夫婦情感

收藏本版
發帖
返回列表
跳至頁

首頁
12

尾頁
   1
LeBlue


子爵府

積分: 10678


1#
發表於 16-1-17 03:08 |只看該作者
本帖最後由 LeBlue 於 16-1-17 03:23 編輯

我覺得我C6年紀愈大愈小器,好難頂

講咩都好易扯火,同佢愈來愈少話題

EG.今日食完LUNCH同佢行下街,睇衫叫佢都睇下,
一話佢著衫好"薯",即刻向我發火,噴我話我唔醒目,話我已講了2次.
我話只是2次你便甘易發火, 人地只是開個話題想幫你買下衫,襯下衫過年,
不知幾多老婆奉旨做C6的FASHION顧問啦,
愈來愈小器~~
所有野都唔比你"吉"佢,話你唔醒目,唔識收口,自問不是喋喋不休的人.
有時只是第2次講,提下佢,便即刻比佢噴,感覺比佢"食住",
佢好多野要話事,好大男人.係出面好要面
EG.有時撞到我D C9朋友,佢會滔滔不絕,同人好傾到搶晒我D野黎講.
攪到我好無癮.大佬呀,你睇下人地D C6啦,只會企係隔離,安靜陪笑而已,
佢好要面,多數要HEAD住個話題,同人好似好熟甘.
有次仲離譜,去聽學校講座,佢不知幾心急請教一個我熟的太太家長,
叫佢教下我點樣教個女讀書(自問都識教自己個女,個女成績中上,而且不嬲私底下會互相取經)
那刻我直頭想找個洞鑽入去....

你地C6會否甘樣?見人地結婚愈耐愈有計傾,我地便貼錯門神,愈來愈少話題,
講咩都要稔過度過好無癮,好少器.
去旅行又緊張大師,一有咩改動,已經是我攪得掂的,佢都會西口西面.
我已經無MOOD同佢2個人去旅行, 一定會同埋個女去(F4)

以前佢好識比面我,而定咩都變晒,係米個個C6結婚耐左都會變大男人?
直頭懷疑佢有"燥鬱"症.


唉~~~結婚20年,愛情轉淡,現在連感情都淡埋.
私人傳訊

ccyst


別墅

積分: 697


21#
發表於 16-1-18 00:06 |只看該作者

引用：兩公婆相處耐左講野會直白D，但也要考慮下

原帖由 soso1227 於 16-01-17 發表
兩公婆相處耐左講野會直白D，
但也要考慮下對方心情。
我c6就好似你講既人，同外人或我家姐就會停系到同人地傾計，我有時突登搵野同佢講佢就嗯啊喔，有時好似無聽到咁，我地只系結婚一年多，我試過用佢既方式答佢唔應佢，佢就話我。我同佢講你平時就系咁同我講野嫁啦，佢就發脾氣話算啦唔同你講。平時成日吉我，我吉到佢就好小氣搵其他野吉番我，叫你女打我，或我有咩事就話我抵死，真系好心灰意冷
私人傳訊

LeBlue


子爵府

積分: 10678


20#
發表於 16-1-17 22:39 |只看該作者
梗係有心維繫婚姻先係度同你地ＪＭ呻下啦。。。。
講真，一段婚姻一定是雙方面的，家家有本難念的經是對的。
我有時講野都會直接左Ｄ，佢以前後生時可能好欣賞，現在未必。
而家佢好鍾意我＂ＤＥＨ＂下佢，不過唔知點解，拍拖時成日＂ＤＥＨ＂佢，
現做了媽咪可能煩惱多了，又要硬淨Ｄ，所以已經唔慣用個種口吻同佢講野
男人始終要面，所以可能係甘，大家磨擦便多左。

至於＂更年期＂，男人應該無甘早，Ｃ６現先至４Ｘ，
我請教過一些專業人仕，話可能是中年危機，所以要小心處理。
唉～～有時做人都好煩，甘辛苦自己一手一腳湊大個女，睇住佢讀高中，
品性良好，成績不過不失，稔住兩公婆便可以多Ｄ時間拍拖，去下旅行甘，
點之而家感情好似仲差左，ＦＥＥＬ到大家都無咩ＭＯＯＤ去旅行，
連出街都唔會拖下手仔，一前一後。。。。次次我主動撓他手臂好無癮，
食飯佢又成日玩手機，掛住同Ｄ網友ＣＨＡＴ。。。
　
有時都有Ｄ心淡。。。。。
私人傳訊

soso1227


珍珠宮

積分: 37376

醒目開學勳章 畀面勳章


19#
發表於 16-1-17 22:32 |只看該作者
兩公婆相處耐左講野會直白D，
但也要考慮下對方心情。

如果你C6同你講野下下窒住，
同外人傾偈人地就客客氣氣，
佢同外人梗係越講越high，
同你就冇野好傾。

試下發掘下C6的優點，
欣賞佢丶讚下佢，
才能有返愛的感覺。

點評

LeBlue    發表於 16-1-17 22:39

私人傳訊

aptcan


男爵府

積分: 8997

畀面勳章


18#
發表於 16-1-17 21:50 |只看該作者

回覆：你地C6算唔算是小器的人-大男人

你c6會是更年期嗎？
私人傳訊

tansyneko


琥珀宮

積分: 152982


17#
發表於 16-1-17 21:45 |只看該作者

回覆：你地C6算唔算是小器的人-大男人

點解你要用負面說話去開話題？
私人傳訊

Nancy20090615


瑪瑙宮

積分: 138577


16#
發表於 16-1-17 21:43 |只看該作者
LeBlue 發表於 16-1-17 20:59
回覆 豬吉 的帖子

正是~~~

兩樣野, 講野直接唔同講野令人銀耳, 令人唔舒服的.

我都係直接比下意見, 希望唔好介意. 當然好欣賞您有心維繫中年婚姻, 希望您努力得出成果.
私人傳訊

LeBlue


子爵府

積分: 10678


15#
發表於 16-1-17 20:59 |只看該作者

RE: 你地C6算唔算是小器的人/大男人?(有野呻下~~~請見諒)

回覆 豬吉 的帖子

正是~~~

我自問都算教得個女不過不失,成績自小學到現在都保持中上游,
而英文仲成日取獎(我大學修英文,自己教番)....C6係緊張大師一名,
見個女中文成績少少退步,即刻TUN晒雞,猛甘"請教"人(其實係叫人教自己老婆),
又唔知我地D MUMS成日互相過料的.....無話邊個請教邊個甘老土......
C6根本過份擔心....而且我讀LANGUAGE既,深明白語言是要"浸"的,不是一朝一夕的,
現在已證明我的教法是WORK的(個女中英文都名列前芧),只是他太緊張,成日好心做壞事,
攪到我都幾尷尬.......

有時同C6相處幾辛苦,佢永遠是一個懷疑主義者,永遠覺得人地做野無佢甘周全,
但我是一個隨遇而安的人,覺得雞無蒜皮都嬲一餐,擔心一餐真係超級煩.....

其實Ｃ６有時都會好直接話我，不過我好唔介意，因當他屋企人，講野直接Ｄ無問題囉。。。
私人傳訊

LeBlue


子爵府

積分: 10678


14#
發表於 16-1-17 20:44 |只看該作者
回覆 lazywife 的帖子

你家C6點煩法?
私人傳訊

LeBlue


子爵府

積分: 10678


13#
發表於 16-1-17 20:41 |只看該作者
本帖最後由 LeBlue 於 16-1-17 20:42 編輯

各位JM都好直接,講得有道理,人要面樹要皮是對的,
係時候學下言語的藝術啦.

唉~人到中年,相處模式唔同晒,好多野更需要磨合,
而家衣,食.....都夾唔到,好多時出街,同個女食野,C6成日話唔岩食,剩係坐係度睇住我地食....
最鍾意自己一枝公去茶餐廳.....我有時都會陪佢去,亦照食唔會齋坐甘老土無情趣....
我個人好FLEXIBLE,食咩都岩,佢唔知點解呢幾年變得孤僻左好多.....
D家姐話我種慣佢,永遠唔會問佢係邊,做緊D咩(因佢好怕煩),唔知會否因此攪到佢慣左一個人.
假期最鍾意打機,上網,DOWN電視睇,叫佢陪我地去下街,OR只是落去公園緩步跑都唔去,
唉~~自問手車都好定,好舒服,車埋佢去都死蛇懶先........有時見到佢都好無癮......
同佢傾,佢永遠話累,想抖下,但愈唔做運動便愈唔想動.

中年婚姻,仲有大把野要磨合....唔好以為結婚20年便好"如魚得水"
私人傳訊

hanbb


伯爵府

積分: 16230


12#
發表於 16-1-17 12:14 |只看該作者

引用：我老公絕對係潮州大男人，所以我從來不會落

原帖由 hanbb 於 16-01-17 發表
我老公絕對係潮州大男人，所以我從來不會落佢面，由佢做大男人，我甘願做被照顧的小女人

男 ...
不會=不過
私人傳訊

alik


公爵府

積分: 25507


11#
發表於 16-1-17 12:14 |只看該作者

回覆：你地C6算唔算是小器的人-大男人

講一次唔夠仲要講2次？超煩，唔係大唔大男人問題。你估教緊12歲以下既仔嗎？
唔該唔好同我打招呼，不要點評！
私人傳訊

hanbb


伯爵府

積分: 16230


10#
發表於 16-1-17 12:13 |只看該作者

回覆：你地C6算唔算是小器的人-大男人

我老公絕對係潮州大男人，所以我從來不會落佢面，由佢做大男人，我甘願做被照顧的小女人

男家問咩，我都答老公話事。去旅行佢全安排哂，雖然佢會問我意見，無咩特別我都會說好。

不會我老公好會照顧我，買餸煮飯都係佢做，我唔舒服連碗都唔冼我洗。

佢大男人我無所謂，最緊要佢對我好。
私人傳訊

sscc0113


大宅

積分: 1123


9#
發表於 16-1-17 12:04 |只看該作者

回覆：你地C6算唔算是小器的人-大男人

其實你都一樣要面架，但要面既方面大家唔同，有d人係好想另一半讚美自己，我前度以前成日踩我，無論我著乜佢都有彈無讚，都真係會幾灰，男人都鐘意人讚，鐘意自己女人欣賞自己，你下次試下咩都讚下佢，佢應該會好開心架
私人傳訊

lazywife


侯爵府

積分: 24263


8#
發表於 16-1-17 11:43 |只看該作者

回覆：你地C6算唔算是小器的人-大男人

最驚婆媽小器既大男人。。你老公中曬。。好多男人過左40歲都會咁。。我男家有個。。煩到火星人襲地球。。。

點評

LeBlue    發表於 16-1-17 20:27
私人傳訊

豬吉


伯爵府

積分: 15954


7#
發表於 16-1-17 10:05 |只看該作者

回覆：你地C6算唔算是小器的人/大男人?(有野呻下~~~請見諒)

我成日都話我c6 薯，著衫核突，
佢仲專登即刻拖實我唔比我走一齊核突添
我覺得著得核突都唔係咩事，成日出去做埋d 失禮事例如教人教女果d 真係好好同佢傾，不知所謂
私人傳訊

worthy


珍珠宮

積分: 45090

馬年勳章


6#
發表於 16-1-17 10:02 |只看該作者
回覆 LeBlue 的帖子

我同意男人老咗係會麻煩D. 我C6唔係小器/大男人. 但長氣又無記性. 講完又講. 答完又問. 都好煩. 但我常常問自己如果有一日無咗呢把聲, 我會是喜是悲?

講返你話佢著衫"薯", 咁又唔係咁好噃. 話你知, 試過一次我C6話我個樣已經唔後生, 著埋嗰件外套好似個阿婆咁, 我到喺佢面前掉咗件衫落垃圾桶.

每個人都有自尊嘛, 講嘢圓滑D比較易接受.

點評

LeBlue    發表於 16-1-17 21:00
HOPE EVERYDAY IS A GOOD DAY
私人傳訊

Nancy20090615


瑪瑙宮

積分: 138577


5#
發表於 16-1-17 08:43 |只看該作者
LeBlue 發表於 16-1-17 03:08
一話佢著衫好"薯",即刻向我發火,噴我話我唔醒目,話我已講了2次.
我話只是2次你便甘易發火, 人地只是開個話題想幫你買下衫,襯下衫過年,
不知幾多老婆奉旨做C6的FASHION顧問啦,

您只留意佢問題, 您無留意下自己問題? 講 d 好聽 d 得唔得? e.g. 老公, 呢件好襯您, 您著一定好睇.
私人傳訊

Jyu608


複式洋房

積分: 259


4#
發表於 16-1-17 06:59 |只看該作者
冇人吾要面，用薯去形容，會黑面都吾奇。
可以話，老公，你可以再型d.
我通常都係咁講，吾會直接咁講。
同樣，你老公話你薯，你會吾會嬲。
私人傳訊

Fungdada


大宅

積分: 1432


3#
發表於 16-1-17 06:58 |只看該作者
其實年紀大咗！男男女女都要面子的，您老公都想比您知他存在既價值！您仲要話佢薯，您話一次都唔夠，仲要話兩次！（您唔好介意）如果您轉換吓方式！一齊睇男裝先，您覺得靚既就問佢喜唔喜歡囉！又或者同佢講：您著呢件一定好有型啫！啲男人都好喜歡被人讚美！同埋諗多啲佢好既一面，因為您越諗佢唔好就越憎佢！您們一起20年真的唔容易，欣賞對方多啲！
每次我聽到盧冠廷啲首歌我都會好感動：陪著您走，一生一世也不分，我兩已是無力前行，跟我一起飛去！
祝您們拖著手仔行到最後！
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy