吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 個印餵餵下BB食粥仔發脾氣,揼低D嘢死咗入廚房, 唔理BB! ...

論盡家傭今日: 2|主題: 134067

收藏本版

發帖

返回列表

跳至頁

查看: 2740 | 回覆: 24

個印餵餵下BB食粥仔發脾氣,揼低D嘢死咗入廚房, 唔理BB! [複製鏈接]

JessBB

大宅

積分: 1003

1^#

發表於 08-8-14 13:10 |只看該作者 |正序瀏覽 |打印

我個囝囝依家7個半月, 但唔鐘意食粥仔, 個工人就連煮都唔想煮, 日日都要我提佢煲粥, 唔提佢嗰日, 佢就餵糊仔, 我問佢點解唔煲粥, 佢話我個仔唔肯食, 煲嚟好嘥, 我咪話佢, 佢一定要日日煲, 令佢肯食為止, 點都唔可以話佢唔鐘意食就唔餵, 咁到我個仔大咗都仲要食糊仔??? 我好聲好氣同佢講, 一向我都要睇佢面色, 但諗住佢只係得呢個缺點, 我咪包容下佢, 點知最近, 佢餵親我個仔食粥都好暴力, 我見到我叫佢唔可以迫佢, 要氹佢食, 要有耐性, 有D媽媽都餵成個鐘, 佢聽到又黑面.

今早我叫佢煲湯, 用湯底煲粥, 諗住仔仔試下唔同粥, 提升佢對食粥的興趣, 可能咁, 佢覺得今早多嘢做, 中午餵我個仔食第一餐粥, 佢已經黑晒面, 我出去一齊氹我個仔食粥, 佢完全無表情, 好忟憎咁等我個仔張開口, 咁我見個仔都肯食少少, 我咪去做自己嘢, 點知過咗一陣, 我聽到佢話"我餵你食粥, 又唔係比屎你食!!!"跟住我即刻出去睇下咩事!! 我見佢個人已經喺廚房扎菜, 由我個仔喺地下爬, 我咪即刻問佢咩事呀??? 佢唔應我, 又唔補奶我個仔飲喎!!! 我咪黑面對住佢, 唔啋佢囉!!! 你地話我應唔應該話佢??? 點話佢呀??? 我驚佢黑面黑足幾日呀!!! 之前呢個工人係家姐用開, 滿約就轉咗比我, 因為佢湊初生好好, 但家姐以前有話過佢, 佢地有一輪都見左左咁, 我最怕我話完佢會咁呀!!! 佢有好多優點, 缺點就得一個就係黑面, 所以我包容佢, 人無十全十美, 但今日佢咁對我個仔, 我應該點做??? 如果佢無耐性餵我個仔食嘢, 咁我第時返咗工點算?? 我真係好唔放心去揾工呀!!!

[ 本文章最後由 JessBB 於 08-8-14 13:13 編輯 ]

0 0 0

私人傳訊

JessBB

大宅

積分: 1003

25^#

發表於 08-8-14 17:00 |只看該作者

原文章由 咩咩豬 於 08-8-14 16:33 發表
以前我有煲以下粥,囝囝都鐘意,你試下.

1)用一支粟米磨好隔渣,只要粟米汁加水倒落米一起煲,一小塊龍利柳蒸熟搓爛溝落粟米粥,好香的.

2)南瓜/豬肉碎(要好碎)蒸熟搓爛溝落白粥

3)紅蘿白/豬肉碎(要好碎)蒸熟搓爛溝落 ...

好感動！！！多謝你提供餐單比我個囝，其實我個仔都好鐘意食粟米粥，其他就唔鐘意，但無可能話日日煲粟米，所以我都要試下其他，好多謝你！！！我會試下，睇落你個餐單囝囝會食機會好大，因為有佢鐘意的粟米同紅蘿蔔！！

私人傳訊

咩咩豬

大宅

積分: 2800

24^#

發表於 08-8-14 16:33 |只看該作者

以前我有煲以下粥,囝囝都鐘意,你試下.

1)用一支粟米磨好隔渣,只要粟米汁加水倒落米一起煲,一小塊龍利柳蒸熟搓爛溝落粟米粥,好香的.

2)南瓜/豬肉碎(要好碎)蒸熟搓爛溝落白粥

3)紅蘿白/豬肉碎(要好碎)蒸熟搓爛溝落白粥

4)用一支粟米磨好隔渣,只要粟米汁加水倒落米一起煲,一小塊龍利柳加半個細蕃茄蒸熟(去核/皮)搓爛溝落粟米粥

5)豬潤放落米一起煲,煲好後加一隻雞蛋落粥搞成蛋花,溝蒸熟搓爛牛肉碎

你試試先,如果你BB喜歡再大家傾傾.

私人傳訊

feclagnes

伯爵府

積分: 15685

2018復活節勳章開心吸收勳章好媽媽勳章醒目開學勳章畀面勳章

23^#

發表於 08-8-14 16:28 |只看該作者

你咪咁激動，就係因為太多人話你好喇，佢地响現場咩，佢地識你咩，一家唔知一家事，我只不過係提你啫，又係你話佢樣樣都好，只不過係黑面，咁你又攞氣嚟激，請工人啫，忍喎，忍到幾時(你會唔會要你老板受你氣鴉，老板會唔會忍你而唔炒你鴉)，趁你仲响屋企，唔放心咪炒囉

實情佢ge表現已經唔止黑面啦，無愛心+唔專業+比面色你睇+EQ又低，如果你唔响屋企真不敢想像，返工咪盞返得唔安樂，我建議你自己揍番，橫豎你都無做嘢，等佢識行識走(一歲先揾工咪仲好)，起咪大個d識得表達意見比你聽ma

私人傳訊

flyingmom

大宅

積分: 2652

22^#

發表於 08-8-14 16:22 |只看該作者

"我餵你食粥, 又唔係比屎你食"咁既野都講出口妳个乜工人黎架

妳个仔放係呢啲工人手上想好都幾難!

私人傳訊

JessBB

大宅

積分: 1003

21^#

發表於 08-8-14 16:02 |只看該作者

原文章由 feclagnes 於 08-8-14 15:34 發表
如果你個b唔食粥，咪試下加d紅蘿蔔茸呀、碎肉呀又或者蛋黃落d粥度，增加佢食慾。如果我係你，見到個工人黑面唔餵，我會自己餵，餵完就同佢講，餵小朋友要比d心機，你睇下，我慢慢餵，餵餵下咪得囉，同埋解釋比佢聽只係食糊仔係唔夠營養，所 ...

所以我頭先咪自己餵返囉！！！我平時對佢已經好客氣，如果我識鬧人，就唔洗上嚟問人我應唔應該話佢啦！！！就係我成日整新嘢比個仔試，佢覺得煩，因為佢話之前湊嗰Ｄ都未試過唔肯食，我嗰日講完要佢一定要記得煲粥，第二日佢已經唔記得要煲，我都無話佢，淨係叫佢咁明天煲番啦！！我仲好唔再意咁講話唔緊要，咁今日食住糊仔先，但都要記得比粥仔囝囝食，因為咁佢會唔夠營養，如果連粥仔都食唔到，咁第時點餵佢食飯呀？？我真係好擔心，所以唯有大家都努力，咩都試下煲比佢食啦！！
佢有壓迫感同無奈？？？我就真係有壓迫感同無奈喇！！！我無唔比佢餵奶喎！！只係叫佢煲粥，咁佢有耐心餵我會見到，到咗囝囝都唔肯食，我就會叫佢餵奶，平時佢都會開定奶，唔食粥仔就可以即刻奶奶，我點會想餓親個囝呢？？
我就係將心比己，諗住佢離鄉背井嚟打工，有時Ｍ到會有脾氣，所以都忍佢，呢度個個媽媽都話我對佢太好，你竟然覺得係我對佢唔好？？？講真，人地話我對佢太仁慈，縱到佢咁我無聲出，但你話我對佢唔好就真係有Ｄ那過！！！

私人傳訊

filleul

大宅

積分: 1635

20^#

發表於 08-8-14 16:01 |只看該作者

你工人真係無咩耐性，咁點凑BB呀！？你請佢番來，主力係凑BB，就算其他嘢做得幾好又如何！加埋佢啲咁嘅黑面態度，長逺來講都會食住你咯！仲有聽你咁講，佢對住個BB都可以講埋啲咁難聽嘅晦氣說話，人品真係好極有限！

至於呀B唔鍾意食粥，我個仔BB嗰时都係咁嫁，試過加唔同嘅材料落啲粥度，但點都唔鍾意。可能有啲BB天生唔鐘意食米，但佢就好鍾意wheat，所以我買咗啲BB嘅pasta，以前係百x有得賣，仲係organic嘅，我用啲fresh tomato煮啲汁加啲肉碎同西蘭花蓉比佢，佢不知幾開胃。後来買唔到呢隻pasta，我就用普通意粉但煮到好“捻”再壓碎比佢食，你試下幫佢轉下口味！

原文章由 JessBB 於 08-8-14 13:10 發表
我個囝囝依家7個半月, 但唔鐘意食粥仔, 個工人就連煮都唔想煮, 日日都要我提佢煲粥, 唔提佢嗰日, 佢就餵糊仔, 我問佢點解唔煲粥, 佢話我個仔唔肯食, 煲嚟好嘥, 我咪話佢, 佢一定要日日煲, 令佢肯食為止, 點都唔可以 ...

私人傳訊

mansim

大宅

積分: 1385

19^#

發表於 08-8-14 15:57 |只看該作者

淨係對bb冇需性，我會覺得佢冇愛心，如果比我即炒，都吾好話比我聽到佢講d咁既說話或黑面。

私人傳訊

feclagnes

伯爵府

積分: 15685

2018復活節勳章開心吸收勳章好媽媽勳章醒目開學勳章畀面勳章

18^#

發表於 08-8-14 15:34 |只看該作者

如果你個b唔食粥，咪試下加d紅蘿蔔茸呀、碎肉呀又或者蛋黃落d粥度，增加佢食慾。如果我係你，見到個工人黑面唔餵，我會自己餵，餵完就同佢講，餵小朋友要比d心機，你睇下，我慢慢餵，餵餵下咪得囉，同埋解釋比佢聽只係食糊仔係唔夠營養，所以叫佢每日準備唔同料ge粥仔餵佢。如果真係唔食就唯有補d奶又或者糊仔比阿b，驚佢食唔飽。始終阿b無罪，只係未識用口表達啫，黑面/火佢都無用。

如果唔想浪費食物，每日咪唔好煲咁多囉。換轉係你，餐餐食同一款食物都會厭啦，係咪?阿b越大越醒，唔好食咪會吐出嚟囉。

既然你講到你個工人樣樣都咁好，只係黑面，咁咪好聲好氣咁傾下囉。不過單憑你ge描述，好似佢唔止黑面一樣播，仲對小朋友無耐性同無愛心添

“你話一定要日日煲粥, 令阿b肯食為止, 點都唔可以話阿b唔鐘意食就唔餵” 語氣會唔會好重呀? 佢會唔會覺得好有壓迫感同無奈呀，如果換轉你係佢，你會點，個b唔食(可能d粥難食)，又唔准餵佢食糊仔或飲奶，咁係咪想阿b餓死鴉

人與人之間相處要溝通，尤其飲食習慣，事事將心比己，對你同對工人都會好d

私人傳訊

咩咩豬

大宅

積分: 2800

17^#

發表於 08-8-14 15:14 |只看該作者

我第二個請的工人都是無耐性喂亞仔食飯(亞仔未夠兩歲時),大大匙,未"飩"又照塞,跟住我立即問佢是否喂完今餐就可以坐飛機返屋企,後來已沒有再這樣做.

你試試這樣同佢講,如果再唔得,就即係工人沒有愛心,炒得.

私人傳訊

bbrma

男爵府

積分: 5632

16^#

發表於 08-8-14 15:11 |只看該作者

原文章由 mylulu007 於 08-8-14 14:41 發表
我即刻唸到點同工人講～＞我叫你（工人）餵BB食粥仔之嘛，又唔係叫你去俾人輪！

轉數好快

私人傳訊

貓姐

禁止訪問

積分: 33575

15^#

發表於 08-8-14 15:03 |只看該作者

提示: 作者被禁止或刪除內容自動屏蔽

私人傳訊

mylulu007

伯爵府

積分: 15536

14^#

發表於 08-8-14 14:41 |只看該作者

我即刻唸到點同工人講～＞我叫你（工人）餵BB食粥仔之嘛，又唔係叫你去俾人輪！

工人好係以前既事，佢當年有愛心唔代表以後都係。黑面駁咀無愛心同耐性點湊BB？仲要一D都唔放你在眼內，叫既唔做，做又做得求其。

你怕佢黑面，點解唔可憐一下俾人粗步對待又食唔飽既親生骨肉？

你俾足錢請佢返來仲要睇佢面色？你怕佢咩野？外人黎咋。

如果怕工人話完會報復在BB身上，都係搵定個啦，愛心同耐性係天生，話都話唔到返來。費事死細胞又嚇親自己個B。

[ 本文章最後由 mylulu007 於 08-8-14 14:43 編輯 ]

私人傳訊

JessBB

大宅

積分: 1003

13^#

發表於 08-8-14 14:26 |只看該作者

佢平時對我個仔好好, 以前喺家姐度佢又對兩個外甥女好好, 所以都無咩事發生, 係仔仔依家唔肯食粥, 佢就咁樣, 都係一時時, 佢有時會好有心機, 有時會黑面話我個仔唔肯食, 今次就最激!!
我都係第一次請工人, 加上呢輪幫家姐請工人, 去agent度又請唔到人喎, D agent仲話要揾湊BB好難, 請個好仲難, 咁我同佢地(唔係請佢嗰間)講我個工人咁, 佢地話我個工人算唔錯, 咁我見佢又唔係成日咁, 所以咪算囉!!! 佢煮嘢又好食, 平時叫佢放假都唔肯, 手腳又乾淨, 又慳家, 屋企又好清潔!!! 咁我咪諗佢黑面都係太有性格, 唔鐘意人批評佢啫!!! 我以前阿婆個工人又偷我阿婆D錢同衫褲攞去賣, 又無證據, 所以我怕請唔返手腳乾淨的, 佢好慳, 所以唔會去借錢, 連電話佢都唔會上台, 話會打多洗多咗錢. 所以我都係諗住大家好嚟好去, 點知佢今日會發咁大脾氣喎!!
可能你地都講得啱, 我應該唔好怕, 有咩都話佢, 等佢唔好咁放肆, 我今日會比個警告佢, 睇下佢點, 佢平時都唔會駁咀, 只會黑面, 就睇下今次我發圍佢會唔會收歛下, 再唔係我就炒咗佢!!!! 多謝你地提點!!!

私人傳訊

sumyee

大宅

積分: 4248

2025勳章 2025勳章蛇年勳章虎到金來勳章

12^#

發表於 08-8-14 14:20 |只看該作者

點可以緊講野 : 我餵你食粥, 又唔係比屎你食!
第時你返左工, 果工人會會真係比屎你食or 尿.

私人傳訊

lormy

禁止訪問

積分: 8007

11^#

發表於 08-8-14 14:03 |只看該作者

提示: 作者被禁止或刪除內容自動屏蔽

私人傳訊

已刪除用戶

已刪除用户

積分: 25576

BK Milk勳章畀面勳章

10^#

發表於 08-8-14 13:55 |只看該作者

提示: 作者被禁止或刪除內容自動屏蔽

私人傳訊

elaine808e

別墅

積分: 902

精緻種植勳章

9^#

發表於 08-8-14 13:54 |只看該作者

回覆 #7 JessBB 的文章

如果比我聽到呢一句: 我餵你食粥, 又唔係比屎你食!
我會立即部署搵第二個咯!

私人傳訊

ppmon

別墅

積分: 695

8^#

發表於 08-8-14 13:51 |只看該作者

嘩, 點可以咁樣發脾氣架....佢係咪好後生?

我覺得你應該炒左佢，佢根本都唔聽你支笛，再講，佢咁無心機照人顧bb, 對bb一定唔好，就算其他做得幾好都無用!

仲有，7個月大的bb淨係食糊仔同奶係唔夠營養架，你試下係粥仔加d碎肉或果茸或薯茸或菜茸或蛋黃(但每次只可加一種)，有d其他味道，bb會鍾意架。我囝囝就好鐘意番薯茸同紅蘿蔔茸粥仔，你試下啦!