吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 在職媽媽,你地bb點對你地架?

在職全職今日: 1|主題: 48014

收藏本版

發帖

返回列表

跳至頁

查看: 1841 | 回覆: 23

[在職媽媽] 在職媽媽,你地bb點對你地架? [複製鏈接]

pigleg薑

別墅

積分: 795

1^#

發表於 08-7-23 18:50 |只看該作者 |正序瀏覽 |打印

由於我要返工,一路已嚟bb都係交比我媽咪照顧.但係唔知點解我個女唔係好痴我~佢已經當正婆婆係媽咪~我都明白婆婆比我付出嘅時間多...但係個個在職媽媽都係咁架啦!點解我會咁架?

[ 本文章最後由 pigleg薑於 08-7-23 18:51 編輯 ]

0 0 0

私人傳訊

cool_BB

大宅

積分: 3831

24^#

發表於 08-7-28 00:21 |只看該作者

講得無錯呀！有付出至會有收獲......
以前都係我奶奶日頭幫我湊囡囡，放工、放假我都會堅持自己湊番(因為我同奶奶住得近)，雖然係辛苦，但我覺得生得佢出係有責任去照顧佢，囡囡每次見到我都會好開心…
記得囡囡未夠6個月大嘅時候，因為奶奶某啲說話激嬲咗我(又係啲乜嘢痴嫲嫲、搽啲乜嘢係個身度等囡囡痴佢多啲....一大堆令我反感嘅說話)，我嬲得滯幾日都無見個囡，無係我奶奶面前出現，跟住星期六放工後去接個囡，個囡本來瞓緊覺(唔知係咪聞到我陣味)，就碌大對眼望住我，之後就係咁喊，好似係度投訴我點解咁耐都唔見佢咁，要我抱住佢至收聲、笑番......自從嗰次之後我就同自己講，幾嬲幾唔鍾意我奶奶都好，都要去見個囡同帶佢走…
加上奶奶近排突然話唔幫我湊要出去返工，我就更加煩，煩個囡比邊個湊，兩公婆又唔係搵得多，個囡又要開始返學.....由6月開始囡囡就暫時交比家姐湊，我放工後再湊番佢返屋企，其實囡囡都好辛苦....不過真係無辦法之下至咁做，雖然佢唔聽話我都會打佢、鬧佢，但囡囡反而仲更加痴我(真係痴到命都無)，不過而家見親嫲嫲都唔比佢抱、又唔叫佢，所以唔好以為小朋友會盲目去聽嘢，其實佢哋最清楚邊個係真心錫佢…自己對佢付出嘅愛，BB係會知道架！！

原文章由 dickielam 於 08-7-24 15:18 發表
唔好激氣, 有付出才有收獲, 我老公以前都係咁, 最叻叫亞仔同佢一齊瞓, 而家佢想亞仔同佢玩, 亞仔都唔多理佢, 反而狂痴我, 要我同佢玩, 當然係由細到大, 除了返工外, 全程都係我湊, 所以到而家7歲仔, 都係樣樣野要搵 ...

私人傳訊

winnie_218

大宅

積分: 1800

23^#

發表於 08-7-26 12:48 |只看該作者

我個仔仔唔係架, 佢好鍾意同我同爸爸玩架, 唔係, 嚴格黎講, 係鍾意玩我地

佢係俾保母湊, 每朝都係我帶佢去保母度, 然後番工, 放工就去湊番佢, 日日都係架, 雖然佢都係"痴"保母, but見到我地就會跟番我地架喇

Love You Baby

私人傳訊

PeggyTsui

大宅

積分: 4764

22^#

發表於 08-7-26 09:41 |只看該作者

我個時間表同你差唔多!不過我呀女依家9個幾月,未有功課要睇,亦未識打比我!但係我希望盡可能陪佢多啲,希望佢會明白做媽媽既苦心啦!

原文章由 Austin 於 08-7-24 12:00 PM 發表
我個仔係比工人湊,但我每日都會一放工第一時間回家(7:00pm)我衫都唔換就幫呀仔沖涼,沖完涼就即刻教佢做工課,做完工課就餵佢食飯,然後一齊睇電視,睡覺前講故仔比佢聽,每晚一齊睡,我個仔每日都打電話比我話好掛住我.我 ...

私人傳訊

kwan1008

複式洋房

積分: 159

21^#

發表於 08-7-25 17:10 |只看該作者

我BB傑傑豬好鍚我同傑傑pa, 我地一放工返到去佢就笑晒, 好開心, 如果我地加班夜返, 佢又會捱眼訓等我地返去架~~ 真係我地既心肝寶貝!

我地都好鍾意同佢唱歌歌, 跳舞仔~~bb好開心, 笑得好sweet~~

Baby Alphaland 優質日本/外貿童裝兒童店由傑傑Mum同傑傑Pa為傑傑豬用心經營既小店，請按"個人網頁"參觀!多謝支持!

私人傳訊

KT0603

禁止訪問

積分: 102652

20^#

發表於 08-7-25 15:20 |只看該作者

提示: 作者被禁止或刪除內容自動屏蔽

私人傳訊

小肥猪

大宅

積分: 3829

19^#

發表於 08-7-25 14:41 |只看該作者

我個囡好痴嫲嫲, 第二先係我, 但我冇唔開心, 因為嫲嫲真係好錫佢, 又有心機耐性. 囡囡大個都會叫佢要孝順嫲嫲!

私人傳訊

niu

男爵府

積分: 7468

18^#

發表於 08-7-25 12:21 |只看該作者

我嗰個係婆婆湊，阿仔會將我排第二，有時我阿媽都會講啲類似嘅嘢，我都好唔開心，但實在無能力自己湊．．．

有時我諗，佢有無我呢個媽媽都無所謂，只要有婆婆．．．

原文章由 nicolwong 於 08-7-24 15:15 發表
我個仔就嫲嫲湊,佢好痴阿嫲.
甚至有時情願畀阿嫲抱,都唔走黎搵我抱.
見到,個心真係好唔舒服.

有時阿仔不過你爬去嫲嫲附近攞玩具玩,
阿嫲都即刻自以為個孫爬去去到.
"又黎嫲嫲到呀!?你做咩成日痴住嫲嫲呀??無左嫲嫲 ...

私人傳訊

不悔

洋房

積分: 47

17^#

發表於 08-7-24 16:04 |只看該作者

我都係有印嫞姐姐,我每日放工會同我個仔(現在3歲)獨處,傾下玩下,星期6&日都係family day,所以到而家都勁痴我......

私人傳訊

elsamumu

大宅

積分: 4815

16^#

發表於 08-7-24 15:54 |只看該作者

我有大女9yr,細仔5yr,兩個細個都是婆婆湊日間,晚間自已湊,返學由幼兒班已是全日,現在都是痴我
因為我放工/放假後全部時間給他們,陪玩,教功課,接送所有課外活動, 自己沒有私人時間
晚間可以不看電視最好, 但要父母一起不看電視, 除了新聞 ( 我知很困難 )
現在我大女時常要求我睡前說故事
小朋友是十分清楚誰人錫他們, 多放時間,心機在小朋友, 他們會知道的

私人傳訊

dickielam

大宅

積分: 1607

15^#

發表於 08-7-24 15:18 |只看該作者

唔好激氣, 有付出才有收獲, 我老公以前都係咁, 最叻叫亞仔同佢一齊瞓, 而家佢想亞仔同佢玩, 亞仔都唔多理佢, 反而狂痴我, 要我同佢玩, 當然係由細到大, 除了返工外, 全程都係我湊, 所以到而家7歲仔, 都係樣樣野要搵亞媽, 佢話第一位係媽咪, 第二位係爺爺 --當然62都係由細陪佢玩大, 係62教佢學行, 所以佢先咁痴佢咋, 第三係嫲嫲 (嫲嫲湊到2歲開始返學), 爸爸排最尾.

原文章由 PeggyTsui 於 08-7-24 09:22 發表
我放工都唔停咁同佢玩,仲攰過返工架!但係我又係好似你甘冧,想佢跟你多啲,咪成日响佢面前出現囉!但係爸爸開住部電視目不轉睛,有時激死我呀!

私人傳訊

nicolwong

男爵府

積分: 9774

14^#

發表於 08-7-24 15:15 |只看該作者

我個仔就嫲嫲湊,佢好痴阿嫲.
甚至有時情願畀阿嫲抱,都唔走黎搵我抱.
見到,個心真係好唔舒服.

有時阿仔不過你爬去嫲嫲附近攞玩具玩,
阿嫲都即刻自以為個孫爬去去到.
"又黎嫲嫲到呀!?你做咩成日痴住嫲嫲呀??無左嫲嫲唔得咩??"個樣係甜到野,我好開心.

有次仲係我地面前講,
"到時唔好咩都聽晒媽咪講呀!唔好愚孝呀!"

我頂!!!!乜我咁衰既咩???!!!!!!!

我個仔細個,你講埋d咁既野????
成日對住我個仔講:"叫嫲嫲呀!嫲.......!!!嫲.........!!"

見到我望住,就會扮晒野.
"叫媽咪啦!媽.............咪............"

我知依家成日要麻煩佢幫我湊仔,
佢無晒自由.成日係兩個女面前有意無意話,
去唔到旅行,想去邊去邊咁.
大佬呀!!我地兩公婆,唔係搵好多錢架!
我已經好對唔住阿媽,成半年無畀家用喇!!

對唔住,離左題!!

總之,我個仔成日蝦我,餵佢食飯時,佢就成日扭計.

做一個c9唔係易事.

私人傳訊

nicolwong

男爵府

積分: 9774

13^#

發表於 08-7-24 15:06 |只看該作者

我個死佬又係呀!!!

原文章由 PeggyTsui 於 08-7-24 09:22 發表
我放工都唔停咁同佢玩,仲攰過返工架!但係我又係好似你甘冧,想佢跟你多啲,咪成日响佢面前出現囉!但係爸爸開住部電視目不轉睛,有時激死我呀!

做一個c9唔係易事.

私人傳訊

sasa0208

象牙宮

積分: 248024

母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 15週年勳章親子王國15週年勳章 2018復活節勳章 2018母親節勳章 2018父親節勳章 FUN享自然‧郊遊一夏親子探索遊玩具勳章畀面勳章叻叻勳章有「營」勳章趣教勳章好媽媽勳章醒目開學勳章環保接龍勳章遊學勳章 BK猜猜猜慶中秋冬日勳章春季勳章炎夏勳章秋日勳章 BK Milk勳章 hashtag旅遊勳章 hashtag影視迷勳章育兒性格勳章認識瑞士牛牛第一回認識瑞士牛牛第二回認識瑞士牛牛第三回最關心BB問題熱投勳章美好大世界2017勳章開心吸收勳章食得好勳章瞓得好勳章 HiPP勳章(1) HiPP勳章(2)

12^#

發表於 08-7-24 14:22 |只看該作者

我個囡係眼訓先痴婆婆，其他時間痴其他玩伴多。至於痴唔痴我呢？都算痴掛。

私人傳訊

FlyCatcher

男爵府

積分: 5391

11^#

發表於 08-7-24 13:49 |只看該作者

我亞女係印印湊。但佢都係鐘意爸爸媽媽多Ｄ

私人傳訊

Doraemon_ng

伯爵府

積分: 16277

好媽媽勳章

10^#

發表於 08-7-24 13:39 |只看該作者

我兩個小朋友都返學. 大囡返幼兒院, 細囝返育嬰院, 早上, 我與嫲嫲一人帶一個返學, 放學, 就嫲嫲接晒....
但我兩小朋友, 個個都會跟.....
要食 - 痴嫲嫲
要屎尿 - 痴媽咪
洗奶樽 - 痴爸爸.
玩都一樣, 每樣遊戲, 都會指定跟某人玩.
所以, 我都唔知佢地係痴邊個多d

私人傳訊

Austin

洋房

積分: 148

9^#

發表於 08-7-24 12:00 |只看該作者

我個仔係比工人湊,但我每日都會一放工第一時間回家(7:00pm)我衫都唔換就幫呀仔沖涼,沖完涼就即刻教佢做工課,做完工課就餵佢食飯,然後一齊睇電視,睡覺前講故仔比佢聽,每晚一齊睡,我個仔每日都打電話比我話好掛住我.我覺得佢對我100分

私人傳訊

CYK

大宅

積分: 4240

8^#

發表於 08-7-24 11:26 |只看該作者

我返工就帶工人去奶奶家湊BB,食完晚飯回自己家,我同BB沖涼/餵奶/"暗"睡覺/湊夜晚/餵早奶+換片(BB在15個月大時才介夜奶,是半夜4am那支呀,現在早奶6am),放假自己帶BB出街,有時餵埋中午飯仔,換片(有時我會同BB用尿布,因為工人唔識用)...

我個囡現在都幾痴我,不過,又要睇緣份,我老公只需花少少時間同個囡玩,個囡反而痴我老公多過我...:;pppp:

私人傳訊

chanwendy

伯爵府

積分: 16931

7^#

發表於 08-7-24 10:31 |只看該作者

我囡日頭比婆婆照顧, 我收工會去婆婆度食飯同帶返佢返屋企, 亞囡都知道我要返工佢就要去婆婆, 食完晚飯就會跟我返屋企, 所以有時我食完飯坐喺度睇陣電視, 睇得耐咗少少, 佢就會嚟拖我隻手話返屋企, 仲拎埋比我著. 而且我每朝返工前帶佢交比婆婆時, 我都會話佢知我係去返工工, 賺錢錢比佢返學校讀書書. 哈哈, 我仲無聊咁教佢同我講 "奸巴爹, 返工比心機, 今晚早啲返" 添.