吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 一人有一個童年,你童年係點樣過呢...

自由講場今日: 1708|主題: 1356947

收藏本版

發帖

返回列表

跳至頁

查看: 4992 | 回覆: 63

一人有一個童年,你童年係點樣過呢... [複製鏈接]

12 3 4

青雙劍

子爵府

積分: 10974

1^#

發表於 08-8-19 15:47 |只看該作者 |正序瀏覽 |打印

每次睇到虐兒新聞時,亦想起自己有個一生都不能磨滅的童年

[ 本帖最後由青雙劍於 09-12-9 01:40 編輯 ]

0 0 0

本人所貼文章及相片都是從電郵中所取得來而轉貼！

本人所講說話純粹個人意見與文章及相片並無關連！

本人若侵犯了各下之板權，懇請告知本人以作收正！
　　
　　　　　＝＝紫電青雙劍＝＝＝》》》

私人傳訊

我愛Corina

瑪瑙宮

積分: 138364

2025勳章蛇年勳章 2024年龍年勳章好媽媽勳章醒目開學勳章環保接龍勳章

64^#

發表於 09-4-20 07:23 |只看該作者

唉...我以為你地D悲慘,係我媽咪既年代先有..(我媽咪50出頭啦)...我媽咪個童年好慘,仲衰過樓主,我媽咪真係大命唔死得....所以到而家我都好憎我外婆,我媽咪都有鬧過我,話老人家應該要尊重,媽咪話其實外婆都好錫我喎(我一D都唔覺),但我真係無辦法去尊重佢,我結婚時,佢比我D野我全部唔肯要!!!!

可能媽咪個童年超慘+我係80年代出世,所以我既童年都算幾好啦...

我一出世就搬屋,雖然唔係大屋,但係新樓,乾乾淨淨,我媽咪一手湊大我,daddy返工,當時媽咪都有幫人湊下細路,幫補家計...

每個月daddy出糧時就會去玩具店買禮物+佢會比錢我入豬仔+daddy d朋友幾有錢下,我細個時,佢地係比$500-$1000我買野食..我幾歲時,屋企已經供完,錢銀就鬆動d,所以物質方面都算過得去...要學乜,佢地都盡量比我學..

每個sunday,如果daddy唔洗返工就一家人去食野,有時去大排檔,有時去茶樓..如果要返工,就帶埋我同媽咪去返工...

我屋企得我一個女,所以'麻麻',亞公等親戚都好錫我..成日買玩具+零食比我..

呢d日子好開心ga,但到左小學2-3年級,daddy個老細要移民,咁DADDY就另起爐灶,自己攪生意,果段時期係最慘ga,因為生意唔好嘛....不過好快過去,因為間野捱唔住執左,咁daddy就搵過份工...果陣時我都覺得自己好慘,點解咁窮??因為果段時期d親戚做生意做到好有錢,表姐用d野好靚+好貴,但我就無...其實諗返起我地已經唔錯ga啦,起碼有地方住,有得食...

之後父母都出去做野,咁我自由度就大左+零用錢多左,鍾意既野都好易得到...

學校方面,中小學都有數個好朋友,到而家都keep in contact ga,成績普普通通,父母都比左好錢我去補習,但自己無咩心機..但都係區內band 1中學畢業..

讀完f7我唔想讀書,就走左去做summer job,做完之後我又唔鍾意做野,覺得自己太細個,得f7係唔夠,想讀書,但自己唔係讀書材料,係香港升唔到大學,咁媽咪就好辛苦咁供我出國讀書...4年大學洗左媽咪幾十萬,我地唔係有錢人家,幾十萬對媽咪黎講好多ga啦...

我既童年,可以話係不過不失....對比d有錢親戚黎講,我係好慘ga....因為我讀大學時,媽咪只係比學費(佢唔係唔想比,但真係比唔到),我要自己做pt賺生活費...我d cousins個個架車都幾十萬,渣3-4年又換車...

私人傳訊

沙沙

禁止訪問

積分: 46216

63^#

發表於 09-4-20 01:23 |只看該作者

提示: 作者被禁止或刪除內容自動屏蔽

私人傳訊

Leomummy

男爵府

積分: 7723

62^#

發表於 09-4-20 01:14 |只看該作者

原帖由沙沙於 09-4-20 00:58 發表

唔好咁啦..我小學時都係好多男性同學傾得埋的..但我唔嗲..我幾粗.. 所以無乜女性朋友..如果下次妳小朋友問起妳童年..妳咪話唔多開心架..講事實都唔怕的...簡D出來講..等佢地知佢地呢家有幾幸福..要珍惜 ...

我從來都只係覺得自己粗魯，成個男仔頭咁

不過最近有一次阿仔個同學用好驚訝既表情同阿仔講，乜你媽咪講野咁嗲架？爆

我都會嘗試揀一 d 講吓，不過我多數叫佢問咗爸爸既童年之後，佢好似唔係好記得問返我 lu

私人傳訊

roccomami

禁止發言

積分: 14500

好媽媽勳章

61^#

發表於 09-4-20 01:00 |只看該作者

提示: 作者被禁止或刪除內容自動屏蔽

私人傳訊

rean_chau

公爵府

積分: 28591

60^#

發表於 09-4-20 00:59 |只看該作者

我個童年真係好幸福, 因為爺爺爸爸係香港揾錢,所以物質特別豐富.亞爺成日係香港買好靚既衫比我, 三十年前既二百蚊一對鞋,米奇老鼠短裙, 佢都係咁買比我.到現在我都唔捨得丟.
細個行出街,個個都話我係金孫, 其他小朋友唔敢同我玩,因為怕整爛我D野無錢陪.所以細個好渴望平凡,希望可以同其他人打成一片.
到左三年級, 爸爸要我寄居係叔婆度住,因為佢D仔女讀書叻,要為我將來出香港舖路.雖然話寄人籬下,但叔婆對我既照顧無微不至,連刷牙杯水都幫我裝好埋先叫我起床. 又成日帶我去度身造衫. 仲有錢, 亞麻將我果年既利是錢比我自己袋,我可以隨意咁買野食,請同學食..有時爸爸叔叔來探,又比D...真係想要咩就有咩!!!
反而係十三歲落左香港之後有D唔適應,因為對落仲有三個細佬妹,媽媽唔可以好似亞麻叔婆咁服侍我.我要段好長既時間先可以適應.但同時亦讓我學識自立同埋謙卑..

好多謝曾經照顧我既人, 佢地比我一個無慮既童年,比我係愛中長大...雖然我今日要經歷風浪, 但我必堅强!!

私人傳訊

沙沙

禁止訪問

積分: 46216

59^#

發表於 09-4-20 00:58 |只看該作者

提示: 作者被禁止或刪除內容自動屏蔽

私人傳訊

沙沙

禁止訪問

積分: 46216

58^#

發表於 09-4-20 00:55 |只看該作者

提示: 作者被禁止或刪除內容自動屏蔽

私人傳訊

Leomummy

男爵府

積分: 7723

57^#

發表於 09-4-20 00:24 |只看該作者

我一 d 都唔鐘意我個童年~~~雖然我不至於好似樓主咁受到咁嚴重虐待，但對我黎講都唔好受，同兩個阿哥相差十幾年，根本無人同我玩，唯有同隔離小朋友玩，但冇事尤至可，有起事上黎，一定俾人哋阿媽話我唔岩，因為佢哋都知道根本無人可幫我出頭，到夜晚阿媽收工返到屋企， d 三八仲會即刻話返俾我阿媽知，佢第一時間就會打咗我先，唔駛問原因架，d 阿哥亦唔理

再大 d ，總會有自己既同學，通常都係 d 男同學打電話俾我，我阿哥一聽係男仔打黎，又閙又打，平時小小事令到佢哋唔開心，亦係打，仲要係打親都用木棍，木棍都打斷好多支，我果時都有諗，點解打極我都唔死得既

係學校亦唔見得有幾開心，點解剩係得男同學打電話俾我，咪又係因為 d 女仔唔鐘意我囉，佢哋話好憎我講野懶嗲噃，所以剩係得 d 男同學同我玩

而家阿仔有時都會問我童年係點過？小學生活係點？開唔開心？我都唔識點答，好多時都會借故拉開話題

[ 本帖最後由 Leomummy 於 09-4-20 01:15 編輯 ]

私人傳訊

kellyly

侯爵府

積分: 24623

好媽媽勳章畀面勳章

56^#

發表於 09-4-19 22:59 |只看該作者

童年都幾開心ka
因我住船既
一好天就即同呀哥堂哥堂姐佢地自己"扒"左隻艇仔走
次次番黎都比呀媽打,但好開心ka
再唔係就釣魚
如果到暑假呢,我地就會成班小朋友去呀"麻"家住幾日
日日晨早5點起身晨運,之後食早餐
之後我地就會落街玩
雖然要幫手做家務做完至玩得,但好開心

私人傳訊

卓言

大宅

積分: 4278

55^#

發表於 09-4-19 22:46 |只看該作者

我嘅童年雖然好窮﹔但係就好開心﹔因為媽媽爸爸工作関係﹔所从我幾兄弟姐妹跟外婆一起生活，最記得小時候冇零用錢﹔所以偷阿婆＄俾人發現咗﹔跟住比人打到飛起﹔如果考試唔合格﹔阿婆打电話俾我呀媽﹔我阿媽就返來打鑊金﹔不過我地後來醒水﹔著定兩條長褲﹔諗番起都開心﹔真係好懷念小時侯﹔雖然係窮﹔但係好滿足:

私人傳訊

~仔仔媽咪~

水晶宮

積分: 51912

54^#

發表於 09-4-19 20:53 |只看該作者

查實我媽都係重男輕女架!到我大個咗結咗婚後,佢都兜口兜面話佢淨係鐘意仔,仲話女係留番俾爸爸愛鍚,嗰時我都無言架!我媽仲講到鬼咁認真好似講緊一個正確既道理咁,到我生咗仔後,我媽到依家前後黎我屋企睇孫都唔過五次(有找添),我黎佢屋企,佢又講到好驚咁話我仔百厭,講到叫我唔好帶個孫黎,平時我媽淨係搵我哥,係到我哥嫌佢煩或者我哥真係忙到唔接佢電話時,佢至打電話黎搵我吹水,但講嗰D都係講我哥囉...

查實我都睇得好化,呢D野可以令我好唔開心,但我覺得最重要都係自己點去諗去睇呢D事囉!輔導過自己後,自己唔太在意媽咪咁樣,自然會接受到.咁講真,我都好愛鍚我哥同我細佬.只係我哥同我細佬仲有媽咪愛鍚當神咁拜啫.所以我兄弟之間感情好好.

私人傳訊

~仔仔媽咪~

水晶宮

積分: 51912

53^#

發表於 09-4-19 20:46 |只看該作者

原帖由 青雙劍 於 08-8-19 16:36 發表

妳就好喇,有對父母鍚,仲兄弟姊妹感覺咁好添!

有時d人講,雖然妳係慘,但亦有比妳仲慘既人大把,我知比我慘既人好多,不過我係呢個所為家只覺係一個奴隸!! ...

過去既事唔好再諗番喇!以前還以前,依家還依家,至緊要依家你生活安定同幸福啫!呢個世上都好公平,每個人身邊都有憎恨自己既人,同時總會有人去真心愛你.

唔好咁灰啦!希望在明天,呢刻可能你會認為未有人愛你,但至少有你自己去愛鍚自己係最重要囉!

私人傳訊

anitalove

大宅

積分: 4683

52^#

發表於 09-4-19 20:38 |只看該作者

我既童年雖然唔算慘~但係從來都感覺唔到母愛~我有一個家姐同兩個同母異父既妹妹~由我出世冇耐爸爸就死左~之後家姐隻眼有事要做手術開始~我就由婆婆湊~到左5歲,呀媽同第二個結左婚生埋呀妹~佢先接我返去~可能由細到大都唔係佢湊我喇~我同佢可以話冇感情~同呀妹爭親野~佢一定鬧我~由細到大都係咁~反而個養父對我仲好過佢~我呀媽係一個重男輕女既人~我舅父過繼左個仔俾佢~佢勁鍚我呢個所謂既<呀哥>但係我係佢親生架~佢就當我冇到~養父係屋企唔見左錢~佢就話我偷左~果日仲要係我生日~我話左冇~佢又唔信~係咁鬧我~點知原來係養父冇記性唔記得放左係邊~搵返d錢之後佢就扮冇野~但係我個心就好痛~我係你個女你都唔信我~自從呢件事之後我就好憎佢~所以我成日都係度諗點解佢咁鍚家姐同兩個妹~我其實係咪佢親生既呢~

私人傳訊

OLDCAKE_MOM

子爵府

積分: 14803

51^#

發表於 09-4-19 18:27 |只看該作者

原帖由 w_y 於 09-4-19 18:05 發表
嘩...呢 d 我當時覺得一定係公主先有咁生活....諗都未諗過架

我幾個妹成日都幻想自己係公主, 我就冇了, 但求唔使俾人打就得架了

個人意見　不喜請插　任插唔嬲　 ...

私人傳訊

一仔媽咪520

侯爵府

積分: 21343

好媽媽勳章

50^#

發表於 09-4-19 18:18 |只看該作者

我童年过得几快樂！因為我父母係擺街边賺錢，我同細佬有时唔使睇檔，就周圍去玩，係街度見盡一切新奇既事物！同埋我地賣既野，好多种類，有家品，衣服，飾品，玩具，所以童年人冇既野，我同細佬都有得玩！同埋我爸爸一有假期，就会攞住相机一家人四圍去，四圍影相，所以我成長过程都算比上不足，比下有如！就正正我童年过既生活，我而家一有时间，都周圍同亞仔呢度去，个度影相！我想係仔仔既記憶裹，都同我有个美好既回憶呢