吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 幻想永遠都系美好😩

夫婦情感今日: 8|主題: 42762

收藏本版

發帖

返回列表

跳至頁

查看: 1248 | 回覆: 19

幻想永遠都系美好😩 [複製鏈接]

kikichu1220

別墅

積分: 735

1^#

發表於 16-2-19 02:34 |只看該作者 |正序瀏覽 |打印

我結婚差吾多一年，系奉子成婚。
其實一有左果陣我已經預計到奉子成婚既婚姻系吾會系美好，系我懷胎十月既時候，老公一直都好錫我，我想點就點，但到我生完bb之後，一切都變。原本以為有個bb會令我同佢關系更加好，原來真系我諗得太簡單，我同佢因為bb成日嘈架，我會因為佢完全吾幫手湊個女而成日鬧佢，佢會因為我掛住個女吾理佢感受而怨我。
自從無番工之後佢就成日話我系屋企掛住訓，吾明佢有幾辛苦，大佬，我夠知您辛苦，我系屋企都吾好受，同99關系又吾好，系屋企由朝做到晚，都系為左等您放工番黎果一刻！有時您收工重夜一夜先番，我想抖都無得抖添啦！唉，做女人真心好苦！
我岩岩21歲我覺得我人生毀了

0 0 0

私人傳訊

ada_fung

子爵府

積分: 14666

2025勳章 2025勳章蛇年勳章 BK Milk勳章

20^#

發表於 16-2-19 22:54 |只看該作者

回覆：kikichu1220 的帖子

唔好望回頭，過去冇得改變。
如果覺得自己不適合做家庭主婦，湊仔，不如找托兒所/搵人湊，自己出番嚟做野，咁樣兩夫婦沖突會少d。

私人傳訊

moksam

複式洋房

積分: 206

19^#

發表於 16-2-19 16:33 |只看該作者

唉…有排你受!

私人傳訊

大細心

男爵府

積分: 6480

開心吸收勳章美好大世界2017勳章最關心BB問題熱投勳章認識瑞士牛牛第一回

18^#

發表於 16-2-19 15:12 |只看該作者

你敢細過, 事情到了這個地步, 不如積極面對, 你可以的話, 找份工或part-time做下, 比99湊/托嬰所。一係等BB大, 讀N班先出來工作。

說真, 我返工時都想做FULL-TIME MAMA, 但是我發現不能, 真的很辛苦(BB一識行), 辛苦過返工。放假得自己一個湊, 甚麼都做5到, BB不愛睡, 睡很少, 真的很無助, 幸好, 婆婆有時過下來幫忙, 我先可以煮到野比BB食。

有時, 不如你放低比婆婆幾小時, 你出去同朋友聚下啦, 放鬆下, 有必要。

話你成日睡, 我超明白, 我地根本睡不夠, 只是偷少少時間補眠。

如果放低比C6湊, 又話湊不到, 真係想放低比佢二小時, 等佢知道我的苦況。

加油.............

私人傳訊

kikichu1220

別墅

積分: 735

17^#

發表於 16-2-19 14:54 |只看該作者

回覆：lazywife 的帖子

😂😂😂您又講得岩其實我老公已經好就我！我會加油多謝您

私人傳訊

winifredwin

珍珠宮

積分: 40237

16^#

發表於 16-2-19 14:13 |只看該作者

回覆：幻想永遠都系美好😩

再1次証明奉子成婚8成係唔掂嘅，所以未婚又有男友嘅jm真係要做足安全措施

私人傳訊

lazywife

侯爵府

積分: 24263

15^#

發表於 16-2-19 13:06 |只看該作者

回覆：幻想永遠都系美好😩

其實你咁既case..有何幻想空間？奉子成婚，已經係錯。。仲要唔做野。。同奶奶住。。做FTM....仲要個男人未準備好做人老豆。。完全就係悲劇既方程式開頭。。。你仲要唔識諗。。怨個男人唔體諒，同個奶奶又關係唔好。。結果咪就係婆媳版果D CASE...自己玩孤立。。。抱住個女，自憐，自我幻想做悲劇女主角。。人世間最慘果個就係你啦。。。

唔好睇咁多悲劇啦。。同個奶奶打好關係啦。。唔好將屋企呢個地方都變戰場，你老公更加唔想返屋企。。再揾下工，揾下幼稚園，一步一步重建番正常家庭要有既和諧。。俾個男人知道佢有個家，有個等佢返屋企安撫既老婆同錫既子女。。有個覺得佢娶左好老婆既阿媽。。等佢返屋企食飯。。。一時半刻，唔會得，但你唔嘗試去做。。就永世唔得。。

私人傳訊

dayedaye

子爵府

積分: 11674

14^#

發表於 16-2-19 11:52 |只看該作者

本帖最後由 dayedaye 於 16-2-19 12:09 編輯

我都係奉子成婚0既，不過0個時已經26歲0刺，而且同0個時男友依家老公都拍咗8年拖0刺。

但我明奉子成婚係好大衝擊。

我自己有咗之前0岩0岩轉咗新公司，結果工作量太大，陀仔陀到尾二個月都要resign(即係連產假都唔要，因為頂唔順個工作量0刺)。

生咗之後，我又好好彩好快有新工。主要工人湊仔，而我老公亦係好鐘意湊仔0既人。不過我本身其實唔係特別鐘意小朋友，兼且其實仍好有事業心，所以壓力好大。

生咗半年就又開始工餘進修，進修0左兩年。讀書，我番娘家做功課，bb由工人及同老公湊，好似好正，但其實我覺得好孤單。0個時心情好複雜，我知老公肯湊仔係好好，但我同時心中怨佢點解搵唔到多0的錢，令我仍要為事業奔波。而且其實我內心好想佢陪住我，但佢要湊仔我先有空間做功課，陪唔到。於是，你當我係藉口都好啦，我鐘意咗一個男同事，因為我一邊做功課，佢一邊可以上網陪我吹水(但佢冇鐘意我，可能佢太無聊要搵人吹水攝時間吧)，再加上生活上各種0既事同壓力，讀完書之後，我同老公已0係離婚邊緣。

歸根究底，我覺得係我同我老公都未預備好結婚生仔(佢就經濟上，我就心智上)。

但我至今都無悔0既，因為我身體有問題，如果0個次唔生，之後都唔知有冇得生0刺。

後來，又過咗兩年，我終於比較適應咗媽媽0既責任及身份，工作又算定咗落嚟，同老公作為家人0既經歷亦多咗(其實同拍拖真係好唔同，即使拍咗8年)，feel到我地係可以互相支持下半世0既人，而最重要係，個仔大咗，自理能力好咗，而且佢係一個天生識做0的sweet0既事氹人0既細路，我同老公都好慶幸有咗呢個仔，咁我地終於好番。

其實我老公現時經濟都係一般，但佢明多咗我要0既安全感，我都見佢努力緊，我怨氣少咗好多。

所以我諗，如果捱得過細路頭3年0既艱苦歲月，兼且兩夫妻唔好計算太多，會原諒對方，比機會對方，比對方多0的時間適應做夫妻做父母(因為唔係計劃咗要做0既事嘛，要體諒對方都要時間接受衝擊調節心情心態架)，最終都有機會雨過天晴0既。另外，經濟其實都重要，唔係話要好有錢，不過如果唔係大富之家，兩夫妻一齊努力搵錢，雙方冇咁大壓力，條氣亦會順0的(因見到對方有付出相同努力)。至於同99關係......一齊住幾難好，你都係睇下可唔可以番工，快0的學識搵錢，睇下有冇得同老公& bb搬出去啦。就算搬去隔離棟大廈，都已經好過同一屋簷下好多0刺。

我只係分享下自己經歷，希望幫到你啦。

點評

abigailhk

發表於 16-2-19 17:27

大細心

發表於 16-2-19 14:59

私人傳訊

aptcan

男爵府

積分: 8993

畀面勳章

13^#

發表於 16-2-19 11:51 |只看該作者

如你有家人肯幫你湊或搵到育嬰院，你不如返出去做野啦，有昤困獸鬥係好辛苦架﹗

私人傳訊

mini1204

翡翠宮

積分: 79226

12^#

發表於 16-2-19 11:41 |只看該作者

回覆：幻想永遠都系美好😩

小朋友奶奶揍
自己揾工做
最少經濟獨立d，又吾洗囷獸鬥

私人傳訊

y2k60000

大宅

積分: 3579

2025勳章 2025勳章蛇年勳章虎到金來勳章 BK Milk勳章

11^#

發表於 16-2-19 11:27 |只看該作者

回覆：幻想永遠都系美好😩

奉子成婚，其實你地兩個夠成熟結婚未？本身有無共識要結婚？
你自己本身有無工作？如果而家係ftm, 又有個咁細既小朋友，你無工作無收入，變相要靠晒你老公，你而家揸頸就命，無得選擇！
建議你將來等個小朋友大d, 就重投社會！女人要有個錢喺身先得，靠老公不如靠自己！

私人傳訊

wing1388

珍珠宮

積分: 47017

開心吸收勳章

10^#

發表於 16-2-19 11:12 |只看該作者

jeremylui83 發表於 16-2-19 10:51
回覆 wing1388 的帖子

你依家講呢啲都冇用啦…唔做都做左。。盞令佢更唔開心。。諗辦法補救最重要。。

我咁講只係叫佢接受自己所下嘅決定，講真佢怨得邊個呢？佢怨佢老公，怨婚姻，但一切其實係佢自己嘅選擇而嚟，咁佢最應該係怨自己先啱，但樓主只係怨C6唔理佢，怨同99關係唔好，咁最重要嘅自己卻隻字不提呢？

正如我所講，佢呢個年紀應該係同朋友吃喝玩樂，冇錯早生有佢嘅好處，但要好多嘢配合先有佢嘅好處，但而家未見其利先見其害，樓主仲苦惱緊行唔行到落去呢！

不過辦法總比困難多嘅，我建議先同99修補關係，搵到人湊小朋友，樓主出返去做嘢之後已經少咗幾樣問題，起碼唔會俾人話「大食懶」先吖！21歲就同社會脫節的話，而C6又咁年青（我相信唔大得去邊），我睇到嘅係會有更多嘅婚姻問題出現吧！

百花叢裡過，片葉不沾身。

私人傳訊

Nancy20090615

瑪瑙宮

積分: 137143

9^#

發表於 16-2-19 11:09 |只看該作者

本帖最後由 Nancy20090615 於 16-2-19 11:12 編輯

kikichu1220 發表於 16-2-19 02:34
我結婚差吾多一年，系奉子成婚。
其實一有左果陣我已經預計到奉子成婚既婚姻系吾會系美好........我同佢因為bb成日嘈架，我會因為佢完全吾幫手湊個女而成日鬧佢，佢會因為我掛住個女吾理佢感受而怨我。

您唔好諗埋一邊住先喇.

您先入為主去諗奉子成婚既婚姻系吾會系美好，已經迫自己諗埋一邊. 有野慢慢傾.

個裂逄原因又好清楚, 咁大家試下去調節磨合.

私人傳訊

jeremylui83

子爵府

積分: 14244

畀面勳章

8^#

發表於 16-2-19 11:07 |只看該作者

回覆 kikichu1220 的帖子

我諗好多Jm情況都同你一樣，我都唔例外。。我都係將所有時間放晒落個仔(一歲)度，好少理我老公。。
起初佢都有埋怨，話我唔理佢。但我自己一個湊，根本飯都冇時間食，點仲可以理到佢？
依家佢都好體諒我，放假就會一齊分擔下，因為佢真係見到由朝忙到夜，冇停過唔係吹水。。但感情一定冇之前好。。
你比我好彩，因為你有99幫下手，可能同99會意見分歧，但始終有個人，係差好遠。。
你都放下手，同老公去行下玩下傾下計，了解多左，感情好啲，咁樣個老公先會鍾意返屋企。。湊仔果陣，唔好淨係死湊難湊，要三個人一齊玩下互動下，增進大家的感情。。

私人傳訊

RAA

珍珠宮

積分: 35624

2025勳章 2025勳章蛇年勳章 2018復活節勳章好媽媽勳章醒目開學勳章

7^#

發表於 16-2-19 10:52 |只看該作者

wing1388 發表於 16-2-19 10:31
點解當日唔做安全措施？
既然知道奉子成婚唔慌會好，點解又要結？兩個唔成熟嘅人，仲要照顧小朋友，其實妳 ...

私人傳訊

jeremylui83

子爵府

積分: 14244

畀面勳章

6^#

發表於 16-2-19 10:51 |只看該作者

回覆 wing1388 的帖子

你依家講呢啲都冇用啦…唔做都做左。。盞令佢更唔開心。。諗辦法補救最重要。。
年紀細都唔代表唔成熟嘅……早生有早生嘅好。。
每事有好也有壞處。。沒一件事係嬴哂的。。

點評

oscar0305

發表於 16-2-19 14:35

私人傳訊

yuen061

大宅

積分: 2327

5^#

發表於 16-2-19 10:38 |只看該作者

回覆：幻想永遠都系美好😩

預計到唔美好點解仲要結？

私人傳訊

tansyneko

琥珀宮

積分: 152982

4^#

發表於 16-2-19 10:35 |只看該作者

私人傳訊

wing1388

珍珠宮

積分: 47017

開心吸收勳章

3^#

發表於 16-2-19 10:31 |只看該作者

kikichu1220 發表於 16-2-19 02:34
我結婚差吾多一年，系奉子成婚。
其實一有左果陣我已經預計到奉子成婚既婚姻系吾會系美好，系我懷胎十月既 ...

點解當日唔做安全措施？
既然知道奉子成婚唔慌會好，點解又要結？兩個唔成熟嘅人，仲要照顧小朋友，其實妳呢個年紀本應同朋友吃喝玩樂，但妳明知自己行唔到呢條路，响有得選擇時妳點解唔揀呢？
做女人其實唔苦，苦嘅係因為妳落錯決定吧！

點評

Jolin_Yuen

發表於 16-2-19 12:39

百花叢裡過，片葉不沾身。

私人傳訊

mite

別墅

積分: 722

2^#

發表於 16-2-19 03:05 |只看該作者

kikichu1220 發表於 16-2-19 02:34
我結婚差吾多一年，系奉子成婚。
其實一有左果陣我已經預計到奉子成婚既婚姻系吾會系美好，系我懷胎十月既 ...

明白樓主真係好辛苦
男人就係咁，總覺得你係屋企好得閒，佢自己返工好辛苦。
但婚都已經結咗，仔都生埋，一切都返唔到轉頭。
得兩條路，一係離婚，一係就嘗試自己首先踏出第一步，睇下對方會否有所改變。
唔好再埋怨對方住，先改變自己
試下放低個小朋友，放返多d注意力落佢度
諗返下結婚前自己點樣氹佢
兩公婆放低個小朋友拍下拖
我明白個小朋友仲細需要照顧
但你要知道放低小朋友俾人湊一日兩日佢唔會死
而且仔女大咗係會離開我地嘅
唯有身邊個個先會陪自己一世
所以應該點樣平衡投資
自己諗下啦

如果同老公關係唔好
你同奶奶關係一世都唔會變