美容扮靚今日: 3|主題: 137990

收藏本版

發帖

返回列表

跳至頁

查看: 1536 | 回覆: 28

各位準新娘~~大家小心X美婚紗，fb名叫新娘化妝yxn yxn [複製鏈接]

camilleyik

複式洋房

積分: 393

1^#

發表於 16-1-9 21:11 |只看該作者 |正序瀏覽 |打印

各位準新娘~~大家小心X美婚紗，fb名叫新娘化妝yxn yxn事原係我係2015年3月經朋友介紹識左新娘化妝yxn yan，去左佢觀塘office試妝，試完仲即日比埋訂; 到12月我都上左去final試頭，試完比埋尾數! 到2016年1月3號即係我嘅大囍日子, 籌備左咁耐大家都好期待! 但估唔到一早5點幾化妝師黎到嘅時候就比左個大驚喜我，我果陣仲敷住個面膜，諗住等陣上妝d，點知行出廳見到黎左嘅唔係我原本BOOK嘅化妝師Yxn，只見到一個素未謀面的女仔和助手, 佢地話化妝師Yxn唔舒服病左黎唔到，佢地會代替Yxn! 我當時都唔知可以點，咁都要繼續架，咁就開始化妝啦! 到我細妹起身見到唔同左人，細妹就Whatapps Yxn啦, 點知Yxn嘅回覆: 第一句: 我發燒痾嘔；第二句: 有醫生紙，因為太病，請體諒，真的不好意思，會由XXXX & XXXX負責到尾。咁就完啦! Yxn事前冇通知過我本人! 細妹聯絡佢其間冇講過一句對唔住, 唔舒服黎唔到化妝就係冇通知我嘅情況人搵個人黎頂就算數! 其實好明白每個人都會有病既時候，但不是一句病有醫生紙就可以沒有任何交帶，直到代替佢嘅化妝師入屋，見到面先知道! 但所有野都要繼續去架啦, 唔通我唔化妝咩! 最唔開心係Yxn一句對唔住都冇, 好似佢病就大晒咁，佢仲口口聲聲話係LEE行十幾年，基本禮貌同責任心都冇，對佢好失望! 正常人出黎打工, 唔舒服要請假都要打返公司請假再交醫生紙啦! 仲有醫生紙都係我之後主動要求Yxn SEND比我, 佢先Send! 佢初頭仲要話因為有佢私隱叫我上佢公司比我睇喎!! 真係好笑!!! 係我堅持下佢SEND左醫生紙過黎, 一睇之下仲好笑, 2號睇醫生，係普通西醫, Yxn有咩可能一個電話/一個訊息都打唔到SEND唔到比我，但又可以通知到代替佢嘅化妝師仲有助手呀! 仲有我細妹WHATPPS問佢, 佢又覆到佢話病左有醫生紙呀!

錢我之前已經全數比晒，原先計劃好自己心儀妝容也迅間幻㓕，代替佢嘅化妝師話Yxn有Send相比佢參考，咁又點呀, 我本身預約, 試妝, 溝通嘅都唔係佢! 我唔覺得代替佢嘅化妝師就咁單單睇幾張相就可以知道我想要乜囉! 如果係嘅就唔洗試妝試頭啦! 所以最後我得到嘅就係Yxn所講同佢同級同收費嘅化妝師跟我早晚化妝囉!

最可恥係後來聽返其他朋友講原來佢唔係第一次用生病做藉口而失場(其他朋友之前唔知我BOOK 嘅係新娘化妝yxn yan！) 我諗明眼嘅姊妹都會知發生緊咩事啦!! 佢真係一點專業操守也沒有！對於這不平對待，我一定要公開它，讓所有準新娘在選擇化妝師時要謹慎！

大家真係要小心這不專業冇交帶的化妝師，她公司在觀塘叫X美婚紗，fb名叫新娘化妝yxn yan！
如果你咁唔好彩已經BOOK左就自求多福啦!! 最好之前再同佢傾好晒條件, 遇到特發情況佢會點做, 最緊要唔好比晒全數呀! Big Day前幾日就要日日打去問下佢有冇唔舒服呀! 特發野呀! 如果唔係分分鐘好似我咁5點幾瞓醒起身就收到個大驚喜!

希望各位姊妹都可以順順利利咁籌備自己一生人得一次嘅婚禮! 唔好遇到d不負責任又冇交帶嘅奸商!