夫婦情感 今日: 0 | 主題: 42761

積分: 25426

1^#

發表於 08-9-9 15:26 |只看該作者 |正序瀏覽 |打印

老公對自己同個小朋友不聞不問﹐打電話又鐘意就接﹐唔鍾意就唔接﹐一d都唔著緊﹐說話語氣又差。分隔兩地﹐每星期先通0-1 次電話﹐但電話裡大家都無話可說﹐因為佢動不動就鬧我﹐批判我﹐貶低我﹐講多句都叫我收聲﹐又話我無聊。而家我好怕佢﹐同埋我覺得已經沒有了當初一起時的甜蜜。我唔明﹐就算考試/工作壓力大﹐都不可能一次又一次的言語上傷害對方﹐我覺得繼續落去都係0甘﹐做夫妻都沒意思。問下佢0係0個邊既生活﹐又係唔鐘意同我講﹐話唔需要同我交代﹐有老公=無老公﹐我亦唔知道點樣去做他的妻子。

呢兩個幾禮拜﹐一個電話都沒有打過返來﹐一d音訊都無﹐我越來越心淡了。當初有了孩子才勉強結婚﹐我和雙方家人都以為都可以試試繼續下去﹐但似乎真係唔work。佢都唔ready有個家庭﹐可能我同個小朋友又令佢覺得好大壓力啦﹐佢又仲未畢業﹐無收入。但我都好大壓力架﹐從懷孕直到而家﹐佢都幾乎無0係我身邊﹐我番左來香港﹐佢仲係外國﹐唔係我家人幫忙和支持﹐我都無可能捱到今日。個仔都歲半啦﹐呢d日子我同單親媽媽無什麼分別﹐只係法律上有個老公﹐我真係好懷疑呢段婚姻是否應該結束?

0 0 0

私人傳訊

shannnb

水晶宮

積分: 59166

47^#

發表於 08-9-21 04:06 |只看該作者

唉~唔好理你阿爸啦
有咩上黎呢度傾囉!
咁多mami一定會幫你ge!
要加油呀~

私人傳訊

babie2

禁止訪問

積分: 17185

育兒性格勳章我的育兒心得勳章畀面勳章

46^#

發表於 08-9-21 00:28 |只看該作者

提示: 作者被禁止或刪除內容自動屏蔽

私人傳訊

積分: 25426

45^#

發表於 08-9-20 01:28 |只看該作者

多謝你呀﹗

其實我今日好唔開心。近排終於決定離婚了﹐律師都見過了﹐但所有事情都發生得太快了﹐05年認識和拍拖﹐06年懷孕和結婚﹐07年就誕下孩子﹐現在08年竟然辦離婚﹔我其實心底裡仲未好接受到﹐提起個c6的種種﹐想起從前大家有過快樂的時光﹐演變到今天的境況﹐我情緒都會有d波動。我本身都唔係好tough的一個人﹐我覺得自己0係呢段關係上好受傷害﹐連男家的人我都真係唔想再聯絡﹐我唔再比他們影響我的情緒。可能過多幾年﹐我會放得低﹐我唔會再介意比個小朋友見他們﹐但而家真係好唔想﹐連網上webcam我都唔想﹐我覺得好辛苦﹐可能我好細路女﹐但我此刻的感受就是這樣難過。

翻到我父母家﹐我又忍不住0申﹐講講下﹐我就話暫時都唔會再比6299再見阿B﹐直到個c6肯親自現身講清楚究竟想點。c6現時完全不和我溝通﹐沒有打過電話翻來﹐亦不接我的來電﹐只是偶爾在msn見到他﹐我主動hi他﹐他就問一句答一句﹐我和兒子的生活他漠不關心﹐一問到關於我們之間的問題﹐婚姻和家庭﹐他就馬上offline﹐我email他也不回覆﹐我覺得某程度上係因為他覺得他爸媽依然可以見到個孫(男孫﹗)﹐他爸媽高興就得了﹐他跟本就不會去理會我﹐連幾分鐘時間和我冷靜地對話和溝通也不願意。而且﹐一直以來我亦覺得他只把我看作是孩子的阿媽﹐和他們姓X是沒有關係的﹐所以到今天的景況﹐我對他們男家很反感﹐我提到要離婚﹐個男人既阿媽對我也毫無挽留之意﹐亦沒有嘗試叫個仔試下聯絡個老婆溝通下﹐只係問我仲會唔會比個孫佢地見﹐又話至於個c6 d野﹐叫我幫佢執埋一邊先﹐等佢有日路過香港再拿走。

我要個男人知道﹐不去維繫這段婚姻和這個家庭的代價就是連他的家人都一樣不可以要見個小朋友就有得見﹐我唔想比佢地利用﹐我亦不想再活在他們的影子下﹐唔想個小朋友知道0甘多男家的背景﹐亦好怕第時男家講埋d野影響我同個仔的關係(我d錢呢世都唔夠男家多﹐仲有佢地好睇小d女人﹐仲覺得有錢就可以搵多多女人同佢地生仔)﹐我想同孩子開展新的生活。我分不清誰對誰錯﹐總之這一刻我一想起男家的種種﹐我的心情就好差﹐我好想保護自己同埋個仔。

但我阿爸就鬧我﹐話我好過份﹐話個兩老無對我唔住﹐佢地要見就比佢地見﹔我話個律師都話我無必要再比個仔他們見﹐話我也需要時間去平伏心情﹐而家唔係做好人的時候﹐還有﹐辦理離婚的過程我也需要有好的心理狀態去沉著應戰﹐只要我自己覺得舒服就得喇﹐無謂勉強自己。總之結果我阿爸就發好大脾氣﹐話我唔arm﹐我嘗試解析我的感受和想法﹐他就話不想再同我講﹐以後都唔好同佢講。

我覺得好難受LOR, 點解我阿爸唔肯體諒下我呢一刻的心情?﹗個老公對我﹐對個家不聞不問﹐0甘樣遺棄我﹐我已經好難受﹔覺得好辛苦﹐發現當初找錯了對象﹐以為他是真心愛我﹐以為會有將來﹐但而家覺得自己好愚蠢﹐當初愛得太盲目﹔近日我望住個仔好天真係度玩﹐我會忍不住流淚﹐我好想呢幾年發生的一切只是一場夢。0甘唔通而家仲要我對住男家d人笑奇奇0羊﹐我唔抑鬱都已經偷笑啦﹔唉﹐不過我今日learnt a lesson﹐從今開始﹐我唔會再同家人談論我和男家這些事情﹐我要點樣處理﹐我自己會承擔後果﹔亦費事比個小朋友聽埋呢d他不應該知道的東西。其實當年我未婚懷孕已經令到父母好困擾﹐我阿爸生我的氣但沒有怎樣發出來﹐而家講話離婚﹐講講下真係鬧交﹐好唔掂﹐總之以後收聲﹐唔好再提﹗

原文章由 babie2 於 08-9-19 23:14 發表
ohmygosh,

Add oil! I respect your decisions.

Best wishes to you and your baby!

Babie2

[ 本文章最後由 ohmygosh 於 08-9-20 02:06 編輯 ]

私人傳訊

babie2

禁止訪問

積分: 17185

育兒性格勳章我的育兒心得勳章畀面勳章

44^#

發表於 08-9-19 23:14 |只看該作者

提示: 作者被禁止或刪除內容自動屏蔽

私人傳訊

積分: 25426

43^#

發表於 08-9-18 15:27 |只看該作者

我今日去左見律師,她教我要以靜制動﹐逼個男人現身三口六面講清楚離婚的安排。由而家開始計算分居年期﹐唔好再比佢返來住﹐換鎖及取消對方的住戶卡﹐有野就係香港境內公眾地方講﹐總之只會講離婚後的安排。如果過一段日子都仲係唔見人影﹐就登報尋人﹔個男人的家人我完全不需要再理會﹐他們亦不能夠代表個男人和我對話﹐也不會再比個小朋友他們見﹐總之我就要令到個男人親身同我對話。如果唔理個老婆﹐又離埋婚﹐男家人都仲可以成日煩住﹐又要我抱個小朋友比他們幾時見就幾時見﹐比他們翻去大陸威?唔使指意。個律師都叫我千期唔好再帶個仔翻大陸﹐上面d人0羊野都做得出﹐加上男家係上面係有勢力人士﹐為左個男孫﹐真係有0羊做唔出﹐個男人對我都已經好無情﹐當我同我家人都只係幫他們姓X的人揍仔架ja﹐仲要話有錢就可以養多多女人同佢生仔。真係話我絕情都係0甘話﹐我要保護自己同個仔﹗仲有﹐我不希望個小朋友比d0甘變態的思想塗毒。總之﹐一切都依照法律情!

私人傳訊

superbaby101306

大宅

積分: 3923

42^#

發表於 08-9-17 16:20 |只看該作者

原文章由 JessBB 於 08-9-17 00:39 發表
你真係要努力呀!!! 呢D男人唔好要好過!! 佢地呢D價值觀咁, 第時都會教壞細路, 仲要佢完全唔識尊重別人, 又無責任感, 只有你一人努力, 一起又有何用呢??? 我以前個男朋友都係咁, 次次都鬧人, 將我貶低, 用言語不停咁 ...

我都好同意呀!其實好多時都係因為一時唔捨得, 就一直拖, 又以為無左佢唔得, 但係其實諗清楚D, 如果同佢一齊都唔開心,想補救關係, D男人又唔接受, 為咩要因為怕失去佢而逼自己接受黎D衰男人.2個人一齊最緊要係開心, 不可以一直只有單方面付出. 所以我絕對支持唔好剩係識忍!!!幸福唔好等人比, 最緊要靠自己呀~~

私人傳訊

JessBB

大宅

積分: 1003

41^#

發表於 08-9-17 00:39 |只看該作者

你真係要努力呀!!! 呢D男人唔好要好過!! 佢地呢D價值觀咁, 第時都會教壞細路, 仲要佢完全唔識尊重別人, 又無責任感, 只有你一人努力, 一起又有何用呢??? 我以前個男朋友都係咁, 次次都鬧人, 將我貶低, 用言語不停咁傷害我, 我一直包容佢, 但又有何用, 佢原來出面有好多女人, 佢不停咁貶低我, 係想我覺得自己一無事處, 一定要跟住佢, 但我無咁蠢, 我跟住佢三年, 三年都無好日子過, 日日比佢話, 又教訓我呢樣嗰樣, 以為自己好勁, 其實當初我都以為佢壓力大, 所以包容佢, 但其實係佢有問題咋!!! 後來我同自己講, 得一個人努力的愛情是不會有結果的, 我為咩要比人日日教訓, 仲要講晒粗口, 日子越耐, 就越吠得勁, 我又不是要佢養, 反過來, 我成日要借錢比佢, 我點解要貼錢買難受?? 所以同佢分手, 我唔想再浪費青春!! 當心淡了, 跳出來看看, 才會發覺這些根本不是愛情, 那時你會感到重新一樣!!! 唔好再為呢D男人找藉口去欺騙自己了, 放手才是自己真正的解脫!! 你還後生, 可以重新生活, 真的不用怕, 有家人, 朋友支持, 你和你的囝囝都會有更好的生活!!

私人傳訊

積分: 25426

40^#

發表於 08-9-16 23:59 |只看該作者

多謝各位bk媽咪的意見/安慰/鼓勵﹐我聽日就去見律師喇﹗唔想再拖﹐個男人實在太無賴﹐已沒有挽救的餘地。

私人傳訊

jacquesau

珍珠宮

積分: 35592

39^#

發表於 08-9-16 09:44 |只看該作者

樓主努力吧！

你這個老公, 要黎都無意思囉！

好好過每一天......

私人傳訊

060905

積分: 6052

38^#

發表於 08-9-16 01:09 |只看該作者

分開吧, 個小朋友根本有爸爸同無爸爸都無分別, 或者離婚後可以遇到個更好！

私人傳訊

lowle

禁止訪問

積分: 5411

37^#

發表於 08-9-15 18:57 |只看該作者

提示: 作者被禁止或刪除內容自動屏蔽

私人傳訊

積分: 25426

36^#

發表於 08-9-15 00:31 |只看該作者

所以﹐我已經釋然﹐單親又有何足懼﹐我相信我和孩子未來只會更好﹗我也不想再花時間和精神在這個只會一次又一次傷害我的男人身上﹐我寧願多些關心和幫助社會上有需要的人。還有﹐我要採取主動結束這段夫妻關係﹐免得夜長夢多。

多謝各位bk媽咪的意見和鼓勵﹐也幸得家人的接納和諒解。我和孩子會好好生活下去。

原文章由 shannnb 於 08-9-14 06:25 發表
用msn先可以聯絡得上既老公,,,
真係要黎把鬼用咩,,,
除左出世紙有爸爸個名, 個bb根本冇爸爸,,佢根本就唔關心,,,

[ 本文章最後由 ohmygosh 於 08-9-15 00:33 編輯 ]

私人傳訊

muiskyie

積分: 5667

35^#

發表於 08-9-14 13:56 |只看該作者

原文章由 ohmygosh 於 14 9 2008 01:44 發表

我99都只不過係忍忍忍﹐自己看開一些﹐自己找朋友消閑﹐各自個精彩。

呢個時代，唔應該再有呢支歌仔唱！唔係淨係男人至需要尊嚴、面子，女人都有同等權利～～況且你付出（有＄唔係大哂！）一定多過你「尊夫」。

大家都受過高等教育，更應該有意識去改善自己對同人相處o既態度，令彼此關係更健康。一味將自負面o既情緒投射於對方，唔係成熟o既待人接物態度。

私人傳訊

shannnb

水晶宮

積分: 59166

34^#

發表於 08-9-14 06:25 |只看該作者

用msn先可以聯絡得上既老公,,,
真係要黎把鬼用咩,,,
除左出世紙有爸爸個名, 個bb根本冇爸爸,,佢根本就唔關心,,,

私人傳訊

積分: 25426

33^#

發表於 08-9-14 01:44 |只看該作者

我見到我62對我99的態度也是很差﹐62長期在別的城鎮做事﹐已經係一個月先可以同99見得幾日﹐飲茶/行街經常都會無端端發脾氣﹐然後各行各路﹐互不秋睬一整天﹐然後又當無事發生過0甘繼續一起生活﹐我99都只不過係忍忍忍﹐自己看開一些﹐自己找朋友消閑﹐各自個精彩。

總之呢一切一切都令我覺得要繼續落去﹐除非我可以有0甘好忍耐力同埋當佢傻﹐但我真係覺得好累了﹐我十分重視溝通﹐也很珍惜大家共處的時間﹐但他連僅餘的溝通都全封閉。以他這樣的成長背景﹐他的價值觀就只會一直這樣﹔將來他賺錢養家﹐他只會變本加厲﹐無佢批准﹐唔可以講野﹐笑下都唔得﹐他問你問題時要快而準﹐說了多餘的詞語也要掌嘴。大壓力到﹐連我都已經唔想同佢講野﹐費事比機會佢鬧我﹐傷害我﹐講到我好無用0甘。

他只懂得教訓我﹐當自己係軍官﹐他要你做的事你要馬上辦妥﹐對我的要求卻充耳不聞﹐對我呼呼喝喝﹐完全沒有快樂可言。

他其身不正，卻只管教訓你～～他有資格嗎？對方只想找你發洩。<----正是我的想法﹐還有﹐我覺得如果你愛一個人﹐你根本不會一次又一次的讓他這般難受﹐傷心流淚。不過可能始終當初結婚﹐他都只是為了孩子有爸爸﹔到最近﹐他對我越來越不客氣﹐懶得理我的感受﹐動不動就話‘0甘你自己養個仔啦’﹐連他搭邊班機﹐在外國的新地址﹐都話不需要向我交代﹐我這位做妻子的﹐真的很失敗﹐也毫無意思。

既然這樣﹐我倒不如多花精神教好兒子﹔我不想和他再糾﹐因為只會令雙方越來越討厭對方。我父母都支持我﹐我也已經把離婚這個決定告訴99﹐99說會幫我會轉達給我丈夫﹐希望大家可以好好商討離婚後的安排。

原文章由 muiskyie 於 08-9-13 11:27 發表
其實，你和兒子的近況也不用再向他交代。

因為，他只是個掛名丈夫、父親，但想得到真正丈夫、父親的尊嚴、利益。你呢？為何要這樣不公平？？

他其身不正，卻只管教訓你～～他有資格嗎？對方只想找你發洩。

照顧、管教孩子，不是只有母 ...

私人傳訊

muiskyie

積分: 5667

32^#

發表於 08-9-13 11:27 |只看該作者

其實，你和兒子的近況也不用再向他交代。

因為，他只是個掛名丈夫、父親，但想得到真正丈夫、父親的尊嚴、利益。你呢？為何要這樣不公平？？

他其身不正，卻只管教訓你～～他有資格嗎？對方只想找你發洩。

照顧、管教孩子，不是只有母親才有責任。雖則現在他是「不能」，但按你描述，即使他「能」都會「不為」了！

有權利，就有義務～～在文明年代，還學人做大男人？做「大男人」，應該對逆境事情有所承擔，首先他已做不到了！還妄想享受「大男人」的福利？？

對了，有關的事，有否跟自己家人、「丈夫」家人探討過？如果「離婚」對男家的人太敏感，而你可以不用時常跟他們見面的話～～「低調」解決算了。

私人傳訊

積分: 25426

31^#

發表於 08-9-13 09:55 |只看該作者

對方拒絕溝通﹐我表達左好多感受﹐但對方完全沒有回應。幾個星期前我地通過最後一次電話﹐又係好勞嘈﹐之後我寫左封好長的email表達我們之間的相處出現很大的問題﹐我覺得很難過之類﹐我是理性的﹐但他完全沒有回復﹐可能他見到係我發的﹐也費事去了解罷。

近日我決定要離婚﹐打電話給他想親口說出(我呢幾個禮拜都完全沒找過他)﹐他就是一直不接﹐永遠不覆﹐我知道他很緊張他的電話﹐經常隨身﹐無可能一兩日後都仲不知道我找過他﹐以前missed calls他都會幾個鐘頭/半日之內覆電話比我﹔我倆也從未試過幾個星期都一個電話/電郵/msn也沒有。

我知道他這段日子都有幾次又打過給他廣州的媽媽﹐說已經考完試之類﹐但完全沒有提及我﹐也證明他是有時間打電話﹐電話和電話卡都是正常運作的。

前日﹐我終於MSN度見過他﹐我主動開口打招呼‘你最近點呀?’他說ok.他問我家裡有沒有收到寄給他的信件﹐我話我有替他保管銀行信件﹐他只說‘多謝﹐返來請我吃飯’我說'我地好耐無聯絡,你覺得我們還適合一起嗎?'他說‘你如果想思考个话，我建议你去考些资格证书’﹐總之有係你有你講﹐他有他教訓你﹐我問他有沒有想念我和兒子﹐他就話‘我希望你们会有好的消息传达被我﹐個仔可以拿奖，我就最开心’(我仔先得歲半) 我話個仔最近學講野﹐但他一點兒興趣也沒有﹐然後又係教訓我‘我一直认为内地基础教育优于香港﹐你要做一名合格的母亲’﹐對話完全沒有關心我這幾個星期我和孩子的生活和我的工作。我問‘你有無發覺我地距離越來越遠’﹐‘我覺得我倆的感情越來越淡’﹐‘你對我可以多點關心和愛護嗎?’然後他只回應‘我令你现在去sleep,我都在关心你’。當日他坐在電腦前五六個小時﹐他只是在看新聞﹐但我說有重要事情想電話裡說﹐他就回應‘不需要啦’﹐我說‘我覺得好有需要﹐點解你連幾分鐘都唔可以比到我’﹐然後他竟然立即offline, 然後我一整個晚上打給他都沒人接聽﹐到今天也沒意覆個電話給我。

不過好多謝他﹐他讓我完全死心了﹐無謂耽誤青春﹔呢個老公有仲衰過無﹐也對兒子的成長只有負面的影響(因為他對道德家庭和金錢的價值觀很distorted﹐還有他覺得孩子不用理﹐=不用教﹐話個仔自己會識﹗)他自己對父母也是很冷淡﹐只有錢﹐對他媽媽的態度也是極差﹐話他媽媽唔識野(但他媽媽也算是有學識的﹐做會計)﹐講野好似鬧交0甘﹐動不動就叫人地收聲﹐有話佢舅母無仔生﹐話舅父應該找過個女人同佢生仔﹐話養多個女人都得﹐都唔係比唔起。當然對父親那邊態度好啦﹐大把錢﹐最緊要有錢。我已決定找律師辦離婚﹐費事比佢0係個仔面前對我0甘差﹐對人0甘不尊重﹐不禮貌﹐他的思想好可怕﹐教壞個仔﹐個仔第時對我又罵又藐視﹐似埋個老豆0甘﹐我就真係欲哭無淚﹗

[ 本文章最後由 ohmygosh 於 08-9-13 09:56 編輯 ]

私人傳訊

muiskyie