＋
Baby Kingdom - 親子王國 香港 討論區 › 首頁 › 婆媳關係› 同C6開完家庭會議!!!

婆媳關係

收藏本版
發帖
返回列表
跳至頁
同C6開完家庭會議!!! [複製鏈接]

首頁
123

尾頁
   0
catherineleungg


男爵府

積分: 5884


1#
發表於 08-9-12 09:42 |只看該作者
尋日下午, C6打過電話同我傾咗陣, 最終都係有火後收線. 跟住C6返到屋企, 起初黑面, 但我無理佢, 我就同阿B沖涼, 跟住就煮晚餐同食晚餐, 我做完家務後, 就問佢係咪要開家庭會議, 佢就係到避, 到我睇完家好月圓, 我就入房氹阿B瞓. 呢個時候, 我又問佢係咪要開家庭會議, 佢就答我唔想再諗呢啲煩嘢, 跟住我話有咩就講. 咁我哋就開始傾:

- (佢扮到個樣好痛苦咁)佢話佢自己好辛苦, 因為佢有好大壓力(我,佢PK阿媽同佢工作上), 佢話佢想大家融洽啲, 所以諗好多方法解決問題.

- 我同佢講過好多次食煙問題, 佢解釋佢屋企人已經好將就, 因為公屋扣分制, 只可喺屋企食煙, 而佢話佢屋企人已經好將就喺騎樓食(但佢間屋得300呎, 啲煙都係成屋到), 佢覺得係我挑剔, 唔體諒佢屋企人.

- 至於我哋屋企重要, 還是佢屋企人重要, 佢話兩睇, 但我仍感覺到佢覺得佢屋企人重要, 因為佢好介意佢阿媽講的說話, 佢話佢阿媽成日話佢同我, 佢話佢唔想佢阿媽講我, 所以成日想我識做啲同佢阿媽妥協.

- 我問佢係咪好想離婚, 佢話佢有時真係覺得好辛苦, 因為我太倔強, 唔肯同佢屋企人妥協, 所以想離婚.

- 佢話我對我屋企人好, 而對佢屋企人唔好, 我已解釋咗, 但佢仍持己見.

總括嚟講, 佢目的就係要我同佢屋企人妥協, 如果我唔妥協, 佢寧願同我離婚, 因為佢個心始終覺得佢屋企人比我哋屋企重要. 既然佢咁, 我都唔想再同佢一齊, 我今朝想叫佢返佢阿媽到, 點知我又講唔出, 跟住打電話想同佢講, 點知大家又鬧到火紅火綠. 唉, 等我照完結構返嚟再同佢講.
私人傳訊

onon1022


子爵府

積分: 12600

好媽媽勳章


45#
發表於 08-9-14 01:27 |只看該作者
其實樓主你阿媽講得好o岩...既然你老公行讓步...你就唔好再咁倔強...男人同小朋友一樣...係要氹...



[url=http://lilypie.com][img]
私人傳訊

christy1012


水晶宮

積分: 67482

2025勳章蛇年勳章 2024年龍年勳章 2023年兔年勳章 醒目開學勳章 畀面勳章 BK Milk勳章


44#
發表於 08-9-14 00:57 |只看該作者
原文章由 catherineleungg 於 08-9-13 08:36 發表
我尋日去威院照結構, 由於我大弟婦住附近, 而我阿媽亦喺佢度幫手湊B, 所以我去咗佢嗰度一日.

我照完返大弟婦家途中, 我同C6又鬧到火紅火綠, 跟住佢又話離婚, 我即刻嬲到答佢"好呀, 既然係咁想離婚, 你搵律師搞, 到 ...


樓主,做得好呀,表明立場,唔好讓步,俾c6知道你個底線去到邊,
唔好俾佢大到,d人真係賤骨頭,你唔出聲以為你好蝦,你c6點都諗唔到會俾你大番轉頭,欺善怕惡

既然佢讓步,你咪睇下點先囉,如果ok就好啦,如果唔ok咪唯有離婚囉,你仲有好多人支持你嫁
私人傳訊

小寶貝兒


珍珠宮

積分: 30295


43#
發表於 08-9-14 00:56 |只看該作者
樓主, 你老公一聽到你話好, 就即刻死晒狗咁, 證明佢真係口行行得個講字, 你真係要好好用呢次機會睇清楚啦~~

不過我讚成你媽咪所講, 既然佢肯讓步, 你就柔軟返少少落黎(唔係又就晒佢啊~ 要有底線~)

婚姻就好似跳cha cha咁, 佢退一步, 你前一步, 佢行一步, 你退一步, 千祈咪2個一齊向前行, 盞踩到腳痛咋~ 2個一齊都退又唔得喎, 冇溝通呢~

記得, 一人一步, 配合得好, 婚姻路先可以一齊行架~~

加油!!

ps, 再有問題, 記得上bk同大家傾, 人多好辦事麻~~ 治你老公的方法都多d啦~~

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
私人傳訊

shalala1997


等待驗證會員

積分: 3775


42#
發表於 08-9-13 16:32 |只看該作者
原文章由 tantanmama 於 08-9-13 12:38 發表
如果你決定俾多次機會佢, 我都會支持你嘅. 但你真係要諗清楚以後點同佢相處, 訂返個底線. 佢已經唔係第一次用離婚黎威脅你, 每次你唔就範佢又即刻扮死狗當冇事發生過, 咁唔係一個長久相處之道. 為咗bb嘅健康, 你以後 ...



好主意! 樓主, 你不妨諗下呢個方法, 大番你果隻未戒奶的c6
私人傳訊

csk家長jj


男爵府

積分: 9041


41#
發表於 08-9-13 15:05 |只看該作者
樓主,咁大個女係唔係今次最「勇」呢？如果佢態度軟化和願意改變的話,就即管信多佢一次la！不過你一定要堅守底線,不可再讓步。希望你能雨過天青,永遠幸福快樂！
私人傳訊

yy25


子爵府

積分: 13211

好媽媽勳章 醒目開學勳章


40#
發表於 08-9-13 14:05 |只看該作者
好彩你大返佢
如果吾係佢以為你好虾
啲衰6係咪衰以為講離婚你就驚
今次睇下佢應成你嘅做吾做到啦
私人傳訊

tantanmama


公爵府

積分: 28711

虎到金來勳章 牛年勳章 HiPP勳章(1) 2018復活節勳章 環保接龍勳章 wyeth冷知識勳章 BK Milk勳章 DHA勳章 育兒性格勳章 開心吸收勳章


39#
發表於 08-9-13 12:38 |只看該作者
如果你決定俾多次機會佢, 我都會支持你嘅. 但你真係要諗清楚以後點同佢相處, 訂返個底線. 佢已經唔係第一次用離婚黎威脅你, 每次你唔就範佢又即刻扮死狗當冇事發生過, 咁唔係一個長久相處之道. 為咗bb嘅健康, 你以後要企硬呀.
不如你填定份離婚呈請書, 簽埋名, 放在佢可以見到嘅地方. 佢問起, 你就話佢話離婚, 你贊成並揾好晒資料. 等佢知道你真係唔介意離婚, 佢以後就唔敢再提離婚架喇.
私人傳訊

晞玥


珍珠宮

積分: 34110

hashtag影視迷勳章 好媽媽勳章 畀面勳章 BK Milk勳章


38#
發表於 08-9-13 12:04 |只看該作者
衰d講句,佢正一唔見棺材唔流眼流!
俾你大番佢轉頭就扮死狗,呢d男人真係......唔識再點去形容佢!!!
而家就話肯"讓步",咪即管睇下佢可以有幾"讓步"/"讓步"得耐囉!
以佢呢d低到加零一既IQ+EQ,睇死佢唔夠三幾日又再發癲架喇!
講到底佢既本性都係極度自私,只要佢老母一喺佢面前講你地乜乜物物,話你地乜乜77,我肯定佢到時又黎料架喇!
私人傳訊

hinhofion


大宅

積分: 4120


37#
發表於 08-9-13 11:23 |只看該作者
原文章由 catherineleungg 於 08-9-13 08:36 發表
我尋日去威院照結構, 由於我大弟婦住附近, 而我阿媽亦喺佢度幫手湊B, 所以我去咗佢嗰度一日.

我照完返大弟婦家途中, 我同C6又鬧到火紅火綠, 跟住佢又話離婚, 我即刻嬲到答佢"好呀, 既然係咁想離婚, 你搵律師搞, 到 ...


你c6正一賤骨頭,唔大番佢,佢當你死架,係la woo,搵過一個肯同佢捱,同受佢氣ga老婆咁容易咩,佢太睇得起自己la,岩ga la,適當時候大番佢,要表明立場,佢必須要尊重你e個老婆,唔好比佢以為你冇左佢唔掂呀,分分鐘用離婚黎大你e個藉口,係6299教佢tim呀,見你大住肚又拖一個,以為你冇左c6唔掂,從今日起,係c6同6299面前硬淨d,你都唔好行返舊路,又比衰佬食住上呀,繼我話,你要咁對付隻c6呀,間中比d甜頭佢好la,因為佢犯賤,對佢好同忍耐佢ga臭皮氣係唔work ga,必要時就反擊,掉返轉比佢知,你離唔離婚都冇所謂個隻,要釣起黎賣,馨香d,佢乖個陣咪對佢好d lor
私人傳訊

Amanda2025


男爵府

積分: 9786

2018復活節勳章 畀面勳章 BK Milk勳章 hashtag影視迷勳章


36#
發表於 08-9-13 11:12 |只看該作者
你個c6都肯讓步，不過你要整理吓自己屋企，俾D家庭溫暖個種感覺佢，等c6返佢呀媽屋企到都有得比較吓，邊個比到佢有家個種感覺，咁你慢慢引導佢企你哩邊
私人傳訊

vickym


男爵府

積分: 8096


35#
發表於 08-9-13 11:08 |只看該作者
樓主,
你老公係咪男人..定係女人...通常喊生喊死叫離婚多數都係女人.但係佢就係唔係搵離婚出黎, 好老實講, 唔係話要hurt多你一次, 咁既男人真係超冇用..以為用離婚黎大自己個老婆...但當你一句話好之後, 轉下個頭就變番門口狗咁...核突!

你即管試埋呢次有冇改到, 不過好講真...本性難移架咋.你自己都好好保重啦~



原文章由 catherineleungg 於 08-9-13 08:36 發表
我尋日去威院照結構, 由於我大弟婦住附近, 而我阿媽亦喺佢度幫手湊B, 所以我去咗佢嗰度一日.

我照完返大弟婦家途中, 我同C6又鬧到火紅火綠, 跟住佢又話離婚, 我即刻嬲到答佢"好呀, 既然係咁想離婚, 你搵律師搞, 到 ...
私人傳訊

fairyfloss


男爵府

積分: 9660


34#
發表於 08-9-13 10:13 |只看該作者
((佢放工寧願放棄去玩都趕回家幫手湊BB同做家務, 呢個係佢嘅優點))
呢個唔係優點,係責任,如果咁都算優點,睇怕你C6真係冇咩其他可取既地方.仲有,一個男人一日到黑嗌離婚,唔單止幼稚,仲對婚姻好唔尊重,好差.....
私人傳訊

catherineleungg


男爵府

積分: 5884


33#
發表於 08-9-13 08:36 |只看該作者
我尋日去威院照結構, 由於我大弟婦住附近, 而我阿媽亦喺佢度幫手湊B, 所以我去咗佢嗰度一日.

我照完返大弟婦家途中, 我同C6又鬧到火紅火綠, 跟住佢又話離婚, 我即刻嬲到答佢"好呀, 既然係咁想離婚, 你搵律師搞, 到時叫我簽名就得", 跟住我就CUT線.

到我返到大弟婦屋企(距離我CUT線大約5分鐘到), C6又打電話嚟, 呢次佢好死狗咁同我講, 咁我都好堅持我個立場就係"我唔係同你哋作對, 我淨係想你哋唔好喺我同阿B面前食煙, 呢個咁少嘅要求都做唔到的話, 我無嘢好講", 跟住C6就同我講"咁好啦, 咁我哋一個月返2次淨飲茶, 喺公眾場所唔可以食煙, 咁得嗎?". 我便問佢"咁你飲茶的定義係點先?". 佢答"飲完茶就走, 不過如果阿嫲落唔到嚟飲茶, 我哋都要上一上佢屋企", 咁我同佢講"OK, 你阿嫲腳痛可能落唔到嚟飲茶, 我可以上佢屋企, 不過如果你阿公食煙, 唔該你搞掂佢". 佢答我OK. (其實去公共場所呢個方法我一早已講, 不過C6之前唔接受, 而家又話OK, 真係多餘)

點知傾完食煙問題, 佢就問我同99個關係點搞, 可唔可以唔駛佢諗同解決, 我咪答佢呢啲嘢你解決唔到, 因為係我同99之間嘅事, 所以你暫時唔好理.

總之, C6俾我嘅感覺就係正如以上BK媽媽所講, 佢唔想做中間人, 唔想人煩佢, 但佢自己又唔理智去解決問題, 我幫佢諗埋方法去解決, 佢又乜乜77, 一味諗住要我就, 真係唔發火當我死.

我尋日即時同我(大弟, 大弟婦同我阿媽)講咗, 佢哋都話既然C6肯讓步, 叫我都唔好咁倔強, 叫我試RUN一排睇下點先, 如果又再係咁, 咁就離婚啦, 唔好再忍啦! 我覺得佢哋都講得有道理, 雖然C6缺點多多, 但無可否認佢好鍚BB(除了食煙問題), 佢放工寧願放棄去玩都趕回家幫手湊BB同做家務, 呢個係佢嘅優點. 不過講到尾, 如果佢再係咁做啲傷害我同BB嘅愚孝行為, 我絕對唔會妥協同讓步.
私人傳訊

pennykwan77


大宅

積分: 1690


32#
發表於 08-9-12 18:58 |只看該作者
樓主加油呀!你同你2個b唔好再對住一個咁自私的人啦!你要加油,努力尋找自己幸福啦!我地班bk mami 一定支持你, 你都話你外家可以support你啦,做乜仲要受依d氣呢?除非你個自私的c6肯同矩個pk亞媽脫離關係,如果唔係你都唔好再心軟啦!
私人傳訊

Melody_Che


大宅

積分: 4192


31#
發表於 08-9-12 17:23 |只看該作者
唉, 我要講既, 樓上甘多媽咪都講晒, 既然人人意見一樣, 我諗樓主都心中有數... 希望你可以真正解決煩惱, 唔係屈服於強權下, 今時今日, 女人唔需要倚靠男人生活架, 叫你老公唔好懶馨香啦!! 超級自私王, 人地話有壓力, 佢又話有, 你問佢除左識得壓你, 仲識咩叫壓力呀??

搵唔搵到錢一d都唔重要, 你嫁佢前已經清楚, 亦唔關離婚事, 重點係佢為個家負出幾多呢??
私人傳訊

小蘅媽媽


伯爵府

積分: 18265

好媽媽勳章


30#
發表於 08-9-12 17:15 |只看該作者
妥協都要睇下情況囉，有道理既冇所謂，冇道理既，點解要妥協？你估香港咩，亞爺講既算。
私人傳訊

mymelody2003


男爵府

積分: 8646


29#
發表於 08-9-12 16:46 |只看該作者
好多老公都係自私, 就算99幾衰做新抱既一定要妥協, 因為男人好好怕做中間人, 我都曾經試過因99問題同老公鬧過好多次, 最後好彩老公退一步同99傾, 當然之後我同99都有心病啦 但我唔會理佢地因為我唔洗同佢地一齊住, 少見為妙, 避之側吉!

樓主忍得佢一次, 下次又點呢? 睇怕c6唔會改變佢既諗法, 所以真係要諗清楚 如果係我, 我會返娘家住一段時間, 如果大家仍然需要對方..... 可以再一齊, 如果冇..... 離婚係最後選擇, 對小朋友同自己都唔會後悔決定如何.
私人傳訊

christy1012


水晶宮

積分: 67482

2025勳章蛇年勳章 2024年龍年勳章 2023年兔年勳章 醒目開學勳章 畀面勳章 BK Milk勳章


28#
發表於 08-9-12 16:44 |只看該作者
樓主,你c6咁樣即係冇得傾o者,講黎講去都係自私,都係要你遷就佢,要你妥協,唔係就離婚,咁樣即係迫你選擇離婚呢條路,
樓主,你要努力呀
私人傳訊

BABYPURPLE


子爵府

積分: 13261


27#
發表於 08-9-12 16:41 |只看該作者
我之前大肚時....我老公都落左ORDER....叫屋企食煙既人唔好係屋企食....佢地都聽...因為知道BB同大肚婆吸煙味係唔好....
無理由要個BB黎就個大人架....大人要食煙....自己識行識走.....咪落街食囉...去搵D可以食煙既地方囉...唔通叫個BB落街黎避佢咩....佢咁驚比人扣分會無屋住....咪戒鬼左佢囉....大家都好...
私人傳訊


首頁
123

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy