Baby Kingdom - 親子王國 香港 討論區 › 首頁 › 大仔大女媽媽會› 好唔開心！

大仔大女媽媽會

收藏本版
發帖
返回列表
跳至頁
[2007年] 好唔開心！ [複製鏈接]

首頁
12

尾頁
   0
misskaren


大宅

積分: 1189


1#
發表於 08-7-14 10:46 |只看該作者
各位媽咪：

我好唔開心呀！我個 b 囡差不多九個月大，一直由我媽咪湊，她湊得不俗，因為 bb 很開心，很開朗，又沒什麼病痛，而我奶奶則返了深圳住，兩星期番黎香港睇 bb 一次。

當初坐月的時候，我因為奶奶唔識做飯給我吃、不懂煲坐月湯水給我飲及不懂湊 bb (唔識開奶、換片及拿奶瓶，但又日日黎) 而唔開心 (奶奶係大陸人)，我承認我唔係好鍾意佢，曾經有抑鬱症，攪到我媽咪朝朝拿飯及湯水給我吃，我身體才恢復過來。當時我情緒很差，老公唔體諒我，仲話「坐月有幾巴閉呀，要人服侍」來話我，我哭過很多次，且暗示不想俾奶奶湊。

現在，我湊 bb 時有什麼不懂的地方都會問媽媽，問有經驗的朋友、同事和上 baby kingdom 問 kingdom 之媽媽們，不會亂來，因為這是我第一個 bb，但我老公不知是否一路不喜歡我俾媽咪湊，唔俾佢阿媽湊，最近好像把積怒發出來，現在冷戰中。佢話我阿媽阿爸開冷氣俾 bb 瞓覺唔啱，仲話佢地怕熱之 ma，但我媽媽只是在 bb 睡覺時在睡房開冷氣，睡醒後就關冷氣，除非好熱先會係廳開冷氣，否則只開風扇，bb 體溫比我們高，佢又唔擺風扇入房，冇冷氣冇風扇只開 window，你們說 bb 點瞓？另一方面，又話佢自己識湊 (但 bb 見到佢 d 親戚的時候就不肯跟他及他的親戚，只肯跟我，但 bb 見到我親戚不會這樣，會俾人抱)。

早陣子 bb 發燒，我問老公把 bb 放在我媽媽度好不好 (因為媽媽有經驗處理 bb 晚上發燒，況且我要上班，放工又要做家務，縱然每星期已聘家務助理做一些繁複的家務)，因為我怕整晚擔心 bb 而睡不好，第二朝上不到班，但佢說要自己湊 (實則我擔心了一整晚，沒覺好睡)，個人很累，當晚我怕自己起不到牀看 bb，較鬧鐘起牀看 bb，誰知他說我「低能」，最後我擔心到較了鬧鐘都沒用，因為鐘未鬧，我已擔心到到時到候時起牀看 bb，而佢呢？就一覺睡到大天光。

做任何湊 bb 的事，他不懂欣賞，沒搜集資料，就批評人們湊 bb 的方法 (他是客家人，在大陸長大，與我有文化差異)，覺得自己的想法一定是對的，我和媽媽是錯的，唔開冷氣是對，bb 四個月大就要帶 bb 返大陸是對，佢阿媽說俾蜜糖及燉人參俾 bb 飲就是對 (我坐月時候的事，被我阻止了)，難道佢阿媽這樣叫對嗎？昨日去佢媽咪度吃飯，佢抱 bb 看金魚時沒留意前面有支原子筆，結果 bb 拿起玩耍，劃面畫到眼尾附近，差一些插到眼，嚇死我。觀微知注，奶奶平日的表現已顯示出佢不懂湊 bb。

我和媽媽做什麼都為了 bb 好，但他卻先想自己 (買張駁椅代替 highchair，原因是冇地方放 highchair，但自己卻放滿一屋雜物)，我覺得很辛苦，仲話我在他親戚面前表現不成熟 (我沒有給說話及臉色他們看及聽，有說有笑，只是有時有些舉動稍為不中看，佢就話我)，這樣怎樣相處下去？你們可以幫我嗎？
私人傳訊

B仔媽媽


複式洋房

積分: 144


31#
發表於 08-7-22 12:33 |只看該作者
我都係過來人, 總之你想同人傾吓計, 就msn我啦, 我樂意以過來人身份, 分享一下... ([email protected])
私人傳訊

vienchan


禁止訪問

積分: 8260


30#
發表於 08-7-20 22:41 |只看該作者
提示: 作者被禁止或刪除 內容自動屏蔽
私人傳訊

penny998


大宅

積分: 2494


29#
發表於 08-7-20 22:28 |只看該作者
原文章由 ami0momo 於 08-7-20 22:15 發表
呢2日個仔病左發燒...
我老公今日仲約左朋友出去食飯...
個仔都仲未好返哂...
係屋企幫下我手照顧阿仔都唔使死掛~
真係激死我呀!!!!
...


剷佢啦! 我都試過有幾日又係得一個人湊女, 仲要煮埋飯比個細佬食, 點知c6 d friend打比佢叫佢出去食飯, 佢又唔想得失d friend(因為佢地唔係成日見到面), 個晚就出左去食飯, 難為我個晚煮煮下飯個女係房瞓醒左大喊, 我係廚房又聽唔到, 喊到佢cc下, 個晚個女就成晚心情唔好, 又成晚痴住我, 攪到我連沖涼都要同埋個女入toilet, 佢坐士的車睇住我, 我就用9秒9咁沖左個涼, o個一刻真係覺得好無助, 又好鬼嬲, d friend緊要, 定個老婆個女緊要吖!

私人傳訊

ami0momo


別墅

積分: 642


28#
發表於 08-7-20 22:15 |只看該作者
呢2日個仔病左發燒...
我老公今日仲約左朋友出去食飯...
個仔都仲未好返哂...
係屋企幫下我手照顧阿仔都唔使死掛~
真係激死我呀!!!!
私人傳訊

man2


別墅

積分: 671


27#
發表於 08-7-20 02:00 |只看該作者
原文章由 loveyi_ivy2008 於 08-7-15 10:55 發表

我bb係由我媽子湊的, 老爸也退休了, 倆老幫我湊bb,
老公初時都看輕湊bb的工作, 應為好容易, 比9佢飲, 換尿片,
瞓覺...etc...以為做齊晒呢d嘢就得.....
咁好ar...佢請假話想湊bb, 佢湊咗兩日仲死頂話好容易, 之後我 ...



甚麼嫁咗入嚟就是自己人, 我吥!!佢地只會關心自己個仔同孫...

十分十分認同，永遠都唔會係佢地既仔女，自己既媽媽最好！！
我９９上次比完香蕉我ｂ女食，立即比西瓜佢食ｔｉｍ！　我話唔好佢重笑住話ｂｂ重想食，我個刻真係想產佢！！佢阿爸重話食少少無所謂！佢地都係傻！返到屋企咪鬧鬼我老公，ｂｂ咁食法會”all”架!! 以後我都會企硬!!好好保護自己既bb! 佢唔係我個公仔! 我放棄份工都係為左好好照顧佢!

misskaren
我情況都係同你差不多!! 所以宜家都會為左bb d野同老公有意見! 佢都係比我從99所做既野,舉例說明之,佢先知99有咩唔好,佢都覺得我針對佢阿媽!! 所以我死都唔會比99揍!
私人傳訊

溋溋


水晶宮

積分: 52403

育兒性格勳章 畀面勳章


26#
發表於 08-7-19 22:38 |只看該作者
睇完咁多新抱的話，我覺得我奶奶真係好好呀!佢對我的好仲好過自己個阿媽呀!當然佢都會唔識有野bb係唔食得，但我都會解釋俾佢聽，佢都會明白話俾少少試下得唔得先囉!咁只要一人讓一步既話佢都唔會太難受嘛!至於c6，佢終於都知道我湊仔辛苦，而家會自動自覺咁幫手囉!
同熱愛這片土地,大家刻骨銘記,愁或喜,生或死,也是香港地
同熱愛這片土地,大家一句到尾,由自己,生與死,也在香港地
私人傳訊

odong


複式洋房

積分: 337


25#
發表於 08-7-19 20:26 |只看該作者
甚麼嫁咗入嚟就是自己人, 我吥!!佢地只會關心自己個仔同孫...

認同!!!

自從日藍出左世，我就慘la~
唔識扮識，係每個99既標記~
之前(4個月個時)，99比橙日藍boy食，62比糖佢"lam"，死未?

咁o岩有次日藍出濕疹成塊面紅哂，我帶佢睇完醫生，就同佢地講「醫生話日藍boy食物敏感」，(係我自己作的 )，我話如果再亂比野我日藍食，就唯他們是問，佢地先唔夠膽亂黎咋!

自此之後，一有乜唔妥我就擺醫生上枱!!!

我c6，成日覺得「你攬住個仔，乜都唔駛做~梗舒服啦~奶樽又我洗....又我做...」(數左幾十樣出黎)我都忍左佢，自從有次我星期日要返工，佢湊左 日藍一日之後......

佢仲夠鬼膽話我~~
私人傳訊

zoechan2005


大宅

積分: 4913


24#
發表於 08-7-19 07:06 |只看該作者
好欣賞你無私嘅付出!
你禁唔開心,都係為咗bb好,媽媽真偉大,但bb需要一個開心嘅媽媽架!
嘅然好多嘢在現階段都改變唔到,睇下有咩方法可以令bb嘅心靈受益最大,如果無得揀,外在嘢都要睇輕d,你開心-->bb開心,bb係感受到你為佢做嘅一切!
你嘅bb一定好得意!


私人傳訊

loveyi_ivy2008


子爵府

積分: 10300


23#
發表於 08-7-18 12:28 |只看該作者
原文章由 penny998 於 08-7-18 12:03 發表


我62 同99性格好唔同架, 我99就咩都關佢事, 咩都要理, 又膽小又怕事, 又愛面子呀! 不過我62就唔同嘞! 佢好多野都唔會過問d後生架, 而且唔會理d姨媽姑姐講d咩囉! 我淨係唔想見我99架咋, but 我又幾like我62喎!
我都 ...

我地短幾年命都算啦
搞到佢地短幾年又賴我地mouth:


http://hk.myblog.yahoo.com/loveyi_ivy
私人傳訊

penny998


大宅

積分: 2494


22#
發表於 08-7-18 12:03 |只看該作者
原文章由 loveyi_ivy2008 於 08-7-17 16:32 發表

可以的話真係5好同佢地住囉...
真係命都短幾年~


我62 同99性格好唔同架, 我99就咩都關佢事, 咩都要理, 又膽小又怕事, 又愛面子呀! 不過我62就唔同嘞! 佢好多野都唔會過問d後生架, 而且唔會理d姨媽姑姐講d咩囉! 我淨係唔想見我99架咋, but 我又幾like我62喎!
我都覺得係呀! 相見好同住難, 如果要我同佢住, 真係命都短幾年呀!
私人傳訊

jklau1029


大宅

積分: 3758


21#
發表於 08-7-18 00:32 |只看該作者
有時唔好諗教, 連睇住佢安全都要諗諗...

原文章由 vienchan 於 08-7-17 12:18 發表
係囉.... d老人家真係唔會諗住教d小朋友架..... 俾佢縱壞晒~~ 我一定唔會妥協架﹗

講真，忍佢地都係因為唔想自己老公難做囉.... 只要老公明白我地，忍都係值得o既..... ...
O仔的Blog
http://hk.myblog.yahoo.com/jennykelvin-29oct06
私人傳訊

loveyi_ivy2008


子爵府

積分: 10300


20#
發表於 08-7-17 16:32 |只看該作者
原文章由 ami0momo 於 08-7-16 15:30 發表
同6299住有時真係好無奈~
想反抗咩? 又唔支持得耐...
唔反抗咩? 又搞死自己...

不過睇完咁多位媽咪既文章
講開尿片前後唔識分呢樣野!
我都忍唔住一路睇一路笑...

尋日同我阿媽傾電話~
佢仲話 : 唔怪之得你同你99無 ...

可以的話真係5好同佢地住囉...
真係命都短幾年~


http://hk.myblog.yahoo.com/loveyi_ivy
私人傳訊

vienchan


禁止訪問

積分: 8260


19#
發表於 08-7-17 12:18 |只看該作者
提示: 作者被禁止或刪除 內容自動屏蔽
私人傳訊

ami0momo


別墅

積分: 642


18#
發表於 08-7-16 15:30 |只看該作者
同6299住有時真係好無奈~
想反抗咩? 又唔支持得耐...
唔反抗咩? 又搞死自己...

不過睇完咁多位媽咪既文章
講開尿片前後唔識分呢樣野!
我都忍唔住一路睇一路笑...

尋日同我阿媽傾電話~
佢仲話 : 唔怪之得你同你99無咩婆媳問題啦~
你咩鬼都就哂佢地...
真係... 連我阿媽都頂唔順出聲窒我...
你話佢地2老對我唔好咩又唔係
有次我係房仲聽到99同親戚講電話
問起我點, 99仲話幾好丫~ 好過自己仔女添!
你話死唔死丫~ 我對99只係一般待人接物咁對佢
但係佢覺得我對佢仲好過自己仔女對佢
咁你話佢地教仔女係咪有問題丫~
好彩我老公本身人品純先無行差踏錯
最緊要係我老公有個好錫佢既親戚睇住
佢d親戚都話佢2老好彩架!
(即係話唔識教仔女都仲叫幾孝順)

點解我會話6299唔識教仔女?
因為早2日傾開計佢話我知...
佢同62從來都唔鬧仔女...
而唔鬧仔女既情況去到邊?
就係比自己個女鬧都唔出聲由得佢鬧囉~
最慘係有時連62講野都自自私私...
又真係唔抵掙幫唔落...
我心諗... 99呀~ 62~ 你地何止唔識湊仔~
連教仔都唔識呀! 咁生2個細路來做咩呀?
有2個仲肯養你既仔女真係前世修來既福啦~

教小朋友適當既處罰我覺得係必要囉~
有咩理由可以從來都唔鬧仔女架!
不過睇見佢點對我個仔我就知道佢地真係做得到囉~
連bb自己整親喊都即刻又噯又錫又抱就知道有幾咁寵d細路...
幸好等到公屋之後我地搬走左就唔使再成日對住佢地~
如果唔係我真係驚個仔比佢地寵到連飯都唔識自己食...
私人傳訊

MuiMuiQQ


大宅

積分: 2453


17#
發表於 08-7-16 12:04 |只看該作者
原文章由 EricaSin 於 08-7-16 11:08 發表
唉.....個個新抱都有咁既經歷ga la.....為人新袍甚艱難......真係無錯....佢做得唔o岩, 又唔可以鬧佢, 又唔可以串佢, 做新袍就唯有忍忍忍!!!

好似我奶奶咁.....我地未有bb 既時候, 係咁吹你生, 生左la, 又幫唔到手, ...
以前未有BB 我都忍佢、就哂佢.... 而家如果佢搞到我個囡囡我實企硬 ~~ 我奶奶同妳奶奶一樣, 大忙大一個... 唔係唱 K 就去玩、唔係去玩就去旅行... 所以BB 最初出世嗰幾個月佢日日都夜媽媽嚟睇BB , 同妳奶奶一樣, 搞到d 時間亂鬼哂, BB 本來要瞓覺, 但BB 為左要招呼佢, 變左又無得瞓... 有時佢見BB 瞓緊, 仲會特登整醒佢.... 黐線 !!

後來我就同老公講 : 叫你阿媽幾點幾點唔好嚟喇, BB 要瞓覺架.... BB 咁細個唔係要佢去就一個幾廿歲嘅人呀 ? 佢就唔到BB 嘅時間咪唔好晚晚嚟囉 ~ 做乜要晚晚嚟先 ??
老公開頭都仲想說服我, 但我企硬... 我仲抱住BB 話返佢 : BB 妳放心 ~ 無論點都有媽咪保護妳架... 媽咪真係錫妳、愛妳 , 唔係當妳係玩具...唔會帶妳四圍去social & 炫耀架 ~

我覺得我哋做新抱有時都唔可以完全死忍, 如果真係對BB 唔好嘅就真係要出聲... 我認為我生得出佢, 就一定要保護佢...

好彩, 佢 (奶奶) 而家都唔會晚晚都嚟 ~~

大家加油 ! 努力呀 !!
私人傳訊

MuiMuiQQ


大宅

積分: 2453


16#
發表於 08-7-16 11:39 |只看該作者
原文章由 vienchan 於 08-7-16 11:23 發表
我奶奶昨晚仲話不如俾d榴槤阿仔食呀~~~~~ 我話唔得，佢就話少少...... 後尾我老公出聲話唔得佢先收手咋.... 你地話死未???

妳奶奶真係 short 架喎mouth: .... 俾榴槤 BB 食 ?? 我實同佢死過 ~
私人傳訊

vienchan


禁止訪問

積分: 8260


15#
發表於 08-7-16 11:23 |只看該作者
提示: 作者被禁止或刪除 內容自動屏蔽
私人傳訊

EricaSin


別墅

積分: 642


14#
發表於 08-7-16 11:08 |只看該作者
唉.....個個新抱都有咁既經歷ga la.....為人新袍甚艱難......真係無錯....佢做得唔o岩, 又唔可以鬧佢, 又唔可以串佢, 做新袍就唯有忍忍忍!!!

好似我奶奶咁.....我地未有bb 既時候, 係咁吹你生, 生左la, 又幫唔到手, 又呀支呀''draw'', 又話依樣, 又話o個樣, 又話咁唔得, 又話咁唔好.....我心諗....關你鬼事, 又唔係你湊.

我奶奶係一個超級大忙人, 成日要去跳社交舞, 變左唔係成日有時間睇bb, 變左佢一有時間就要o黎睇, 又唔諗下搞到我個女d 程序, 時間亂曬, 本來要訓覺, 但我個女為左要招呼佢, 變左又無得訓, 唉....有時bb訓左, 佢為左睇bb, 會突登整醒佢lor.....你話呀, 係咪火都o黎埋呀....但係咁又點呀, 唔通鬧佢咩....咪為有啞忍lor....

仲有呀, 成日就話比街d 野佢食, 好似出街食飯咁, 又話比依樣, 比o個樣, 有時飲街o個d湯, 落左鹽, 又話比d 佢飲......天呀!! bb 咁細個, 唔可以落鹽ga, 街d 野咁肥膩唔食得ga, 對佢地個腎同腸胃都唔好ga,..我奶奶話試下比bb飲, 睇下佢鐘唔鐘意飲喎.....到最後, 我忍無可忍, 我串左佢一句....咁佢鐘意飲咁點, 係咪日日出街買依d 湯比佢飲......我奶奶即刻唔出聲.....

奶奶有個孫既目的係咩......咪就係將個孫攞o黎''圓耀'', 同d fd 講....你睇我個孫咁咁咁......我仲記得擺滿月o個陣, 佢抱住我個女滿場飛, 行來行去...我幾驚佢整親我個女.....需然我奶奶生左四個, 但係你點都估唔到.....佢唔識抱bb lor......真係眼都突埋....唉....

點都好la....各位媽咪, 各位新袍......頂硬上la.....解決辦法得一個, 就係....忍忍忍!!!!! 得閒上bk 訴下苦, 咁就舒服好多ga la.....加油呀, 各位!!!
私人傳訊

vienchan


禁止訪問

積分: 8260


13#
發表於 08-7-15 16:15 |只看該作者
提示: 作者被禁止或刪除 內容自動屏蔽
私人傳訊


首頁
12

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見