Baby Kingdom - 親子王國 香港 討論區 › 首頁 › 懷孕前後› 好唔開心！

懷孕前後

收藏本版
發帖
返回列表
跳至頁
好唔開心！ [複製鏈接]

首頁
1

尾頁
   0
misskaren


大宅

積分: 1189


1#
發表於 08-7-14 10:43 |只看該作者
各位媽咪：

我好唔開心呀！我個 b 囡差不多九個月大，一直由我媽咪湊，她湊得不俗，因為 bb 很開心，很開朗，又沒什麼病痛，而我奶奶則返了深圳住，兩星期番黎香港睇 bb 一次。

當初坐月的時候，我因為奶奶唔識做飯給我吃、不懂煲坐月湯水給我飲及不懂湊 bb (唔識開奶、換片及拿奶瓶，但又日日黎) 而唔開心 (奶奶係大陸人)，我承認我唔係好鍾意佢，曾經有抑鬱症，攪到我媽咪朝朝拿飯及湯水給我吃，我身體才恢復過來。當時我情緒很差，老公唔體諒我，仲話「坐月有幾巴閉呀，要人服侍」來話我，我哭過很多次，且暗示不想俾奶奶湊。

現在，我湊 bb 時有什麼不懂的地方都會問媽媽，問有經驗的朋友、同事和上 baby kingdom 問 kingdom 之媽媽們，不會亂來，因為這是我第一個 bb，但我老公不知是否一路不喜歡我俾媽咪湊，唔俾佢阿媽湊，最近好像把積怒發出來，現在冷戰中。佢話我阿媽阿爸開冷氣俾 bb 瞓覺唔啱，仲話佢地怕熱之 ma，但我媽媽只是在 bb 睡覺時在睡房開冷氣，睡醒後就關冷氣，除非好熱先會係廳開冷氣，否則只開風扇，bb 體溫比我們高，佢又唔擺風扇入房，冇冷氣冇風扇只開 window，你們說 bb 點瞓？另一方面，又話佢自己識湊 (但 bb 見到佢 d 親戚的時候就不肯跟他及他的親戚，只肯跟我，但 bb 見到我親戚不會這樣，會俾人抱)。

早陣子 bb 發燒，我問老公把 bb 放在我媽媽度好不好 (因為媽媽有經驗處理 bb 晚上發燒，況且我要上班，放工又要做家務，縱然每星期已聘家務助理做一些繁複的家務)，因為我怕整晚擔心 bb 而睡不好，第二朝上不到班，但佢說要自己湊 (實則我擔心了一整晚，沒覺好睡)，個人很累，當晚我怕自己起不到牀看 bb，較鬧鐘起牀看 bb，誰知他說我「低能」，最後我擔心到較了鬧鐘都沒用，因為鐘未鬧，我已擔心到到時到候時起牀看 bb，而佢呢？就一覺睡到大天光。

做任何湊 bb 的事，他不懂欣賞，沒搜集資料，就批評人們湊 bb 的方法 (他是客家人，在大陸長大，與我有文化差異)，覺得自己的想法一定是對的，我和媽媽是錯的，唔開冷氣是對，bb 四個月大就要帶 bb 返大陸是對，佢阿媽說俾蜜糖及燉人參俾 bb 飲就是對 (我坐月時候的事，被我阻止了)，難道佢阿媽這樣叫對嗎？昨日去佢媽咪度吃飯，佢抱 bb 看金魚時沒留意前面有支原子筆，結果 bb 拿起玩耍，劃面畫到眼尾附近，差一些插到眼，嚇死我。觀微知注，奶奶平日的表現已顯示出佢不懂湊 bb。

我和媽媽做什麼都為了 bb 好，但他卻先想自己 (買張駁椅代替 highchair，原因是冇地方放 highchair，但自己卻放滿一屋雜物)，我覺得很辛苦，仲話我在他親戚面前表現不成熟 (我沒有給說話及臉色他們看及聽，有說有笑，只是有時有些舉動稍為不中看，佢就話我)，這樣怎樣相處下去？你們可以幫我嗎？
私人傳訊

kitty0502


水晶宮

積分: 73995

好媽媽勳章


14#
發表於 08-7-20 10:01 |只看該作者
我99都係大陸人，亦都係客家人，
佢做親咩都係岩既，人地就係錯既，
同樓主你個老公好似:;pppp:
私人傳訊

crickey


大宅

積分: 1147


13#
發表於 08-7-20 09:42 |只看該作者
原文章由 carrie_1102 於 08-7-19 23:27 發表
幾時都係自己媽咪好啦~奶奶:;pppp: :;pppp: :;pppp: 你唔洗理你老公囉~好丫~試下比你奶奶湊1個星期,睇下佢湊成點!?到時你奶奶果d大陸人性格就會浮晒出黎~勁污糟~咁你老公咪知邊個湊bb先係好囉~既然佢唔想你比你媽咪 ...


係架,如果你奶奶係大陸人.都幾煩架.好似我奶奶咁,佢都唔識湊bb架,我叔仔個女同佢地住,佢地已然好醒咁請左工人.唔想比奶奶湊,但99就成日要管住晒個工人.又成日請粗口.開聲埋聲都是"你老母"我就生啦.我一早已好婉轉咁同我老公講,我唔會比你阿媽湊.我話我會放阿b你托兒所,放工我自己接回.,你又可以日日見到bb,其實初初是想我媽媽度,但因為我媽媽要照顧住係老人院的爸爸(我爸中風,行動不便)所以就放棄左.但我老公就成日話比埋我bb叔仔個工人同奶奶湊.我死都唔肯.我都喊左好多次呀.我話你阿媽湊b的方法同我完全唔同,.我自己做過幼稚園,我教過小朋友,我知道小朋友要學d乜.奶奶就乜都唔識.連換片都唔識.好在我弟婦幫我口,話奶奶乜都唔識,唔好比佢湊,.我老公先死死氣比我放托兒所.不過一日bb未返托兒所.我都擔心佢會再要求我比奶奶呀.......好在.我阿爸現在身體好左.媽咪可以分身黎照顧我,咁我坐月同之後媽咪會多d黎幫我湊bb...不過我老公都算唔錯架啦.佢都好就我,我一喊,佢就話無所謂啦.你like bb去托兒所咪托兒所......這個都算比左d安慰我......
私人傳訊

maipo


男爵府

積分: 7128


12#
發表於 08-7-20 08:58 |只看該作者
我生第一胎果陣都係係自己屋企坐月,
不過99就會日日都燉冬蟲草俾我飲,
咁始終同自己阿媽講o野就方便d 啦!



原文章由 carrie_1102 於 08-7-19 23:27 發表
幾時都係自己媽咪好啦~奶奶:;pppp: :;pppp: :;pppp: 你唔洗理你老公囉~好丫~試下比你奶奶湊1個星期,睇下佢湊成點!?到時你奶奶果d大陸人性格就會浮晒出黎~勁污糟~咁你老公咪知邊個湊bb先係好囉~既然佢唔想你比你媽咪 ...

私人傳訊

carrie_1102


伯爵府

積分: 19211


11#
發表於 08-7-19 23:27 |只看該作者
幾時都係自己媽咪好啦~奶奶:;pppp: :;pppp: :;pppp: 你唔洗理你老公囉~好丫~試下比你奶奶湊1個星期,睇下佢湊成點!?到時你奶奶果d大陸人性格就會浮晒出黎~勁污糟~咁你老公咪知邊個湊bb先係好囉~既然佢唔想你比你媽咪湊...我係你,我一定同老公講:"咁我唔做啦~我自己湊返!!!"......係架~坐月真係好巴閉架~真係要人服侍架~我媽咪同奶奶都話女人生完bb坐月係好重要...之前身體唔好就係靠坐月黎整返好個身子!!!你老公真係好唔要得囉~你唔好為左佢喊啦~對自己唔好架~請工人姐姐都係一個好方法...我自己都係請工人,又唔洗睇人面色~又可以日日都見到bb~~~你考慮下啦~~~得閒多d上黎bk傾計丫~~呢度有好多人陪你架!!!

私人傳訊

mamamia08


複式洋房

積分: 182


10#
發表於 08-7-19 23:26 |只看該作者
你有唔開心真係要講出黎, 唔好收埋, 真係對係自己唔好!

我覺得你老公好大男人喎...好似無野可以同佢商量咁.....有無諗同阿b番自己阿媽度住一排? 等佢可以陪下你, 幫你湊下阿b呀.

原文章由 南瓜車公主 於 08-7-19 22:59 發表





thx你呀，mamay&mamamia08,有人肯聽下我講野，重當我係一個人，係bb的媽媽，我真係好開心...(我又想喊啦... )

mamamia08，我個人經驗話我知，真係千萬不要心軟，你要為自己著想，你媽可以照顧到你，你就千萬唔好去你6299家 ...
私人傳訊

南瓜車公主


大宅

積分: 4362

好媽媽勳章


9#
發表於 08-7-19 22:59 |只看該作者
原文章由 mamamia08 於 08-7-16 11:03 發表
聽到你地0既情況真係有d唔開心.......希望你地加油呀! 真係唔好鬱出病, 好唔抵! 到時就真係益哂老爺奶奶!

我未生, 不過老爺都up過話我可以係佢地屋企坐月, 話佢地有地方, 叫我地係佢屋企加多張bb床 又話奶奶可以照 ...





thx你呀，mamay&mamamia08,有人肯聽下我講野，重當我係一個人，係bb的媽媽，我真係好開心...(我又想喊啦... )

mamamia08，我個人經驗話我知，真係千萬不要心軟，你要為自己著想，你媽可以照顧到你，你就千萬唔好去你6299家坐月。我唔係想挑撥離間你們之間關係，而係問題你都睇得好清楚。我當初就係就算知道，衰係為左我個死人老公，傷害左我自己，當時重笨到以為自己係幸福，死左都算。佢重要今時今日重唔會認自己衰咩，重超認為佢自己極對，完全到以家都唔會為我著想。你講得對，bb未出世前真係咩都好，出左世後真係當左我係草，死左都唔抵可憐(佢話唔想聽到我死唔死的問題wor)。我以家對住尼個人，真係除左生活上必須要講ge野，我都冇野好再同佢講。6299都係，生之前你咩都得，生之後???哼，生仔機器用完重有咩用呀???!!!
bb，你要快d快高長大呀，你要明辨事非，唔好學你個衰老豆咁，傷害左為你唔要命ge女仔。媽媽為左你，真係好辛苦呀...

講起...我又想喊啦...喊左就快2個月，我重要喊幾耐先心死，連喊都唔識喊??? 以前我成日同佢話有問題就要拿出來解決，佢唔肯講我死都要拿出核講清楚，免得問題積下去，破壞大家關係。今次的問題中，佢都係一樣地叫我收聲，話佢唔想再講，唔想再傾。尼次我會如佢所願，我真的以後都唔會再同佢講同傾，相信大家以後真係會冇野好講，如佢所願。我希望時間快d過去，將問題困死佢，我唔想再去解決尼d解決黎都已經沒意思ge問題。我希望我有一天唔會再傷心，當同一個陌生人相處算啦。我相信，咁樣我會最好過，都令自己有力量去照顧bb，陪bb長大。

私人傳訊

mamamia08


複式洋房

積分: 182


8#
發表於 08-7-16 11:03 |只看該作者
聽到你地0既情況真係有d唔開心.......希望你地加油呀! 真係唔好鬱出病, 好唔抵! 到時就真係益哂老爺奶奶!

我未生, 不過老爺都up過話我可以係佢地屋企坐月, 話佢地有地方, 叫我地係佢屋企加多張bb床 又話奶奶可以照顧我. 不過, 我就唔係太想麻煩佢地, 好彩我阿媽都可以full-time照顧我, 所以我會留係屋企呀. 自己阿媽同奶奶始終有分別, 我唔想攰到死死下都要做個好新抱. 講到底, 人係有情緒嘛!

呢d安排真係要及早同老公商量,佢梗係親自己阿媽,但係都要佢體諒下我. 生之前, 好似我大哂, 不過生之後, bb就會大哂啦.....到時, 出咩聲都無用!

原文章由 mamay 於 08-7-16 09:48 發表



Be strong. The bb is your bb. No matter what, you have to be strong to take care of the baby.
私人傳訊

mamay


男爵府

積分: 5600


7#
發表於 08-7-16 09:48 |只看該作者
原文章由 南瓜車公主 於 08-7-16 01:16 發表
唉...樓主，我情況同你相似極啦...
我完全明白你講ge係咩同你ge感受
我地老公重要係咁，真係令人更depress...其實我想6299ge事係令人唔開心，but更唔開心係生完辛苦完個老公唔體諒你之餘重要同你嘈，不斷話我地不對，又 ...



Be strong. The bb is your bb. No matter what, you have to be strong to take care of the baby.
私人傳訊

南瓜車公主


大宅

積分: 4362

好媽媽勳章


6#
發表於 08-7-16 01:16 |只看該作者
唉...樓主，我情況同你相似極啦...
我完全明白你講ge係咩同你ge感受
我地老公重要係咁，真係令人更depress...其實我想6299ge事係令人唔開心，but更唔開心係生完辛苦完個老公唔體諒你之餘重要同你嘈，不斷話我地不對，又話自己咁做已經好體諒，係我地做得唔好先...我見bk唔少人係生完都同6299會有尼d問題，but問題係人地老公始終會錫自己太太多d，體諒太太生完身體同情勢真係會好差。我老公果d只會話我唔信你有depression，你講野重好有邏輯，係你都要自己負上部份責任，睇下你自己做咩，好好地一個家庭就咁破壞左...問題係，係我做成嗎???又有咁嚴重嗎???
我老公話個個生完又唔見好似你咁，好似你咁果d一定係有問題。62同老公又講係女人生左都係辛苦家啦，個奶又唔係係我身上(我餵全人奶家)，其他幫到你姐...問題係，照顧bb真係只要餵奶???佢or6299係幫照顧bb，代表bb事真係只有奶要我粗心嗎???女人生完係要辛苦，唔值得體諒or更錫而是應講到"生完係咁家啦"，咁理所當然嗎???佢地又真係識照顧bb嗎???
老公又話我坐2日都受不了，叫我坐多2日，俾面佢，如果6299重學唔識照顧bb，我就可以走。我拒絕後俾面佢答應，but我情緒&生理上真係頂唔到多2日，我真係發左癲，都係我錯嗎???我係佢家佢成日話只有2日，就算唔當3日，but我尼2日好快感覺自己似bb ge糧食，我ge感受&須要沒人理&忽視，當我所受係理所當然...bb訓覺就成日俾人得閒就捉下手腳，搞到易醒...熱到唔肯食奶，訓唔長...bb訓唔長&cry就次次都話佢要食奶咁無知咁推俾我處理... 我算係咩呀????
每次講起or又想起尼d野，我次次都喊...尼d係我一世ge眼淚黎家啦...

y生完好似成個世界唔同左???我以前生活唔係咁，我重以為我算係幸福，我係產房時，重感動到喊...我係6299度坐月係3日左右...我老公成日講，你睇下你係我屋企坐月只係2日，就要搞成咁!!!我屋企人有咩得罪你???我又搞成點呀???我好痛苦家，我老公又知唔知道呀???佢只會不斷怪我，話你坐月搞成咁，係你要負上責任。佢話佢前世唔知做左d咩，要娶著我...6299close門窗，又唔開fan&冷氣，bb出街要著4件，健康院姑娘話唔聽，我講話，99就講咩你以為bb體溫好似大人咁咩???老公話大家都沒權講bb熱唔熱，bb唔識出聲，我唔可以話佢熱。以家bb又未有事，叫我有得6299搞bb...又話我自己係佢家熱到出曬濕疹、突然大量出血、熱到病唔關佢地事，話你係大人黎，熱你自己可以拒絕家。試問我當時拒絕，我換來了什麼???我俾面佢地，繼續熱我自己係錯，拒絕又錯，熱到出事又係我錯...

好啦，我媽接我回家，我重好唔開心、好嬲又累，唔想人地成日打擾我，而且有d唔開心ge野點可以話放低就放低，所以唔想佢家人成日來探bb(回家第一week一星期有3次，我出聲後次數先少左)，又要話我沒權咁做，我累都唔俾。我累同嬲到沒空間休息，老公重繼續激我，我講左單打but唔係罵ge說話2-3句，佢家人來我累&沒空間休養身心就面無表情，只講hi，byebye就話我當佢家人係仇人...我老公話俾我自己回家我重要發脾氣...我回自己家係"俾"嗎???我孕初一直話唔去佢家，佢家人&佢一宜疲累x炸我叫我去，我知去到唔岩一直唔去，最後心軟俾面去...捱唔到就話你唔得你就拒絕，唔好答應。搞到講離婚老公更話唔俾家用我，我要就要問佢借&簽借據，bb ge錢佢只係俾一半...我bb到以家剛滿月jar... 我嬲話唔俾bb跟佢姓(我當然知hk法例)，佢就小家到話我家當結婚要左5萬禮金就係我要表現我有幾"經"貴，以家話離婚，收左5萬，bb ge姓點會咁跟我???連結婚5萬都要搬出黎講...62&老公話做女人唔可以硬，要小鳥依人...我話我不嬲係硬，咁我寧願唔幸福，62&老公就指我要仔唔要老公...又係老公最初話一刀2斷&99話要老公同我離婚...真係唔知邊個唔要邊個先...


重有好多野...真係唔知點講好...
以家真係同老公冇咩野好講...因為生完先知佢係一個咁ge人...重要我尼一胎係本著條命生bb，當時醫生講過我可能會好危險(死亡)，我都無畏無怨向前走，想著我都係幸福，點我都心足...點知以家咁...


我好傷心呀...我餘下尼生都唔知點過好...bb又細...

[ 本文章最後由 南瓜車公主 於 08-7-16 01:24 編輯 ]

私人傳訊

misskaren


大宅

積分: 1189


5#
發表於 08-7-14 21:36 |只看該作者
謝謝妳們啊！妳們的意見都很好，我都會考慮請工人姐姐，thanks !!
私人傳訊

foggyao


珍珠宮

積分: 37982

2024年龍年勳章 2018復活節勳章 熱血勳章 好媽媽勳章 畀面勳章 wyeth冷知識勳章 環保接龍勳章 大廚勳章


4#
發表於 08-7-14 17:32 |只看該作者
原文章由 yaulinda 於 08-7-14 16:46 發表
你和奶奶, 老公, 在湊寶寶的看法上有太大差異了,

別以為溝通可以解決, 因為溝通的先決條件是要有良好的氣氛加彼此良好的情緒, 以你現在的情況, 未必會成功,

是否可考慮一下社署的日間托兒所呢?既可解決你丈夫對你 ...


同意!

聽你咁講, 你老公可能係傳統大男人, 做老婆要乜都就佢, 聽晒佢講就最好. 我稔你都唔好做磨心, 夾在奶奶, 媽咪中間, 快d找個第3者去湊bb (托兒所之類), 咁就唔怕奶奶/老公話你屋企人, 而你屋企人又唔洗咁辛苦!

有乜唔開心, 多d上來傾啦, 我建議再找埋社工/醫生幫忙, 去舒緩你d壓力!
私人傳訊

yaulinda


男爵府

積分: 6910


3#
發表於 08-7-14 16:46 |只看該作者
你和奶奶, 老公, 在湊寶寶的看法上有太大差異了,

別以為溝通可以解決, 因為溝通的先決條件是要有良好的氣氛加彼此良好的情緒, 以你現在的情況, 未必會成功,

是否可考慮一下社署的日間托兒所呢?既可解決你丈夫對你媽媽的不滿, 而且經濟有困難的家庭會有資助, 至少, 可能會暫時減少一下湊寶寶上的分歧,

當然, 都要你丈夫同意才好啦,

如果你的情緒不好, 小心自己會患上憂鬱, 有需要的話, 要多一點同人傾訴, 或者找社工, 醫生幫助啊!
私人傳訊

beepaul2007


大宅

積分: 2298


2#
發表於 08-7-14 13:08 |只看該作者
你好,我都好明白你嘅情況,永遠d奶奶就係要爭呢樣爭果樣,
我覺得BB出世應該個個都開心先係,聽你咁講你老公好似樣樣都睇你唔順眼,樣樣都要話你,我個人認為唔多唔少係你奶奶成日比說話你老公聽,所以佢先會咁對你.
如果係我,我會找老公說清說楚,我係BB嘅媽媽,我做所有嘢
都係以bb為先,亞b跟邊個就邊個湊傢啦,我唔係針對你亞媽,而事實
放在眼前,唔通我會害bb咩?
另一方面你都要同佢講清楚,我唔想再同你再為呢d事嘈,
如果你咁多意見,又覺得我亞媽湊得唔好,咁我辭咗份工,係屋企專心湊bb囉,到時只有你辛苦,同埋應該大家協議,每事應先評估對BB好定壞先做,唔好成日咩都以佢亞媽為先,如果唔係你地第日都有排嘈,
但如果你又唔可以唔做嘢嘅話,你可以試下就即管比佢亞媽湊下,但係唔好比錢佢,等佢貼錢湊bb,等佢街又無得去,佢玩兩玩就唔會湊傢啦,到時你先比你亞媽湊,你老公都無聲出啦,係咪,
我奶奶都係一個鍾意爭嘅人,我都係唔鍾意比佢湊,所以我一有咗就用阮轉方法同我老公講,我唔想唔做嘢湊bb,會好悶同趁後生找多d錢,如果比你亞媽湊又山長水咁遠,你可唔可以一星期先見bb幾個鐘?(我知佢唔得傢),另外老爺又成日食煙,你都唔想bb吸2手煙,
所以最好係請工人,如果請工人,可以湊bb外,又可以幫我做家務,
你每日返到屋企都可見到bb,所以佢好自然覺得請工人好過比佢亞媽湊,我依傢未生,會9月生,工人就請咗啦,但8月頭先到,
但我奶奶到依傢都唔知我請工人湊傢,因為佢又無問,所以諗住第日
佢知先話,我地兩個唔想你咁辛苦,我又要比人奶bb食,我老公又想日日可以先到bb,所以請工人湊囉,我唔理佢到時鍾唔鍾意傢啦,
最緊要過到老公果關啫,但係以我所知佢係大安只意,諗住我地兩個
都要返工,一定係比佢湊,所以佢到依傢都無出聲,如果我老公ok,唔到佢唔ok啦,又唔駛佢比錢.
所以我建議你一定要同你老公講清楚,如果唔係你會有排受!
希望你能夠解決呢件事啦!
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy