吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 點解d老公咁自私...

夫婦情感今日: 6|主題: 42726

收藏本版

發帖

返回列表

跳至頁

查看: 2431 | 回覆: 11

點解d老公咁自私... [複製鏈接]

luckyQ

珍珠宮

積分: 31735

1^#

發表於 08-8-17 17:20 |只看該作者 |正序瀏覽 |打印

我係有計劃生bb既,諗住生bb就無做野,因為之前小產過,我bb囡就0黎1歲,我生左個bb之後真係忙左好多,我打算bb讀幼稚園先考慮做返野,依家9成時間都係比哂bb,由朝做到晚,老公一個月放5日假,屋企家務以前都有主動幫手做d,依家勁少..仲要出聲or3吹4請,可能佢覺得朝早同我睇住bb一陣個零鐘等我瞓多少少已夠掛,放假我只係想佢同我同bb出街食野,幫手做屋企粗重d既野,買下重d既野等...但係佢就越來越懶,夜晚又唔願瞓,我咪叫佢朝早睇下bb等佢夜晚累d一齊瞓,放假又咩都側側膊唔願做,成日對住部電腦上網...放隻就例睇藍球呀打波做運動等,我唔係唔比佢有私人空間,我只係想佢對屋企第一,做哂野咪可安心做佢自已野囉,點知我一出聲佢就好似好煩,又話我勞so王,又話我以前唔係咁,我地少有少嘈過大都有1-2次嘈過不過唔係成日嘈,有改善少少都無引啦,成日唔主動,我都有d心淡,我成日咁忙我都唔想架,我都唔想成日哦佢,我夠咩娛樂都無啦,我只係想好好照顧bb同頭家,我有錯咩?我都好唔開心呀...無人體諒我,搵錢大哂呀,無關心我同bb同比錢助養我地有咩分別?有老公同無老公有咩分別呀??我都有難頂既時間..唔係呢度講下都唔得...我會癲架

0 0 0

私人傳訊

nibikalea

大宅

積分: 1377

12^#

發表於 08-8-18 22:32 |只看該作者

我係全職媽媽, 我老公都係咩都唔做.我日日夜夜都要執佢d手尾. 不過佢就努力搵錢, 今年請咗個工人. 有時我話個工人唔好, 佢就好怕我會炒咗個工人, 佢話佢放工已經好攰, 好驚要幫手洗碗.

但我想佢已經好好喇.

我朋友都係全職媽媽, 佢話有次佢有事要出去一日, 老公負責湊b. 個日之後老公就同佢講"原來湊b咁辛苦"

私人傳訊

anita_yps

侯爵府

積分: 23755

2024年龍年勳章 BK Milk勳章畀面勳章

11^#

發表於 08-8-18 19:10 |只看該作者

我之前都係做full-time mum, 我c6又係返到黎乜都唔做, 好似大爺咁, 因為唔湊過bb唔知有幾辛苦。

我而家出返黎做野, 我c6反而間中做下家務, 我諗你考慮下做返野, 請工人啦。

私人傳訊

kellyly

侯爵府

積分: 24623

好媽媽勳章畀面勳章

10^#

發表於 08-8-18 18:32 |只看該作者

我之前都係咁ka
我成日都同佢嘈ka,佢都話我成日搞到家嘈屋閉ka.
係早2個月前佢放大假,仲要連續2個月都放半個月假,而且仲有例假放.
但佢一d都無幫過手,佢係到我仲要做多左野
有日我忍唔住我就咩都唔做.
過左無幾耐之後,佢忍唔住就開始幫下手做家務la.
而且我聽番朋友講,佢問過朋友老公洗唔洗幫手做家務,點知比朋友老公鬧話點解唔洗做,而且仲話佢由細做到.
之後我諗c6有反省過,都有幫下手既.
前幾日又係ka,佢瞓係到睇電視,我就執野,搞掂晒之後就要佢抺地
佢都唔想做ka
我就鬧佢唔洗你做呀,"達係到"就番去你媽到.
之後就去抺地la.

私人傳訊

superluk

洋房

積分: 264

9^#

發表於 08-8-18 15:10 |只看該作者

同意..同意...唔好依靠男人
女人不論任何年齡都要靠自己

私人傳訊

superluk

洋房

積分: 264

8^#

發表於 08-8-18 15:07 |只看該作者

同意..同意...唔好依靠男人
女人不論任何年齡都要靠自己

私人傳訊

superluk

洋房

積分: 264

7^#

發表於 08-8-18 15:05 |只看該作者

同意..同意...唔好依靠男人
女人不論任何年齡都要靠自己

私人傳訊

purple_lily

大宅

積分: 3546

6^#

發表於 08-8-18 13:47 |只看該作者

佢梗係覺得你而家唔使返工會比較舒服，所以先唔幫手啫，你試吓心平氣和咁向佢報告吓每日湊bb的事情，一來兩公婆當傾吓計、俾佢了解吓bb的生活狀況，二來俾佢知道你幾忙都好丫！
d男人會覺得日間湊bb會有時間休息、瞓吓，但又計漏左你夜晚standby湊bb，日間趁bb瞓左你又要做家務、煲粥俾bb食、準備晚餐等，你根本就忙得不可開交，有時仲辛苦過返工！
不過兩公婆最緊要溝通，唔啱講到啱囉，千萬唔好嘈呀！傷左大家的感情就唔好啦！
努力啦！凡事放開心點，有唔開心就上黎呻吓啦！

私人傳訊

howy

別墅

積分: 720

5^#

發表於 08-8-18 09:20 |只看該作者

c6永遠覺得他們的工作是最忙的, 但係他們仍然是準時收工的

我都覺得你要找份工作做下, 你唔做嘢, 一來要依靠c6比家用你, 他就會覺得你都是靠他養的, 點解他仍要幫忙你做家務呢?? 二來有份工分散下主意力, 有多d話題, 始終是一件好事.

女人不論年齡都是靠自己好, 有老公依靠當然是好的, 只是你要知道世事無常, 今天是......唔代表明天都是一樣的

私人傳訊

jamie_mama

男爵府

積分: 7745

畀面勳章爸B勳章

4^#

發表於 08-8-17 21:39 |只看該作者

我都覺得啲男人唔係咁了解屋企真係有好多嘢要做，更家唔明多咗個小朋友會更加多嘢做。不如你同c6講吓你平時嘅工作，等佢了解多啲。同埋考慮吓請個鐘點幫吓手啦！

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

3^#

發表於 08-8-17 18:32 |只看該作者

以前大家都要返工, 佢好自然要幫手做家務, 但你已經冇返工, 全職照顧屋企, 佢覺得你應該有足夠時間做晒所有家務,大家已經分咗工架喇. 如果你要佢做家務, 咪即係要佢做埋你果份, 佢會覺得自己好辛苦囉. 男人係咁架喇, 唔知湊B有幾咁忙, 屋企有幾咁多濕星嘢要做, 真係1日24小時都唔夠用呀.

你試下再同佢傾下, 話亞B出世後, 真係好多嘢要做, 你一個人搞唔掂, 要佢幫多D手. 但千期唔好勞氣, 唔好用責怪嘅語氣, 大家有商有量咁啫. 如果佢點都唔肯接受, 你不如認真考慮請個工人幫手湊B, 如果經濟有問題, 你就早D打番工, 都要請工人. 喺BK度都見到好多媽咪因為全職湊B而同C6多咗嗌交, 感情差咗. 我明白每個媽咪都好想親眼睇住BB成長每一個細節, 但有時都要顧及C6感受. 如果每日犠牲幾個鐘返工, 冇得見BB而可以換番一家和諧, 我覺得係值得架.