母乳餵哺 今日: 0 | 主題: 85709

積分: 51073

至尊種植勳章醒目開學勳章畀面勳章環保接龍勳章

1^#

發表於 08-9-22 17:52 |只看該作者 |正序瀏覽 |打印

近日網上的討論，很多人問這隻那隻奶粉是否安全，又收到好些電郵有關食物安全中心的奶製品檢驗結果，很多媽媽害怕、自責、罵人等。我慶幸我兒是全人奶b，不用擔心奶粉的問題，難道要付上這樣沉重的代價，大家才會正視和認同餵人奶的好處?

有人很迷信地認為牛奶是最有營養的食物之一，又有人極端地認為牛奶無益甚至有害，我認為不要太偏激地日日飲牛奶，但又不必當奶製品是毒藥，但對於嬰幼兒，當然是人奶最好，質疑者不需要跟我說，自己上世衛 http://www.who.int/topics/breastfeeding/en/ 看報告。

世衛及香港政府及有知識的醫生/專家都認為bb首半年應單以人奶餵哺，香港政府說能夠於首4-6個月以全人奶餵哺不足15%，我心想，4-6個月，那真正首 6個月以全人奶餵哺，不加入副食品/奶粉和水的應該是不足10%吧﹗我沒有看過香港有數據說母乳餵哺到2歲、不飲牛羊奶/奶粉的幼兒的數字，可能少得不用做統計了，其實是很可惜的一件事，我認識的同期的人奶媽媽，很多都已經退役/減產了，我自己也計劃了下個月中開始只餵早晚兩餐，中間不再泵奶了，希望 Larry兩歲時可以(自然)離乳。

有些朋友一開始時是想餵人奶的，生了bb之後很多也有嘗試餵，但滿月前就已經停餵了，原因不離:

1. 認為自己奶水不足，便開始補奶粉，之後真的沒有奶了
2. 認為自己奶水不足，便開始補奶粉，之後發覺餵奶粉十分方便，而且可以由其他人代勞
3. 被懷疑奶水不足，便開始補奶粉，之後就如1. 或 2.
4. 認為人奶營養不夠，便開始補奶粉，之後就如1. 或 2.
5. 被懷疑人奶的營養不夠，便開始補奶粉，之後就如1. 或 2.
6. bb不會吮奶，泵奶又麻煩，索性餵奶粉
7. bb不會吮奶，泵奶時聽了很多難聽的說話，索性餵奶粉
8. 每兩三小時就要餵奶十分辛苦，睡不好心情差快要抑鬱，索性餵奶粉
9. bb常不在身邊，泵奶又運不到給bb，只好餵奶粉
10. 真的有抑鬱，要吃藥，不能餵人奶

為甚麼會認為/被懷疑奶水不足? 很多時是因為餵完奶之後bb哭，或不一會bb又找奶頭，很多時人的第一反應是認為bb一定是未夠飽，不然吃飽的話是會乖乖去睡，大家也太低估bb了﹗ 哭的原因可以有很多，餓只是其中一個原因，太冷太熱也會哭﹔衣物太鬆(沒有安全感)太緊也會哭﹔片片濕了也會哭﹔悶了也會哭﹔累了也會哭﹔嗅不到媽媽的氣味也會哭﹔想吮東西時也會哭，哭的原因很多﹗

要知道bb是否吃得夠，可以數片片，一日有6條濕片就ok(如果有條好重既，要當2條)﹔可以看生長指標(體重線，身高線)，其實正常來說超過9成的媽媽也有足夠的奶水餵飽bb，不過是自己太擔心/壓力大，影響奶量。

人奶的營養 - 說了很多很多次，人奶的營養是最適合bb的，人奶的抗體是其他代替品所沒有的，bb細粒唔係因為人奶唔夠營養，而係有d人天生大隻有d就細粒，奶媽吃的東西固然要小心選擇/營養均衡，但就算有偏食，也不代表人奶的營養會不足，牛羊也不過是吃草，別誤信奶粉廣告﹗奶粉商只會用很細很細的字眼寫出人奶是bb最好的食物的事實，但不會直接地說奶粉不及人奶好﹗

bb不會吮奶，是我也遇到的問題，唯有一邊泵，一邊繼續試，這不單止很累，也會令奶媽很灰心，但為著bb的健康，我選擇堅持，幸好bb後來也會吮了。也有人因為習慣了泵奶，不再試埋身餵，也餵到小朋友3歲。

有些初生bb，真的會每隔兩三小時就要吃，每次吃半小時/一小時，媽媽會很辛苦，然後放棄。其實也有其他解決辦法，可以試躺著餵，bb吃時媽媽仍然可以休息 ﹔又可以慢慢拖長兩餐之間的時間，每天10分鐘10分的加，一兩個星期後就可以4小時一餐﹔可以邊餵邊泵，然後下一餐找其他人bottle feed，奶媽就可以休息﹔注意bb是不是猛長期，是的話，就辛苦幾天，之後會好一點的。其實照顧bb從來就不是輕鬆事，所以中國人有請人陪月的傳統，媽媽好好休息各餵奶，其他事找人分擔。

9. 和 10. 就真的沒辦法了，唯有選一這比較有信心的嬰兒配方奶粉，能夠在吃藥/bb不在身邊時泵奶丟奶(長期)的人甚少。

至於6個月前就半人奶/加其他副食品的人真的很多，其中一些原因是:

1. 認為自己奶水不足
2. 被懷疑奶水不足
3. 認為人奶營養不夠
4. 被懷疑人奶的營養不夠
5. 市面上的嬰兒食品標籤4個月以上可進食
6. 認為餵了幾個月人奶已經足夠了
7. 餵人奶很難帶bb上街
8. 乳頭被bb吮損
9. 又有了小寶寶
10. 自己身體越來越差

其實如果一直有餵人奶，是不會無故一下子奶水不足的，除非有令奶媽情緒很低落的事、經期、又有了小寶寶，不過在工作/生活壓力大的香港，加上工作環境不一定能配合泵奶，可能慢慢就會供不應求，有人會泵/餵多一點，加些發奶飲食，提升奶量，有人會補奶粉/副食品。

有關營養，我真的再要說，奶粉廣告實在太深入人心了﹗甚麼新階段新配方，其實很多人不會去看清楚，2號奶粉比1號奶粉的營養低，是商人的策略，令人認為bb 大了是要轉奶粉。人奶也有自動調節配方的一環，初乳colostrum的營養成份及抗體最高，而乳清蛋白的比例亦佔90%，然後水份逐漸升高，到4個月時就是mature milk，之後無論半年或是一年，成份也相約，不過夏天水份會高一點/冬天會低一點，不是有些無知之士口中的6個月後就無營養之說。
另外，今年有報章錯誤報導人奶的抗體在bb 6個月後就沒有用云云，胡說八道﹗是bb 6個月左右才會開始製造抗體，6個月前是靠人奶的抗體。

市面上的嬰兒食品標籤4個月以上可進食，完全是商品推廣手法，是可以，不是需要!!但住住很多人想早一點給bb飲果汁，吃米糊，去補充營養，又是一大誤解，bb的4個月時的發育是可以接受奶以外的食物，但不是需要奶以外的食物，而且果汁、米糊的營養不見得比人奶高，可能添加的鐵質和維他命D是高，但bb 在6個月以前吸收不了鐵質，而只要有適量晒太陽，維他命D亦很足夠。有些情況下，bb的確會不夠鐵質，醫生會開iron drop給bb，通常比較輕的早產bb才有這個情況。

餵人奶才容易帶bb上街，只要著哺乳衣/圍巾/找有育嬰室的地方，帶條尿片就可以去街了。不過育嬰室不足是香港的問題，我著哺乳衣，如果是去比較公眾的地方，會多帶一條長紗巾以防走光。不過bb一歲前，盡量不要去人多的地方，這不是餵不餵人奶的問題，而是人多的地方對bb不好。

乳頭被bb吮損 - 搽cream，食panadol，注意餵奶的姿勢，教bb不要咬媽媽﹗

又有了小寶寶 - 有些人會繼續餵，有些人會突然少奶/bb會唔再食。

自己身體越來越差 - 奶媽要比一般媽媽更照顧好自己的身體，但如果是因為餵奶而令身體不好，吃有益的東西、補身、休息也不見好轉，可能真的要停了。

0 0 0

識網友只限吹下水、交換下資訊、發揮網力，邊個認真就邊個輸。

私人傳訊回覆引用

咕嚕

別墅

積分: 582

81^#

發表於 08-10-8 00:37 |只看該作者

我都係咁話. 宜家yoyo 食左15個月全人奶. 都唔知幾健康. 又唔太肥. 毒奶對我地冇影響. 之前我媽出個聲叫我轉奶粉. 宜家都唔再提.
我心唸如果我唔係餵人奶.. 宜家應該去緊醫院排隊同yoyo 檢查lu.

私人傳訊回覆引用

積分: 172

80^#

發表於 08-10-7 22:05 |只看該作者

原文章由 mocha 於 08-10-5 22:26 發表
政府都日日有宣傳,又提倡三低一高有益..但又有幾多人會做到...咁出零食的公司,kfc同m記又係咪好可恥的公司....其實你買唔買,呢d真係個人決定....好奇問吓大家 ...咁他朝大家又會否帶仔女去kfc同m記呢...又或許只係會日日係屋企,只係比d仔女食d三低一高有益的食物.
...

其實kfc同m記無益,我相信好多人都知,因為我哋有好多途徑可以攞到數據,就連d老人家都會知,我唔比kfc / m記阿b食,無人會出聲,但人奶對bb好,如果唔係今次三事件,我相信我屋企個老人家係唔會知人奶比奶粉好囉,佢之前聽到我話想餵人奶,佢都唔係咁like,

[ 本文章最後由新生媽於 08-10-7 22:13 編輯 ]

私人傳訊回覆引用

mocha

禁止訪問

積分: 5989

79^#

發表於 08-10-5 22:26 |只看該作者

提示: 作者被禁止或刪除內容自動屏蔽

私人傳訊回覆引用

applecarey

禁止訪問

積分: 9241

睛靈勳章

78^#

發表於 08-9-30 20:57 |只看該作者

提示: 作者被禁止或刪除內容自動屏蔽

私人傳訊回覆引用

mianyang_99

珍珠宮

積分: 32869

77^#

發表於 08-9-30 19:47 |只看該作者

原文章由 w_y 於 08-9-30 14:04 發表
可以全人奶當然係好好, 我更明白奶量唔夠要使用奶粉會係咩心情, 我大女一開始係人奶 + 奶粉直至三個月先可以做到全人奶, 離院兩三日都唔上奶呀, 當中有幾辛酸, 真係未經過唔會明. 細仔就幸福, 一出世我就勁谷奶, 多 ...

我有個同事5個月身孕, 都講左唔會餵人奶, 因為怕辛苦...試都未試已經放棄....

私人傳訊回覆引用

w_y

公爵府

積分: 25476

好媽媽勳章 2011精緻種植勳章畀面勳章環保接龍勳章

76^#

發表於 08-9-30 14:04 |只看該作者

可以全人奶當然係好好, 我更明白奶量唔夠要使用奶粉會係咩心情, 我大女一開始係人奶 + 奶粉直至三個月先可以做到全人奶, 離院兩三日都唔上奶呀, 當中有幾辛酸, 真係未經過唔會明. 細仔就幸福, 一出世我就勁谷奶, 多到飲唔晒. 我可以話窮又窮過, 富又富過. 當我陀二仔時, 我女就全奶粉 (當然好唔願意). 真係咩 situation 都試勻.

我諗當你俾得奶粉入 bb 口, 就要知道佢有咩好壞處, 唔係話聽到人地講事實時, 自己個心唔舒服, 咁大個人要為自己選擇而負責. 我記得港台鏗鏘集講奶粉問題果集出街, bk 有媽咪寫晒信去廣管局投訴話港台唔理會佢未能成功餵奶粉媽咪的感受...唉......即係話如果我個仔將來去偷去搶, 而教育電視有一日教小朋友唔可以偷野搶野, 我都應該要投訴佢無理我感受啦.....荒謬之至

講你地知, 我個朋友前日生左個女, 佢未生之前已經講要餵奶粉呀, 連佢媽咪勸佢要餵人奶, 佢都唔聽, 36 出左事佢都唔驚, 驚個女食人奶唔夠肥美呀......

私人傳訊回覆引用

w_y

公爵府

積分: 25476

好媽媽勳章 2011精緻種植勳章畀面勳章環保接龍勳章

75^#

發表於 08-9-30 13:51 |只看該作者

唉...餵人奶的時間唔係好長, 短至一個月以內, 長至三年...當呢個需要減少左, 好難要求無切身利益的媽媽再有熱情去爭取人奶媽媽的利益. 所以對於呢個 forum 一眾唔再做奶媽, 但仍然投入支持餵哺母乳的媽媽們, 真係好值得我地尊敬, 佢地真係好無私奉獻左私人時間做左唔少野. 唔止幫左媽咪 bb, bb 身心健康 d, 唔止減輕公營醫療負担, 對整個社會都係大貢獻.

而家都見到少少成績架, 新建的商場大都有哺乳室, 亦多左人了解母乳的好處, 大家繼續努力吧, 多向身邊的人宣揚母乳的好處, 已經係好大的幫忙.

私人傳訊回覆引用

nikitac

大宅

積分: 2466

74^#

發表於 08-9-30 00:36 |只看該作者

據我所知，奶庫響外國的運作只係比早產或病嬰在醫生發處方紙下使用，因為捐奶的人不多，所以要將寶貴的人奶，分給最有需要及生命有危險的嬰兒。

原文章由 新生媽 於 08-9-30 00:05 發表
其實各位過去 / 現在 / 將來式的人奶媽,有無諗過團結起來做返d野,
1.點解餵人奶要有咁多不必要嘅壓力,
2.點解老闆 / 上司唔支持,
3.點解政府係d個時候會講(why d mama唔餵人奶)但政府有做過乜野宣傳,我c6話係佢細個 ...

私人傳訊回覆引用

積分: 172

73^#

發表於 08-9-30 00:05 |只看該作者

其實各位過去 / 現在 / 將來式的人奶媽,有無諗過團結起來做返d野,
1.點解餵人奶要有咁多不必要嘅壓力,
2.點解老闆 / 上司唔支持,
3.點解政府係d個時候會講(why d mama唔餵人奶)但政府有做過乜野宣傳,我c6話係佢細個時有政府宣傳短片同歌曲,提倡人奶有益,但我真係未聽過囉,
4.點解而家有咁多有頭有面嘅人話(唔明d媽咪做乜唔餵人奶),但我哋想係商場搵個育嬰室都咁難,莫講話返工時間係個工廠區搵個合適嘅地方泵奶
5.有無人諗過將d人奶好似血庫咁,有捐贈者及受贈人(有機構監管,符合安全及衛生標準),可以幫助真係無奶 / 窮媽媽
6.點解人奶媽如果係公眾地方餵人奶,仲會有人投以奇異眼光,
女人天生要負起生bb嘅責任,而bb最天然食量又是人奶,但點解當mama決定要餵人奶,郤好像要背負荊棘踏上征途一樣,要考慮許多,要準備許多,要承受許多.........

我記得人奶早被人遺忘的時間,曾經有一排mama係商場公開餵人奶,之後香港部份商場才開始有育嬰室,但進度很慢,其實係三事件後會唔會加快步伐為人奶媽做多d配套設施,政府會否立法要求公司每日比人奶媽有泵奶時間..........

[ 本文章最後由新生媽於 08-9-30 00:12 編輯 ]

私人傳訊回覆引用

積分: 172

72^#

發表於 08-9-29 23:37 |只看該作者

原文章由 littlecook 於 08-9-28 22:32 發表
扯開話題一陣:

未生唔好飲上奶湯水住呀!依家唔需要上奶住呀!有d準媽媽就係未生都谷奶塞左,又無bb啜,攪唔掂唔知點算呀!又聽過有人臨生前就去谷定奶先,生左太谷又塞得勁結果要去收奶餵唔成呀!

...

thx,D點我都知

私人傳訊回覆引用

gunsou

大宅

積分: 3415

71^#

發表於 08-9-29 19:35 |只看該作者

thanks.

原文章由 eeb 於 08-9-29 10:32 發表
http://www.bloomberg.com/apps/news?pid=20601080&sid=a2vuxUAv62fg&refer=asia 
 
try again.

私人傳訊回覆引用

msy_jessica

洋房

積分: 62

70^#

發表於 08-9-29 17:26 |只看該作者

回覆 #1 eeb 的文章

完全同意eeb
我認為每一個母親都是偉大的
但我想說
人奶媽比奶粉媽經歷更多的困難和痛苦

人奶媽是需要更多的支持和鼓勵

人奶媽是值得自豪的

[ 本文章最後由 msy_jessica 於 08-9-30 09:28 編輯 ]

私人傳訊回覆引用

eeb

積分: 51073

至尊種植勳章醒目開學勳章畀面勳章環保接龍勳章

69^#

發表於 08-9-29 11:08 |只看該作者

我對事，唔係對人

我既分享無特定對象，但一定唔會去自由講場o個邊post呢篇文，因為人奶媽係弱勢社群﹔亦唔會去產前產後post，有關人奶既討論集中返o係呢版好d

我無仔細諗過同唔同一條船，我只係知道我個仔全人奶，我唔需要丸擔心毒奶粉，但佢都要食好多其他嘢，所以食物安全係每個人都應該要關心同注意

我同好多人奶媽一樣覺得3鹿b可憐，奶粉商可恥

能夠全人奶，有人奶媽認為不出奇-係正常不過既事，但亦有人會感恩/慶幸/自豪甚至驕傲，其實，我真係覺得無問題，細細聲講:"夠有好多媽媽字裡行間係因為餵日本奶粉而驕傲":;pppp:

好想但又唔能夠全人奶既媽媽，尤其係因為要工作既，唔通真係為咗餵奶而唔返工咩，當中係有好多無奈，但環境唔許可，社會支援又唔夠，盡咗力就得啦

識網友只限吹下水、交換下資訊、發揮網力，邊個認真就邊個輸。

私人傳訊回覆引用

eeb

積分: 51073

至尊種植勳章醒目開學勳章畀面勳章環保接龍勳章

68^#

發表於 08-9-29 10:36 |只看該作者

等咗妳既專業回應好耐喇

我都知唔可以做human test，但好似連animal test 或者單純理論都唔覺有(網上resources)，真係

原文章由 gunsou 於 08-9-26 13:22 發表
littlecook and eeb,

because of work, i need to understand the melamine tainted milksituation. well, from my search so far i think no one can answer thequestion whether melamine can be secreted into breastmilk at the momentbecause melamine should not be in human food and there is no data onthat. and it is also unethnical to do research on humanbeing. anyway, the govt just plays safe to restrict melamine level inmilk product used by pregnant and lactating ladies.

i will also keep an eye on the issue due to my profession and my status as a mother.

indeed, from information from the official website of the hk govt todoctors, effect of melamine on adult is much much LESS harmful (that'swhy the hk govt helps to screen children only) when compare with babies(esp <1 year old) as their main source of food is milk milk milk!!! thoughit is right that we can't BF our babies for years, exclusive BF infirst 6months and continue BF till 2 years old is definitely good inorder to avoid harmful effect from contaminated milk.

add oil everyone!!!! try our best and our breasts!! for those who can't BF exclusively, giving as much breastmilk aspossible is already very good. just relax. the milk production willincrease with good mood.

(sorry i can't type chinese in office).

識網友只限吹下水、交換下資訊、發揮網力，邊個認真就邊個輸。

私人傳訊回覆引用

eeb

積分: 51073

至尊種植勳章醒目開學勳章畀面勳章環保接龍勳章

67^#

發表於 08-9-29 10:32 |只看該作者

http://www.bloomberg.com/apps/news?pid=20601080&sid=a2vuxUAv62fg&refer=asia

try again.

原文章由 gunsou 於 08-9-26 13:11 發表
weiwei, eeb, can't see the link wor.

"尋日陳馮富珍都有講"唔明而家d年輕女性唔餵人奶，人奶是bb最好的食物... ... " (http://www.bloomberg.com/apps/news?pid=20601080&sid=a2vuxUAv62fg&refer=asia)"

...

識網友只限吹下水、交換下資訊、發揮網力，邊個認真就邊個輸。

私人傳訊回覆引用

littlecook

子爵府

積分: 11940

66^#

發表於 08-9-28 22:32 |只看該作者

扯開話題一陣:

未生唔好飲上奶湯水住呀!依家唔需要上奶住呀!有d準媽媽就係未生都谷奶塞左,又無bb啜,攪唔掂唔知點算呀!又聽過有人臨生前就去谷定奶先,生左太谷又塞得勁結果要去收奶餵唔成呀!

原文章由 新生媽 於 08-9-28 22:15 發表
好精彩真係好精彩,
我將會係12月生第一胎,係未有三事件之前,當我一知道有咗bb,我同c6都係第一時間就決定選擇母乳,連自已都唔知why自己會有咁嘅決定,仲係8月bb展買埋電泵,幾個月來不停上網睇下 ...

私人傳訊回覆引用