自由講場今日: 1684|主題: 1345346

收藏本版

發帖

返回列表

跳至頁

查看: 5647 | 回覆: 118

無諗過叫自己媽媽坐月結果會係咁。 [複製鏈接]

12 3 4 5...6

cholewong29

男爵府

積分: 6534

1^#

發表於 15-12-7 12:50 |只看該作者 |正序瀏覽 |打印

當初打算請陪月，係自己媽媽講到無謂浪費金錢，又講到自己咩都識整，又多朋友係陪月，又話唔想日日去炒股票，想湊下孫有d世藝，所以咪揾佢幫手坐月，臨生前仲俾左一萬蚊佢，講明錢唔夠再問我攞。

1.出院第一日，我咪叫媽媽入黎住。點知，佢順便叫埋一班親戚上黎食飯。媽媽在一個唔熟架步的環境煮飯，基本上下下都要問我d嘢擺邊。大佬丫，我啱啱出院，又帶住個初生b，我都好忙湊女好想休息，都唔明點解仲要招呼一大班親戚黎我屋企食飯？

2.出院第二日，湊女d嘢主要我同我老公理，我媽就係度嗌悶，最後叫開完刀生仔第五日嘅我，帶佢落我屋苑度認環境。唉，其實我傷口仲痛。

3.我媽以往一日都係煮早餐和晚餐，下午就落街食下午茶。估唔到幫我坐月都係咁，煮左個肉餅飯俾我做早餐，就無再煮午餐我食。結果，我老公落街買左個肉醬意粉俾我食。第二日午餐又係唔煮，結果我媽買左個譚仔俾我食。我老公嬲到爆炸，見到個老婆坐月要食譚仔，所以即日訂左坐月餐俾我。我媽就不停踩d陪月餐，又話人地用料渣，又話咁樣送過黎好易變壞。

4.我媽勁鐘意炒股，只要有市時，佢就將我屋企變身交易現場，又睇股票又落盤又同朋友傾個市，總之就嘈到我訓唔到。

5.我媽係一個勁混亂勁污糟的人，可惜我老公係一個勁整齊的人。我老公個侍產假主要就係幫我媽媽執返整齊佢整亂左嘅嘢。我媽習慣盤碗由朝儲到黑先洗，我老公通常趁我媽訓左或者出左街就執返好我媽整亂左嘅嘢，但我媽返到黎又勁不滿我老公執返整齊，之後就同其他親戚哭訴我地唔包容佢。

6.湊bb好似永遠老人家嗰套係啱晒，我地就錯晒。我每次一抱起個女，佢就話我扭親個女條頸，扭親個女隻手。著兩件衫又話我地凍親佢，係都要包到隻糭先話可以。我話初生唔使餵水，佢就單單打打咁話「我而家真係唔識湊」

7.每次煮咩都問我食唔食得，當初係你話咩都識我先叫你黎坐月，而家我反而要日日Google 。

我真係就黎俾佢搞到抑鬱，我已經好後悔做咩當初唔請陪月。而家媽媽黎左我屋企住，我又無可能而家先請。而家仲搞差埋同媽媽個關係，之前本身好好。我已經唔諗補身，但求無抑鬱，開心過埋個坐月就算。

0 0 1

私人傳訊

ope

侯爵府

積分: 20752

119^#

發表於 15-12-9 21:14 |只看該作者

回覆：無諗過叫自己媽媽坐月結果會係咁。

我也發生過，但係99

佢又係話自己乜都識，原來係來指揮我做。我每做一樣嘢佢係後面好似配音咁，講講講講講，來8 個鐘，講足 8 個鐘。

朋友送禮物比bb, 佢問也晤問我就拆，仲要覺得靚的拿去送比親戚。

我比了差不多一皮嘢，佢㷛了三次湯，每次她飮先，剩低的番渣㷛比我。

滿月我們收到禮，比完酒席有剩，佢竟然要求攞一份！

佢貪到好似某某星媽。