論盡家傭

收藏本版
發帖
返回列表
跳至頁

首頁
12345

尾頁
   0
Hazel媽媽


複式洋房

積分: 238


1#
發表於 08-7-20 16:54 |只看該作者
原本的工人，一直我都覺得佢太唔似一個工人，無大無細，見到我唔會打招呼，仲成日黑面，唔出聲，發脾氣…當時的我和先生真係很嬲，早想即時炒咗佢（但，佢對我個女好好，人品亦可，唔會學壞果種，做家務都可以，所以一直都無行動）…
不過…係佢將完約的時候，我哋自己都因為佢黑面ｏ既問題同agent溝通，應唔應該換（當然，因為我哋個心對佢有ｄ不滿有所考慮啦）咁agent話一個工人應該最基本要似一個工人，做嘢好係應分，大把顧主，因為唔想煩，所以續工人，但一續約ｄ顧主大部份都忍唔到佢之後果兩年，所以聽完agent講，最後我哋都換咗…
而我個工人亦都好快揾到新顧主。
臨到個工人要走前，我越嚟越覺得後悔，我每晚都喊，點解自己要為咗一啖氣換走佢呢？我越諗越喊，家陣打緊都喊…我覺得自己好差，好衰，佢對我個女好，我仲想點呢？講真，佢無大無細，都係我哋影響佢，因為我同先生之前都返工，所以想佢將自己當為一家人，想佢可以對我個女好ｄ，而佢嚟果時，自己精神唔好，根本無教佢或者係要求過佢要點做，但係佢都可以做到嘢。我係佢臨走前，買咗同埋送咗好多嘢比佢，因為我個心好唔舒，我唔舍得佢，仲不斷會諗返自己由第一日接佢返嚟，然後ｏ既發生ｏ既一事一物，仲不斷諗，可唔可以同佢新顧主調換呢？
哩ｄ都係係19/07前諗ｏ既事同埋心情。
係哩ｄ之後，因為新工人嚟到我屋企，我親眼睇到自己個囡囡唔食嘢，去揾之前個工人（舊工人姐姐仲係我屋企，只係出咗街買嘢），雖然囡囡都可以同新姐姐玩，仲會笑，但係琴晚囡囡晚覺喊，同平時ｏ既唔同，我個心好痛，因為我哋有同囡囡講，舊姐姐要走啦，囡囡好叻，叻過媽咪，佢得兩歲，佢見媽咪喊，佢要攞紙巾比我，比新姐姐抱（唔扭計）但係就唔食，要等舊姐姐比佢先食，我比佢都唔想食﹗
我無辦法啦，我今日決定咗，去求佢新太太換工人，新太太就嚟會生ｂｂ，我知咁樣我實在好過份，但係，我寧願我自己去幫佢做佢工人做到新工人姐姐到，都唔想個囡咁辛苦，我覺得自己好差，好衰，點解一早唔為個女諗多少少，一個由佢一個大就照顧佢ｏ既姐姐，只係哩ｄ行為，點解做亞媽唔忍下，要個囡去受苦，新工人姐姐雖然做嘢都可以，好勤力，好肯學，但係真係想同你講對唔住，因為”你”唔可以了解我個囡需要，所以我就算要比錢好多錢唔用你而再花錢換回舊工人我都願意，原因，我唔想再見到囡囡咁細個就要堅強過媽媽而留在睡覺中喊，sorry呀大家，新太太對不起，我真的十萬個對不起，我希望我可以成功，比返舊姐姐我，姐姐之後要返印尼，８月初先返嚟，我希望仲可以比時間你再申請，你之前申請ｏ既費用，我願意付，明白對你不起，不是錢的問題，是你要生ｂｂ了，但眼見女兒的眼淚，我真的想過要死﹗我無法面對了﹗我真的堅持不下去﹗我也知，若然這次可以請回舊工人姐姐，我花的費用一定會很大，但為了囡囡，什麼錢都可以，是我不對，是我不好，囡囡…媽媽的錯…sorry﹗
媽媽今晚就算什樣失禮的事也願去做，你的爸爸不明白，一句”慢慢適應””喊．沒用”來回應，我要用方法請回舊姐姐﹗
女兒，媽媽．對你不起﹗﹗﹗
私人傳訊

Mymelody2006


複式洋房

積分: 313


88#
發表於 08-7-24 23:46 |只看該作者
You are full-time mum, you shall have time to let and train up your new maid. Chin Up! Show a good example to your daughter.

Even 2 years old, she is learning from you. If you cry in front of her, she will easy to cry, if you talk loudly to the maid, she will also.

So, why don't teach the maid, what should do, what should not do and what is the name in Chinese in the day time!

原文章由 Hazel媽媽 於 08-7-24 12:41 發表


tks，真係好似…好多謝你…
我其實真的想通了的…是真的…我不會再求她回來，因為明白日後的傷害會很深…
我現在只是頭痛新工人了，因為她中文不太好，聽得明一半一半，但佢又好似好勤力，都可以同我個女玩下，但係做嘢真係麻麻， ...
私人傳訊

Surprise


複式洋房

積分: 493


87#
發表於 08-7-24 16:23 |只看該作者
hazel媽媽,
其實你不應比ex工人同新工人見面,呢個禍害真係好大好大. 個後遺症係幾年都未消失.
我就係一個例子.第一個工人(印)(我唔續佢,但幫佢揾埋新僱主)及第二個工人(bun)(我想同佢續,但佢自己話唔做)完約後,我冇換電話號碼,因諗住都係happy ending, 我一家對工人又好, 應冇乜壞話比人講. 點之...佢地可生安白做, 得閒就打來同新工人8下, 講下佢地8到我地(奶奶/婆婆/叔仔等的家事), 又作大話我地唔比佢用雪柜/唔比飽飯佢食/唔比足夠sleeping time/當佢地係奴隸...等等, 搞到我現在的工人都覺我地好衰, 就算我地對佢點好, 佢都唔滿足唔滿意, 連我地想入佢房睇bb, 佢都可黑面, 話我地阻住佢教bb (佢話: bb喊實係咁啦,我湊大佢,你地唔知佢係樓計咩,so你地入來做乜,唔通以為我蝦佢呀?? 你地以前工人都話你地係咁,so先搞到e+個大女咁衰咁唔聽話, 所以佢(bun)頂你地唔順先唔做炸.)...真係聽到我火滾....個仔冇端端喊左咁耐或半夜發惡夢喊,父母入去睇下佢唔得咩? 個仔係kitchen玩爐火, 我叫工人唔好比佢入, 咁又唔岩咩? 仔女受傷,問下點解會咁, 咁又有錯咩?...總之佢個心有事,我地問乜做乜佢都覺我地唔鍾意佢, 跟住又8番比我ex-bun知, 再加下salt加下醋, 真係令我添不小麻煩, 佢日日都博我即炒佢, 我真係好傷心, 但我會忍, 我唔係想慳$3400, 但因我要返工, 我要忍到新工人到時才比$3400佢姐. 但今次我一定要轉電話no. (原來只需$50手續費炸), 同埋唔可以再比新工人同舊工人/舊工人朋友 (即我朋友的工人)/等校車個度的工人見面. 希望我今次可好運d啦.

唉...工人真係唔知足...我地做僱主真係慘, 明知工人咁差,但因有小朋友係佢手, 為有死忍難忍, 返工要受boss氣, 返家要受maid氣! 但政府就係"費柴"! 所以我一諗起當時我咁傻,為左個工人搞到自己有情緒病, 真係好傻, 佢地始終唔係中國人,冇我地咁有感情+人情, 佢地只係為錢, 其他乜都係扮野 (就算話點錫bb/走時喊到死死下等/話不捨得bb, 婆婆等), 轉個頭,佢地其實想睇你點死,點冇左佢地唔得, 佢地成日以為自己係the best.
私人傳訊

已刪除用戶


已刪除用户

積分: 25576

BK Milk勳章 畀面勳章


86#
發表於 08-7-24 13:16 |只看該作者
提示: 作者被禁止或刪除 內容自動屏蔽
私人傳訊

Hazel媽媽


複式洋房

積分: 238


85#
發表於 08-7-24 12:41 |只看該作者
原文章由 Surprise 於 08-7-23 17:59 發表
Hazel媽媽,
完全明白你感受. 我之前第一次請印來湊我初生b女,因她是我第一個工人,我真的當她家人,完全付出我感情. 但一年後因發覺她不好 (e.g. 暗地裏食晒bb粥,只給bb飲奶/放bb餅係地,當佢係狗/帶朋友返家/勁傾電話 ...


tks，真係好似…好多謝你…
我其實真的想通了的…是真的…我不會再求她回來，因為明白日後的傷害會很深…
我現在只是頭痛新工人了，因為她中文不太好，聽得明一半一半，但佢又好似好勤力，都可以同我個女玩下，但係做嘢真係麻麻，不過就好有工人格…我煩緊應唔應該換一個有本地經驗ｏ既印印，因為唔想花時間去教佢中文，但係講真，十個本地完約工人十個都愛講電話／sms，仲成日約埋一齊出去，唔係放假日子都會約…因為我成日都試探ex工人要佢講D私人嘢出嚟聽…所以知道

我諗緊好唔好心中定一個時限比哩個新工人，佢仲係學唔好中文，我可能真係會換走佢…但佢琴晚係度喊，見到佢就慘咁，因為佢太緊張，佢同我ex工人講，佢怕我唔要佢，因為佢知道我ｏ既要求佢做唔到，佢見我乜嘢都寧願自己做，我煮埋比佢食，佢見到就驚到喊…唉…
私人傳訊

cameo


子爵府

積分: 10555


84#
發表於 08-7-24 03:38 |只看該作者
hazel媽媽,
我覺得你自己決定係唔係呢度公開件事啦!
不過你好似講到個嚴重性好大咁,會唔會係涉及到犯法等等???
其實bk都有熱心媽媽係做緊好多關於外傭o既野,若你想知多d又未想公開,不如pm佢地問一問意見先,佢地答覆可能會中肯d~
私人傳訊

小泳


大宅

積分: 1118


83#
發表於 08-7-24 02:09 |只看該作者
樓主:

你搞到工人既角色仲緊要過亞媽喎, 會吾會本末倒置左呢?

囡囡可以無左工人, 但係吾可以無左亞媽..
你自己可以去第二個 family 幫手? 你係咪吾洗番工架?

"我無辦法啦，我今日決定咗，去求佢新太太換工人，新太太就嚟會生ｂｂ，我知咁樣我實在好過份，但係，我寧願我自己去幫佢做佢工人做到新工人姐姐到，都唔想個囡咁辛苦，"

你走去做工人嚟解決件事?
你生個囡出嚟既意義係同佢揾個好工人?
咁你做"媽媽"既角色又係邊?


工人始終係協左角色,你自己身為亞媽先係女兒身邊最重要的人
二歲人仔, 根本吾識分邊個真係對佢好, 好多 grandma 都疼壞左個孫架啦, 二歲人仔喊吾化表你要就佢..

我反而覺得你應檢討下亞媽的角色同工人的角啦, 工人吾係你囡囡亞媽呀~


養、疼小朋友從來係易事, 但
吾等於"教育", 你明嗎?



原文章由 Hazel媽媽 於 08-7-20 16:54 發表
原本的工人，一直我都覺得佢太唔似一個工人，無大無細，見到我唔會打招呼，仲成日黑面，唔出聲，發脾氣…當時的我和先生真係很嬲，早想即時炒咗佢（但，佢對我個女好好，人品亦可，唔會學壞果種，做家務都可以，所以一直都無行動）…
不過…係佢 ...

[ 本文章最後由 小泳 於 08-7-24 02:18 編輯 ]
私人傳訊

ckymi


洋房

積分: 41


82#
發表於 08-7-24 00:34 |只看該作者
小朋友很容易適應新姐姐，我個女當時４歲便要換工人（工人照顧左囡囡３年，佢地好friend），囡囡唔開心左一星期倒，又喊．但之後佢都同新姐姐玩得ｏｋ．．過左半年啦，而家囡囡仲記得舊工人，不過已經無之前咁掛住，好多回憶都忘記！！最緊要新姐姐好．便ｏｋ．．又唔係換左媽媽．．
私人傳訊

Surprise


複式洋房

積分: 493


81#
發表於 08-7-23 17:59 |只看該作者
Hazel媽媽,
完全明白你感受. 我之前第一次請印來湊我初生b女,因她是我第一個工人,我真的當她家人,完全付出我感情. 但一年後因發覺她不好 (e.g. 暗地裏食晒bb粥,只給bb飲奶/放bb餅係地,當佢係狗/帶朋友返家/勁傾電話或msn...等),雖然她好錫我個女,表面上郤很克苦耐勞,聽話,笑容滿面,對我關心,我媽亦很鍾意她,但我最後都不續約,換新工人.但在她走前1個月,我心情亦好似你咁起伏不定,因我們要返工,很依賴工人,屋企的家務/煮飯,阿女膳食/睡覺全由她負責,因此我心情很不安,我好後悔唔同佢續約,日日望到佢的野(e.g. 衣服/牙擦..)都可喊一餐,我很驚個囡冇左佢會好唔慣 (其實係我唔慣就真,同老公講佢只係叫我慢慢適應,原全唔明我感受),當我新工人第一天到,我已想炒佢,叫回舊工人返來 (因佢仲係我媽家一個月,我想若個女想她,仍可見到她), 想同佢僱主 (bk媽咪,快生bb)說我要回她. 當時我好似有"憶屈"症咁,企企下又喊,食食下野又喊,同人一講起個工人又喊 (現在諗番都覺好傻), 我只想用任何一切方法要回她,但最後我都冇咁做,因個個朋友都唔讚成,好在有他們及老公的支持,我最後用左幾個星期才冇事,但我女很叻,只需幾日就跟新工人. 從那時起,我知道我不可再完全依然工人,她只可係附助我照顧我家庭及女女,不然的話,我個心又會痛過.為了女女,我要堅強.

所以你真係要勇敢些,一切都有解決方法. 若你要傾訴, 可致電給我. 同朋友/家人/前輩傾傾下就過渡到架啦
私人傳訊

raincheuk


複式洋房

積分: 182


80#
發表於 08-7-23 17:31 |只看該作者
你指既欺騙係咩事?我覺得你應該出聲,若然你係新僱主都想有人提醒你,我地係僱主就更加要團結,唔係由得AGENT及工人欺騙我地。
私人傳訊

bb0809


洋房

積分: 354


79#
發表於 08-7-23 13:56 |只看該作者
塞翁失馬焉知非福


原文章由 丫頭 於 08-7-20 19:00 發表
我之前炒個d工人全部都係對我對b唔好(係當一份job而從無擺個過心出黎)直至找到對上個位........佢本身心地唔錯佢係之前咁多個叫最令我地放心唔會對我對小朋友做任何小動作既工人，但除了這個就冇乜可以考慮同佢續約。
...
私人傳訊

Hazel媽媽


複式洋房

積分: 238


78#
發表於 08-7-23 13:28 |只看該作者
Dear cameo & tsunmon

sorry呀，可能有ｄ誤導咗你哋，我唔係想將佢所謂ｏ既缺點講比新顧主知，佢要呃新顧主ｏ既唔係哩ｄ（黑面…etc.)，我都知關於佢有哩ｄ問題我都需要負責，我都有一直提醒佢，佢日後都有可能會改好。
但係佢欺騙新顧主ｏ既嘢…真係唔係哩ｄ，我好矛盾……唔知點講好…
就如tsunmon講，我怕人哋以為我想要返才咁做…唉…始終我當初係有咁諗過，所以…
我又怕我講咗出嚟，新顧主唔要佢，到時佢會無咗份工；然後返嚟揾我要幫比返ｄ錢佢，或者要我要返佢…
再者，我更怕間agent會揾我麻煩，因為係工人＋agent一齊欺騙新顧主…
我應唔應該將件事係哩度講出嚟分析咗先呢？但係我都有少少怕佢個新顧主／agent見到留言…
但我都曾經係新手媽媽，唔講出嚟，我又覺得良心對唔住自己…唉
私人傳訊

yamiyami


男爵府

積分: 8649


77#
發表於 08-7-23 09:53 |只看該作者
Hazel ma

我同你面對同一問題, 我第一次請工人, 佢亦由nb 湊我女到而家就黎2歲, 佢9月完約啦, 我仲以為佢會同我續約, 點知佢話要番歸, 我當時都喊左出黎, 因為相處左2年, 真係好唔捨得佢, 我加佢人工, 比假佢放長假, 都打動唔到佢, 點解我咁想佢留低? 並唔係佢做得特別好, 只不過佢湊掂我個女, 我個女由細到大對食野都係唔多好, 一食野就要扭一大餐..但係只要姐姐出”咩” 帶, 佢就貼貼服服, 女女由細到大都係跟姐姐訓, 佢痴姐姐痴得好緊要, 直頭係唔要媽媽要姐姐個隻, 我發覺咁樣會好有問題, 同埋姐姐走左女女一定好傷心, 所以係3個月前, 我開始同番女女訓, 開頭佢會訓到半夜起身搵姐姐, 喊哂個隻…但係過左幾日, 佢就無搵姐姐, 而家仲一定要媽媽tim….

所以, 希望我地一齊努力…..我曾經同朋友呻過無左姐姐唔知點算, 我朋友就話 “我通常每2年會換姐姐一次, 除非好outstanding 可以繽約, 要比女女知道, 姐姐只係過客, 媽媽先係永遠在身邊”

另一個朋友話 “我個女都好痴姐姐, 所以更加要換佢, 一完約就BYE BYE”

呢2個case 我真係入哂腦, 同埋係支持我原動力, 希望都可以幫到你啦….

不過我同你唔同, 我要番工, 而你係全職媽媽, 你仲更加多時間同女女建立感情, 努力呀!!

私人傳訊

ii-3


別墅

積分: 761


76#
發表於 08-7-23 09:37 |只看該作者
No,係我就唔等績約,炒左她.
她黑面,無禮貌, 你是不是想個女學她, 個女大大下就會學晒呢d無禮貌,唔識尊重人,有樣學樣呀!
我個女都係一個好錫她及有禮的工人姐姐由初生照顧至兩歲, 兩歲後我唔請她, 比個女返全日幼兒園, 只要個工人唔再在家住, 約一個星期, 個女己經好似唔記得呢個人.
之後, 在我女k3下學期, 我請返另外一個工人, 一切好好, 而個女亦間唔中遇見舊工人(因舊工人在同一屋苑做), 我女跟本己經唔記得她.
及, 工人始終係外一,唔可以一世在一起, 你個重要無禮貌, 因住教壞你個女.
小朋友將來上學後, 有好多其他事物同朋友, 會分散她的, 及真係仲細, 只要唔見, 好快會唔記得.



原文章由 Hazel媽媽 於 08-7-20 16:54 發表
原本的工人，一直我都覺得佢太唔似一個工人，無大無細，見到我唔會打招呼，仲成日黑面，唔出聲，發脾氣…當時的我和先生真係很嬲，早想即時炒咗佢（但，佢對我個女好好，人品亦可，唔會學壞果種，做家務都可以，所以一直都無行動）…
不過…係佢 ...
私人傳訊

cameo


子爵府

積分: 10555


75#
發表於 08-7-23 01:43 |只看該作者
拆穿!!!你唔洗諗住將事實講出嚟講到咁負面!
佢在職時你都知佢做錯好多野,對你態度唔好啦,照顧小朋友疏忽啦,而且令小朋友受傷係一件可以考慮即時解僱o既原因tim啦,佢唔老實啦,....無論係責任感及工作態度都有問題,我唔可以話係你令佢咁,而係佢咁o既態度都可以做完個約,咁當然去到下一個family亦有機會繼續,而且佢自己咁差o既工作態度,都可以令ex employer曾經考慮用錢用時間用眼淚去"唉"佢返轉頭,佢重有需要"改過"嗎??
你可以做o既,當然係嘗試聯絡新employer,唔好一心諗住去將往事拆穿,佢都總有少少優點吧(當然見你提到都唔少缺點),咪將工人平時有咩要多加留意o既事提醒吓佢,等佢可以跟個工人跟得足d囉!雖然某d工人本質係特差,但有時employer都有一定責任,你唔去教唔去理,明知佢錯由佢錯,咁當然越變越衰啦!或者新employer經你提醒後,佢有佢辦法去教呢~
私人傳訊

tsunmom


複式洋房

積分: 310


74#
發表於 08-7-22 23:31 |只看該作者
Hazel媽媽, you said, "
另其實心裡還有件事，但不知在這個情況下，我是否應該去做……
我是否應該拆穿她呢？是關於那位舊姐姐與新太太的事…唉
不知如何是好…因為…我知道…舊姐姐對新太太其實有所欺騙……"

It is depending how serious it is.
1) the new employer will think that you are going to distrub her and to say some bad side of her new maid, because you cannot get her back.
2) however, you should remind her what is the problem of her new maid. This is all you can do.

It is good to learn that you are feeling better now.
Spend more time with your girl.



原文章由 Hazel媽媽 於 08-7-22 22:53 發表
謝謝鼓勵

下回…
因為睇完大家的留言及經歷同時亦跟多位朋友傾訴，我終於諗返自己的原意（其實同時因為舊姐姐哩幾日ｏ既表現，自己知道再用佢，都只係會得個嬲字，無錯今日中午餐飯囡囡係食得好好，因為係舊姐姐餵佢，但姐姐ｏ既表現， ...
私人傳訊

Hazel媽媽


複式洋房

積分: 238


73#
發表於 08-7-22 23:00 |只看該作者
原文章由 亞薯 於 08-7-22 17:30 發表
Hazel 媽媽,

其實我擔心你嘅情緒問題, 多過擔心你同女女無咗舊姐姐唔得.

你要留意吓你自已啦, 再咁落去我驚你有抑鬱呀! 你唔好再鑽牛角尖啦!

其實囡囡唔食飯一、兩餐無問題架, 佢肚仔餓自然就會食嘢架啦, 你心 ...


你講得好啱，我唔會再咁架啦，係我自己情緒問題，攪到睇每樣事物都好差，我想得很清楚了，亦從迷失中找回當初的目的，是我因一時之不習慣而求一個工人返嚟，幸好的是未成事實，若然真的換了回來，我想日後的日子便會更慘，亦幸好未曾花出一分一文 姐姐一定要換，我一定會勞力的
私人傳訊

Hazel媽媽


複式洋房

積分: 238


72#
發表於 08-7-22 22:53 |只看該作者
謝謝鼓勵

下回…
因為睇完大家的留言及經歷同時亦跟多位朋友傾訴，我終於諗返自己的原意（其實同時因為舊姐姐哩幾日ｏ既表現，自己知道再用佢，都只係會得個嬲字，無錯今日中午餐飯囡囡係食得好好，因為係舊姐姐餵佢，但姐姐ｏ既表現，真的亦令我想清楚自己的要求）
姐姐ｏ既無禮貌真的影響了囡囡，囡囡見到人唔會打招呼，別人叫她，她不會理會，亦因姐姐與囡囡玩時，只是給她玩具或看電視，所以不能認真的從玩具中學習，亦因太長時間看電視，而令雙眼好像有鈄視，姐姐只是想掙取時間send sms，講電話，還會餵奶時訓著（我親眼見，她還回應我沒有，但當時她雙眼已很紅，還可堅持沒有，只是看著地下，還說是我的錯覺，然後還黑面），更甚的是姐姐沒有危機意識，所有事都用”得啦，有睇住架啦，邊有事”但囡囡有兩次就因為的輕視下撞得很傷，在她暗訓覺是撞到眼（爆了微線血管）及撞到個頭”串”了流血，又瘀又腫，鼻也撞到流鼻血…這些也只是部份．．
舊姐姐為人真的很smart，很聰明，很多事情我一講就已經明白，但…她亦因聰明而變得懶惰，因為聰明而自視過高，因為聰明而學懂”大話”
你們說得對，是我找了藉口給自己，不習慣的是我，因為習慣了她在家，習慣了一切的事，不想再重新開始。
我己找清方向，我不換她，我才是對一個壞媽媽，一個對女兒不起的媽媽，一個害了女兒的媽媽…

我會積極些，但…我想我還需要多點時間去適應…或者短時間內，我還會有所起伏，但我已了解自己的方向

另其實心裡還有件事，但不知在這個情況下，我是否應該去做……
我是否應該拆穿她呢？是關於那位舊姐姐與新太太的事…唉
不知如何是好…因為…我知道…舊姐姐對新太太其實有所欺騙……
私人傳訊

nattyma


複式洋房

積分: 309


71#
發表於 08-7-22 20:39 |只看該作者
原文章由 Hazel媽媽 於 08-7-22 20:04 發表
Thank You各位媽媽，
我心情好點了，想認真的回覆一下

首先：真的很感激，因為你們的一字一句，真的打醒了我的心，真的，我真的接受你們的意見…tks

我一遇到問題，就不想面對，”只會懷念之前的日子，若然不是這樣…現在就不會……”， ...


Hazelma,
Good to hear that you feel better. Think of the bright side, you are a full time mom and you have all the time to accompany your lovely girl and teach her the right attitude when facing any change.
Anyway, forget the old , be ready for the new. Good Luck
私人傳訊

Hazel媽媽


複式洋房

積分: 238


70#
發表於 08-7-22 20:04 |只看該作者
Thank You各位媽媽，
我心情好點了，想認真的回覆一下

首先：真的很感激，因為你們的一字一句，真的打醒了我的心，真的，我真的接受你們的意見…tks

我一遇到問題，就不想面對，”只會懷念之前的日子，若然不是這樣…現在就不會……”，這樣令我迷失了，真的完全忘記了換人的原因，把她的重要性擴大了。

而我在這年頭起，亦己轉為全職媽媽，其實我只是把女兒的食飯﹑暗訓覺等交了給姐姐，而屋企的家務亦交了給她，我是時常在家陪囡兒的，陪她玩，亦因為囡囡以前學習進度錯，所以在做全職媽媽其間，我不斷地跟女兒說話，教她東西，她進步是多於以前的…

囡兒找我…待回再接下文…
私人傳訊


首頁
12345

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy