nicoletsui99 發表於 16-2-6 17:07
九流唔正講廣東話客戶服務員狂燥罵客人
地點:觀塘鴻圖道37-39號鴻泰工業大廈2樓8室
聯迅電腦科技有限 ...
我的遭遇同樓主幾乎一樣，分別在嗰個B6嬸嬸同亞叔未鬧人。
已經係幾年前嘅事啦，嗰陣時始創都未有咁多專門店，但維修手法始終如一。以為自己黑仔啫所以冇話比人知。
我部係5.5吋黑色MP4，喺旺電買咗接近一千，乜都冇得送，一年保養期，買機後約三四個月開始讀唔到microSD卡，山長水遠(我住屯門)要去到觀塘、兼且淨係得星期一至六(上午)五天半辦公(標準嘅銀行營業時間)，放低部機話要等大約三個星期電話通知，但過晒期都冇通知要不停去趨先有得攞，攞機時發覺冇咗張保護貼(喺旺電另外比錢人貼，買機冇包)，質問個亞嬸佢話維修師父係一定要咁做，拗咗一輪死死地氣比返一張cheap嘢我，我懷疑部機根本唔係我原先嗰部，只係同色同款，但又冇證據(因為買單、維修單都係冇寫機身編號嘅)。
拎返部機用咗唔夠兩個禮拜又復發，咪又要攞去整loh，今次我喺機背不顯眼地方用箱頭筆寫咗名同記號仲影咗相，同樣又係咁成個月先追到有得攞，情況同上次一樣冇咗張保護貼，問佢係唔係求其比返一部我，佢當然否認，我立即比返張影咗機背嘅相佢睇先口啞啞，(其實至此我已經心淡，中咗伏諗住再壞都唔會整㗎啦，咁鬼麻煩)，但唔忿氣要玩下嘢，咪好大聲同勞嘈咁數佢地啲質素服務等等，當時係星期六中午十二點幾，有幾個客係到參觀緊而有一個仲打算買嘢，個B6亞叔喺度招呼緊，我發洩咗一輪亞叔終於忍唔住問我想點，我話堅持要返我有記號嗰部，又差唔多等咗一個月終於追返有記認嗰部，又係冇咗保護貼要佢比返張，心諗拎咗嚟掉咗都好呀。
劣質即係劣質，一個禮拜後又壞，今次衰到係開唔到機，又再攞去整，一個月後收機後冇再用啦，因為都前後一年保樣到期啦。用咗成千銀買咗個教訓。
發誓永遠唔會再買呢個品牌嘅嘢，而家就算行過都唔會望吓。本來產品質素嘅嘢係見仁見智，買得雜嘜都預咗係要撞手神囉，但咁差劣嘅售後服務真係前所未見。
發表於 
返回列表
