吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 我媽咪無情情比有線auto pay扣左5千幾蚊

自由講場今日: 8|主題: 1355050

收藏本版

發帖

返回列表

跳至頁

查看: 909 | 回覆: 29

我媽咪無情情比有線auto pay扣左5千幾蚊 [複製鏈接]

kawai928

子爵府

積分: 14359

好媽媽勳章醒目開學勳章

1^#

發表於 08-7-17 16:15 |只看該作者 |正序瀏覽 |打印

請問我可以點樣做去唱衰佢呢?

我媽咪去銀行問...佢話銀行果個人都話好多人都係咁比佢過左但追唔到...

佢又去問d警察...警察話好多人都係咁...法律漏洞...話呢d係私人合約,你情我願,正苦都管唔到何況警察呢...同埋話好多私人大廈唔比有線sale入去就係因為咁樣喎...

講真我媽都冇打算伶得番果d錢喇...係咪先,又話正苦管唔到...黑箱作業真係冇希望係追得番...佢話但求比更多人知道喳喎...

真係幾多錢任有線up...佢要up幾多你就要比幾多咁樣...
而且重係auto pay唔知幾時就扣你錢...

依家咁樣比佢扣左...真係就黎食都冇得食喇...
我自己亦養唔起佢地,最多都係比幾百佢頂住先...

有冇d咩報紙雜誌果d電話可以提供比我問一問呀?唔該晒~~~~

0 0 0

私人傳訊

Leomummy

男爵府

積分: 7723

30^#

發表於 08-7-17 18:53 |只看該作者

I-cable呢間嘢點衰，我諗真係街知巷聞，我都係啱啱同佢哋解咗約，佢哋仲話送埋部解碼器俾我，不過我唔要喇，費時俾機會佢哋話我唔還機而收我幾千元㗎

不過聽hinhofion咁講，我都驚佢哋會無啦啦收多我一個月費

佢哋最叻話六至八個星期才退返錢，但我就試過要六個月先可以退返錢，仲要係搵報館d記者幫我跟進，先可以收到張票，所以今次同佢哋解約時，一開始我係全部錄音㗎

私人傳訊

kawai928

子爵府

積分: 14359

好媽媽勳章醒目開學勳章

29^#

發表於 08-7-17 18:50 |只看該作者

唉我已經問左事究竟係咩事...

我媽05年時用過佢地,後黎佢地亂收錢,咁果度有6百幾...同埋佢地話個解碼器同遙控器果度要$1300(佢地叫"儀器費")
但解碼器果d已經比番佢地,係佢地搵人上黎收重簽晒名證明已經比番佢地架喇~但$6XX我媽冇諗過比佢地因為又係屈既~

之後我媽呢06年11月時又申請過喎~(佢話因為我老豆想睇動物所以就申請~又可以睇下波咁啦~)

簽新約時預先比左$450即係預繳果d呢...
即係頭3個月唔駛交~

咁點知原來有線果度12月見到原來登記人有舊債咁就用果$450黎抵消番,即係之前$6XX加儀器費$1300就係$19xx...咁佢交左$450就減番...變左$14xx...

咁12月亦cut埋~因為話冇交月費~
但我媽就一心諗住自己交左$450,應該唔駛交錢喎頭3個月...
咁之後到07年1月話未見佢伶番個解碼器就又加$1300...
但部機我媽之後又係已經比番佢地,又係佢地自己搵人上黎收同埋又係簽左名話比番佢地架喇...同埋果時冇話有$150通知要交番既,因我媽一直以為$450係預繳,總之頭3個月唔駛比~我媽見佢話收番解碼器,就算喇以後唔用佢地就以為冇事啦~

咁再加上06年11月果份合約...就算冇用到但簽左約就繼續收,而我媽咪就唔知,以為有線果度cut左佢就cut左,即係冇約,就唔駛再比,,點知原來繼續收...16個月$150=$2550...

最後得出就係之前佢地話既$6XX+儀器費$1300-$450(預繳新合約月費但抵消番) = $14XX
另外新合約佢地話冇交月費而cut左後加既$1300儀器費...
重有新合約仍然生效既關係16個月$150月費$2550

就得出$5XXX呢個數~

唉,我問清楚晒之後我媽自己都有問題~
明知佢地衰就咪鬼再用啦,佢開第2次後我番去食飯見到都黑面問佢重咩又開呀?!!佢話因為老豆想睇下動物同戲果d,又有怪談咁咪開囉~

但問題係...我媽一早已經比番解碼器佢地重咩重要扣佢2份解碼器費用合共$2600~
另外新合約果度同之前屈佢果$6XX我同我媽都冇打算會伶得番...
但解碼器d錢...真係佢地收多左...

頭先我都好嬲咁同佢地d cs講,你地突然咁扣左人5千幾蚊,食咩呀?重要係多左!!(因佢地死都話份新合約係一路生效就算冇用到,都照錢~咁我就當係人地收得應該啦下~咁呢個情況黎講儀器費果度佢係收多左$2600的!!!)

之後話要check先覆我...我好惡咁係咁追佢,今日得唔得?要快!!就黎連飯都冇得食喇!!佢話聽日覆~我問埋佢伶名同個員工no.聽日唔回覆就打去搵佢,如果答我冇番既咪搵第個,繼續問...

唉...真係唔知邊個著邊個唔著...不過果$2600死人都追番佢呀!!真係收多左架~我媽果度好耐之前已經冇左有線解碼器o係樹...

我媽話上次重勁呀,佢地無情情上黎收左部解碼器,重叫我妹簽名,我妹得16歲,果日咁岩我ba同ma有事出左去...之後番黎第日即打上去問,佢地之後say晒sorry話收錯...

咁頭先我都有講你地上次咁咁咁,d野好似立立亂咁,我唔嬲就假啦!!重要收多人$2600,我話一個$2600,10個你地都好come計喇!!
不過我有講,我唔係話個cs收錯我錢係你地公司~我亦唔係針對佢...果個cs,我打去一問係要查5千幾蚊佢d語氣即變,好似懶未醒咁...我之後真係嬲,大聲同佢講野佢先好似醒番咁~真係激死~

私人傳訊

hinhofion

大宅

積分: 4120

28^#

發表於 08-7-17 18:29 |只看該作者

總之有線乜都衰,上黎安裝就超快手,到想cut佢個陣就麻x煩個隻

私人傳訊

kawai928

子爵府

積分: 14359

好媽媽勳章醒目開學勳章

27^#

發表於 08-7-17 18:25 |只看該作者

原文章由 popeye523 於 08-7-17 17:36 發表
所以我honey好討厭要autopay, 屋企除咗now就無野係autopay啦!

但今次個問題唔係auto pay喎...
係有線呀~

mouth:

私人傳訊

hewett

別墅

積分: 518

26^#

發表於 08-7-17 17:51 |只看該作者

autopay 本身冇問題~~ 不過cable呢間野就出名衰!! 用過佢服務既人90%都係會比佢

激死~~

私人傳訊

popeye523

大宅

積分: 2762

畀面勳章親子達人勳章

25^#

發表於 08-7-17 17:36 |只看該作者

所以我honey好討厭要autopay, 屋企除咗now就無野係autopay啦!

私人傳訊

juicypig

珍珠宮

積分: 30278

環保接龍勳章 hashtag影視迷勳章

24^#

發表於 08-7-17 17:08 |只看該作者

一個人之所以快樂,不是因為她擁有得多, 而是因為她計較得少

私人傳訊

hoho0728

男爵府

積分: 8983

醒目開學勳章畀面勳章大廚勳章 BK Milk勳章

23^#

發表於 08-7-17 17:07 |只看該作者

原文章由 kawai928 於 08-7-17 16:43 發表

咁最後你點解決呀?
我媽又係話之前睇左一個月後扣左佢兩個月呀,有線重自己cut左條線,但我媽又有交錢個喎...

我個情況係申請有線寬頻送有線電視,咁我取消左寬頻,但有線電視一扣就扣我2個月正價月費,我同佢理論左好多次,我話無同有線簽約,點解佢扣我錢,點解會有我信用卡資料,第一個聽就話寬頻同電視係同一間公司,第二個人聽又話係2間唔同公司,總之搞左好,只係退返一個月月費比我,但都幾個月先退返張票黎,你打去啦,退唔到五仟,退返五佰都好

私人傳訊

kawai928

子爵府

積分: 14359

好媽媽勳章醒目開學勳章

22^#

發表於 08-7-17 17:03 |只看該作者

原文章由 hinhofion 於 08-7-17 16:56 發表
我上次扣多錢,係因為我唔再續佢地約,佢地已經提早出左張last收據比我,寫明最後收費同日期,咁我唸住應該ok la,點知有線間仆街,係未完合約前幾日(即係last個幾日)係信用卡扣我月費,係繼續扣我月費,我即時打上去問,佢地 ...

我諗我媽就係咁樣比佢地扣囉~
我講野唔叻表達唔到...
我就係想講呢樣呀...
真係任佢地up架喳!!
好過份!!

私人傳訊

hinhofion

大宅

積分: 4120

21^#

發表於 08-7-17 16:56 |只看該作者

我上次扣多錢,係因為我唔再續佢地約,佢地已經提早出左張last收據比我,寫明最後收費同日期,咁我唸住應該ok la,點知有線間仆街,係未完合約前幾日(即係last個幾日)係信用卡扣我月費,係繼續扣我月費,我即時打上去問,佢地ga答覆係:因為未到last個日,我地電腦有你資料,你依然係我地客戶,所以會計部會照過數,至於扣多你ga款項,我地會6-8星期後退返比你,我即時小到佢飛起,我已經滿約前一個月就通知佢地唔再續約,而佢地亦計埋條數,比埋最後張單比我,仲比晒錢,最後依然係我張卡到繼續自動轉帳,理由就係未正式完晒份約,電腦仲有我ga資料,就算清晒條數都會照扣錢,咁同搶有乜分別?如果我唔睇月結單,佢分分鐘一直扣數落去,根本就係奸商,所以以後有線電視,我e世都唔會再幫親

私人傳訊

kawai928

子爵府

積分: 14359

好媽媽勳章醒目開學勳章

20^#

發表於 08-7-17 16:55 |只看該作者

原文章由 lau 於 08-7-17 16:54 發表
直接客戶服務 1832898

睇下得唔得.

唔該晒你~
我依家打封先~
唔該晒~~

私人傳訊

kawai928

子爵府

積分: 14359

好媽媽勳章醒目開學勳章

19^#

發表於 08-7-17 16:55 |只看該作者

原文章由 louise0752 於 08-7-17 16:49 發表
你打去同佢地講, 而家你開番張單出黎寫明要收你咩錢, 因為而家要去小額錢債度告你地收費失實, 咁你又check番自己d資料, 幾時交過錢俾佢, 唔駛同果d卒仔勞氣嫁, 就算你話搵manager, 佢地都係自己搵人扮嫁咋. 你有齊料 ...

好的我明白了~
真係唔該晒你!!