吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 案中有案(想大家提供意見)

夫婦情感今日: 3|主題: 42710

收藏本版

發帖

返回列表

跳至頁

查看: 5027 | 回覆: 36

案中有案(想大家提供意見) [複製鏈接]

new_mother

複式洋房

積分: 392

1^#

發表於 08-8-6 22:57 |只看該作者 |正序瀏覽 |打印

我發現公司的同事和另一同事在攪婚外情, 而那個男人也是結了婚的.

我們看不過眼, 寄信通知了女同事的丈夫, 讓他知道, 也同時寄信聯絡男同事的太太, 但問題是, 我們收到一封電郵, 我們不敢肯定那是男同事的太太不是, 因為她是apply 一個新電郵來聯絡我們. 而且又不肯留電話, 最怪的是那個電郵原來已經寄來了十幾天, 只是我們沒注意到, 但我覺得換是我, 見沒回覆, 一定會再傳多幾次, 好想知道發生什麼事, 而不是這麼冷靜, 你們覺得有疑點嗎? 應該讓男同事的太太知道嗎?

0 0 0

吳太

私人傳訊

Lyn

大宅

積分: 1535

37^#

發表於 08-8-12 09:05 |只看該作者

我覺得你最好到此為止. 如果是老婆, 她一定會小心找破綻. 你已幫了她一忙!

私人傳訊

moonsay2001

大宅

積分: 1006

36^#

發表於 08-8-12 02:01 |只看該作者

其實我覺得個個人的諗法也不同.
但比我, 我也十分認同以下的講法.
我吾係好接受到. 佢呃我一世這說法.
即係話佢出去偷食完, 玩厭了再返屋企當咩事都冇發生過.
結婚=老公老婆吾係一生一世去愛對方. 照顧對方嗎?
那他去玩的時候有沒有想起另外一半?

原文章由 alphabetagamma 於 08-8-7 23:03 發表
我完全不同意話會呃到一世這個說法.
如果咁簡單這個世界就唔會咁亂啦. 但到發展到無法補救時, 做老婆真係喊都無謂.
下下話要等個男人回屋, 你估做戲咩? 做女人真係要咁賤? 咁下等? 咁老土同封建咁等個男人回頭?? ...

私人傳訊

yan511229

子爵府

積分: 13195

畀面勳章

35^#

發表於 08-8-10 23:27 |只看該作者

原文章由 alphabetagamma 於 08-8-7 23:03 發表
我完全不同意話會呃到一世這個說法.
如果咁簡單這個世界就唔會咁亂啦. 但到發展到無法補救時, 做老婆真係喊都無謂.
下下話要等個男人回屋, 你估做戲咩? 做女人真係要咁賤? 咁下等? 咁老土同封建咁等個男人回頭?? 我做女人, 好憎d男人話"我都係出去拈花惹草, 我識返屋企就得啦". 咁即係點? 不如一夫多妻啦~ 係d人縱壞晒d男人, 這句金句, 我聽過我姨丈講依句話. 我阿姨都無離婚, 但我唔見佢快樂, 仲要受個男人氣.

我都係咁話,我完全同意你講法,世界上冇野係呃到一世的,紙係包唔住火...

私人傳訊

等運到

大宅

積分: 3197

好媽媽勳章

34^#

發表於 08-8-9 00:17 |只看該作者

原文章由 ABBC 於 08-8-8 22:03 發表
有o的人真係希望一世都唔知道..因為佢愛呢個男人勝過自己既尊嚴~~~但係呢個都係少數人..!!俾我都希望知道真相唔想俾人呃足一世囉!!!

冇錯~我覺得尊嚴比任何o野更加重要！

私人傳訊

ABBC

子爵府

積分: 13533

33^#

發表於 08-8-8 22:03 |只看該作者

我覺得果個係樓主個男同事既太太都唔出奇~唔係話佢唔緊張~~而你佢根本就唔知真定假~緊係想睇下證據先判自己老公死刑囉~如果唔係點知人地係咪玩野先~!!
如果話樓主o岩唔o岩~我就覺得好睇自己個人睇法...有o的人真係希望一世都唔知道..因為佢愛呢個男人勝過自己既尊嚴~~~但係呢個都係少數人..!!俾我都希望知道真相唔想俾人呃足一世囉!!!

私人傳訊

sulamita

複式洋房

積分: 484

32^#

發表於 08-8-8 18:15 |只看該作者

原文章由 laimanw 於 08-8-7 16:02 發表
樓主, 我就覺得那個人是你同事的太太, 因為她提到不是寄資料給她, 選擇EMAIL, 因為別人會看不見. 如你有懷疑, 你大可約佢出來. 至於你這樣做是否多管嫻事, 則見人見至. 但如我是這個男同事的太太, 會十分感激你的 ...

我同意你的睇法, 如果我老公有外遇, 話我知,
就算你係我仇人, 都話我知, 被蒙在鼓裡是多麼痛苦的事啊!
點去處理段婚姻係我既事, 總知唔好唔講比我知!!!

私人傳訊

是是但但

水晶宮

積分: 62130

2025勳章 2025勳章蛇年勳章牛年勳章 2018復活節勳章

31^#

發表於 08-8-7 23:10 |只看該作者

我唔敢講樓主是對是錯....
因為如果我是那位太太, 我可能多謝你的好心既同時, 亦會怪你多事....寧願自己一世唔知(完全唔知個隻)......
好難講....人既情緒....
每個人性格不同, 時間不同, 也有不同應對。
你唔敢擔保收到通知的太太會冷靜應對;
你亦唔能夠保証太太會否情緒失控作出傻事;

如果我是樓主, 我不會選擇告密。
反而不如勸勸那兩位9男女好過啦~(明示/暗示) 當然,大家都知, 勸也勸不了....但起碼佢地收歛少少, 唔好係公司咁張揚, 大家唔洗眼寃........

Childhood is journey, not a race.

私人傳訊

alphabetagamma

珊瑚宮

積分: 108855

環保接龍勳章

30^#

發表於 08-8-7 23:03 |只看該作者

我完全不同意話會呃到一世這個說法.
如果咁簡單這個世界就唔會咁亂啦. 但到發展到無法補救時, 做老婆真係喊都無謂.
下下話要等個男人回屋, 你估做戲咩? 做女人真係要咁賤? 咁下等? 咁老土同封建咁等個男人回頭?? 我做女人, 好憎d男人話"我都係出去拈花惹草, 我識返屋企就得啦". 咁即係點? 不如一夫多妻啦~ 係d人縱壞晒d男人, 這句金句, 我聽過我姨丈講依句話. 我阿姨都無離婚, 但我唔見佢快樂, 仲要受個男人氣.

私人傳訊

papamo

洋房

積分: 146

29^#

發表於 08-8-7 22:50 |只看該作者

原文章由 tantanmama 於 08-8-7 17:15 發表
真係有男人會玩完自己返家, 而個老婆完全唔知情, 仍然覺得自己好幸福. 而且如果偷情男女都已婚, 呢段關係點會有將來? 大家為咗各自嘅仔女, 總會各自返家嘅. 如果呢個case都係咁, 樓主就變成好心做壞事喇. 除非樓主已 ...

完全同意 !

私人傳訊

papamo

洋房

積分: 146

28^#

發表於 08-8-7 22:48 |只看該作者

原文章由 VKwan 於 08-8-7 14:20 發表
咁，你希望比人呃一世嗎？

我唔清楚事件，唔評論做法。但早d攪清楚，唔一定攪散人地頭家！可能襯偷食男女關系唔太深入時揭發，會比較容易甩都未定？！

經歷過外遇問題的配偶都知道，有時，適當的時機對事情的發展都起住關鍵性的作用！

...

例子當然不是我, 但是我很親密的朋友, 有些男人有如孩童, 玩累了, 會回家的.
當然, 有的也會走得好快, 但如果成班同事同人玩"踢爆" , 這, 絕對是一條離婚的路.

我不希望給人呃一世, 但, 如果有人, 他有" 本事" ,可以做任何野都不給我懷疑, 不給我發現, 真是呃足我一世, 我都無話可說, 因為, 他都用左他一世的時間去呃一個人, 不好說他沒付出 ! 我相信他也相當辛苦 !!!

[ 本文章最後由 papamo 於 08-8-7 22:58 編輯 ]

私人傳訊

vet

水晶宮

積分: 52946

好媽媽勳章畀面勳章

27^#

發表於 08-8-7 17:48 |只看該作者

如樓主一大班同事話比個老婆知
即係想人地離婚

個老婆o甘冇面,通哂天
叫佢点落台,返唔到轉頭

如果冇人知,萬事有相重
佢地段婚姻有得救

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

26^#

發表於 08-8-7 17:15 |只看該作者

真係有男人會玩完自己返家, 而個老婆完全唔知情, 仍然覺得自己好幸福. 而且如果偷情男女都已婚, 呢段關係點會有將來? 大家為咗各自嘅仔女, 總會各自返家嘅. 如果呢個case都係咁, 樓主就變成好心做壞事喇. 除非樓主已經有齊全套計劃幫人幫到底, 包埋心靈輔導同經濟授助. 否則, 只係抱住睇熱鬧心態, 我覺得係將快樂建築喺人地痛苦之上.

私人傳訊

laimanw

複式洋房

積分: 399

25^#

發表於 08-8-7 16:02 |只看該作者

樓主, 我就覺得那個人是你同事的太太, 因為她提到不是寄資料給她, 選擇EMAIL, 因為別人會看不見. 如你有懷疑, 你大可約佢出來. 至於你這樣做是否多管嫻事, 則見人見至. 但如我是這個男同事的太太, 會十分感激你的報料. 講真, 自己都在BK看到太多太多的婚外情的新聞, 陳出不窮. 好多男的女的, 都話夫妻要信任, 但想問問, 有時你對對方的信任, 就造成自己的傷痛. 現在女多男少, 男人選擇多, 只要個女人願意的話, 男人是很少會拒絕的. 而且, 女又賤, 又不介意做第三者, 所以婚外情的發生好似是必然, 尤其是在OFFICE. 所以如有人報料給我, 我會十分感激她/他, 因知道後可以自己留意. 至於有BK會員話, 如果報了料, 怕別人的太太或丈夫看不開去做自 . 我想講要弄清一樣事情, 如他們要做SILLY的事, 事原是他們的伴侶對他們不忠, 是他們伴侶的責任. 你的報料只是令到這件事早日得到解決, 既然紙也包不住火, 如在遲點才阻止狗男女的感情發生, 到時想救段感情也救不了 (這是其中一個BK MAMI講的, 我也十分同意).

仲有一樣是, 其實個大婆好難找証劇捉老公是否同同事有婚外情人, 老公話要OT, 你信不信. 老公同個第三者都是同事, 日對夜對, 要大婆找証劇, 不是不能, 而是比較難.

[ 本文章最後由 laimanw 於 08-8-7 09:07 編輯 ]

私人傳訊

m--m

子爵府

積分: 10054

24^#

發表於 08-8-7 15:48 |只看該作者

唔知你同當事人交情係點?
如果你以朋友既身份去同佢講,
我會覺得你為佢好(唔好理咁做係0岩唔0岩先),
因為中間既時間你同佢渡過

依家我會覺得你似想睇人地點死多d
因為你鬼鬼祟祟send email
拍拍"攞柚"走左去,好不負責任

更何況,可能人地老公/老婆都一樣有第3者
or 佢地 enjoy 表面係夫妻 , 裡面玩換妻
又or 佢地寧願選擇唔知
好多個or,你真心為人好既話,請你堂堂正正用朋友既身份去同佢共患難吧

私人傳訊

rubymo928

大宅

積分: 1612

23^#

發表於 08-8-7 15:43 |只看該作者

原文章由 new_mother 於 08-8-6 22:57 發表
我發現公司的同事和另一同事在攪婚外情, 而那個男人也是結了婚的.

我們看不過眼, 寄信通知了女同事的丈夫, 讓他知道, 也同時寄信聯絡男同事的太太, 但問題是, 我們收到一封電郵, 我們不敢肯定那是男同事的太太不是, ...

首先, 我覺得封 email 唔系個男同事老婆 sent.
第二, 我覺得你地好心出發巳經足夠 ~ remind 左個男同事老婆. 如果個老婆系信, 佢自己會去搵方法解決自己 marraige. i.e. 檢討段 marraige or 搵有第三者證據.

所以 ~ 收手吧, 唔使再去考究個 email 系邊個 sent.

私人傳訊

VKwan

珍珠宮

積分: 38391

22^#

發表於 08-8-7 14:31 |只看該作者

認同。要有足夠理據。
如果可以安排一個讓配偶發現唔妥的機會就更完美。
例如：有意無意咁披露偷食男女的返工放工/請假時間，or輪更表(如有)，or借故打去屋企抄佢……
希望提醒佢屋企人的警覺性。

原文章由春天於 08-8-7 13:41 發表
你好肯定人地真係攪婚外情先好攪wor？如果唔係，你會害死人地全家wor？
好大劑架wor！小心！小心！

私人傳訊

candiceLingLing

子爵府

積分: 10192

好媽媽勳章醒目開學勳章

21^#

發表於 08-8-7 14:21 |只看該作者

雖然樓主係有正義感，不過只怕好心做壞事，你同人地老公或者老婆好熟？你知道佢地收到個EMAIL會有乜反應？

如果你同人地老公或老婆係FRIEND，你話佢知都無可厚非，起碼你講完俾佢聽之後你可以睇住佢，有乜事你都可以照顧佢嘛。

依家你貿貿然SEND個EMAIL俾人地玩踢爆，如果佢失常起上黎邊個睇住佢呀，後果可大可小，我覺得咁樣好似有D不負責任喎！

[ 本文章最後由 candiceLingLing 於 08-8-7 14:23 編輯 ]

私人傳訊

VKwan

珍珠宮

積分: 38391

20^#

發表於 08-8-7 14:20 |只看該作者

咁，你希望比人呃一世嗎？

我唔清楚事件，唔評論做法。但早d攪清楚，唔一定攪散人地頭家！可能襯偷食男女關系唔太深入時揭發，會比較容易甩都未定？！

經歷過外遇問題的配偶都知道，有時，適當的時機對事情的發展都起住關鍵性的作用！

你唔好同我爭論，除非你比人呃過，而你配偶最後竟然自行歸家！

原文章由 papamo 於 08-8-7 10:35 發表
如果有人可以騙自己一世, 咁又何妨呢 ~~

事情大家知道, 又如何, 不發生的都發生左, 玩離婚嗎 ? 個仔女又點, 而且單親又好好過嗎 ? 再找另一個, 續父/母又會好像親生父母一樣, 看待自己個仔女嗎, 想清楚啦...

寧 ...