吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 想請教生仔的姐妹～

懷孕前後今日: 1|主題: 330547

收藏本版

發帖

返回列表

跳至頁

查看: 2575 | 回覆: 30

想請教生仔的姐妹～ [複製鏈接]

annecy

大宅

積分: 1710

1^#

發表於 15-12-12 02:56 |只看該作者 |正序瀏覽 |打印

其實我由細到大都中意仔，可能因為自己細個系喊包，所以覺得女仔好煩，而且，以前媽咪幫親人湊的都係BB仔，所以特別中意仔。最後，都有少少傳統思想覺得應該生個仔。

但就係呢幾年，我個想法改變了。第一，我老公一直都喜歡女（我好容易比佢影響）第二，我身邊大部分的朋友都係生女，見多了都覺得女好sweet。第三，我這幾年聽過見過的男仔都係比較活躍（有d直頭講粗口，打架），第四，身邊大部分男性朋友一系獨立但同家人比較少溝通，一系痴阿媽到飯來張口。

所以，到最近發現有了，唔多唔少都會幻想系女。。。之後又會想像怎樣佈置BB房，第時可以兩母女講心事,玩煮飯仔，買好多裙仔比佢。。每晚同老公都傾得好開心。

但前兩日照到系仔，我一直以為雖然我喜歡女，但其實仔女都無所謂。可是過了2天，心情好像沒之前那麼興奮。我知道能夠有自己的BB已經系福氣，我唔係唔感恩，唔知足。可能之前幾個月不覺意地把BB出世後的畫面都想成系女，所以現在一時見消化唔到。我知道仔仔出世我一定好愛佢，只係我想盡快恢復期待的心情。我覺得現在的失落感對佢好唔公平呀～

生仔的姐妹可以分享下嗎？

可能我轉了牛角尖，我一直覺得女我可以show好多愛，成日抱著她疼。但一想到仔，我就怕我不可以把愛表露得太明顯，因為覺得男仔要獨立d man d.

而我老公，雖然我感受不到他不開心，但覺得他沒有之前那麼
興奮。都係個句，我知道BB出世，我地會好開心同好錫佢。但我想听多d同男仔相處的sweet野。

0 0 0

私人傳訊

candiceb

男爵府

積分: 5263

31^#

發表於 15-12-15 00:27 |只看該作者

回覆：想請教生仔的姐妹～

裙唔裙腳仔，睇你自細點教佢嘅啫
錫唔錫到出面，要睇個仔性格，
煮野食，冇分男女架喎，你睇下外國啲節目啲小男孩煮野幾勁，幾有創意又有主見，我都想呀仔第日係咁，又可以係興趣又可以係事業，
女都可以錫到佢有公主病，自我中心，女都可以唔鐘意扮靚等等
諗唔到咁多，生左出泥望住佢你自然唔會失落

私人傳訊

sambebe

子爵府

積分: 11475

30^#

發表於 15-12-14 20:42 |只看該作者

回覆：想請教生仔的姐妹～

其實都好睇父母點教，唔好因為係仔就要佢man d，買槍買模型，女就錫到變公主玩公仔，而家咩年代，小朋友有自己性格，我個仔從來唔周圍走，唔打架，唔整爛野，好sensitive，會同我傾計，又會煮食同焗野，我病又關心照顧我，好細心，佢成長中都好有自己想法，有時幫我開門，拎重野，教我政治歷史（我弱項）我都好冧㗎。

私人傳訊

karllambb

用戶要求終止服務

積分: 1557

29^#

發表於 15-12-14 13:35 |只看該作者

回覆：想請教生仔的姐妹～

我同你一樣，勁恨女，又係諗太多個啲人。結果第一胎係仔，但發覺仔仔原來係都好sweet，同埋一同朋友gathering原來我仔比起女女真係多鬼主意啲，所以會覺得仔都好好！

不過我而家陀緊第二胎，我都係恨女多啲，始終見我老公同佢細佬關係麻麻，而哥哥點都會錫妹妹多啲掛，所以我希望係兄妹關係多啲。

但仔定囡，真係健健康康最緊要！唔好諗太遠！

私人傳訊

小丸子v

大宅

積分: 1416

畀面勳章

28^#

發表於 15-12-14 05:18 |只看該作者

回覆：想請教生仔的姐妹～

我照個陣話等出世先知性別
我陀個陣個肚勁圓
個個都話我係女…我本身中意女多d,因為sweet d
但bb出世個陣姑娘問我見到係仔定女,一開眼見到兩粒蛋。
我以為自己會吾開心,但事實上冇…
當您十月懷胎,好辛苦生佢出泥,您見到佢個一刻係會母愛爆棚。無論係仔定女都好滿足

男仔天生性格比較內斂~樓主吾好開心啦
我坐月個陣見到仔仔訓教個樣就覺得有兒萬事足,仲比老公串我話我當初係想女

私人傳訊

Garbiewong

別墅

積分: 546

BK Milk勳章

27^#

發表於 15-12-14 02:35 |只看該作者

回覆：想請教生仔的姐妹～

有已經係福氣啦唔好唸咁多
bb會知道㗎～
你睇吓想生bb個post
人地好想有都係緣未到，
你以家有就要好好珍惜
生仔生女係緣份天註定！
我都辛苦左２年至有以家呢粒囝
佢有時曳到都幾激心
但見到佢對住你甜笑，
行埋黎攬住你既時候
真係幾辛苦都值得！

私人傳訊

little_monkey

子爵府

積分: 13750

26^#

發表於 15-12-14 00:17 |只看該作者

回覆：想請教生仔的姐妹～

坦白講，唔好諗咁多，男女都係天賜的。講真架，小朋友健健康康，已經係最大的blessing.

私人傳訊

cookiesmonster_

大宅

積分: 1177

25^#

發表於 15-12-14 00:07 |只看該作者

回覆：想請教生仔的姐妹～

我仔就快3歲好曳曳好活躍
但好sweet 好錫媽媽
頭先同老公鬥嘴幾句
佢以為爸爸鬧我
佢話「唔好鬧媽咪呀!」

聽完覺得好lum

私人傳訊

yuchin

禁止訪問

積分: 626

最關心BB問題熱投勳章

24^#

發表於 15-12-13 18:20 |只看該作者

提示: 作者被禁止或刪除內容自動屏蔽

私人傳訊

yennisnyy

複式洋房

積分: 276

23^#

發表於 15-12-13 13:07 |只看該作者

回覆：想請教生仔的姐妹～

其實生仔生女我都無所謂，最緊要健健康康

我老公出咗名鍾意女，我開始陀緊嘅時候，好多人comment 我似陀仔，我老公有意無意之間都會唉聲嘆氣，我就會好唔開心，有BB健康成長係得來不易(因為之前小產過)，生仔生女真係無所謂。。。到有次照超聲波，BB張開個脾俾我地睇佢菇菇，就證實咗係生仔，我地喺家庭group 度講我係陀仔，啲兄弟姊妹唔係講恭喜，而係講唔緊要，下一胎再接再厲。。。我老公仲要講好，我果時真係好激動，生仔唔好咩？我立即喺group 度回應，如果要抱住下一胎要生女嘅態度，我寧願唔生，我怕老公失望。。。我唯有要令到仔仔可愛啲乖啲，令老公鍾意佢多啲啦。之後個個連老公都立即話生仔生女唔重要，最緊要健康。不過講咩都無用，心裏面已有條刺。。。

所以有時候壓力唔係來自自己，而係身邊人你一句我一句。。。

私人傳訊

cat4775

大宅

積分: 1796

22^#

發表於 15-12-13 06:37 |只看該作者

引用：得罪都好想講… 我生左第一胎之後開始好唔

原帖由 carmenyan206 於 15-12-12 發表
得罪都好想講… 我生左第一胎之後開始好唔明白點解d媽咪成日都會因為仔定女呢d野唔開心。係我心目中小朋友 ...

講得非常好

私人傳訊

annecy

大宅

積分: 1710

21^#

發表於 15-12-13 05:20 |只看該作者

回覆：想請教生仔的姐妹～

我其實都好內疚自己竟然會唔開心。明白仔女都好，最緊要健康。係知道之前我都以為自己唔會太唔開心，因為第一個其實無所謂。但到知道了，就發現原來自己前幾個月太多和女相處的畫面入了腦，所以突然有點失落。

至於仔唔敢愛得明顯我估每個人想法不同。我唔多唔少比身邊朋友影響。我認識的朋友三十幾歲，娶了老婆，被公司派去第二樹工作其實只係兩鐘頭船程，每個禮拜返屋企，但打比我好淒涼甘話唔想離開阿媽。。最後佢阿媽要幫佢煮定一個禮拜菜車佢佢碼頭比佢帶去。當然這只是一個少少的例子，但我另外幾個男仔朋友又係類似情況。。。我知道好多唔係甘，但我未見過，可能我太 Man..識親的男仔大部分都係o甘 (好彩老公唔係)。。。唔係想得罪其他媽媽。亦明白個個小朋友都唔同唔可以一概而論。所以我好努力調節緊。而且我相信我到時都忍不住錫仔仔得好明顯。

其實今日已經開心好多，亦打算去看下BB 仔衣服。我同老公見到 d BB 仔熊 bear bear 衫覺得好得意。。所以我估我差不多 adjust返啦。

私人傳訊

carmenyan206

珊瑚宮

積分: 110227

hashtag影視迷勳章畀面勳章 BK Milk勳章

20^#

發表於 15-12-12 22:54 |只看該作者

回覆：想請教生仔的姐妹～

得罪都好想講… 我生左第一胎之後開始好唔明白點解d媽咪成日都會因為仔定女呢d野唔開心。係我心目中小朋友只要健康平安我就滿足。如果失去過就會知道其實要生一個健康既小朋友已經唔簡單我唔得閒唸拒係男定係女…

私人傳訊

hayley_leung

子爵府

積分: 13776

Poo得好勳章

19^#

發表於 15-12-12 21:50 |只看該作者

回覆：想請教生仔的姐妹～

生完個仔，再生多個女咪得囉

我老公鍾意仔，我第一個係女，我feel到佢初時有D失望，但之後佢好錫個女，其實出世後慢慢會變嘅

私人傳訊

Tangbee11298

大宅

積分: 2395

18^#

發表於 15-12-12 20:23 |只看該作者

我都係仔，點解唔可以愛得明顯？我成日同我仔錫黎錫去，我仔都好sweet成日love u前love u後，係女仔係好多靚3但仔要扮都可以好型呀，不過我仔而家都未夠3歲，所有大左係點我未知，不過出左世你睇住佢長大一定錫

私人傳訊

EstrellaDamm

水晶宮

積分: 55381

17^#

發表於 15-12-12 19:41 |只看該作者

annecy 發表於 15-12-12 07:42
回覆 encl.design 的帖子

我都估如果第二胎我可能變了鍾意仔，因為第一個仔出世之後一定會覺得佢好可愛， ...

而家係廿一世紀，仔女都係咁樣養。而家都儘量唔刻意分男仔女仔玩具啦。就算男仔鍾意扮靚煮嘢食都好正常。今時今日唔少男性將呢啲興趣作事業，做得好出色。

私人傳訊

shinghk

大宅

積分: 1168

育兒性格勳章

16^#

發表於 15-12-12 19:11 |只看該作者

我岩岩有左果時,身邊有經驗既fd都話我陀既係女,因為我皮膚變好左.哈～令我覺得係bb女,睇好多裙仔,幻想將來可以1齊行街扮靚,諗起都開心。老公就話男女都無所謂啦…最尾俾我影響,都覺得係bb女。當照完結構係仔果時都有小小失望, 不過佢屋企人就好開心。因為得老公1個男丁,我生仔既話老人家會安心啲。
同埋要調整返自己心態，我覺得bb係肚入面會感覺到,男仔咪唔使我擔心咁多囉…學唔學壞都係身教問題。女仔都有好多1出聲就魚蝦蟹啦…

私人傳訊

annecy

大宅

積分: 1710

15^#

發表於 15-12-12 08:52 |只看該作者

回覆：bosch 的帖子

o華，o甘兩個哥哥係咪好錫妹妹0架？我老豆見我中意女，叫我一直生到有女。。但我估三個或以上我未必搞得掂。但好難講，可能BB 出世之後我會改變主意。。。

我其實細個幫媽咪手湊過好多男BB,個個都好得意。所以細個中意仔。但近幾年見女比較多，反而好多親戚的仔都好恐怖，一系打架，一系講粗口，一系成日癲o左o甘叫。搞到我怕怕～