吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 同外家反左面嘅朋友....

婆媳關係今日: 0|主題: 27765

收藏本版

發帖

返回列表

跳至頁

查看: 6270 | 回覆: 53

同外家反左面嘅朋友.... [複製鏈接]

12 3

rachel_BB

大宅

積分: 3803

畀面勳章

1^#

發表於 08-7-16 17:10 |只看該作者 |正序瀏覽 |打印

同外家反左面嘅朋友,你地有時會唔會覺得自己不孝 or 做得太絕嫁 ?
我陀b差唔多陀左7個月喇,大約係舊年年尾同外家嘈,詳情之前都有係bk講過下.所以依家就唔多講喇!
係呢一段時間入面,當我知道自己有左bb,我都有放低所有問題同不滿,打番去外家同佢地講有左,只係..佢地反應極之冷淡,咁....我都心死喇,係呢7個月入面,佢地一個電話都無打過黎問候....
係早幾日,無拿拿佢地就打比我,我都知發生咩事,因為我細佬9月結婚,而我10月就生得喇,所以佢地就想打電話比我,企圖修補關係囉!!!因為佢地係極之愛面子嘅人,如果我細佬結婚.而我又唔出席,佢點同啲親朋戚友交代???而且,之前佢又已經好串咁同啲親戚講"我9月做老爺奶奶,10月做阿公阿婆呀!你吹得我漲呀!"....如果我同佢啲關係一日唔搞番好,一日佢地都無得哂命....
其實,同自己屋企邊度有隔夜仇,只係,佢地打黎..又係果啲態度,又係話我唔啱,又係數我.....而且仲一句問候都無,所以,聽到半路中途,我cut左佢地線,我真係唔想影響自己情緒....亦唔想影響肚入面嘅bb!!!之後佢地不停打電話黎,我唔聽,佢地就留言or send message黎鬧我,話我絕!!叫我反省喎!!!
其實,我真係好絕咩???我自問所做嘅野,相比佢地,真係一啲都唔絕.....我只係心淡 & 心死啫!
其實,我都已經習慣左無外家嘅日子!只係,佢地咁打黎,又鈎起左我一啲自責啫!
朋友....你地同外家反面之後,無見之後,點安慰自己嫁?可唔可以教下我???

0 0 0

私人傳訊

rachel_BB

大宅

積分: 3803

畀面勳章

54^#

發表於 08-7-24 09:31 |只看該作者

原文章由 芝麻街 於 08-7-23 23:28 發表
rachel bb

支持你呀, 啲人唔見就算啦. 做父母子女都要有緣份嘅, 你已經盡左力, 做左做人女兒嘅責任, 可能緣盡於此. 放開懷抱, 心情. 去迎接新生嬰兒, 展開人生的另一頁.

祝福你地一家
幸福快樂!!

芝 ...

多謝哂你!我依家只係成日都諗bb出世之後會點...哈!!依家見到係我個肚度郁黎郁去,真係好開心!!仲有3個月我就要做人媽咪lu!!有dd緊張呀!

私人傳訊

芝麻街

珍珠宮

積分: 41604

父親節2025勳章母親節2025勳章 2025勳章蛇年勳章 2024年龍年勳章虎到金來勳章牛年勳章開心吸收勳章熱血勳章

53^#

發表於 08-7-23 23:28 |只看該作者

rachel bb

支持你呀, 啲人唔見就算啦. 做父母子女都要有緣份嘅, 你已經盡左力, 做左做人女兒嘅責任, 可能緣盡於此. 放開懷抱, 心情. 去迎接新生嬰兒, 展開人生的另一頁.

祝福你地一家
幸福快樂!!

芝麻街

私人傳訊

rachel_BB

大宅

積分: 3803

畀面勳章

52^#

發表於 08-7-23 10:24 |只看該作者

睇左你地嘅留言我都已經開懷左好多,無咩點諗啦!!!順其自然囉~~唉!
老公都同我講!佢話你屋企人既然可以做到咁,點解你唔可以呢?
媽咪黎搵我當日,佢其實唔只話我,仲連未出世嘅BB都可以指住我個肚黎話埋一份,小朋友無辜嫁,佢都唔知發生咩事就要比佢話...老公同奶奶聽到都覺得佢好過份!!而我,其實我都好心痛,好肉赤BB比佢咁話...所以,連日黎,自己都諗通左lu...咁嘅關係,唔維繫係算囉!!

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

51^#

發表於 08-7-22 17:45 |只看該作者

原文章由 rachel_BB 於 08-7-22 17:30 發表

我老豆媽咪就成日都話我老公唔刷佢地鞋,又唔尊重佢個仔喎!而我老公佢就成日都覺得既然大家都係一家人,無需要話刷唔刷鞋啫!而且我地又唔係依靠父蔭母蔭搵食.咩都依靠自己一雙手,再者,我地兩公婆對父母好係應該,但係 ...

你外家好明顯憎人富貴厭人貧, 屋企人都要擦鞋咁假, 你老公係姐夫, 應該係你細佬要尊重佢, 連舅仔都要尊重? 擺明嫌棄你老公, 覺得佢喺你屋企係抬唔起頭. 你老公咁忍得真係好難得, 你要好好珍惜佢. 正如你自己講, 又唔係靠你父母, 唔認呢個外家就算啦. 我覺得最緊要你一家三口生活開心. 唔好諗咁多, 快d改電話, 盡量唔好接觸外家嘅人, 由得件事丟淡, 可能幾年後有其他事發生, 到時關係有機會改善都唔定呢, 順其自然, 無須強求, 更無須梗梗於懷.

私人傳訊

rachel_BB

大宅

積分: 3803

畀面勳章

50^#

發表於 08-7-22 17:30 |只看該作者

原文章由 tantanmama 於 08-7-22 14:52 發表
樓主,
我都覺得你唔好去飲, 生完都唔洗通知佢地.因為佢地都唔係真心關心你, 你又何必委屈自己。你自己個家先係最緊要, 你冇咗外家但有個好老公好99已經好足夠,唔好再諗無謂嘢影響自己情緒, 對阿b唔好架.
我唔知你外 ...

我老豆媽咪就成日都話我老公唔刷佢地鞋,又唔尊重佢個仔喎!而我老公佢就成日都覺得既然大家都係一家人,無需要話刷唔刷鞋啫!而且我地又唔係依靠父蔭母蔭搵食.咩都依靠自己一雙手,再者,我地兩公婆對父母好係應該,但係唔可以用刷鞋黎形容囉!!自問我地兩公婆結婚前結婚後對佢地嘅好都係出自真心,絕無刷鞋成份.但係佢地反而唔中意囉!!而且,佢話我老公唔尊重佢個仔,佢個仔又有尊重我老公咩.結左婚年幾,一聲姐夫都無叫過,有時佢心情唔好仲要當我老公透明....老實講!我都覺得我老公好好忍耐力,如果係我,可能我真係唔會娶一個有個"愛生事家庭"外家嘅女人!!
係...我老公雖然唔係有錢仔,但係絕對唔係窮到燶囉.我未嫁佢之前,我父母已經係我面前話佢會"餓死老婆溫臭屋"喎!係...錢係唔夠佢地多,咁又點呢???有錢就可以咁話人嘅咩??
我個所謂弟婦就真係好似溏心風暴咁囉,我次次番去,都成日會見到佢啲虛偽行為,又或者有意無意有機會就會中傷你"哇苦"你咁!搞到我地兩公婆成日反到去就要同細佬兩公婆爭表現咁!!好辛苦啫!!

私人傳訊

elaine815

大宅

積分: 1390

49^#

發表於 08-7-22 17:00 |只看該作者

原文章由 rachel_BB 於 08-7-16 22:19 發表
其實我無諗過去飲我細佬果餐嫁,而且就算生左,擺滿月都好,都無諗過通知佢地....只係,佢地咁打黎,又問我係咪當自己老豆老母死左....搞到我成日都好似個心有野"un住"咁啫!
我自問我自己都唔算係一個絕嘅人,只係佢地嘅所 ...

佢地敢對你..係我就唔彩佢地啦...如果真係當你屋企人就唔會敢對你啦....講真一句.....你對我好..我一定對你好...佢地都對你唔好

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

48^#

發表於 08-7-22 14:52 |只看該作者

樓主,
我都覺得你唔好去飲, 生完都唔洗通知佢地.因為佢地都唔係真心關心你, 你又何必委屈自己。你自己個家先係最緊要, 你冇咗外家但有個好老公好99已經好足夠,唔好再諗無謂嘢影響自己情緒, 對阿b唔好架.
我唔知你外家係咪嫌你老公窮, 怕你地"痴"佢地金糠, 所以唔想見佢出現. 佢地點睇唔緊要, 最緊要係你老公明白你愛惜你.
我弟婦外家同糖心風暴楊怡個外家一樣, 唔理個女嫁邊個, 總之俾足禮金酒席就得. 結果搞到兩邊親家關係好差.但弟婦都冇同佢地反面, 變咗難為了我細佬, 夾在中間. 有時我都諗如果佢地反咗面, 大家都唔洗咁煩.

私人傳訊

rachel_BB

大宅

積分: 3803

畀面勳章

47^#

發表於 08-7-22 14:07 |只看該作者

原文章由 豬BBBB 於 08-7-21 16:38 發表
樓主, 我係你一定唔去, 你屋企人會唔會有D重男輕女, 你同你媽講, 一來9個幾月粗身大勢, 唔方便去咁多人的地方, 二來話駝BB唔可以去飲的, 如果唔係細佬將來有咩事,入埋我數咪敝。唔好比人激親, 好好安胎。 ...

我阿媽係唔會理嫁..
一來.我陀左阿b咁耐,佢都可以一個電話都唔到,我有幾大個肚又點,佢都唔會關心我嫁啦!!佢關心嘅只係佢嘅面子!
二來.佢成日都話自己係新潮人.唔會理呢啲"煩紋俗節".咩大肚唔去得飲,係八婆先會咁講喎!
其實我有動搖過去飲嫁,只係我真係放唔低佢地話我當我老公透明同埋話我老公係"仆x仔"...!如果我去,咪即係默認自己老公係透明同埋"仆x仔"?!我自問做唔到囉!!!而且,佢地比面我,都唔會咁話我老公啦...既然佢地唔比面我,點解我仲要比面佢地先?自己家人都係咁話!!老公係自己簡嘅,我親手帶得佢入黎呢個家.我就要撐佢!!我唔撐佢,邊個撐佢呀?

私人傳訊

rachel_BB

大宅

積分: 3803

畀面勳章

46^#

發表於 08-7-22 14:00 |只看該作者

原文章由 豬BBBB 於 08-7-21 16:38 發表
樓主, 我係你一定唔去, 你屋企人會唔會有D重男輕女, 你同你媽講, 一來9個幾月粗身大勢, 唔方便去咁多人的地方, 二來話駝BB唔可以去飲的, 如果唔係細佬將來有咩事,入埋我數咪敝。唔好比人激
親, 好好安胎。 ...

我阿媽係唔會理嫁..
一來.我有幾大個肚佢唔會理,難聽啲講句,我陀左咁耐都無比電話我,我有幾大個肚,幾唔方便佢都唔會理...
二來.佢成日都話佢係新潮人,唔會理呢啲"煩紋俗節"喎!咩大肚唔去得飲,八婆先會咁講!!!
所以呢...講到尾.都係有佢講.無人講!!!!
其實我都有諗過去嫁,不過我真係放唔底仍地鬧我老公"仆x仔"同埋叫我唔好提我老公,佢地已經當佢透明!!如果我仲去飲,咁咪即係默認自己老公係"仆x仔"同埋透明囉??!!所以....我到最後都係唔會屈服嫁!!!!佢地係中意係我每次嘅人生大事中間比啲插曲or難忘經歷我,咁我咪係佢娶新抱果時又比啲插曲佢囉.....!!

私人傳訊

豬BBBB

子爵府

積分: 10876

45^#

發表於 08-7-21 16:38 |只看該作者

樓主, 我係你一定唔去, 你屋企人會唔會有D重男輕女, 你同你媽講, 一來9個幾月粗身大勢, 唔方便去咁多人的地方, 二來話駝BB唔可以去飲的, 如果唔係細佬將來有咩事,入埋我數咪敝。唔好比人激親, 好好安胎。

私人傳訊

rachel_BB

大宅

積分: 3803

畀面勳章

44^#

發表於 08-7-21 11:08 |只看該作者

咁又係呀!其實今次我做到咁,大部份原因都係因為老公同埋BB....父母無得選擇,我唔忍唔忍,都忍左佢地啲野蠻野咁多年,只係我一諗到將來唔知我一個人要忍,連帶老公..BB都要好似我咁忍,我真係唔想囉!!所以先會搞到今時今日咁嘅地步......

私人傳訊

akj

男爵府

積分: 6628

43^#

發表於 08-7-21 02:16 |只看該作者

算啦!你有左bb你亞媽都同你講埋曬d咁嘅說話!你唔好再諗咁多喇!relax!
你唔好話我衰,講真,就算今次比你地和好,以你老豆老母份人,之後又會點對你同你老公吖!咪又係攪到自已唔開心!

私人傳訊

rachel_BB

大宅

積分: 3803

畀面勳章

42^#

發表於 08-7-19 14:46 |只看該作者

原文章由 Sharon886 於 08-7-19 14:19 發表

我都同外家反晒面咁滯

阿哥：佢非禮我，道歉都冇，仲唔反面？已經17年都冇講過一句。
老豆：一早去咗賣咸鴨旦，冇眼睇囉。
阿媽：偏幫阿哥，明知阿哥ｄ衰野都唔識保護我，仲話俾自己阿哥摸好過俾出面ｄ人搞，痴線。
細佬：最近為$$$反 ...

咁我又無你咁大件事,只係我父母不知不覺間嘅偏幫行為令我好反感啫!有時都唔明啲阿媽,明知個仔有問題都仲要幫住哂~所以,咪做就到好似我細佬呢啲人出黎囉,有咩事都搵阿媽,正一裙腳仔,廢柴!

私人傳訊

Sharon886

男爵府

積分: 5817

41^#

發表於 08-7-19 14:19 |只看該作者

原文章由 rachel_BB 於 08-7-18 12:16 發表

咁其實你係同佢地關係決裂果時,有咩感覺??會唔會好似我咁,個心成日都"un住un住"咁呢?

我都同外家反晒面咁滯

阿哥：佢非禮我，道歉都冇，仲唔反面？已經17年都冇講過一句。
老豆：一早去咗賣咸鴨旦，冇眼睇囉。
阿媽：偏幫阿哥，明知阿哥ｄ衰野都唔識保護我，仲話俾自己阿哥摸好過俾出面ｄ人搞，痴線。
細佬：最近為$$$反面，條衰仔借錢唔還仲聲大大，反得。

有冇un住？開頭有，而家，佢地唔搵我仲好，我都唔會搵佢地，無謂勾起我ｄ痛苦既記憶。我有我過日子，仲好，自由自在

Btw，我生咗個女我阿媽有來過，不過唔係佢想睇下個孫，係佢悶，阿哥細佬唔so佢佢搵我來zip時間啫

私人傳訊

rachel_BB

大宅

積分: 3803

畀面勳章

40^#

發表於 08-7-18 12:16 |只看該作者

原文章由 grand2005 於 08-7-18 07:36 發表
以上呢個情節、語錄簡直同我既故事係一樣我本來怕我媽死左之後我會後悔佢在生唔搵佢，但最後我都諗通了，一隻手掌拍唔響，我唔想再白白受佢氣 ...

咁其實你係同佢地關係決裂果時,有咩感覺??會唔會好似我咁,個心成日都"un住un住"咁呢?

私人傳訊

peggiecat

民房

積分: 19

39^#

發表於 08-7-18 12:07 |只看該作者

這樣的父母連普通朋友都不如,沒有當你是女兒若我是你我唔會再理佢地,唔須要自責

私人傳訊

rachel_BB

大宅

積分: 3803

畀面勳章

38^#

發表於 08-7-18 11:18 |只看該作者

我有呀,我咪同佢講番點解大家嘅關係會淪落到呢個地步,佢就不停咁話 "呢啲係你嘅感覺啫!"又或者"你都無xxx,我咪唔xxx囉!!!",我覺得大家都會各執己見,就不如唔好嘈好過喇!!而且佢都無心去聽我講,佢最關心嘅都係個結果啫....
我依家先記起,琴日,我一句媽咪都無叫佢....
有時我都會覺得成件事我唔會係啱哂果個,不過,錯都唔會係我錯哂囉....