自由講場 今日: 279|主題: 1355596

真係比樓上個單住啲人搞到好唔開心，10月有一日樓下看更話樓上做水喉整爆左條喉，叫我地睇下個廁所個假天花上面有冇水，點知真係有啲水喺上面，即刻同樓上個裝修工人黎睇，佢話會幫我地油返啲油，但要等佢地裝修完個廁所先整，咁好啦，咁我地都要等架啦，之後到12月中有一日我發現個廁所成灘水，喺個假天花盞燈邊一路滴水，即CALL管理處衝上樓上叫樓上落黎睇，點知佢話原來沉日佢啲水喉師失冇做好防水就收左工，啲水就收沉晚慢慢咁跟住條喉，流左黎我地個天花跟住個假天花流落，佢地哩間所謂嘅大公司TXXT INT 喺北角屈臣道（超出名）樓盤傳真同蘋果動都成日有佢啲片，但係啲請嘅裝修師夫簡直係不負責任。望左二眼就急住行，又唔打個頂黎望下咩事，點知佢地冇CHECK哂漏水個地方，原來仲有個位係我個吊櫃頂，啲水浸住左成晚，發哂水！

我地即刻打比果間TXXT，佢果間不知所謂公司搵左個科文黎指住條排條喉係舊，話搵人黎幫我地油返啲防水就冇事，咁過兩日會有人約我，咁個櫃佢地會賠，我話但係我個櫃白色木紋色，你地整個新嘅比我係有新舊色，一定唔好睇喎！不如你地整返個鏡櫃冇木色咁咪冇得比較新舊白色，當時佢地話冇問題！

點知過左兩日有個負責人打黎約我話要整三日，果日唔係話油油點解要三日，點知果個人話要成條屎渠換要三日，佢話其實係果條渠係舊所以業主怕將來有事，所以要整左佢先，咁我咪聽佢地講怕真係爆屎渠好大單咪由佢，但三日真係冇可能，兩日就可以，之後迫下迫下佢話兩日我都由得你，咁點知約好左星期一我請好哂假，拾好哂啲用品出黎，一早等佢地黎，點知等到10 點幾冇人黎，打去比個負責人佢竟然屈我唔聽電話，話有人黎禁過我鐘冇人開門喎！嘩！我睇返電話完全冇MISS CALL，咁即係點？一係佢打錯，一係我撞鬼囉，都唔知邊個啱唔邊錯嘞！

點知隔左一日又話黎整，好，我又比你黎整，點知今次連佢地請果個水喉師夫話我地條渠根本唔舊，仲問返我點解一定要換，同埋兩日冇可能攪得掂囉！嘩！你地公司啲人同個業主講架喎，你地點架？ 哩間公司真係十分十分之有問題，到底邊個講嘅嘢先真呀？我即刻打比幫我地裝條個師夫黎睇，好彩我地真係冇比佢整咋，根本條渠係完全冇問題，反而佢幫我地CHECK到原來係廚房條渠漏水仲滴左啲油落去我個廚房假天花頂！

過左兩日有人黎整，整左一日就攪掂嘞！之後佢地話遲D有人黎整個假天花同個櫃，咁我等呀等呀等呀。等左又兩個星期啦，一啲回聲都冇，我己經係對哩間所謂大公司冇哂信心，前日打比個負責人 我話不如你賠錢比我我自己搵人做返個櫃，佢話可以搵人報價睇左點先，我就搵左我地相熟嘅設計公司報價，咁我又等左二個星期啦！

仲有一日又放新年假嘞，一啲回音都冇，第一次打去話過二日覆，今日又打去話轉頭覆，夜啲再打話點話唔得，佢地公司POLICY係壞乜賠乜喎，咁你之前又叫我自己搵人報價，玩嘢咩？我話咁你做返個鏡櫃唔好再用白木色，點知佢宜家先話唔得喎，己經上左圖比工廠喎，下，大佬呀，你果日咁求其望一望影張相就上圖？圖我都冇睇過喎！你連果啲電位都冇度過喎，我啲燈位你就到架嘞！

根本果日係你都話冇問題，乜都話好好好好，今日比你地啲人整好左啲水喉你就咁嘅態度，真係好有問題，真係好嬲，我覺得我要求返賠返果二尺櫃錢都唔係好過份，都係講緊3000 零蚊！你

我已經問左我地家居保險間公司，話我地有買保險可以CLAIM但有機會下年買會再評估有機會會貴左，唉！真係好唔開心，我地冇樓上裝修半年，但我地都只係全屋裝修左2 年咋，你咁夾硬做個櫃比我，都未必襯得返我個廁所啦，同埋我地又唔知你啲櫃用咩材料，分分鐘做半年咁我咪白等？

有冇人可以教下我可以喺咩部門投訴哩間設計公司呀？