吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 我昨晚再給張局長的e-mail

論盡家傭今日: 1|主題: 134067

收藏本版

發帖

返回列表

跳至頁

查看: 1649 | 回覆: 21

我昨晚再給張局長的e-mail [複製鏈接]

ioi

伯爵府

積分: 16557

1^#

發表於 08-7-21 09:02 |只看該作者 |正序瀏覽 |打印

標題: 懇請審慎公平處理--暫停僱員再培訓徵款

(煩請盡快 (在公布新細節前) 轉交張建宗局長本人及入境處處長本人)

致: 張建宗局長及入境處處長

今天得悉張局長擬將暫停徵款提前於8月1日實施, 令本人深感失望, 明顯地台端並無考慮本人較早前向你提出的意見和情況. 提前實施日期至8月並不能解決不公平和漏洞的出現, 懇請台端切實了解外傭僱主的情況才下定案.

台端表示會盡快在最近幾天內公布方案的細節, 讓僱主不用那麼惆悵. 但本人卻不希望台端早率地決定細節, 相反, 本人希望台端及入境處審慎周詳地處理事件, 達至一個公平公正的方案, 讓所有在這一兩年內有請外傭的僱主能獲得公平的對待.

根據今天網上明報的引述, 閣下認為 "該措施目的是真真正正希望紓解市民面對的通脹壓力...一定以「利民便民」的出發點..." 我正正就是面對通脹壓力而連續聘用外傭三年多的市民. 而根據閣下較早前的發言, 亦承應新批出的外傭合約才獲免徵款是對 "一小撮" 僱主 (本人當然不認同是一小撮) 不公平, 既然存在不公平, 即使是 "一小撮"人, 也不可以不了了之, 應正視問題.

提前一個月實施有關方案, 實對本人的個案更為不妙, 因為我兩年後的7月中轉工人, 萬一我到時發現新工人的表現甚為差勁, 我也沒有足夠的時間在2010年8月1日前挑選新工人, 簽訂新合約, 更不能在這麼短時間內便能批出visa (假設閣下的意思是2008年8月1日起至2010年8月1日前簽訂的合約或批出的visa才能享有免交徵款). 此情況下, 我便再也享用不了這 "福利", 亦即是, 我由此至終都無享用過此福利, 特首的好意與我何干? 但我卻實實在在是連續聘用外傭三年多, 並且亦會在日後繼續聘用外傭的僱主呢!!

另外, 此方案存亦在另一漏洞. 已有不少僱主表示, 暫停徵款實施後, 才換新工人, 到了2010年暫停徵款完結前, 再炒工人, 換新工人, 那麼便可享用多兩年不用交徵款的福利. 換言之, 有僱主可享用4年折實$19,200的福利, 有僱主卻一毫子福利也得不到!!! 是何等不公平的事??

本人認為現在台端的方向, 並不是考慮提前一個月與否, 而是切切實實地同期暫停所有現任外傭僱主及已簽訂新合約的僱主即將連續四期的徵款, 這做法並不用修例便可進行, 而且亦明顯地能針對特首紓解現時民困的目標!

至於退回已交徵款的方案, 台端已表明修例複雜和需時, 但其實我們這群僱主絕不介意等待較長的時間才能獲得已交徵款的退款, 為的只求公平. 相信只要閣下是一個願意承擔的局長的話, 為市民爭取公平福利, 複雜的事也會去做, 也能做到.

再次, 懇請兩位局長正視問題所在, 不要以為提前一個月便可解決問題. 香港市民對政府的信任, 全賴你們的政策是否公平公正. 假如是次政府公布的細節仍漠視我們的情況, 這只是政府迫我們做出其他更激烈的行動, 例如炒工人, 罷交徵款, 示威抗議等.

副本呈: 平機會

0 0 0

私人傳訊

ioi

伯爵府

積分: 16557

22^#

發表於 08-7-24 17:13 |只看該作者

原文章由 fatduckbb 於 08-7-24 10:12 發表
係啦!都唔知邊個諗有限期的,找工人要找到啱先請得,唔係炒一個就可以即刻找到個合適的!

另外我都有個疑問,如果期間唔想請工人,咁已比的Levy,點解唔可以拿回?

還有本人就是一個例子:
5月開始請新工人,6個炒舊工人,諗 ...

你的情況都好慘. 可惜勞福局D人太天真, 以為兩年合約由頭到尾一定好順利完成, 就算佢地宜家已經知到有你le D case, 我估佢地都只會話: "係個別情況." "只係一小撮人受影響, 對絕大部分僱主都是公平的." 佢地想掩耳盜鈴!

根本無得退回用剩的levy就係剝削, 明明無工人用但錢又要照交, 都唔知咩世界! 仲話法例規定無得退, 咁有問題, d官都唔去修例架! 如果我有辦法, 我要同外地其他國家講出香港政府咁衰嘅事, 唱衰香港呀!!

私人傳訊

winnie19992000

男爵府

積分: 6633

21^#

發表於 08-7-24 11:43 |只看該作者

SUPPORT

私人傳訊

BVmama

複式洋房

積分: 124

20^#

發表於 08-7-24 10:58 |只看該作者

有冇張建宗及入境處處長e-mail address, tks!

私人傳訊

fatduckbb

男爵府

積分: 6775

19^#

發表於 08-7-24 10:12 |只看該作者

係啦!都唔知邊個諗有限期的,找工人要找到啱先請得,唔係炒一個就可以即刻找到個合適的!

另外我都有個疑問,如果期間唔想請工人,咁已比的Levy,點解唔可以拿回?

還有本人就是一個例子:
5月開始請新工人,6個炒舊工人,諗住6月尾前可以批visa,7月新工人可到港,咁就交哂Levy,但新工人6月尾話唔來香港,我給的visa 費用($160又無得transfer or refund),加埋已給的levy費用又無得退回($2,400),因我到現在還未找到合適的工人!

無啦啦無o左差唔多三千蚊!仲未計埋agent fee ,都係多得政府!

原文章由 Sindy 於 08-7-24 01:02 發表
統計數字我就無,總之係限期前要續到約,又要做兩年,好牙煙,有好多變數.....我似我咁,由我第一個工人黎,佢唔妥,我炒左佢,跟住我都搵左四五個月先請到個似樣的........好在啱啱係限期前請到,唔係就side左之前比左既levy ...

[ 本文章最後由 fatduckbb 於 08-7-24 14:32 編輯 ]

私人傳訊

Sindy

珍珠宮

積分: 34169

好媽媽勳章

18^#

發表於 08-7-24 01:02 |只看該作者

原文章由 ioi 於 08-7-23 23:27 發表
今日同勞工及福利局局長的行政助理傾過電話, 佢話局長同埋佢地都睇過我地d信, 有開會討論我地提出的意見, 會考慮我地的情況, 佢地亦都有諗其他可行方法, 會盡快落實細後交行政會議通過.

但我問佢能否確保佢地製定的 ...

統計數字我就無,總之係限期前要續到約,又要做兩年,好牙煙,有好多變數.....我似我咁,由我第一個工人黎,佢唔妥,我炒左佢,跟住我都搵左四五個月先請到個似樣的........好在啱啱係限期前請到,唔係就side左之前比左既levy,大拿拿二千蚊架果度,如果再有機會同佢地聯絡,你可以話比佢地聽,佢地而家咁做法,係四五六月簽既約,好大機會有好多人會break contract再請過,條數仲化算,同埋佢跟本唔可以即時舒解唔到我地既困難,我啱啱簽完後,最快都要兩年(即10年七月)先可以免收兩年,兩年後大家都唔知咩事啦,可能經濟好返都未定

私人傳訊

ioi

伯爵府

積分: 16557

17^#

發表於 08-7-23 23:27 |只看該作者

今日同勞工及福利局局長的行政助理傾過電話, 佢話局長同埋佢地都睇過我地d信, 有開會討論我地提出的意見, 會考慮我地的情況, 佢地亦都有諗其他可行方法, 會盡快落實細後交行政會議通過.

但我問佢能否確保佢地製定的細節有顧及我地的情況和公平的原則, 才提交上行政會議, 佢就話提交上行政會議前都唔方便透露俾我知... 所以我仍然好擔心佢地根本就無顧全所有僱主利益, 求其交左d野俾行政會議, 到時行政會議通常又會照批, 咁就大鑊.

但係原來佢地諗野真係好單純, 佢以為外傭合約係簽兩年, 於是即使我係遲到2010年7月中才簽新約/續約, 仍然能有兩年免交徵款...

但我同佢講, 好似我上一個工人咁, 佢實牙實齒話會做多兩年, 於是同佢續約, 我仲對佢好好, 完第一張約放假返印尼時, 出左國泰機票俾佢, 就佢轉內陸機時間, 免得要佢在機場過夜... 點知續約後四個月, 佢突然要辭職, 話個仔無人湊, 要返印尼湊番自己個仔...

我話請工人有太多野預計唔到, 可能係工人表現差到忍無可忍要換, 又可能係工人自己要辭職, 咁如果le D情況發生在我2010年7月中果份新約, 咁之後過左兩年期限, 我咪無得免交徵款...

佢聽完之後, 都係答我話佢地宜家知道有好多唔同嘅情況, 佢地都會考慮多左... 但我心諗, 佢可能又覺得我le D係個別情況, 佢可能會以為好少僱主遇到咁嘅情況, 只係一小撮僱主...

我諗廿幾萬僱主之中, 段估分分鐘都有1/3僱主係唔能夠順利完成一份兩年合約的. 至少我親戚朋友中, 都有唔係僱主炒工人, 就係工人炒僱主的情況. 你地話係唔係? 唔知有無le方面嘅統計數字呢?

私人傳訊

mr_kwy

複式洋房

積分: 490

16^#

發表於 08-7-23 00:12 |只看該作者

回覆 #14 ioi 的文章

FULLY SUPPORT!!!!!!!!
不公平!!!!!!!!!!WHY可以這樣

私人傳訊

Sindy

珍珠宮

積分: 34169

好媽媽勳章

15^#

發表於 08-7-23 00:05 |只看該作者

佢而家提前一個月實施,咪即係叫我即比一個月通知我現有六月時簽既工人.............我比埋機票,再新請一個既費用( 1500 + 1000)......都係二千五,減返九千六..........我仲有七千一蚊.........夠我去旅行囉,仲有一個月唔駛用工人,又慳返三千八百六十......少左一個用工人對我黎講唔係咁大影響...........長期無工人執野就有問題啫,最多請個本地鐘點,都係一二千蚊.........

個政府做一樣野白痴,補鑊做既野仲白痴

私人傳訊

ioi

伯爵府

積分: 16557

14^#

發表於 08-7-22 23:52 |只看該作者

勞工及福利局的初步回覆

由於昨天張局長已倉卒地決定提前一個月實施暫停徵款, 但根本對我們一群剛請了新工人的完全無幫助, 甚至有更壞的影響, 似乎我的電郵佢完全無睇過, 意見繼續被漠視, 於是今早我直接聯絡張局長的秘書, 重發電郵俾佢, 並講明我想約見張局長直接對話... 在晚上9點幾收到電郵回覆如下:

X小姐:
張建宗局長感謝您電郵所指出的問題和提出的意見.他與勞工及福利局的同事現正詳細考慮您及其他人士的意見,並會在行政會議批准措施後公布詳情.
勞工及福利局局長政務助理
XXX

明顯地繼續耍我地, 唔願意直接對話! 到時詳情公布後, 仲有得轉彎咩?!

私人傳訊

CreativeAccount

別墅

積分: 663

13^#

發表於 08-7-21 11:31 |只看該作者

回覆 #12 ioi 的文章

很欣慶終於有那麼多外傭僱主站出來!

我相信send 到ce office 已經作用不大, 內容他們看了一次便算, 但站政治角度, 外傭工會聲音與勢力非常強橫, 首先, 今次事件, 外傭工會已表示與政府約了時間, 洽談今次的影嚮..

我想問大家, 我們外傭僱主有代表, 與政治相約洽談嗎?

這已經證明, 政府重視那把聲音, 取決於該群體, 對他們有否實質壓力!

我們, 只是用email, 是無聲的抗議

但他們, 外傭團體, 一個不對便聯合星期日上街, 你們班姐姐放假都係出去見鄉里, 去遊行也好, 行街也好, 坐在中環野餐亦好, 只是一樣...

但他們去遊行, 大規模遊行, 這給政府壓力, 比全港一人send 一封email 大... 因為email 是沒統計數字, 但遊行一定有!!

政府一個不小心, 還弄出一個外交風波... 所以我們仍只用email, 未免太過薄弱了..

這亦是我們另一良機, 現國家攪奧運如火如荼, 北大人下達一切要穩定為上, 如現在不上街, 何時才去?

再加上九月立法會, 各政黨爭取支持, 很多候選人都樂意在這時候攪攪政治show, 以增強自己政治籌碼!

我們繼外傭稅完全退回已簽約的僱主外, 應該再想一想, 是否要再為我們的公平公義再下一城, 爭取獨立外傭條例!!

良機一逝, 大家以後行事便"事倍功半"了!