吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我有想離婚的衝動

夫婦情感今日: 2|主題: 42770

收藏本版

發帖

返回列表

跳至頁

查看: 3715 | 回覆: 25

我有想離婚的衝動 [複製鏈接]

mrsdoh

男爵府

積分: 6107

1^#

發表於 08-8-2 01:13 |只看該作者 |正序瀏覽 |打印

我生完BB肥左20公斤, 而家係一名大肥婆
自從生完BB後, 除了肥左身體亦差左, 好容易病, 行幾個鐘就會腳痛然後病埋.
我病左C6第1句就叫我唔好黏埋BB度.OK!!佢唔講我自己都會離BB幾呎, 之後又問我點解會病.
我同C6講話生仔後身體差左, C6就話我無補到身體, 話我阿媽唔識煮野比我食.
然後又話我肥, 話唔可以食咁多野, 食7分飽就得, 又話未見過女仔好似我咁食野法, 話我嚟D食法唔係食係死撑.
話我阿媽比好大碗湯我飲.....(真攪笑, 又係佢自己話我無好好補, 而家飲大碗湯又話我肥, 話我係又食唔係又食).
生BB係會令荷爾蒙失調及産生水腫, 我同佢講, 如果我係要肥, 就算我絕食淨飲水都會肥, 我控制唔到無辦法, 根本平時我都食好少, 都唔敢食多, 要肥我都無辦法.
我好傷心, 佢口口聲聲話鬧我肥係因為怕我肥會影响健康, 其實佢根本嫌我肥身材走樣, 因為佢話如果我下次再生多件咪仲肥!!!!

佢而家嫌棄我啦

又話我唔好响我爸爸媽媽臉前話到佢咁衰又話我亂講野, 又叫我唔好用眼淚撻佢!!!!
佢講野好絕, 話如果佢有朝一日無錢, 我一定會同佢離婚, 我根本無咁樣唸過, 係佢一直响度鬧我, 鬧到我有時好嬲好傷心先話要同佢離婚.
又話我樣樣野同佢斤斤計較, 姑奶(佢家姐)嚟左香港玩, 咁C6又要買燕窩比姑奶帶返去又要買超薄識變色眼鏡比姑奶, 因為買燕窩D錢係我阿妹錄咭, 姑奶買眼鏡係我出住先, 咁洗突左個額, 我同C6講話會去銀行"禁"返燕窩錢比我阿妹同拎返眼鏡錢, 佢竟然話我乜都同佢計, 有無攪錯, 係佢自己要豪比姑9, 我無話要咁豪法, 我拎返出住先0既錢都好正常姐.
我反駁佢, 以前佢買樓我借錢比佢我都無同佢計, 講到我幾難聽

佢話所以買樓都有寫我名, 但都有寫姑9名, 話姑9唔會要層樓, 咁唔通我又好希罕你層樓呀?!!!!
係呀!!! 我而家係肥呀, 咁又點呀, 我係唔得大體係唔叻呀又唔係才女呀, 咁又點呀

唔通就可以比C6係咁鬧喎.
嫌棄我身材嫌棄我唔可以幫夫嫌棄我笨的話, 請找一個樣靚身材正兼女強人吧.
成日口口聲聲話愛我, 全部得個講字.
我真係好傷心, 响厠所沖涼都忍唔住偷偷地喊, 我問我究竟做錯乜野點解會變成咁

永遠只有佢啱我錯

0 0 0

私人傳訊

jaimetong

複式洋房

積分: 246

26^#

發表於 08-8-7 15:54 |只看該作者

我支持你!! 我仲有七個禮拜就做媽咪. 雖然我唔係肥咗好多, 但係我同我老公講明唔好去嫌棄我肥, 或且話我肥. 我哋願意同佢哋生bb已經好好.

要對自己有信心, 有信心自然會自信爆棚!! 啲c6 係咁, 講嘢唔理人感受. 唔好俾佢哋激到!! 一啲都唔值!

私人傳訊

mrsdoh

男爵府

積分: 6107

25^#

發表於 08-8-7 00:04 |只看該作者

多謝大家的關心
我近排的確食少左啦, 輕左1KG
我開始認真減肥係為我自己而唔係為C6, 愛美係女人天性.
C6都有氹返我, 我都懶得理C6講乜, 我當佢發UP瘋算數.
佢嚟種人嬲0既時候鬧人唔駛本, 傷左人自尊又唔知.......遅早鬧出事.

私人傳訊

白活

大宅

積分: 1525

24^#

發表於 08-8-6 17:58 |只看該作者

妳老公跟本就唔尊重妳，唔好意思，可能我講得白咗啲啦，因為有句說話叫一物治一物，佢對人唔好咩？咁又識得要妳買燕窩比佢家姐，佢又無買過比妳先，又或者叫佢買比妳個妹，佢又有咩反應，佢只係睇人嚟恰，我覺得妳想離婚係正常架（我都知咩叫寧教人打仔），成世人流流長，佢點都要妳同佢唔佢層次，係要高高在上嘅話，妳點有位企呀～

佢好彩，佢唔駛大肚唔駛受女人生完仔嘅後遺症，調轉頭佢試下飲杯水都肥吖，睇下佢有無咁大聲

我支持妳減肥，唔係為啲衰人，靚咗又係妳先自己嘅，起碼行出嚟都自信啲，開心啲嘛:)

私人傳訊

anita_yps

侯爵府

積分: 23765

2024年龍年勳章 BK Milk勳章畀面勳章

23^#

發表於 08-8-5 23:43 |只看該作者

樓主c6講野真係絕核左喎!

我自己都fat左40lbs, 而家都係減返20lb, 一睇就知係肥婆一名, 我c6都冇乜話過我肥, 只係有意冇意講過2次, 你肥過未結婚前好多喎, 我答佢: 係呀。佢已經冇再講呢個話題, 因為有9成9女人都唔中意人話佢肥, 更何況自己老婆。

係咪你c6已經有另一個呀? 睇緊呀。

私人傳訊

alphabetagamma

珊瑚宮

積分: 108855

環保接龍勳章

22^#

發表於 08-8-4 20:21 |只看該作者

我成日自誤的. 我成日係老公面前話自己係矮東瓜, 話自己肥婆. 我又話佢肥. 其實我係中等身型. 不過以前拍拖/4-5年前, 我係偏瘦的人.
我老公成日讚我靚, 話我唔肥. 講果d都係玩. 到有一日, 我覺得自己影的相越來越唔似自己. 晚上, 我上磅, 度腰/hip圍. 我忍唔住, 我哭了出來, 我流住眼淚說我肥左好多, 我老公立即好驚話不如一齊減啦...
就咁, 我用了兩星期, 腰/hip都細了1吋. 磅數減了3 lbs.
你如果真係咁唔開心, 就用這個力量去做運動去減肥. 要威俾佢睇.

私人傳訊

kke22

別墅

積分: 539

21^#

發表於 08-8-4 17:13 |只看該作者

原文章由 juicypig 於 08-8-4 16:49 發表
20公斤即係幾多磅呀

44LBs
我生完到而家仍未返去之前ｌｂ　
但有喲地方真係減唔到
盤骨位大咗，肚紋又未消
不過我ｃ６就無咁同我講所以你ｃ６講得太過入啦
你努力洛肥啦，唔係為咗ｃ６係自己

私人傳訊

carmen911

子爵府

積分: 14967

20^#

發表於 08-8-4 17:11 |只看該作者

唔好唔開心，
最緊要養番好個身子先，
要減肥真係幾時都有得減。
同埋湊BB好辛苦架！
我未有ｂ前120磅，生完就150磅，
而家就105磅，如果你自己湊通常都減到架！
我先頭坐月都坐得好差，又成日同老公鬧交，
後尾同佢傾番原來佢都有產後抑鬱架，
你話死唔死，生嗰個都未有抑鬱。

所以你應該多D同佢溝通，表達你既不滿
會好D架。
加油!

私人傳訊

24112006

男爵府

積分: 5374

19^#

發表於 08-8-4 17:06 |只看該作者

唔好咁啦....我老公都成日話我肥架....(笑笑口咁講)....但系佢睇得出你好就佢...樣樣都系為佢諗既時候....大家就會開心囉.

私人傳訊

juicypig

珍珠宮

積分: 30278

環保接龍勳章 hashtag影視迷勳章

18^#

發表於 08-8-4 16:49 |只看該作者

20公斤即係幾多磅呀

一個人之所以快樂,不是因為她擁有得多, 而是因為她計較得少

私人傳訊

BigChoi

別墅

積分: 537

17^#

發表於 08-8-3 21:10 |只看該作者

比d時間自己啦, 自己湊bb會好快瘦. 我都要一年時間(但我有返工). 唔好一拗交就話離婚啦, 妳可以話妳d感受比佢聽.

私人傳訊

onon1022

子爵府

積分: 12596

好媽媽勳章

16^#

發表於 08-8-3 10:29 |只看該作者

其實唔好唔開心...你而家最重要調理好身體...睇中醫...然後慢慢減肥...你老公講咩...係佢自己既意見...最重要你覺得你老公講既野o岩唔o岩...你自己既意見又係點...

[url=http://lilypie.com][img]

私人傳訊

mrsdoh

男爵府

積分: 6107

15^#

發表於 08-8-3 00:16 |只看該作者

原文章由 $_$ 於 08-8-2 20:21 發表
樓主, 你老公講野係直咗d. 有時自己條佬講野真係好唔理我地女人d感受, 我c6都會成日講d 說話hurt 到我. 不過我會話返比佢知.... 咁咁咁.... 原來我會好hurt, 佢慢慢又其實都可以有進步喎. 佢而家對我講野冇以前咁唔 ...

佢對你好2-3日...之後又打回原形....如事者不斷重複

私人傳訊

vet

水晶宮

積分: 52963

好媽媽勳章畀面勳章

14^#

發表於 08-8-2 22:35 |只看該作者

佢婚前己經係o甘
都唔係錫你o個d
你嫁佢就要接受

私人傳訊

sairx79

民房

積分: 29

13^#

發表於 08-8-2 21:21 |只看該作者

飲老鼠仔酒

可以改善身體，不會容易病.........
現在好難在市面買到

私人傳訊

$_$

大宅

積分: 3106

12^#

發表於 08-8-2 20:21 |只看該作者

樓主, 你老公講野係直咗d. 有時自己條佬講野真係好唔理我地女人d感受, 我c6都會成日講d 說話hurt 到我. 不過我會話返比佢知.... 咁咁咁.... 原來我會好hurt, 佢慢慢又其實都可以有進步喎. 佢而家對我講野冇以前咁唔理我感受. 比d 時間佢, 最緊要係要令佢知道佢d 說話好難頂囉!

私人傳訊

mrsdoh

男爵府

積分: 6107

11^#

發表於 08-8-2 10:59 |只看該作者

C6每次鬧人講0既說話都好過份, 句句HURT人, 佢自己返工就係辛苦, 人地返工就係唔辛苦0既!!!!!
未結婚前, 我為了自己供自己讀書, 身兼2-3職, 做到成個人都殘晒又倦, D工作3樣裡邊有2樣係體力労動工作, 有時會同佢呻下, 佢就會話佢自己以前讀書都係咁做兼職啦, 又話返工有錢賺. 一D都唔會憐惜下我. 成日揾自己嚟同我比....根本無得比...佢係男人我係女人...論體力佢已經好我好多啦.

我曾經同佢講過, 我鐘意佢以前要付出汗水做侍応時的他, 果時佢剛失業所以乜都要做, 但C6話我鐘意睇住佢無運行鐘意佢霉登登佢無錢就最開心...佢根本完全歪曲我原意, 我只不過係鐘意佢努力奮鬥的背影.
而家叫做環境好D, 佢份工又揾多D錢....但佢竟然變晒質, 仲係度鬧我.....無良心!!!!
我覺得嚟種男人如果有朝一日飛黄騰達一定會一腳伸開我.

私人傳訊

琋琋BB

男爵府

積分: 5587

10^#

發表於 08-8-2 09:10 |只看該作者

我生之前105碼
生完後150碼
我都好想減.....但係減唔到

我老公都有叫我減肥,係因為驚肥會令身體唔好
我覺得妳老公咁講有d過份囉

私人傳訊

jacquesau

珍珠宮

積分: 35592

9^#

發表於 08-8-2 09:06 |只看該作者

你男人講野唔要得, 不過你唔好理佢啦......最緊要自己身子！

到你遲下瘦返又靚返, 佢就會黎tum返你！

好好過每一天......

私人傳訊

trintrinmum2007

大宅

積分: 4585

好媽媽勳章

8^#

發表於 08-8-2 07:12 |只看該作者

樓主, 唔好唔開心啦. 您老公講真好, 講笑好, 您唔好理佢啦. 而家最緊要係您自己個健康同埋BB. 補返好個身體, 先再講減肥. 身體唔好, 照顧唔到BB.

我而家生完BB 11個月, 開頭個6個月都好肥ga. 因為自己湊BB好辛苦, 好快就瘦咗好多. 而家仲有2kg先回復未生之前個磅數.

無咁快瘦返ga. 加油啦.