婆媳關係

收藏本版
發帖
返回列表
跳至頁

首頁
1

尾頁
   0
KoyeBaby


子爵府

積分: 12904

醒目開學勳章 畀面勳章


1#
發表於 08-8-3 00:12 |只看該作者
頭先99話要帶囡囡入佢房玩,其實本身都無乜嘢,但係入咗去5分鐘都無就聽到囡囡狂喊!我諗有小朋友嘅mama都分得出bb係真喊定扭計啦!我知道有唔妥就拿拿臨入佢房睇下咩事...

我一入去就見到囡囡喊到啞哂聲,d眼淚係咁流,我見到囡囡右眼蓋紅咗,我問99咩事,佢竟然話囡囡係撞咗落床!我心諗"你當我傻架!還是係你張床鑲鋼板架?個女我自己一手一腳湊跌落床係咩反應我會唔知?"我再問多佢一次,佢講個位置又唔同咗啦喎!今次又話撞落床尾,"high"到放床尾部"暖爐嘅膠套"!!!!心水清嘅各位都知發生咩事啦!擺到明係佢掛住睇電視無理到個bb,撞咗落部暖爐度啦!

我見囡囡喊成咁就抱返佢諗住氹返佢,點知99就發悔氣話"係啦出去啦!返你阿媽度啦!",我已經無發火,一心係想睇下個女有無事,c6知道之後都好緊張,但係我都同佢講小朋友有踫撞好平常啫~之後我見囡囡都無事,仲喺度笑,我費事99以為我怪佢啦!我咪交返俾佢玩囉,佢仲要衰到話"唔喊啦咩,無事啦!",跟住我同佢講小朋友有踫撞好平常,我無其他意思,我淨係想知佢到底撞到邊度啫!我99即刻好大反應咁話"你想講咩呀!佢依家有事咩?"跟住我就話"無事,唔痛啦,我唔係想講咩,只係下次有d咩事,我想得個知字啫!"

結果...佢就黑住面咁話得啦,跟住就入房關埋房門啦...我真係有d唔忿氣!我都未發火,佢竟然發我脾氣!!!我已經好聲好氣亦無話怪佢,有無搞錯呀!依家好似係我做錯嘢咁...
私人傳訊

KoyeBaby


子爵府

積分: 12904

醒目開學勳章 畀面勳章


12#
發表於 08-8-7 14:18 |只看該作者
原文章由 alphabetagamma 於 08-8-4 18:03 發表
我覺得你做錯左(淨講之後對應方面).... 出面話99的一定要係c6, 你仲可以好好咁係到幫返99講"係意外", 下次一有事就同佢地講, 大家知道咩事咁就ok啦. 你c6越勞嘈仲正, 你就化身做和事佬.
你個囡囡得10個月, 更加整親 ...



我明白你意思嘅,我下次會留意下...不過我怕c6唔會咁冷靜咋~其實之前都係由c6出面話佢,但係因為99唔會認為自己有錯,c6就會同佢展開罵戰!試過一次佢哋冷戰咗個幾月,搞到好似係我令佢哋母子不和,諗住做和事佬反而兩個都怪我...不過你講得啱嘅,兩母子鬧交好過婆媳不和,下次都係會叫c6出面,慳返我d腦力!等我仲諗咗咁耐...
私人傳訊

bigbigsnake


男爵府

積分: 5569


11#
發表於 08-8-5 13:41 |只看該作者
原文章由 alphabetagamma 於 08-8-4 18:03 發表
我覺得你做錯左(淨講之後對應方面).... 出面話99的一定要係c6, 你仲可以好好咁係到幫返99講"係意外", 下次一有事就同佢地講, 大家知道咩事咁就ok啦. 你c6越勞嘈仲正, 你就化身做和事佬.
你個囡囡得10個月, 更加整親 ...



你細個又真係好奀皮... ...不過講得好好...但樓主當局者迷, 一定緊張d.....比我都會出聲, 我覺得樓主eq 都好高..不過你的見意又好值得我地去警惕...thanks!
私人傳訊

alphabetagamma


珊瑚宮

積分: 108856

環保接龍勳章


10#
發表於 08-8-4 18:03 |只看該作者
我覺得你做錯左(淨講之後對應方面).... 出面話99的一定要係c6, 你仲可以好好咁係到幫返99講"係意外", 下次一有事就同佢地講, 大家知道咩事咁就ok啦. 你c6越勞嘈仲正, 你就化身做和事佬.
你個囡囡得10個月, 更加整親唔知咩事, 佢又唔識講. 唔想有下次, 真係要c6出面吵鑊勁. 我細個七個月到, 我飛左落床, 撞到個頭加嘔奶. 當時我爸爸同嫲嫲佢地打緊牌. 我爸爸緊張到喊, 所以我話我爸爸都睇我唔住... 除非真係好不負責任, 如果唔係下次一定唔會再犯.
你叫你老公得閒好忟咁話"個女對眼紅晒, 都唔知會唔會破相" 仲要語氣有點怪你奶奶, 仲要"鄧"句, 你地個個以後小心d, 個女有咩事我死左去好過. 最主要目的其實係俾你99聽. 但你做新抱真係唔好講話係啦... 最令你99唔嬲唔會唔順氣的, 就係你幫下口話佢"奶奶同我都知啦, 以後睇到個女實" 或 "唔好講喇, 今次小小意外"..
這些都是婉轉的說話. 你做新抱就算幾好語氣個99都會發你脾氣. 但係佢個仔就唔同, 開拖鬧佢, 最後都無事. 個仔都係香的!
下次或以后 你都唔好自己出手/出聲.依招一定要識

私人傳訊

KoyeBaby


子爵府

積分: 12904

醒目開學勳章 畀面勳章


9#
發表於 08-8-4 13:38 |只看該作者
原文章由 alphabetagamma 於 08-8-4 12:17 發表
我由細到大都好百厭, 差不多日日都哭一次. 搞罐頭刀, 搞電器, 爬高爬低, 玩火燒親, 俾門夾到, 俾木櫈夾到瘀晒. 我係我阿嫲湊的, 因為媽咪要返工, 下午無人管媽咪又未返, 如果我媽咪好似bk某d媽咪咁諗, 我阿媽真係會 ...



我都知小朋友係會百厭,但係囡囡得10個月大,連自己企都未識,佢話要帶個孫入房玩,係咪有責任睇好個bb先?係5分鐘都無呀!!!就已經撞到紅哂啦!OK,我當佢真係一時間唔小心睇漏眼,咁駛乜講大話啫?我當時其實心裡有數,知道囡囡係撞親,但係我無諗過99會特登!我嗰刻係算平靜咁問佢,唔係大吵大鬧咁審佢呀!我真係純粹想知發生咩事,我問咗佢兩次,佢都係唔肯講真話,我都算啦!無再問佢,無話要追究...到我真係同佢講下次要通知聲我已經係2個鐘之後嘅事,我仲要係諗咗好耐,考慮到唔會令佢難受,度哂稿先同佢講架,我仲要全程係細細聲,微笑住同佢講...如果我真係有嘢,諗住搞大件事就一早嘈到成屋都知,叫c6去鬧佢啦!!!c6好緊張個女,佢知道囡囡撞親本來都諗住同99嘈,但係我阻止咗佢之嘛!我同佢講嗰陣佢一路都黑住面對我,我眉頭都無皺一下呀,算係咁啦!平時囡囡俾蚊咬佢都怪我架,呢次我都無話佢d咩,佢反而黑哂面咁,我先嬲之嘛!!
私人傳訊

alphabetagamma


珊瑚宮

積分: 108856

環保接龍勳章


8#
發表於 08-8-4 12:17 |只看該作者
我由細到大都好百厭, 差不多日日都哭一次. 搞罐頭刀, 搞電器, 爬高爬低, 玩火燒親, 俾門夾到, 俾木櫈夾到瘀晒. 我係我阿嫲湊的, 因為媽咪要返工, 下午無人管媽咪又未返, 如果我媽咪好似bk某d媽咪咁諗, 我阿媽真係會憎死我阿嫲. (唔否認我阿媽咪都有怪我阿嫲, 一陣會交代). 由細到大, 我媽咪回到家, 見到我眼腫, 就會問阿嫲做咩, 有時阿嫲會講大話, 講其他事, 因為阿嫲想幫我cover, 但係我阿媽會搵到我搞過咩, 我阿媽就會打到我飛起, 媽咪話我唔乖搞到阿嫲話我搞野, 就會勁打我. 但係內心佢都覺得係阿嫲針對佢所以以我做磨心. 到我12歲那年, 我又搞花晒個易潔鑊. 我媽話我阿嫲整壞, 阿嫲話無, 大家語氣好差. 我就怕到係床上扮瞓. 我阿媽好惡話阿嫲, 我個心好難過, 喊晒咁出去同媽咪講, 唔關阿嫲事的, 唔好屈錯阿嫲. 最后大家又無事啦....

到左我15歲左右, 我阿媽同阿嫲關係就好好了, 因為可能大家相處得耐, 而且, 唔會為了芝麻綠豆的事去怪對方. 出到街個個以為我阿媽係阿嫲個女添.

其實細路都係百厭的. 我自己好明白, 要發生的事係會發生的. 自己好動, 意外就一定會發生, 唔通我阿嫲用鐵鍊鎖我咩? 到鎖住我, 又會話阿嫲對我唔好. 要時時刻刻睇實我? 我可以話我老豆都睇我唔實. 我記得我阿嫲有次望住我妹, 我阿妹好惡咁問她"你望咩呀?". 好彩我唔係我阿嫲, 我估果下好難受. 望住又死, 唔望又死.

可能你奶奶都好怕你咁諗佢. 所以條氣真係好唔順.
用佢角度: 我個寶貝孫整親. 佢一入到來就審我. 跟住就同我講唔係怪我, 唔怪我就唔會出聲啦. 最後仲同我講以后想得個知字. 你估我想個孫受傷咩? 我就算衰都唔想個孫痛嘛... 佢以為我係黑心鬼.....

佢可能係忟你地個個當佢有心, 或唔睇住個孫.

最重要係囡囡隻眼無事. 睇得要教好囡囡以后小心一點.
私人傳訊

arcaar


子爵府

積分: 14979

好媽媽勳章 醒目開學勳章


7#
發表於 08-8-4 11:23 |只看該作者
d99做錯野唔會認架..好似我個仔3個月大比佢睇一陣..返黎..發覺個仔隻腳有一條食指咁長既痕..d血仲o岩o岩乾架..我99仲扮無野..仲賴我..因為佢驚62會鬧佢....我c6就唔係好理..如果係我咁整到仔仔..我c6一定唔會放過我=.=隔左幾個月有晚..我c6同99嘈..我99先肯佢係佢整...仲覺得自己無錯咁
私人傳訊

onon1022


子爵府

積分: 12600

好媽媽勳章


6#
發表於 08-8-3 10:53 |只看該作者
其實唔好嬲啦...你奶奶為人你最清楚...下次睇實小朋友...



[url=http://lilypie.com][img]
私人傳訊

KoyeBaby


子爵府

積分: 12904

醒目開學勳章 畀面勳章


5#
發表於 08-8-3 09:44 |只看該作者
原文章由 Smallpigbb 於 08-8-3 04:47 發表
Koyebaby

我好明白你o既心情，因為我返工99就會嚟幫我睇住個姐姐湊亞女，其實唔係信唔過姐姐，而係有時姐姐都係人行出行入，亞女有咩我都唔想，但點知真係越幫越忙，老實講有就唔怕姐姐作反，無就自己返工有時忙起上嚟都唔記得打 ...



d 99係話唔聽架啦,我99都成日話我煮d粥無味道叫我落鹽,又話水無味道叫我加葡萄糖!咁bb肯食肯飲點解仲要搞咁多嘢喎...老實講我今次講到咁白就係唔想佢下次又瞞住我唔俾我知!但係我唔係咁樂觀佢真係會聽我講囉...
私人傳訊

KoyeBaby


子爵府

積分: 12904

醒目開學勳章 畀面勳章


4#
發表於 08-8-3 09:14 |只看該作者
原文章由 JFL 於 08-8-3 03:09 發表
唔好怪我咁講,其實你一早知道你６２９９系点嘅,一Ｄ乜嘢都可以亂比個孫玩同食,又唔系点特別小心嘅人.点解你重比佢抱入房玩喇?如果系我就甘晶火眼咁睇住果兩隻嘢,盡量唔好比佢掂,雖然話大家住埋一間屋,佢抱入房玩都冇可後非,但 ...



唉...我就係衰心軟,見佢自己一個人,62又唔返屋企,佢開到口我都唔知點推佢...講真就算係我自己或者c6睇住,囡囡都試過撞到,好似我話齋,小朋友會跌跌踫踫係必經階段,佢自己喺bb床扶住練企都有自己撞過!我唔係怪佢搞到囡囡撞親,bb爬起上嚟可以好快,捉都捉唔住,而係佢想隱瞞我,我再問多佢一次佢都唔肯講實情我知!仲要唔覺得自己有錯,呢下先令我覺得嬲!!!如果我唔係喺屋企,或者我無去睇嘅話,佢都唔會話我知啦!咁如果bb係跌落地,d徵狀係後來先發出嚟,我完全唔知發生咩事係咪有問題先~我唔係話要佢道歉,唔係要鬧佢,我只係想知發生過咩事,等我知道點去處理啫~就算係我同佢講完之後佢都唔肯講返到底囡囡係撞到邊度,我先覺得嬲!!
私人傳訊

Smallpigbb


大宅

積分: 3406


3#
發表於 08-8-3 04:47 |只看該作者
Koyebaby

我好明白你o既心情，因為我返工99就會嚟幫我睇住個姐姐湊亞女，其實唔係信唔過姐姐，而係有時姐姐都係人行出行入，亞女有咩我都唔想，但點知真係越幫越忙，老實講有就唔怕姐姐作反，無就自己返工有時忙起上嚟都唔記得打電話checko下BB點。

我99都係o家，成日講到自己好識，其實就連自己倆個都未湊過，因為係c6亞婆湊o既，佢就只顧返工同八人o地Do野囉，呢個係c6o既commend，我發現99呢排成日無哪哪俾Do野亞女食，其實亞女都快15個月，學健康院o甘講可以食大人o野，但我都依o家都未俾調味料亞女食，因為我62個family background唔好，有肝病同糖尿病，所以我都唔敢俾亞女太早接觸調味料，但我99可能覺得我太緊張咩都唔俾亞女食，因為我個女9個月時佢已經成日話，D粥無嚟味道唔好食，之後我就話健康院話唔洗，呢排姐姐話嫲嫲成日BB食飯前俾o野BB食，我就問俾咩佢話見唔到，因為佢係煲緊飯仔，但就聽到有膠袋聲好像攞o野出嚟，之後姐姐就望o下，我個女就口”yuk yuk“我個姐姐就立刻問BB你食咩呀，因為怕BB亂o係地度攞o野食，之後姐姐就叫亞女開口睇，應該係麵飽，我其實就唔係唔俾麵飽BB食，而係都差唔多食飯啦，你o甘樣咪整到BB無胃口食正餐，到時又話BB瘦咗唔關我事。 我c6知道咗就話唔好叫佢亞媽再嚟越幫越忙，仲成日以為自己好識湊，其實仲有其他o家我都費事打o甘多喇，一句到尾D99成日都係有自己”arm“人o地就唔”arm“囉。
私人傳訊

JFL


伯爵府

積分: 17193


2#
發表於 08-8-3 03:09 |只看該作者
唔好怪我咁講,其實你一早知道你６２９９系点嘅,一Ｄ乜嘢都可以亂比個孫玩同食,又唔系点特別小心嘅人.点解你重比佢抱入房玩喇?如果系我就甘晶火眼咁睇住果兩隻嘢,盡量唔好比佢掂,雖然話大家住埋一間屋,佢抱入房玩都冇可後非,但佢地咁唔小心又冇危機感.既然你老公都知今次因為佢亞媽唔小心至撞瘀咗個女,叫你老公話佢亞媽喇,叫佢以後唔好抱ＢＢ入房玩.
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy