夫婦情感

收藏本版
發帖
返回列表
跳至頁

首頁
12

尾頁
   0
c奶仔


民房

積分: 5


1#
發表於 08-7-30 19:54 |只看該作者
我結左婚兩年 結婚果陣幾急幾趕 乜都係其求就算(本來連擺酒我都唔想) 不過係99主動要求擺酒 重出埋錢訂左酒席先通知我地....咁當然 人情梗係比返佢找數啦 本身係佢ge野我地點可以拎呢 但其實男家果邊既女性親戚(某幾個)已經成日話我地窮就唔好結婚又乜又物(我地本來諗住齋註冊乜都唔搞申請公屋就算) d花神野全部都係佢地要搞 之後就話我地多舊魚冇果樣整果樣....

之前已經講明左婚後會搬出去住 大家都話冇問題重話好添 但婚後 老公d親戚就成日打黎暗示叫我搬返去住 叫我勸我老公搬返去住 有時又問係咪我自己一個唔想返去

無耐 我養左狗 老公收入都ok 佢亦都決定不如唔好申請公屋 我地可以養下狗仔 點知比d親戚知我地養狗 又打黎同我講 做乜養狗(佢地冇打過比我老公咖) 又話養狗好多餘 又晒錢 點解唔養個bb 之後又話養bb要錢都係唔好 兩個搬返去住就最好.....

每次返去食飯 我都會特登去買送 諗住大家開開心心食餐飯 每次佢堆親戚都會上埋黎食 之後厭少送(我都唔知佢地會黎咖 又唔講聲 已經10送一湯咖啦....) 又話d送同出面食果d差好遠(我唔係大廚級黎咖....) 都唔緊要啦 我唔駁咀 佢地都會講到冇癮 老公有時都會幫下口 不過只會比佢地話埋一份 99都會幫口佢地先會收聲

一直以為只有d親戚先又多事又煩又鍾意屈人(佢地成日話我教壞我老公 搞到舍老公唔肯搬返去住 好不孝wo) 我一直都覺得6299對我幾好 我亦都知佢地好錫我老公 好關心佢好緊張佢 有時係過份緊張添 每日打黎叫老公起身返工 每幾日就問下老公出糧未 夠唔夠使 食得飽唔飽果d 我明白做父母既心情雖然我唔係人地父母

直到最近....我爸爸同我講 我將來有一日真係老左冇工做 你會唔會養我? 其實呢個根本唔係問題 我一直都有叫爸爸搬埋黎同我住 我老公都唔介意 因為我爸爸係自己一個住咖 我都怕佢老左我住得遠冇個照應....點知我爸爸同我講 你老公爭佢阿媽十幾廿萬 你兩公婆點養多我一個....

我聽完真係嚇一嚇.....冇啦啦點解會差99十幾廿萬... 我爸爸話 我地初初結婚冇耐 99打過比我爸爸 同我爸爸講 個仔搞結婚用左佢十幾廿萬 到而家都未還過一蚊....有個老婆唔要老母 咁話wo....

我聽完我爸爸咁講真係好唔開心 我知當初擺酒係佢出錢 佢咁講唔係冇道理 但係人情果d全數比返晒佢找數 當晚找完數佢重同我地講 剩左成萬蚊 開頭佢有話比我地係租樓果方面用左呢d錢 但我地冇要到 因為擺酒係佢出錢所以d錢應該佢袋....但問題係 當初我地話左唔想擺酒 係99自己訂晒酒席先通知我地一聲咋....點解倒頭來重要特登同我爸爸講我地差緊佢十幾廿萬唔還

我有同老公講過呢件事 不過佢話佢阿媽唔會係呢d人 其實就算係以前佢d親戚明踩暗串我果陣 我老公都會話佢地係講笑 冇心 我明白佢地係親戚係家人 冇人會想自己家人比人講閒話...咁我呢 我唔係佢老婆咩?老婆唔係家人咩?我比佢地話果陣點解佢就話佢地係講笑 我話d親戚一句都唔得?佢就要發我脾氣話我小氣

搬屋買家私果陣 老公冇信用卡 所以叫左我爸爸簽卡 每個月比返錢佢 不過到今日佢都未比過1蚊我爸爸 每次我同佢講 佢就話唔記得 下次出糧即刻比(呢句聽左一年啦我) 每次再講佢就話我煩 話我剩係顧自己個爸爸唔理佢屋企人感受 又話佢屋企人多我屋企人少 比都應該比錢佢屋企人先 個問題係當初係佢叫我爸爸簽卡比錢佢會每個月比返錢我爸爸 呢個係承諾問題 唔係筆錢多定少應該比家用比邊個先既問題....

有時我爸爸都會私底下同我講 點解我做人阿爸要貼大床比人地個仔娶自己個女....我真係好唔開心

99一直扮晒好人 原來一直都覺得我地欠緊佢錢 等緊我地還錢 我爸爸成日都話 家私果度其實唔係多錢 當送比我地結婚既禮物都得 不過當初就唔好同佢講會還就ok

大家都係人父母姐 點解我爸爸可以咁大方 人地個媽咪就可以咁對我地 每次講親呢d野 我老公又即刻幫住99咖啦 我成日都同老公講 我唔會迫你將我同99作出比較邊個重要d 但就唔好將我係你心入面既地位擺到一文不值 將99既地位擺上台神去拜

孝順仔真係唔知係好東西定係爛東西.....
私人傳訊

littlefatc9


大宅

積分: 4170


23#
發表於 08-8-1 09:58 |只看該作者
其實你結左婚2年都無做野無收入
更怎係老公收入都唔係鬆動
你男家o個邊既思想應該係你"坐食老公"

我諗要保住尊嚴先保住經濟能力
自己有收入好重要
人地點對你你無得選擇
但如果連老公都唔企你o個邊就要保護自己
私人傳訊

E@V


大宅

積分: 1312


22#
發表於 08-8-1 09:52 |只看該作者
樓主,

個d 無理關係的親戚, 真係睬佢地都儍喇! 真係無必要為佢地同你老公鬧交!!

我係你, 我會問99, 佢係未覺得你地爭佢十幾萬擺酒費, 如果佢話係, 就問佢人情係未cover 唔到..如果佢話無咁的事, 唔該叫佢收聲..唔好俾說話你屋企人聽!

同埋, 樓主, 我覺得長遠你真係要搵份工, 一來多d 閒錢, 二來你俾錢屋企, 唔駛下下問你老公..

你老公好明顯放佢地屋企人係第一位, 你要佢還錢/俾錢你屋企, 根本難過登天!
私人傳訊

c奶仔


民房

積分: 5


21#
發表於 08-8-1 09:30 |只看該作者
其實我有同老公講過 父母係要孝順 但親戚有冇呢個必要?親戚頂多係需要尊重 而唔係要我去孝順佢地 更加唔係變將我成目標比佢地當是非拎我出黎數

記得有個女親戚 口口聲聲話自己99對佢唔好 佢亦都唔會比面個99 但就下下話我應該對自己個99好 應該點點點 要點點點 梗係啦 佢個99唔係同佢有親 但我個99同佢有親丫嘛

d親戚打黎 我每次都話唔得閒咖 每次都比佢地話 你又唔使做有咩咁唔得閒 就算真係唔得閒 傾一陣係咪都唔得?我話晒都係長輩......用呢d說話黎撻我 老公成日話算啦佢地想關心你之嘛 應酬下佢地就得啦 講說話單打叫關心我?佢有佢地講我講乜都話唔信 呢d叫傾計咩 似教訓我多d 佢地次次鬧得直左就話我地當你係家人關心你咋 (鬧我唔搬返去要99掛心係我錯 鬧我少返去食飯少見佢地 又係我錯 兩公婆唔返去食飯就得一個人錯)

老公永遠真係聽佢地口講所謂既"關心我" 話我自己誤會人地意思 話我小氣 人地係我面前就講到咁白 我真係唔知自己可以誤會佢地d乜 係我老公面前就話只係想關心我

最記得果次佢親戚sms send黎鬧我果次 我真係好嬲好嬲 個親戚死口話自send錯 我唔明點解8個no都可以打錯 打中去我手提 內容同我完全有關係 隔左兩日 99打比我同我道歉 話個親戚係冇心 佢代個親戚同我道歉 講真我點會怪99 根本唔關佢事 點知果晚老公返黎就鬧我 話我點解要佢阿媽同我道歉 話我好不敬 我根本冇要求佢同我道歉 亦都唔係我主動搵99咖....(件事邊個同佢講 個版本係點樣 估都估到)

好多次同老公嘈交 唔係為左99就係為左d親戚一係就因為我想返工 永遠嘈交都係呢幾樣野...我好明白 99係佢至親 咁唔通我係外人呀?我自知同99地位冇得比 但d親戚呢 點解佢地係我老公眼中既地位都好似高我好多咁 佢娶我黎為乜 哩係屋企家頭細務 每晚等佢放工返黎食個飯 佢返工時我負責應酬親戚 口口聲聲會比幸福我 會比家庭溫暖我 除左比左好多無形壓力我 我真係感受唔到d乜

每次佢果邊d人都話剩係我一個唔肯搬返去同住 我每次都問老公 你自己真係想搬返去ge 我會同你一齊搬返去 佢每次答我都係同一個答案 我真係唔鍾意搬返去住 但每次d親戚都同我講 佢口講唔鍾意但我地知唔係咖佢好想搬返去咖 佢地點知我老公心入面係點諗 雖然佢地相處多年(但唔係每日) 我同老公每日相處 雖然只有2年 但係 老公由頭到尾由始到終都係同我講好想結婚之後搬出去住 好想唔使成日比人煩 d親戚永遠就將佢地d以為同覺得當係真實(就係呢樣野我老公自己都好唔鍾意)所以老公先唔鍾意搬返去住 佢d親戚真係當自己大晒咁......

[ 本文章最後由 c奶仔 於 08-8-1 09:32 編輯 ]

私人傳訊

bigbigfamily


男爵府

積分: 5656


20#
發表於 08-8-1 08:28 |只看該作者
System error, duplicated!
I love my hubby and my boy. XOXOXO

私人傳訊

bigbigfamily


男爵府

積分: 5656


19#
發表於 08-8-1 08:26 |只看該作者
孝順好緊要, a must ! 但千其唔可以愚孝 .
I love my hubby and my boy. XOXOXO

私人傳訊

alphabetagamma


珊瑚宮

積分: 108855

環保接龍勳章


18#
發表於 08-7-31 18:39 |只看該作者
可能你就係唔夠堅定. 我大條道理要養自己父母的人. 如果我老公好似你老公咁, 我會擰掉他的頭. 我會堅持囉. 我亦都唔會怪佢錫佢父母.

至於你99, 最重要你爸爸唔好受氣, 下次改電話唔好話佢知. 仲有, 你知無欠佢就得, 唔洗理佢背後點唱你.

你d親戚先至係多舊魚. 我老公教我教得好好, 但這句真係好刻薄, 但係真係好想你開心返同以后都唔俾d衰人影響你, 我一定要講出來: "d乞衣話你係乞衣, 有必要聽入耳嗎? 痴的人話你痴的, 你會在意嗎?"
點解我老公要開解我呢? 因為我有個阿姨, 好鍾意話我, 要我回家陪奶奶住, 又話做咩要買多層樓(我心想人地d事, 點解要管人? 點解佢自己同99又唔同住, 又要多口講衰人? 仲要我同99好好的. 佢自己同99打晒交咁滯). 佢揀直係變態. 佢仲要係d親戚面前係我背後, 係咁同人講我地兩公婆怪, 又話我老公唔掂, 又話我同99反了面. 搞到阿公打電話鬧我阿媽, 話我有問題, 最后阿公都知佢搞事. 我現在發覺佢好假, 成日扮好, 跟手就又斷章取義講是非. 而佢又好鍾意係我面前講其他人是非, 我好lucky自己唔鍾意講是非, 所以佢就係我身上八唔到野.
總之, 依類人, 我對佢地有免疫力, 佢地點講, 我會小一忽肉咩?? 我條氣唔順, 咁就中左佢計.
仲有老公話, 其實這反映佢好唔開心, 不愉快, 因為幸福的人不會有這種表現.
私人傳訊

kaka427


禁止訪問

積分: 11321


17#
發表於 08-7-31 17:52 |只看該作者
提示: 作者被禁止或刪除 內容自動屏蔽
私人傳訊

tantanmama


公爵府

積分: 28711

虎到金來勳章 牛年勳章 HiPP勳章(1) 2018復活節勳章 環保接龍勳章 wyeth冷知識勳章 BK Milk勳章 DHA勳章 育兒性格勳章 開心吸收勳章


16#
發表於 08-7-31 17:27 |只看該作者
我都覺得仔女要俾家用父母, 係對佢地一點心意. 所以我覺得你應該要俾家用你父母.
我唔覺得你C6係愚孝仔, 因為佢根本都冇俾家用你6299, 佢都冇盡做仔嘅責任. 佢冇俾錢屋企, 仲欠父母十幾萬, 自知理虧, 點敢撐你啫. 佢唯一控制到嘅人係你, 因為你冇返工要靠佢養, 佢梗係禁制你話佢屋企人, 唔通同一齊話佢地咩, 佢點會煩自己呀?
你嘅問題係你冇工作, 佢d親戚一定認為係你懶靠老公養, 用晒佢d錢, 搞到家用都冇得俾6299. 你C6又經濟封鎖你, 你將來日子會好難過.呢個世界好現實, 你有錢先有發言權, 冇錢就會俾人睇唔起, 尤其是果d麻煩親戚, 真係煩到你嘔.
如果你想將來生活好d, 喺父母仔女面前有發言權, 你都係搵工做啦. 你c6唔俾就要佢每個月俾1萬你做家用同俾5千外家, 佢俾唔出, 就叫佢唔好出聲. 因為你一定要俾外家, 盡返做女嘅責任.
私人傳訊

小肥猪


大宅

積分: 3829


15#
發表於 08-7-31 16:52 |只看該作者
好簡單, 親戚少d見, 見到just　ｓａｔ hi 同 bye 就ok. 99話争佢錢, 咪話叫佢同佢仔仔講, 你話我唔理錢銀嘢, 有咪問一家之主嗽.

我99就好好, 知道我有咗, 惊我吔開支大, 唔肯收家用, 幾經辛苦先說服佢, 俾佢知我哋應付到, 我真係好感激佢咁為我哋設想.
私人傳訊

carrievic


男爵府

積分: 6943


14#
發表於 08-7-31 16:40 |只看該作者
原文章由 c奶仔 於 08-7-31 02:20 發表
我婚後都冇做野 老公唔鍾意 又話份工遠又話放得夜 一係又話返得長 總次每次搵工佢都話不如留係屋企好過啦咁辛苦為乜....有時同佢講 想儲多d錢 將來用 佢又覺得冇必要 同佢講想自己儲錢買野佢就話我買比你咪得囉 (其 ...

我都唔明點解通常都係男家有問題的......我自己都覺得女家那邊的父母都係對自己個女最好,最怕你唔夠錢用,又怕你老公對你唔好,唔知點解男家那邊成日都講錢,d親戚又麻煩......
私人傳訊

邱吉爾


等待驗證會員

積分: 506


13#
發表於 08-7-31 16:30 |只看該作者
至於嗰d親戚, 啋佢地都有味啦, 使鬼聽佢地講咁多嘢 ? 唔聽佢地電話咪得囉, 打多幾次嚟話你唔聽佢地講嘢, 你咪大大聲話唔得閒囉
私人傳訊

mrsdoh


男爵府

積分: 6107


12#
發表於 08-7-31 16:15 |只看該作者
原文章由 c奶仔 於 08-7-31 02:20 發表
我婚後都冇做野 老公唔鍾意 又話份工遠又話放得夜 一係又話返得長 總次每次搵工佢都話不如留係屋企好過啦咁辛苦為乜....有時同佢講 想儲多d錢 將來用 佢又覺得冇必要 同佢講想自己儲錢買野佢就話我買比你咪得囉 (其 ...



聽完你講你D家庭狀況
我覺得你C6好自私及大男人
你自己覺得C6親定係你父母親
如果係我, 我會唔理佢反對出去做野, 佢唔照顧你父母, 你都要照顧自己父母
一世人只可以有一個爸爸媽媽, 嚟一個細佬(我老公), 嚟一句係我姑9講架
我明佢意思, 我姑9係想講, 一世人只有一對父母, 及自己親兄弟姐妹, 但可以有幾個老婆LAW(即係我老公可以娶其它女人唔要我)
私人傳訊

邱吉爾


等待驗證會員

積分: 506


11#
發表於 08-7-31 16:08 |只看該作者
1) 你老公既然叫得外父錄咭買嘢, 又話會還比外父, 但到頭來唔還, 仲要理直氣狀嗰隻, 睇得出份人無責任感, 自私, 言而無信, 呢d男人, 信得過咩

2) 點解唔比個老婆出嚟做嘢賺錢 ? 自己好多家用比到個老婆咩 ? 明知連小小家用都無得比個外父, 又或者連自己都無多餘錢使或者儲, 都唔比個老婆出嚟做嘢儲多個錢, 呢個男人, 無遠見, 大男人, 自私, 而家未有小朋友都唔儲多個錢, 第日有小朋友, 搵咩嚟養 ?
私人傳訊

ac321


侯爵府

積分: 24705

好媽媽勳章


10#
發表於 08-7-31 15:53 |只看該作者
i.e. in those years, you (and your husband) never give 家用to your parents and 62 99??
As a son/daught, even your parents and 62 99 叫you唔好比家用, but you should give them 家用. It is your responsibility. (even they have enough $ or not)

原文章由 c奶仔 於 08-7-31 02:20 發表
我父母其實都搵得唔多 不過從來都冇叫過我比家用 只係同我講 自己夠使就好啦 我退左休搞唔掂你先幫下我啦 但佢父母 一樣叫我地唔好比家用 但會比說話我老公聽 但老公家人其實收入雖則唔係話好多 但夠用 前排佢個妹重鬧我老公 因為唔比家人 所以佢地冇錢去旅行.....我連蜜月旅行都未去過 亦冇同老公去過旅行 唔通我又走去鬧我老公咩 大家都係家人點解唔可以互相體諒下....
...
私人傳訊

ac321


侯爵府

積分: 24705

好媽媽勳章


9#
發表於 08-7-31 15:47 |只看該作者
I think that, it is not 佢爭你爸爸既傢俱碌咭費, it is 你 and 你老公爭你爸爸既傢俱碌咭費.............


原文章由 juicypig 於 08-7-31 15:44 發表
自己有能力揾錢的話, 講野都可以大聲d,,,,你老公孝順還孝順, 呢樣野你唔駛理佢, 但爸爸是你的, 你都要孝順架, 佢爭你爸爸既傢俱碌咭費唔還就衰咗d囉 ...
私人傳訊

juicypig


珍珠宮

積分: 30278

環保接龍勳章 hashtag影視迷勳章


8#
發表於 08-7-31 15:44 |只看該作者
自己有能力揾錢的話, 講野都可以大聲d,,,,你老公孝順還孝順, 呢樣野你唔駛理佢, 但爸爸是你的, 你都要孝順架, 佢爭你爸爸既傢俱碌咭費唔還就衰咗d囉
一個人之所以快樂,不是因為她擁有得多, 而是因為她計較得少
私人傳訊

coolman008


子爵府

積分: 11679


7#
發表於 08-7-31 13:16 |只看該作者
我只想講, 你c6是個大男人, 我想你應該找一份工作, 始終都要儲啲錢既!
私人傳訊

c奶仔


民房

積分: 5


6#
發表於 08-7-31 02:20 |只看該作者
我婚後都冇做野 老公唔鍾意 又話份工遠又話放得夜 一係又話返得長 總次每次搵工佢都話不如留係屋企好過啦咁辛苦為乜....有時同佢講 想儲多d錢 將來用 佢又覺得冇必要 同佢講想自己儲錢買野佢就話我買比你咪得囉 (其實佢收入岩岩好 收入=支出 佢完全唔會儲錢)

最近我開始迫佢比家用我 每個月少少 儲少少有咩事睇個醫生都係錢丫嘛...

其實孝順好愚孝好 都好過不孝 我唔係介意佢孝順 只係想佢一視同仁 我地住得幾偏僻幾遠 兩邊父母同我地都相距好遠 但我父母山長水遠入黎就冇問題 佢父母入黎就話唔想佢地咁辛苦山長水遠入黎....

佢對落有3個弟妹 有兩個出黎做野 有冇比家用我就唔知 我只係知 我有個妹 有輕度弱智 父母離左婚 爸爸自己一個住收入低 阿媽重要一直照顧個妹 我都要為自己父母諗咖 就算我搵得唔多 我養唔起晒佢地 我都應該幫輕下佢地咖 雖然我父母未退休重有份工 但將來呢 每次提到呢度 我話不如我返份工份糧當家用比晒4個父母 佢又話唔好 又呢又路 每次都講到嘈交咁

至於D親戚 之前成日打黎同我傾計 但我每講句野佢地都會話 你同你老公講法唔同我唔知你地邊個講大話WO 既然冇諗住信我就唔好問我啦 老公要呃佢地 厭佢地煩 但又唔鍾意我講佢地壞話 偏偏D親戚鍾意聽我老公D大話都唔鍾意信我D真話 老公為左唔使煩成日"呼顯"佢地 所以我同老公D內容成日都有出入....

其實我唔介意佢地唔信我 講真老公先係佢地親戚 我只係半個親戚 我明白點解佢地寧信我老公都唔信我 不過我體諒佢地 佢地從來唔體諒我 試過發燒冇去佢地度食飯 就話我唔比面 (唔通傳染比佢地之後比佢地話我好)

呢D野一直屈左係個心度兩年啦 我父母完全唔知 朋友都唔知 我算係早婚 所以身邊好多人其實都唔睇好我段婚姻(我唔係奉子成婚咖) 就連我阿媽成日都話如果老公對我唔好 就搬返阿媽度 屋企永遠會開門比我

老公其實真係好錫我 放工即刻返屋企 放假寧願陪我 婚後佢連朋友都好少搵 但一講到佢父母 就乜都假....

我父母其實都搵得唔多 不過從來都冇叫過我比家用 只係同我講 自己夠使就好啦 我退左休搞唔掂你先幫下我啦 但佢父母 一樣叫我地唔好比家用 但會比說話我老公聽 但老公家人其實收入雖則唔係話好多 但夠用 前排佢個妹重鬧我老公 因為唔比家人 所以佢地冇錢去旅行.....我連蜜月旅行都未去過 亦冇同老公去過旅行 唔通我又走去鬧我老公咩 大家都係家人點解唔可以互相體諒下....

如果真係一家人點解會有呢D事發生....
私人傳訊

ABBC


子爵府

積分: 13533


5#
發表於 08-7-31 02:11 |只看該作者
咁既情況我係你就同老公分清楚好o的喇~唔好話咩..你老公咁樣擺到明係幫住佢阿媽講野~不過呢個都係理所當然~~但係唔還錢仲講埋呢
o的咁既野我就真係頂佢唔順喇~既然係咁..留返個錢o係自己身上..俾多o的錢你爸爸...等於養左佢...等爸爸唔使擔心先喇~~至於o的三姑六婆~~你真係唔使理佢地咁多~~閒人幾名~聽完就算啦
私人傳訊


首頁
12

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見