾孫女去佢度，仲成日喺電話度同孫女講叫爸爸過數，以前都不嬲同佢講野唔當佢係細路仔，而家仲成日講埋大人嘢，成日喺佢面前數爸爸，成日挑撥離間，仲話佢喺我地屋企呢幾個周末瘦咗(嫲嫲只係喺Facebook睇相)，話一定係我無俾足夠營養佢～其實囡囡以前不嬲一個月總會病一次，但係由我地照顧呢個零月冇病過，我亦冇好似嫲嫲咁成日俾垃圾食物佢。

真係好可惜，老公屋企人唔係關心佢，只關心佢有冇錢拎返屋企，仲一個個left group chat...真係諗唔到原本一家人融融洽洽都只係建基於錢上面！同嫲嫲住嘅叔仔俾一萬蚊都冇，屋租、伙食、其他開資全包。我哋俾嘅係純家用(相等一個外傭嘅工資)，孫女同BB嘅所有開資係另計～就算我坐月時食嘅每一條菜、每塊肉、每碗湯等等都係另計⋯大家點睇？！

[color=rgba(0, 0, 0, 0.701961)](叔仔仲話我冇資格講嘢，我同時做嘢、湊B、做家務，而家仲要理埋老公個女⋯好彩老公不嬲都係好男人，喺屋企嗰時都幫我好多)

0 1 0

私人傳訊

ccgirlcc

男爵府

積分: 9847

63^#

發表於 15-10-4 05:28 |只看該作者

本帖最後由 ccgirlcc 於 15-10-4 05:36 編輯

Tungbi 發表於 15-9-29 15:10
聽到呢個消息真係令我心寒發冷手震，點解嫲嫲要送晒BB仲啱著嘅衫俾人呢？啲衫有啲仲係我媽咪買同埋有啲喺朋 ...

係大壓力，兩家人見得咁嬲咁唔好見，但我估你老公一家的問題唔止呢d。只係你老公冇講，因為唔止你99鬧，姑仔叔仔都係咁講，我明白你，我99都咁上下，我地唔一齊住，比四千，姑仔齊住唔比家用，
咁理得佢，
有一段時間老公失業，冇比家用，每次去到都家嘈屋幣，我之後都冇上去，
咁大佬，冇錢唔通借黎比你做家用咩，
但好耐了，
現在個個月比足，一年見一兩次，
我老公講過，見佢媽好大壓力，反而成日見我家人，我地從不講錢，

私人傳訊

積分: 352

62^#

發表於 15-10-4 02:18 |只看該作者

回覆 awtsang 的帖子

大家咁話

私人傳訊

積分: 352

61^#

發表於 15-10-4 02:16 |只看該作者

本帖最後由 Tungbi 於 15-10-4 02:18 編輯

回覆 awtsang 的帖子

私人傳訊

積分: 352

60^#

發表於 15-10-4 01:48 |只看該作者

本帖最後由 Tungbi 於 15-10-5 00:23 編輯

[color=rgba(0, 0, 0, 0.701961)]好似之前99屋企冷氣梳化要換，老公都有夾＄，咁叔仔同99住，係咪我老公都負擔埋佢嗰份呢？！
[color=rgba(0, 0, 0, 0.701961)]從來我哋都冇要屋企人幫助錢銀嘅嘢，連老公前妻知道我哋之前俾＄4500仲要加呢樣那樣費，只係有時照顧下BB，都叫我哋不如請工人，真係請工人都冇咁嬲咁辛苦自己⋯

私人傳訊

積分: 608

59^#

發表於 15-10-3 22:52 |只看該作者

引用：從來都覺得，無論角色是子女定老爺奶奶，做

原帖由 jellyfish1989 於 15-10-03 發表
從來都覺得，無論角色是子女定老爺奶奶，做人最緊要靠自己，樣樣都冇話應該的。成年子女仲想靠父母，思想已 ...

講得岩，所以做人係應該靠自己，唔可以一味諗住靠人養，唔養就鬧神鬧鬼!做仔女既，情況許可咪比多d,但如果拮据既，比唔到都冇辦法，唯有過時過節煮d阿媽鍾意食既餸，有病有痛陪下佢!我阿媽同我講，佢依家夠食夠用，唔洗我們擔心，係希望我們夫妻和睦，仔女健健康康，我聽完好感動!希望我老左都可以咁，唔駛做仔女負擔!

私人傳訊

jellyfish1989

子爵府

積分: 12474

58^#

發表於 15-10-3 21:52 |只看該作者

從來都覺得，無論角色是子女定老爺奶奶，做人最緊要靠自己，樣樣都冇話應該的。成年子女仲想靠父母，思想已有問題，他們責任已完，應該享福才對，自己有冇本事都好，多多少少都要孝敬。如你都冇飯開，父母都冇辦法。

私人傳訊

積分: 608

57^#

發表於 15-10-3 21:41 |只看該作者

引用：Quote:原帖由 awtsang 於 15-10-02 發表樓

原帖由 GOGOASIA 於 15-10-03 發表
所以大家千祈唔好諗老來從子，幫手湊孫係本份，唔盡本份唔好諗住有家用，當啲仔呀請左工人代替你，你就一蚊 ...

咁我又想問，我自己阿爸阿媽做左野大半世，依家老左，叫做有d錢，唔駛靠我比家用，我99後生時鬧老公冇錢冇本事，但又唔肯出黎做野幫補，依家又鬧d仔唔比錢養佢，要仔一定比幾千蚊養佢，又係咩道理呢?每個人都要做野，要自己搵錢至有得食架!如果我99唔湊都比5000蚊，咁我阿爸阿媽都要5000蚊家用啦！即係1個月比一萬做老人家家用，如果咁計法咁真係個個搵4，5萬至可以有頭家啦?!有冇咁既道理呀?咁調轉我好似99咁做，我依家唔做野，日日鬧老公搵得少冇本事，第日就鬧d仔女冇幾千蚊做家用，不孝唔養自己，但我就唔肯出黎做野幫補屋企，日日就係屋企鬧老公鬧仔女，咁你真係覺合理咩？好正確態度咩？仲要鬧個仔湊孫係搵阿媽笨柒，呢d咁既99你真係覺得冇問題咩?如果係既話，真係祝你99都係咁對你囉！

私人傳訊

積分: 608

56^#

發表於 15-10-3 21:00 |只看該作者

引用：心寒、如果係咁真係做工人好過、工人四千仲

原帖由 luckybaby2011 於 15-10-03 發表
心寒、如果係咁真係做工人好過、工人四千仲有食有住

唔係話要當99係工人，佢亦都冇本事做到工人做既野，佢湊既話都係比多少少既心意錢，唔可以當梗比!我地亦冇本事梗比佢~
我好欣賞我阿媽，我們幾兄弟姐妹，結婚嗰時已經話，比唔到我們d咩架!我阿爸阿媽做左大半世，佢地真係死慳死抵，但我們要食要用既絕冇缺，當然只係得基本用既野啦！依家退左休，有樓收租，唔駛話旨意我地養，亦唔會幫我湊小朋友，佢地兩老得閒就過黎探下孫，鍾意既就去旅行，過時過節我地幾既兄弟姐妹就比d錢佢地買下野食，我們幾兄弟姐妹都結左婚，但絕不會住阿爸阿媽層樓，亦冇要阿爸阿媽出錢幫過我地，個個自己儲錢結婚買樓的~我阿爸阿媽依家不知幾happy,仲同我講，依家咁既時勢，如果我地比老闆炒魷魚，冇糧出，又要靠我地養，大家都冇得食，就真係慘!

私人傳訊

積分: 608

55^#

發表於 15-10-3 14:15 |只看該作者

引用：Quote:原帖由 awtsang 於 15-10-02 發表樓

原帖由 GOGOASIA 於 15-10-03 發表
所以大家千祈唔好諗老來從子，幫手湊孫係本份，唔盡本份唔好諗住有家用，當啲仔呀請左工人代替你，你就一蚊 ...

不嬲自己退休生活都應該係自己負責，你諗下，依家咁多問題，好多都係源自錢，有仔女結婚問阿媽拎錢，又要阿媽比首期買樓，跟著就話要供樓冇錢比家用。相反咁諗，阿媽做左大半世，死慳死抵至儲到筆錢，老本都比左仔女結婚，咁佢下半世食風咩！所以我同老公結婚買樓都唔會問兩邊屋企拎一分一毫，完全係我同老公儲返黎!自己搵用於自己家庭，係好合理!在於父母，佢地做左大半世，所有錢係佢地後生賺返黎，應該用返係佢地晚年生活，而唔係比仔女結婚買樓!做人仔女，係阿爸阿媽有咩病痛，陪佢睇醫生，過時過節叫阿媽阿爸黎食飯，唔駛老人家煮餐死，平時飲下茶，比一千幾百佢買野食。自問做仔女就係咁!
湊小朋友既話唔會旨意老人家，但如果老人家願意絕對無問題，會至少比返幾千蚊佢，唔會要佢白做，但唔願意咪請工人囉，不過老人家就唔好期望又唔願意湊又想有幾千蚊落袋，咁係冇可能!
只怪99後生懶到不得了，到現在周圍痴，其實我99真係一個悲劇，99後生唔願做，62搵得少，日日鬧62比家用岩岩好，無錢剩，但99又唔肯出去幫補家計，最後62頂唔順走左佬，老公同叔仔都出黎做野比錢我99，99慣左有入冇出，只肯花錢用自己身上，年年同朋友去十幾日旅行，但我坐月粒菇都冇買過比我!我算數，我唔介意~我自己外家一早話唔湊，我都冇比到家用，都係請下阿媽飲下茶，反而99話湊我就比5000蚊，最後99根本唔想湊，原來只係貪有5000蚊，咪又覺得要湊又得5000蚊咁少，一句到尾，又唔想湊又想要個個月5000蚊係冇可能架!

私人傳訊

luckybaby2011

水晶宮

積分: 72641

54^#

發表於 15-10-3 13:09 |只看該作者

回覆：GOGOASIA 的帖子

心寒、如果係咁真係做工人好過、工人四千仲有食有住

私人傳訊

方方媽媽

水晶宮

積分: 74328

53^#

發表於 15-10-3 11:50 |只看該作者

clippy 發表於 15-10-3 11:47
老來從子…老實講，依家啲細路，唔問你攞都好啦，生仔唔係想佢養掛，係就真係太天真，太傻

我自己 ...

但樓主C6根本就無將自己既困境講比99聽喎.
咁99見到個仔又讀MBA(學費都唔平架嘛),又娶老婆,又生仔,咪以為佢應該搵到囉,點知唔聲唔聲突然cut家用,好shock架嘛.
話99絕,可能99都覺得個仔好絕,娶左新老婆,之後無緣無故唔比家用比阿媽.

私人傳訊

clippy

大宅

積分: 2141

52^#

發表於 15-10-3 11:47 |只看該作者

回覆：又係錢作怪，老公一家人都係咁！

老來從子…老實講，依家啲細路，唔問你攞都好啦，生仔唔係想佢養掛，係就真係太天真，太傻

我自己覺得要雙方溝通體諒下，老人家係要生活，咁後生自己都搵唔到食，咪大家都慳啲洗，收少啲，共渡時艱囉; 咁絕情，為咩呢？第日唔好問，點解老佐無人探囉

樓主，做人做好自己咪算，人地比幾多，得到啲咩，都唔關你事架。 99咁絕，咪唔好再靠佢，自己照顧返小朋友。錢銀鬆啲既時候，先比返你地可負擔既錢99。暫時係辛苦啲，但總會過既，加油

私人傳訊

金仔媽媽

侯爵府

積分: 22981

2025勳章 2025勳章蛇年勳章最關心BB問題熱投勳章畀面勳章

51^#

發表於 15-10-3 11:27 |只看該作者

回覆：又係錢作怪，老公一家人都係咁！

好驚訝... 樓主其實覺得叔仔應該幫手負擔埋佢地果份家用呀

私人傳訊

GOGOASIA

大宅

積分: 4859

50^#

發表於 15-10-3 10:54 |只看該作者

引用：樓主，我同你情況差不多，但我叔仔冇比一萬

原帖由 awtsang 於 15-10-02 發表
樓主，我同你情況差不多，但我叔仔冇比一萬，只比7~8千，而我們兩公婆比99 五千蚊，我唔明點解之前有d留言 ...

所以大家千祈唔好諗老來從子，幫手湊孫係本份，唔盡本份唔好諗住有家用，當啲仔呀請左工人代替你，你就一蚊都無，過時過節比到一千幾百你都要感恩。

私人傳訊

積分: 608

49^#

發表於 15-10-2 19:56 |只看該作者

回覆：又係錢作怪，老公一家人都係咁！

樓主，我同你情況差不多，但我叔仔冇比一萬，只比7~8千，而我們兩公婆比99 五千蚊，我唔明點解之前有d留言仲話樓主比得少，講真以我為例，就當我叔仔比8千，公屋租金2000，兩人水電煤電話費寬頻每月都要1千，只剩6000蚊，6000蚊仲要包屋企用品，洗頭水，洗潔精，漂白水，洗衣粉等等，如果屋企冷氣機壞左，都係呢6000蚊出，如果99唔煮飯，同叔仔2人出去食，又係呢6000蚊家用出，因為叔仔覺得比左家用，應該係屋企包食，99唔煮出去食，就應該由99比返!
講返我地，因為老公返24小時，變相99每次黎湊1天，而當晚在我家訓，第二朝等我老公返黎，大約中午12點就可以走，一個月大概10更，但其中2更係星期六日就我自己湊返，即一個月大約8更，每次黎1.5日，99在我家不用做任何家務，不用買餸煮飯，連阿囡粥都唔肯煲，要我前一晚整定，等佢第二日翻熱即可，我包佢食，住，嘆冷氣~過時過節，我知99懶，我一早去街市買餸，叫埋99，叔仔食過節飯，知我叔仔成日冇湯水飲，我煲開湯都會預埋佢!我平日放工要煮飯、洗碗、洗泵奶，仲要煲埋粥!99最後當然話我地比5千係少，應該要多過叔仔份家用為之合理，仲話冇左佢，我就唔可以出去做野!我嗰下比佢辣著，我顛左咁指住佢鬧，自得我自己猶如奴隸!但最main point係我搵既錢係同老公一樣，我全份糧都係用黎養家，包括比佢5千蚊，其實我們有足夠能力請工人，咁當然請左工人就比唔到5千蚊99，可能象徵式比幾百一千，我都知談不上家用，但事實就係咁，冇錢就係冇錢，唔夠用就係唔夠用~只怪你個仔冇本事搵唔到十頭八萬，自問為人老婆，做人新抱，我為頭家我真係已做到最盡力

結果，99鬧我老公刻薄，不孝子，話湊我囡係做義工，老公知道99為錢，唔要佢湊，現在我們一毛都唔比lu,請左工人~幸好工人算有心湊我囡，起碼我們唔係屋企，仲好緊張問我地要煮咩比我囡食!!我們咪放長雙眼等叔仔結婚，叔仔一搬左出去，咪睇下叔仔會唔會比返8千佢囉！根本就冇能力比咁多啦！都低能，諗都諗到啦！

姐妹，加油啦！

私人傳訊

方方媽媽

水晶宮

積分: 74328

48^#

發表於 15-10-2 19:23 |只看該作者

Tungbi 發表於 15-10-2 01:57
多謝大家意見同批評，就算有避孕都未必百分百避～其實老公係未有BB前已經報讀MBA，之後已經退學退返啲錢～ ...

"不過嫲嫲不嬲喺屋企起碼幾餐要照顧叔仔，出多啲$照顧老人家係咪應該呢？！"

做阿媽既願意照顧個仔,願意煮飯比個仔食,唔收錢都得呀.
而且,最多咪一日煮果一兩餐,比起照顧兩個小朋友,其中一個仲要餵食,換片,沖涼,邊樣辛苦D?
除非99要你貼錢養叔仔就話唔應該姐,依家係你地無比家用,唔係叔仔無比家用喎.
話錢作怪,係因為你兩公婆無好好做財務管理,唔關99事,亦都唔關叔仔事架.

私人傳訊