本帖最後由 酸棗仁 於 15-11-25 05:57 編輯
JulieMay 發表於 15-11-22 23:41 
爸爸佢堅持唔做。驚萬一有咩事會拖累我
但我想佢做。又驚萬一後遺症一世插喉佢會好痛苦 ...
大約8年前, 我媽咪有大腸癌, 去私家醫院做咗手術. 結果手術好成功, 而家過咗第一個5年, 冇翻發嘅情況. 當時用咗大約11-12萬左右. 浸會, 醫生叫 "林貞華", 點寫? 我唔知.
呢件事 : 當時媽咪未過70歲, 身體健康都OK嘅, 亦算遇到好醫生, 所以冇事.
------------------------------------
我自己, 有兩年時間經常嘔血, 年半前, 最後一次係狂嘔 "鮮" 血. 白車未來時, 已經感到自己 "唔得", 叫仔仔打電話通知我妹妹到急症室見最後一面. 去到醫院, 妹妹趕到來, 我都同佢地講, 唔做任何手術或急救, 叫佢地比我死得有專嚴一啲. 醫生都話我唔出得院架喇, 叫佢地通知晒屋企人來見最後一面. 結果瞓咗十幾日醫院, 只係輸過血, 用過啲普通嘅藥, 結果出院, 到而家都冇事.
呢件事 : 我唔想好似其它我見過嘅它病人咁, 死前由醫生急救, 但拖多一兩日, 辛苦多一兩日先死. 另外, 感覺到, 政府醫生, 發現有咩事, 都會叫你做啲咩治療/手術, 好似係想搵多啲機會實習咁. 最後一樣, 佢地讀過幾年醫, 就當正自己係"神"咁 : 你有病呀, 就一定要醫! 當然, 好多人都會咁諗. 邊樣係啱, 或者邊樣會開心/安樂?
早幾個月, 細妹問 : 執翻條命有咩感覺. 我只係話 : 冇咩感覺, 就只係好似喺街度執到廿蚊咁. 不過, 呢一年半來, 我前後買咗兩部單車(勁愛踩單車), 又學識釣魚, 同玩氣槍; 同個仔又玩得好開心; 如果可以唔死, 唔駛付出太辛苦嘅代價, 又寧願唔死喎. (後補一件事: 再之前私家醫生寫信叫我去排隊換肝, 但我一直冇去, 因為睇過好多資料, 有十幾%唔會出得返手術房; 另外, 之後嘅生活質素都會大跌; 只係拖住, 結果都係要辛苦地死)
呢個係一個 "第一身" 嘅經歷, 或者可以參考吓嘅.
最好, 祝你爸爸早日遇到良醫良藥!
緊急求助熱線 / 中西醫藥網址 / 單親或情緒支援網址 請按我的頭像進入!
老朽若偶有行善, 只為受人恩惠太多, 嘻嘻 !
恕本人設定為不接受任何ＰＭ
發表於 
我爸爸84歲啦佢頂唔到ga
醫生話佢年紀太大 心肺功能好弱 
返回列表
